METTHIU 10
10
Jisu Ziap Ruhna Kanei Zanc
(Mrk 3.13-19; Luk 6.12-16)
1Kamei rui kaziap ruhna kanei ta kaw patna simei bumaengc guay ta nthau ganh khang khatni ravpuat guay khatni sunu guay tigay khang kaniw khou ngamv tiilou the. 2Latdiutatmei ruhna kanei zanc kiu mi hei e: reymei khou, Pitar twna kawmei Simon khatni kakainac Andriu; Zebedi nac Jakob khatni Jahon; 3Philip khatni Bartholomiu; Thomas khatni dihkhav kakhamei Metthiu; Alphia nac Jakob khatni Thaddia; 4Kananai kawmei Simon khatni Jisu ta zuanctumei Juda Iskariot.
Ziap nunc ta Ndiu Patmei
(Mrk 6.7-13; Luk 9.1-6)
5Mi ruhna kanei ti hei Jisu rui ndiulouna, kaniw khou mi kumcna kadylou the: “Nangniw Zentelmei khou tat riu, Samariamei tuang kaidai guay khou ni tat riu; 6tiki maan kanmei lauziu—Isaraelmei khou tat ro. 7Nangniw tatna, ‘Tingkauh guangcdic ana the,’ twna dinc tat ro.#Luk 10.4-12 8Nnaumei ta tigay o, theihmei ta tiringcthau o, mphaanhmei ta tigay o, ravsic guay ta nthau ganc o. Nangniw kamanv tii makna laa the, kamanv laa makna tii o. 9Nangniw bungkam khou syan—kachaekc tuang ni, daandi tuang ni, kuanri tuang ni phungh riu. 10Nggin khau ni phungh riu; thiula saplai lev phaythuapc ni phungh riu; builwang ni sin riu. Taanv taanhpui mei khang thu kabung khang tiilou puni.#1 Ko 9.14; 1 Ti 5.18
11“Kaidai khou pw ni, namv khou pw ni, nangniw gut pwkhou, nangniw bangvloumei kai khang phu o, kumna nangniw tat dat mak saanv mi kai khou tei bam o. 12Mi kai khou tei nangniw gut pwkhou chuzaenghmei suaihiam suaiclou o. 13Mi kai tei nangniw ta riulou e thei, nangniw tuang chuzaenghmei tei mi kai khou tei nai bam kan diu; tiki nangniw ta riulou mak ge thei nangniw tuang chuzaenghmei tei nangniw khou hanc guang dat kan diu. 14Nangniw ta laalou mak ge thei khatni nangniw lat nkinglou mak ge thei, nangniw mi kai khou tei rui hamh e thei mi kaidai khou tei rui tat pat dat ni khou, nangniw phay niang tei kadiw keylou ducna tat ro.#Lat 13.51 15Ai rui nangniw khou kaling siakna sa tuang e: latzan tingmik nungc kiu mi kaidai tuang latzan tei Sodom lev Gomora tuang latzan suangc nrit puni.#Met 11.24; Tha 19.24-28
Rairiumei Guang Nimei
(Mrk 13.9-13; Luk 21.12-17)
16“Zauclo, nangniw ta, lauziu ta angiw pang khou ndiulou kumc ndiulou tuang e. Hei zaeng rui nangniw nrui kumc ntak nrak go khatni akhouhna kumc nriakc go.#Luk 10.3 17Nangniw suriak thay o; meic nunc rui nangniw ta peikai khou tiilou puni khatni kaniw tuang sinagog khou bai puni.#Mrk 13.9-11; Luk 12.11-12; 21.12-15 18Alam khou rui nangniw ta guanghkhyn nunc khatni guangh nunc hu khou zay guang puni. Hei tei rui kaniw khou khatni Zentelmei nunc khou nangniw alam khou dinclou khang e. 19Kaniw rui nangniw ta latzan bamv khou zay guang pwkhou, tabui lat sa nina cho khatni tabui kumhna sa nina cho twna lungh katuakc riu. Nangniw sa nimei lat kadyng khou tiilou puni. 20Kalam thu, nangniw rui sa nina hamh e; nangniw Pu tuang Bumaengc tei rui nangniw ta tisa nina de.
21“Chana rui kachana ta, khatni pu rui kanac ta swluai khang tii pat puni. Nah nunc rui kapui kapu ta akhangv adangvna swluai puni.#Mrk 13.12; Luk 21.16 22Nangniw ta meic guay rui, azaeng rui karaeng puni, tiki katwan nganvna khaengv ngampui mei ta tei kanlou puni.#Met 24.9,13; Mrk 13.13; Luk 21.17 23Nangniw ta kaidai akhat khou rai pw e thei, baihmei kaidai akhat thangc pak tat ro. Ai rui nangniw khou kaling siakna sa tuang e: Meic Nac Mpouh guang makmei hu khou nangniw Isarael tuang kaidai guay khou taanc liklou ngam ni tu hamh e.
24“Ziap akhat tei kata nchamloumeipu suangc mbu mak ge; bangh tei ni kakaipouc suangc mbu mak ge.#Luk 6.40; Jhn 13.16; 15.20 25Ziap akhat tei kata nchamloumeipu khatni bangh tei kakaipouc kumc e thei biuc the. Tamvpypouc ta Bilzebul#Bilzebul hei ravsic zanc e twna kaw e thei, kakai kaikhunhmei nunc ta thu mi suangc adih sina kaw puni tha!#Met 9.34; 12.24; Mrk 3.22; Luk 11.15
Thow ta Ping Nina Cho?
(Luk 12.2-7)
26“Hei zaeng rui, kaniw ta ping riu. Ntaw gum binlou bammei hei laanc pat pu ni, khatni nkamhlou bammei hei ndauh pat puni.#Mrk 4.22; Luk 8.17 27Ai rui nangniw khou zingh khou saloumei hei, nangniw kalaanv gaanh khou sa nina e; nangniw nukuanc khou suaina saloumei hei, kainam khou rui kauc nina e. 28Meic pumc ta swluai ngam sini bumaengh ta thu swluai ngam makmei nunc ta tei ping riu; tiki pumh ta ni bumaengh ta ni maikwam khou swmaan ngammeipu ta ping o. 29Tingkavna kanei manv paic akhat na hamhna cho? Kum sini, nangniw Pu rui nuhloumei maekna tingkavna akhat na sini kandih khou taek key ni tu hamh e. 30Nangniw ta thu nangniw tuang sam lu guay nganv kasing chaklou bam tuang de. 31Hei zaeng rui, ping riu; nangniw thu tingkavna mpeyna khang suangc sini kamanv kunghmei de.
Khrista ta Sa-ndauhmei
(Luk 12.8-9)
32“Thowkumhmei, kamei amei e twna meic nunc hu khou sa ndauhpui mei ta tei, ai rui ni tingkauh thangc bammei aPu hu khou kata amei e twna sa puni. 33Tiki meic nunc hu khou kamei amei hamh e twna sapui mei ta tei, ai rui ni tingkauh thangc bammei aPu hu khou kamei amei hamh e twna sa puni.#2 Ti 2.12
Chuzaenghmei Hamhna Suc Rih de
(Luk 12.51-53; 14.26-27)
34“Ai guangmei hei kandih khou chuzaenghmei phungc guang tuang e twna ning riu. Ai guangmei hei chuzaenghmei phungc guang khang hamh e; suc-rih phungc guang khang de. 35Kalam thu ai guangmei hei kanac lev kapu kak khou, kanac aluh lev kapui kak khou, kamauc lev kaneic kak khou tizauczihlou khang de. 36Kaikhunh akhat na khou khat khat ta zauczih puni the.
37“Ata suangc kapui kapu ta nzian mbupui mei tei amei sw khang biuh mak ge; ata suangc kanac mpouh aluh ta nzian mbupui mei tei amei sw khang biuh mak ge. 38Khatni katuang kros phungcna athei lay makpui mei tei amei sw khang biuh mak ge.#Met 16.24; Mrk 8.34; Luk 9.23 39Thow pw ni karingcpaan daekloupui mei tei, hei tei maan puni; tiki thow pw ni akhang rui karingcpaan maanloupui mei tei ringhpaan laatow puni.#Met 16.25; Mrk 8.35; Luk 9.24; 17.33; Jhn 12.25
Swan
(Mrk 9.41)
40“Nangniw ta laaloupui mei tei ata laalou tu e, khatni ata laaloupui mei tei ata ndiu guangmeipu ta laalou tu e.#Mrk 9.37; Luk 9.48; 10.16; Jhn 13.20 41Muhzwng akhat ta muhzwng e twna laaloupui mei tei muhzwng tuang swan lay laa puni, khatni ravchaptatmeipu ta kamei ravchaptatmei e twna laaloupui mei tei ravchaptatmeipu tuang swan lay laa puni. 42Mi nthyammei nunc ti hei sini kamei aziap be twna duichu buangc sini tiiloupui mei tei, ai rui kaling siakna sa tuang e: Katuang swan khat sini maan lak ge.”
Currently Selected:
METTHIU 10: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
METTHIU 10
10
Jisu Ziap Ruhna Kanei Zanc
(Mrk 3.13-19; Luk 6.12-16)
1Kamei rui kaziap ruhna kanei ta kaw patna simei bumaengc guay ta nthau ganh khang khatni ravpuat guay khatni sunu guay tigay khang kaniw khou ngamv tiilou the. 2Latdiutatmei ruhna kanei zanc kiu mi hei e: reymei khou, Pitar twna kawmei Simon khatni kakainac Andriu; Zebedi nac Jakob khatni Jahon; 3Philip khatni Bartholomiu; Thomas khatni dihkhav kakhamei Metthiu; Alphia nac Jakob khatni Thaddia; 4Kananai kawmei Simon khatni Jisu ta zuanctumei Juda Iskariot.
Ziap nunc ta Ndiu Patmei
(Mrk 6.7-13; Luk 9.1-6)
5Mi ruhna kanei ti hei Jisu rui ndiulouna, kaniw khou mi kumcna kadylou the: “Nangniw Zentelmei khou tat riu, Samariamei tuang kaidai guay khou ni tat riu; 6tiki maan kanmei lauziu—Isaraelmei khou tat ro. 7Nangniw tatna, ‘Tingkauh guangcdic ana the,’ twna dinc tat ro.#Luk 10.4-12 8Nnaumei ta tigay o, theihmei ta tiringcthau o, mphaanhmei ta tigay o, ravsic guay ta nthau ganc o. Nangniw kamanv tii makna laa the, kamanv laa makna tii o. 9Nangniw bungkam khou syan—kachaekc tuang ni, daandi tuang ni, kuanri tuang ni phungh riu. 10Nggin khau ni phungh riu; thiula saplai lev phaythuapc ni phungh riu; builwang ni sin riu. Taanv taanhpui mei khang thu kabung khang tiilou puni.#1 Ko 9.14; 1 Ti 5.18
11“Kaidai khou pw ni, namv khou pw ni, nangniw gut pwkhou, nangniw bangvloumei kai khang phu o, kumna nangniw tat dat mak saanv mi kai khou tei bam o. 12Mi kai khou tei nangniw gut pwkhou chuzaenghmei suaihiam suaiclou o. 13Mi kai tei nangniw ta riulou e thei, nangniw tuang chuzaenghmei tei mi kai khou tei nai bam kan diu; tiki nangniw ta riulou mak ge thei nangniw tuang chuzaenghmei tei nangniw khou hanc guang dat kan diu. 14Nangniw ta laalou mak ge thei khatni nangniw lat nkinglou mak ge thei, nangniw mi kai khou tei rui hamh e thei mi kaidai khou tei rui tat pat dat ni khou, nangniw phay niang tei kadiw keylou ducna tat ro.#Lat 13.51 15Ai rui nangniw khou kaling siakna sa tuang e: latzan tingmik nungc kiu mi kaidai tuang latzan tei Sodom lev Gomora tuang latzan suangc nrit puni.#Met 11.24; Tha 19.24-28
Rairiumei Guang Nimei
(Mrk 13.9-13; Luk 21.12-17)
16“Zauclo, nangniw ta, lauziu ta angiw pang khou ndiulou kumc ndiulou tuang e. Hei zaeng rui nangniw nrui kumc ntak nrak go khatni akhouhna kumc nriakc go.#Luk 10.3 17Nangniw suriak thay o; meic nunc rui nangniw ta peikai khou tiilou puni khatni kaniw tuang sinagog khou bai puni.#Mrk 13.9-11; Luk 12.11-12; 21.12-15 18Alam khou rui nangniw ta guanghkhyn nunc khatni guangh nunc hu khou zay guang puni. Hei tei rui kaniw khou khatni Zentelmei nunc khou nangniw alam khou dinclou khang e. 19Kaniw rui nangniw ta latzan bamv khou zay guang pwkhou, tabui lat sa nina cho khatni tabui kumhna sa nina cho twna lungh katuakc riu. Nangniw sa nimei lat kadyng khou tiilou puni. 20Kalam thu, nangniw rui sa nina hamh e; nangniw Pu tuang Bumaengc tei rui nangniw ta tisa nina de.
21“Chana rui kachana ta, khatni pu rui kanac ta swluai khang tii pat puni. Nah nunc rui kapui kapu ta akhangv adangvna swluai puni.#Mrk 13.12; Luk 21.16 22Nangniw ta meic guay rui, azaeng rui karaeng puni, tiki katwan nganvna khaengv ngampui mei ta tei kanlou puni.#Met 24.9,13; Mrk 13.13; Luk 21.17 23Nangniw ta kaidai akhat khou rai pw e thei, baihmei kaidai akhat thangc pak tat ro. Ai rui nangniw khou kaling siakna sa tuang e: Meic Nac Mpouh guang makmei hu khou nangniw Isarael tuang kaidai guay khou taanc liklou ngam ni tu hamh e.
24“Ziap akhat tei kata nchamloumeipu suangc mbu mak ge; bangh tei ni kakaipouc suangc mbu mak ge.#Luk 6.40; Jhn 13.16; 15.20 25Ziap akhat tei kata nchamloumeipu khatni bangh tei kakaipouc kumc e thei biuc the. Tamvpypouc ta Bilzebul#Bilzebul hei ravsic zanc e twna kaw e thei, kakai kaikhunhmei nunc ta thu mi suangc adih sina kaw puni tha!#Met 9.34; 12.24; Mrk 3.22; Luk 11.15
Thow ta Ping Nina Cho?
(Luk 12.2-7)
26“Hei zaeng rui, kaniw ta ping riu. Ntaw gum binlou bammei hei laanc pat pu ni, khatni nkamhlou bammei hei ndauh pat puni.#Mrk 4.22; Luk 8.17 27Ai rui nangniw khou zingh khou saloumei hei, nangniw kalaanv gaanh khou sa nina e; nangniw nukuanc khou suaina saloumei hei, kainam khou rui kauc nina e. 28Meic pumc ta swluai ngam sini bumaengh ta thu swluai ngam makmei nunc ta tei ping riu; tiki pumh ta ni bumaengh ta ni maikwam khou swmaan ngammeipu ta ping o. 29Tingkavna kanei manv paic akhat na hamhna cho? Kum sini, nangniw Pu rui nuhloumei maekna tingkavna akhat na sini kandih khou taek key ni tu hamh e. 30Nangniw ta thu nangniw tuang sam lu guay nganv kasing chaklou bam tuang de. 31Hei zaeng rui, ping riu; nangniw thu tingkavna mpeyna khang suangc sini kamanv kunghmei de.
Khrista ta Sa-ndauhmei
(Luk 12.8-9)
32“Thowkumhmei, kamei amei e twna meic nunc hu khou sa ndauhpui mei ta tei, ai rui ni tingkauh thangc bammei aPu hu khou kata amei e twna sa puni. 33Tiki meic nunc hu khou kamei amei hamh e twna sapui mei ta tei, ai rui ni tingkauh thangc bammei aPu hu khou kamei amei hamh e twna sa puni.#2 Ti 2.12
Chuzaenghmei Hamhna Suc Rih de
(Luk 12.51-53; 14.26-27)
34“Ai guangmei hei kandih khou chuzaenghmei phungc guang tuang e twna ning riu. Ai guangmei hei chuzaenghmei phungc guang khang hamh e; suc-rih phungc guang khang de. 35Kalam thu ai guangmei hei kanac lev kapu kak khou, kanac aluh lev kapui kak khou, kamauc lev kaneic kak khou tizauczihlou khang de. 36Kaikhunh akhat na khou khat khat ta zauczih puni the.
37“Ata suangc kapui kapu ta nzian mbupui mei tei amei sw khang biuh mak ge; ata suangc kanac mpouh aluh ta nzian mbupui mei tei amei sw khang biuh mak ge. 38Khatni katuang kros phungcna athei lay makpui mei tei amei sw khang biuh mak ge.#Met 16.24; Mrk 8.34; Luk 9.23 39Thow pw ni karingcpaan daekloupui mei tei, hei tei maan puni; tiki thow pw ni akhang rui karingcpaan maanloupui mei tei ringhpaan laatow puni.#Met 16.25; Mrk 8.35; Luk 9.24; 17.33; Jhn 12.25
Swan
(Mrk 9.41)
40“Nangniw ta laaloupui mei tei ata laalou tu e, khatni ata laaloupui mei tei ata ndiu guangmeipu ta laalou tu e.#Mrk 9.37; Luk 9.48; 10.16; Jhn 13.20 41Muhzwng akhat ta muhzwng e twna laaloupui mei tei muhzwng tuang swan lay laa puni, khatni ravchaptatmeipu ta kamei ravchaptatmei e twna laaloupui mei tei ravchaptatmeipu tuang swan lay laa puni. 42Mi nthyammei nunc ti hei sini kamei aziap be twna duichu buangc sini tiiloupui mei tei, ai rui kaling siakna sa tuang e: Katuang swan khat sini maan lak ge.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.