METTHIU 11
11
Duiluploumei Jahon rui Ndiu Guangmei nunc
(Luk 7.18-35)
1Mi kumna pat khwan e: Jisu kaziap ruhna kanei khou tei dinclou tang lana, kaniw tuang kaidai guay khou nchamlou khang khatni chamv dinh khang mi khou tei rui tat pat khwan e.
2Jahon Khrista tuang taanv guay tei kangkai khou rui chu lana kaziap nunc ta ndiu guangna, 3“Guang nimeipu kiu nang the ni, hamh e thei mi kiu baihmei di he cho?” twna kakhou thanv the.
4Jisu rui mundawna sa the, “Nangniw rui chu kanmei khatni how kanmei tei Jahon khou guang salou ti tho: 5Mik tiatmei nunc how dat bam the, phay baumei nunc tat dat bam the, mphaanhmei nunc ta sw nthanlou#sw nthanlou: Mi rapuat phunghmei nunc ta nthan makmei nunc e twna laa bam tina e.(8.2 tei zauc o). dat bam the, nu ndymei nunc chu dat bam the, theihmei nunc ta tiringcthaulou dat bam the, khatni lungcsimei nunc khou gaychamv dinclou bam the.#Isa 35.5-6; 61.1 6Akhou phaysuy makpui mei tei sangaymei e.”
7Jahon ziap nunc tei tat dat kan khou, Jisu rui Jahon lam khou, meic kangdai khou tei sa the, “Nangniw tazikramv khou tei tabui ta zauh khang pat tu cho? Mpwan aliu kalung bammei ntou bang ta zauh khang cho? 8Hei tei hamh e thei, tabui ta zauh khang nangniw pat tu cho? Pheynuaih piumei ta zauh khang cho? Zauclo, pheynuaih piumei nunc thu guanghkai nunc khou bam tuang de. 9Kum e thei, tabui ta zauh khang pat tu cho? Muhzwng ta zauh khang cho? Ngguay, ai rui nangniw khou sa tu e: muhzwng suangc daihmei ta zauh khang e.
10‘Zauclo, ai rui atuang latdiumei
nang hu khou ndiulou e,
kamei rui nang hu khou nang khang chaeng kasiamhlou puni,’
twna hyloumei tei mi pu lam khou hei the.#Mal 3.1
11“Ai rui nangniw khou kaling siakna sa tuang e: ntumei rui puanhmei pang khou Duiluploumei Jahon suangc daihmei lungc guang mak he; tiki tingkauh guangcdic khou nthyam liangmei tei kakhang suangc daic e. 12Jahon rui duiluploumei khou tei rui thauna ntaw nganv, tingkauh guangcdic hei baantan patna adow gut bam e,#baantan patna adow gut bam e; hamh e thei baantan patna adowmei ta akhangv bam e. kumna pumtan naimei nunc rui mi hei asutna laa the.#Luk 16.16 13Kalam thu Jahon guang mak saanv muhzwng nunc khatni Riakdanv rui dinc kasuakclou the. 14Nangniw laalou nii e thei, guang punimei Elija kiu kamei hei the.#Mal 4.5; Met 17.10-13; Mrk 9.11-13 15Nukuanc naimei kathuic chu kan diu.
16“Mi meikin ti hei tabui lev kida nina cho? Kaniw hei alauc nunc kaithyan bamv bamv khou dungcna, 17‘Aniw nangniw khang alim muanlou e, tiki nangniw alaamh mak ge; aniw rui theih lu suanlou e, tiki nangniw latlu mak ge,’ twna khat khat khou kauc bammei tei di the. 18Kalam thu Jahon tei guangna tu mak zangv makna lungc tiki, ‘kakhou ravsic gut tina e,’ twna kaniw rui sa e. 19Meic Nac Mpouh guangna tu zangvna lungc tiki, ‘Zauclo, tu nii zangv niipui mei, zouh mbamei, dihkhav kakhamei khatni paapcmei nunc pam’ twna kaniw rui sa e. Tiki Ravguangc tuang ningting ta thu nchumh e twmei kataanv rui lyan e.”
Lungh Laih Makmei Kaidai nunc Sansi e dav!
(Luk 10.13-15)
20Khoutei Jisu rui katuang ngamv daihmei taanv geihmei taanclou kanmei kaidai nunc ta luh thau the. Kalam thu kaniw lungh laih mak khwan e. 21“He Korazin, nang hei sansi e dav! He Bethsaida, nang hei sansi e dav! Nangney khou taanclou kanmei ngamv daihmei taanv guay tei Tur lev Sidon kaidai khou taanclou bam khwan e thei, kaney thu pheiga piuna, mbut lowna theidouc rui lungh laic kan ni tuang di the.#Isa 23.1-18; Eze 26.1—28.26; Jol 3.4-8; Amo 1.9-10; Zek 9.2-4 22Ai rui nangney khou sa e: latzan tingmik nungc kiu nangney tuang latzan hei Tur lev Sidon tuang latzan suangc nrit puni. 23He Kapharnahum, nang ta tingkauh puanc ku tangcloumei ta nang kahaw bu cho? Nang ta taruaih khou zay keylou puni. Nang khou taanclou kanmei ngamv daihmei taanv guay tei Sodom khou taanclou bam khwan e thei, mi kaidai tei ntaw nganv nai bam kan ni tuang e.#Isa 14.13-15; Tha 19.24-28 24Ai rui nangniw khou sa tuang e: Latzan tingmik nungc kiu nangniw tuang latzan hei Sodom tuang latzan suangc nrit puni.”#Met 10.15; Luk 10.12
Akhou Guangna Zaeng Nthaekc go
(Luk 10.21-22)
25Mi ganv khou tei Jisu rui sa the, “He apu, tingkauh khatni kandih kaipouc, nang rui mi guay hei ningtyngmei nunc khou nkamhlouna angana nunc khou ndauhloumei khang rui nang ta thuancku e. 26Ngguay apu, mi hei nang rui ningmei e.
27“Kaguayna apu rui akhou tiilou the. Pu tei hamhna gaanv khat na sini Nah Mpouh ta thay mak ge khatni Nah Mpouh tei rui kata ndauhlou khang kapahloumei nunc tei hamhna gaanv khat na sini Pu ta tei thay mak ge.#Jhn 3.35; 1.18; 10.15
28“Taanv ranvna taancna khatni puat nritmei phungcna lakmeithiu, nangniw akhou guang o, ai rui nangniw ta ti-nthaekclou puni. 29Atuang puat hei nangniw laa thauna phungc o, kumna akhou rui ncham o. Kalam thu ai hei lungh nzaenghmei e khatni lungh niamhmei e, kumna nangniw zaeng nthaekcmei laatow puni.#Jer 6.16 30Kalam thu, ai rui nangniw ta tiphungc nimei puat hei chiw e khatni nthaan e.”
Currently Selected:
METTHIU 11: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
METTHIU 11
11
Duiluploumei Jahon rui Ndiu Guangmei nunc
(Luk 7.18-35)
1Mi kumna pat khwan e: Jisu kaziap ruhna kanei khou tei dinclou tang lana, kaniw tuang kaidai guay khou nchamlou khang khatni chamv dinh khang mi khou tei rui tat pat khwan e.
2Jahon Khrista tuang taanv guay tei kangkai khou rui chu lana kaziap nunc ta ndiu guangna, 3“Guang nimeipu kiu nang the ni, hamh e thei mi kiu baihmei di he cho?” twna kakhou thanv the.
4Jisu rui mundawna sa the, “Nangniw rui chu kanmei khatni how kanmei tei Jahon khou guang salou ti tho: 5Mik tiatmei nunc how dat bam the, phay baumei nunc tat dat bam the, mphaanhmei nunc ta sw nthanlou#sw nthanlou: Mi rapuat phunghmei nunc ta nthan makmei nunc e twna laa bam tina e.(8.2 tei zauc o). dat bam the, nu ndymei nunc chu dat bam the, theihmei nunc ta tiringcthaulou dat bam the, khatni lungcsimei nunc khou gaychamv dinclou bam the.#Isa 35.5-6; 61.1 6Akhou phaysuy makpui mei tei sangaymei e.”
7Jahon ziap nunc tei tat dat kan khou, Jisu rui Jahon lam khou, meic kangdai khou tei sa the, “Nangniw tazikramv khou tei tabui ta zauh khang pat tu cho? Mpwan aliu kalung bammei ntou bang ta zauh khang cho? 8Hei tei hamh e thei, tabui ta zauh khang nangniw pat tu cho? Pheynuaih piumei ta zauh khang cho? Zauclo, pheynuaih piumei nunc thu guanghkai nunc khou bam tuang de. 9Kum e thei, tabui ta zauh khang pat tu cho? Muhzwng ta zauh khang cho? Ngguay, ai rui nangniw khou sa tu e: muhzwng suangc daihmei ta zauh khang e.
10‘Zauclo, ai rui atuang latdiumei
nang hu khou ndiulou e,
kamei rui nang hu khou nang khang chaeng kasiamhlou puni,’
twna hyloumei tei mi pu lam khou hei the.#Mal 3.1
11“Ai rui nangniw khou kaling siakna sa tuang e: ntumei rui puanhmei pang khou Duiluploumei Jahon suangc daihmei lungc guang mak he; tiki tingkauh guangcdic khou nthyam liangmei tei kakhang suangc daic e. 12Jahon rui duiluploumei khou tei rui thauna ntaw nganv, tingkauh guangcdic hei baantan patna adow gut bam e,#baantan patna adow gut bam e; hamh e thei baantan patna adowmei ta akhangv bam e. kumna pumtan naimei nunc rui mi hei asutna laa the.#Luk 16.16 13Kalam thu Jahon guang mak saanv muhzwng nunc khatni Riakdanv rui dinc kasuakclou the. 14Nangniw laalou nii e thei, guang punimei Elija kiu kamei hei the.#Mal 4.5; Met 17.10-13; Mrk 9.11-13 15Nukuanc naimei kathuic chu kan diu.
16“Mi meikin ti hei tabui lev kida nina cho? Kaniw hei alauc nunc kaithyan bamv bamv khou dungcna, 17‘Aniw nangniw khang alim muanlou e, tiki nangniw alaamh mak ge; aniw rui theih lu suanlou e, tiki nangniw latlu mak ge,’ twna khat khat khou kauc bammei tei di the. 18Kalam thu Jahon tei guangna tu mak zangv makna lungc tiki, ‘kakhou ravsic gut tina e,’ twna kaniw rui sa e. 19Meic Nac Mpouh guangna tu zangvna lungc tiki, ‘Zauclo, tu nii zangv niipui mei, zouh mbamei, dihkhav kakhamei khatni paapcmei nunc pam’ twna kaniw rui sa e. Tiki Ravguangc tuang ningting ta thu nchumh e twmei kataanv rui lyan e.”
Lungh Laih Makmei Kaidai nunc Sansi e dav!
(Luk 10.13-15)
20Khoutei Jisu rui katuang ngamv daihmei taanv geihmei taanclou kanmei kaidai nunc ta luh thau the. Kalam thu kaniw lungh laih mak khwan e. 21“He Korazin, nang hei sansi e dav! He Bethsaida, nang hei sansi e dav! Nangney khou taanclou kanmei ngamv daihmei taanv guay tei Tur lev Sidon kaidai khou taanclou bam khwan e thei, kaney thu pheiga piuna, mbut lowna theidouc rui lungh laic kan ni tuang di the.#Isa 23.1-18; Eze 26.1—28.26; Jol 3.4-8; Amo 1.9-10; Zek 9.2-4 22Ai rui nangney khou sa e: latzan tingmik nungc kiu nangney tuang latzan hei Tur lev Sidon tuang latzan suangc nrit puni. 23He Kapharnahum, nang ta tingkauh puanc ku tangcloumei ta nang kahaw bu cho? Nang ta taruaih khou zay keylou puni. Nang khou taanclou kanmei ngamv daihmei taanv guay tei Sodom khou taanclou bam khwan e thei, mi kaidai tei ntaw nganv nai bam kan ni tuang e.#Isa 14.13-15; Tha 19.24-28 24Ai rui nangniw khou sa tuang e: Latzan tingmik nungc kiu nangniw tuang latzan hei Sodom tuang latzan suangc nrit puni.”#Met 10.15; Luk 10.12
Akhou Guangna Zaeng Nthaekc go
(Luk 10.21-22)
25Mi ganv khou tei Jisu rui sa the, “He apu, tingkauh khatni kandih kaipouc, nang rui mi guay hei ningtyngmei nunc khou nkamhlouna angana nunc khou ndauhloumei khang rui nang ta thuancku e. 26Ngguay apu, mi hei nang rui ningmei e.
27“Kaguayna apu rui akhou tiilou the. Pu tei hamhna gaanv khat na sini Nah Mpouh ta thay mak ge khatni Nah Mpouh tei rui kata ndauhlou khang kapahloumei nunc tei hamhna gaanv khat na sini Pu ta tei thay mak ge.#Jhn 3.35; 1.18; 10.15
28“Taanv ranvna taancna khatni puat nritmei phungcna lakmeithiu, nangniw akhou guang o, ai rui nangniw ta ti-nthaekclou puni. 29Atuang puat hei nangniw laa thauna phungc o, kumna akhou rui ncham o. Kalam thu ai hei lungh nzaenghmei e khatni lungh niamhmei e, kumna nangniw zaeng nthaekcmei laatow puni.#Jer 6.16 30Kalam thu, ai rui nangniw ta tiphungc nimei puat hei chiw e khatni nthaan e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.