METTHIU 12
12
Sabbathneic lam khou Dincloumei
(Mrk 2.23-28; Luk 6.1-5)
1Kaganv akhat khou Jisu Sabbathneic laupuk khou tat ruan pat khwan e. Kaziap nunc tei ndaapc khwan the, kumna gehu chuncna tu thau khwan the.#Ria 23.25 2Hei tei Pharisimei nunc rui how lana Jisu khou, “Zauclo, nang ziap nunc Sabbathneic taan nupui taanv taanc bam e,” twna sa the.
3Khoutei Jisu rui kaniw khou sa the, “David khatni kamei nunc tei ndaapcpui ganv khou David rui tabui sw kan tu cho twmei hylou bammei tei nangniw pah makna cho?#1 Sa 21.1-6 4Akumhna kamei Ravguangc kai khou gutna amuh nunc na hamhna kamei ni, kamei nunc ni tu numei khaengloupui tyan tei tu kan tu cho?#Lev 24.9 5Sabbathneic ravkai lungc khou bammei amuh nunc rui Sabbathneic ngaek mak sini nkhuai mak ge twmei nangniw Riakdanv khou tei pah mak he nah cho?#Sin 28.9-10 6Ai rui nangniw khou sa tuang e: Ravkai khang suangc daihmei mi khou hei bam e. 7‘Ai kahawmei thu zauzian ta de, khaengmei ta hamh e,’ twna samei kabac hei nangniw thay khwan e thei, kakhuay maekmei nunc ta nkhuai e twna nangniw sa bam lak ni tuang e.#Met 9.13; Hos 6.6 8Kalam thu, Meic Nac Mpouh hei Sabbathneic tuang kaipouc e.”
Kabaanc Theihmeipu ta Tigayloumei
(Mrk 3.1-6; Luk 6.6-11)
9Jisu mi bamv khou tei rui tat pat lana kaniw tuang sinagog khou gut khwan e. 10Kumna zauclo, mi khou tei kabaanc kabiak khat theihmeipu gaanv khat bam khwan e. Khoutei, “Sabbathneic tigaymei hei kariak thei layna nuh ni nuh mak cho?” twna kaniw rui Jisu khou kakhuay phuna thanv khwan e.
11Khoutei Jisu rui kaniw khou sa the, “Nangniw thowkumhmei tuang lauziu akhat Sabbathneic khunh khou keylou bam e thei, kamei hei tei zay thau dat pu lak nah cho?#Luk 14.5 12Kum e thei, maansei hei thu lauziu khang suangc adih kungc kan tha? Hei zaeng rui, Sabbathneic gaymei taanv taanhmei hei kariak thei layna nkhuai mak ge.” 13Khoutei Jisu rui mi pu khou tei, “Nang baanc ntyng pat ro,” twna sa the. Khoutei kabaanc ntyng pat the. Kumna kabaanc akhat tei kumcna gay dat the.
14Khoutei Pharisimei nunc tei tat pat lana Jisu ta swluai khang kaphianh the.
Ravguangc rui Kapahloumei Bangc
15Hei tei thay lana, Jisu mi khou tei rui tat pat kan the. Khoutei meic mpeyna kathei lay tat the, kumna kamei rui kaniw guay ta tigaylou the. 16Kalam khou rac tat nuh mak ge twna kaniw khou kadylou the. 17Mi hei muhzwng Isaia khou mi kumcna saloumei tei guang tangh khang the:
18“Zauclo, ai rui kapahloumei abangc ta,
ai pianmei ai nzianmeipu ta.
Ai rui kakhou abumaengc tiilou puni;
kamei rui zaatc guay khou,
nchumhmei latzan kauc ndauh puni.#Isa 42.1-4
19Kamei agina ni kaucna ni bam ni tu hamh e;
Meic gaanv khat na sini,
kakhwan chaengdai khou chu ni tu hamh e.
20Buap bammei ntou bang ta kamei sw bau ganc lak ge;
khou luih lui na bammei mairiang ta kamei sw amit ni tu hamh e,
kamei rui nchumhmei latzan rui tingamlou mak saanv;
21kumna zaatc guay rui kakhou
lwmlou bam puni.”
Jisu ta Ravsic Gutmei khang Nkhammei
(Mrk 3.20-30; Luk 11.14-23)
22Mi tangv kamik tiat, lat sa thay mak twmei, ravsic gutmeipu gaanv khat ta Jisu daeng khou phungc guang khwan e. Jisu rui tigaylou tina mi pu tei lat sa dat the khatni how dat the. 23Khoutei meic guay tei ngak the, kumna “Kamei hei David Nac Mpouh kiu lana the ny?” twna sa the.
24Pharisimei nunc rui hei tei chu lana, “Mi pu hei rui ravsic nunc ta nthau patmei hei ravsic guay tuang kaipouc Bilzebul ngamv rui de,” twna sa the.#Met 9.34; 10.25
25Jisu rui kaniw lungning tei thay lana kaniw khou sa the, “Kalangv patna khat khat ta howthou kanmei guangcdic tei mut re, khatni khat khat ta howthouna kalangv pat kanmei kaidai hamh e thei kaikhunc tei ding ngam ni tu hamh e. 26Kumna Seitaan rui Seitaan ta nthau pat re thei karana kata sw bak the; kum e thei akumhna kaguangcdic ding ngam nina cho? 27Ai rui Bilzebul paan rui ravsic nunc ti hei nthau pat tuang e thei, nangniw nac nunc thu tabui paan rui ravsic nunc ta nthau ganh tu cho? Hei zaeng rui kaniw rui nangniw tuang latzanpouc nunc sw puni the. 28Tiki ai rui ravsic nunc ta nthau ganhmei hei Ravguangc tuang Bumaengc rui e. Mi rui lyanmei thu Ravguangc guangcdic nangniw khou guang tangc the twmei tuang e.
29“Hamh e thei kapumc tanhmei meic gaanv khat kai khou gutna kai nuam ni tw e thei, kapumc tanhmeipu ta tei karakclou rey mak ge thei kakai gut ngam mak ge. Karakclou rey tang khou rui kakai nuam nina de.
30“Abiak liangh makpui mei tei ata howmumei e, khatni ai khuam kaduaimei khou kazauh makpui mei tei hac ganhmei nunc e#Mrk 9.40 31Hei zaeng rui ai rui nangniw khou sa tuang e: Meic nunc paap guay khatni Ravguangc ta sa kasicmei#Ravguangc ta sakasicmei; hamh e thei simei lat saloumei. guay tei kuaklou nuh de. Tiki Bumaengh ta sa kasicpui mei ta tei thu kuaklou mak ge. 32Meic Nac Mpouh ruc khou sina samei ta tei thu kuaklou nuh de, tiki Bumaengh Nthanmei ruc khou sina samei ta tei thu ntaw ni, guang nimei zuk thangc ni, kuaklou dat mak khe.#Luk 12.10
Kabang lev Kathai
(Luk 6.43-45)
33“Kabang tei karav gay ti thei kathai gay the; kabang tei karav si ti thei kathai si the. Kabang ta tei kathai khou tei rui thay the.#Met 7.20; Luk 6.44 34Nangniw nrui nac nunc! Nangniw sina akumhna gaymei lat sa ngam nina cho? Kalam thu lungning khou padikna naimei khou tei rui mwang rui sa pat tuang e.#Met 3.7; 23.33; 15.18; Luk 3.7; 6.45 35Meicgaymeipu tei katuang gaymei lanvkhuk khou rui gaymei nrou pat re, khatni meicsimeipu tei katuang simei lanvkhuk khou rui simei nrou pat re.
36“Ai rui nangniw khou sa tuang e: Latzan tingmik nungc kiu meic nunc rui kakhanh makna saloumei lat kathuic lam tei ni kaniw daw dat puni. 37Kumna nang tuang lat thei layna nang ta latzan sw puni.”
Sw-nchinmei Lyanlou khang Samei
(Mrk 8.11-12; Luk 11.29-32)
38Khoutei mundawna Riakdanv dinhpouc nunc khatni Pharisimei gaanvsaekc rui Jisu khou, “Dinhpouc, sw-nchinmei taanv akhat taancloumei ta aniw kahaw e,” twna sa the.#Met 16.1; Mrk 8.11; Luk 11.16
39Khoutei mundawna kamei rui kaniw khou sa the, “Meicsimei khatni ravchap tat makmei mei nunc hei rui sw nchinmei ta phu e. Muhzwng Jona khou swlou kanmei sw-nchinmei tei hamhna baihmei sw-nchinmei lyanlou ni tu hamh e.#Met 16.4; Mrk 8.12 40Jona tei khavdaih bung lungc khou zingbangc kathumh kalaanv kathumh bam kanmei tei kumcna, Meic Nac Mpouh hei zingbangc kathumh kalaanv kathumh kandih lungc khou bam puni.#Jon 1.17 41Ntaw kin tuang mei nunc ti hei latzan sw pwkhou Ninevemei nunc thauna mi meikin ti hei nkhuaimei e twna sa puni; kalam thu kaniw thu Jona rui latdinc pwkhou lungh laic kan the. Kumna zauclo, Jona khang suangc daihmei mi khou hei bam e.#Jon 3.5 42Mi meikin ta latzan swpui nungc kiu, dihba thangcmei liammavpui thauna mi meikin ti hei nkhuaimei e twna sa puni. Kalam thu kamei Solomon tuang ningting tei nking khang kamei kandih tin thangc rui guang khwan e. Kumna zauclo, Solomon suangc daihmei mi khou hei bam e.#1 Ki 10.1-10; 2 Ki 9.1-12
Simei Bumaengc Hanc Guang Datmei
(Luk 11.24-26)
43“Nthan makmei bumaengc akhat meic gaanv khat khou rui tat pat lana, zaeng nthaekcloupui bamv khang phuna dui maekpui bamv khou ruan tat the, tiki phu tow mak pwkhou, 44‘Ai tat patmei akai khou tei hanc guang dat ni the’ twna sa the. Kumna kamei guang pwkhou mi kai tei gey nthanlouna, lunghpui nanw lou chuy rih rina kairaeng ding bammei ta ariw the. 45Khoutei kamei tat lana kakhang suangc simei bumaengc chanei ta nduangh guangna mi kai khou tei gut lungc the. Kumna mi pu tuang nkhamhmei lwnlung tei rey khou lwnlung khang tei suangc si the. Mi simei meikin khou hei ni mi hei kumcna guanglou puni.”
Jisu Pui khatni Kachana nunc
(Mrk 3.31-35; Luk 8.19-21)
46Jisu rui meic kangdai khou tei lat sa bam khou, kapui lev kachana nunc kata kachuc niina kaizaeng khou ding bam khwan e. 47Kumna meic gaanv khat rui kakhou, “Zauclo, nang pui lev nang chana nunc nang ta kachuc niina kaizaeng khou ding bam e,” twna sa the.#Baanhhy baibal asaekc khou thu kathaek 47 hei maek ge.
48Mundawna Jisu rui mi pu khou tei sa the, “Thow tei apui cho? Thow tei achana cho?” 49Khoutei kaziap nunc ruc khou kabaanc haamv patna sa the, “Zauclo, apui khatni achana nunc kiu mi hei the. 50Kalam thu tingkauh thangc bammei apu rui ningmei taanhpui mei tei achana the khatni apui the.”
Currently Selected:
METTHIU 12: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
METTHIU 12
12
Sabbathneic lam khou Dincloumei
(Mrk 2.23-28; Luk 6.1-5)
1Kaganv akhat khou Jisu Sabbathneic laupuk khou tat ruan pat khwan e. Kaziap nunc tei ndaapc khwan the, kumna gehu chuncna tu thau khwan the.#Ria 23.25 2Hei tei Pharisimei nunc rui how lana Jisu khou, “Zauclo, nang ziap nunc Sabbathneic taan nupui taanv taanc bam e,” twna sa the.
3Khoutei Jisu rui kaniw khou sa the, “David khatni kamei nunc tei ndaapcpui ganv khou David rui tabui sw kan tu cho twmei hylou bammei tei nangniw pah makna cho?#1 Sa 21.1-6 4Akumhna kamei Ravguangc kai khou gutna amuh nunc na hamhna kamei ni, kamei nunc ni tu numei khaengloupui tyan tei tu kan tu cho?#Lev 24.9 5Sabbathneic ravkai lungc khou bammei amuh nunc rui Sabbathneic ngaek mak sini nkhuai mak ge twmei nangniw Riakdanv khou tei pah mak he nah cho?#Sin 28.9-10 6Ai rui nangniw khou sa tuang e: Ravkai khang suangc daihmei mi khou hei bam e. 7‘Ai kahawmei thu zauzian ta de, khaengmei ta hamh e,’ twna samei kabac hei nangniw thay khwan e thei, kakhuay maekmei nunc ta nkhuai e twna nangniw sa bam lak ni tuang e.#Met 9.13; Hos 6.6 8Kalam thu, Meic Nac Mpouh hei Sabbathneic tuang kaipouc e.”
Kabaanc Theihmeipu ta Tigayloumei
(Mrk 3.1-6; Luk 6.6-11)
9Jisu mi bamv khou tei rui tat pat lana kaniw tuang sinagog khou gut khwan e. 10Kumna zauclo, mi khou tei kabaanc kabiak khat theihmeipu gaanv khat bam khwan e. Khoutei, “Sabbathneic tigaymei hei kariak thei layna nuh ni nuh mak cho?” twna kaniw rui Jisu khou kakhuay phuna thanv khwan e.
11Khoutei Jisu rui kaniw khou sa the, “Nangniw thowkumhmei tuang lauziu akhat Sabbathneic khunh khou keylou bam e thei, kamei hei tei zay thau dat pu lak nah cho?#Luk 14.5 12Kum e thei, maansei hei thu lauziu khang suangc adih kungc kan tha? Hei zaeng rui, Sabbathneic gaymei taanv taanhmei hei kariak thei layna nkhuai mak ge.” 13Khoutei Jisu rui mi pu khou tei, “Nang baanc ntyng pat ro,” twna sa the. Khoutei kabaanc ntyng pat the. Kumna kabaanc akhat tei kumcna gay dat the.
14Khoutei Pharisimei nunc tei tat pat lana Jisu ta swluai khang kaphianh the.
Ravguangc rui Kapahloumei Bangc
15Hei tei thay lana, Jisu mi khou tei rui tat pat kan the. Khoutei meic mpeyna kathei lay tat the, kumna kamei rui kaniw guay ta tigaylou the. 16Kalam khou rac tat nuh mak ge twna kaniw khou kadylou the. 17Mi hei muhzwng Isaia khou mi kumcna saloumei tei guang tangh khang the:
18“Zauclo, ai rui kapahloumei abangc ta,
ai pianmei ai nzianmeipu ta.
Ai rui kakhou abumaengc tiilou puni;
kamei rui zaatc guay khou,
nchumhmei latzan kauc ndauh puni.#Isa 42.1-4
19Kamei agina ni kaucna ni bam ni tu hamh e;
Meic gaanv khat na sini,
kakhwan chaengdai khou chu ni tu hamh e.
20Buap bammei ntou bang ta kamei sw bau ganc lak ge;
khou luih lui na bammei mairiang ta kamei sw amit ni tu hamh e,
kamei rui nchumhmei latzan rui tingamlou mak saanv;
21kumna zaatc guay rui kakhou
lwmlou bam puni.”
Jisu ta Ravsic Gutmei khang Nkhammei
(Mrk 3.20-30; Luk 11.14-23)
22Mi tangv kamik tiat, lat sa thay mak twmei, ravsic gutmeipu gaanv khat ta Jisu daeng khou phungc guang khwan e. Jisu rui tigaylou tina mi pu tei lat sa dat the khatni how dat the. 23Khoutei meic guay tei ngak the, kumna “Kamei hei David Nac Mpouh kiu lana the ny?” twna sa the.
24Pharisimei nunc rui hei tei chu lana, “Mi pu hei rui ravsic nunc ta nthau patmei hei ravsic guay tuang kaipouc Bilzebul ngamv rui de,” twna sa the.#Met 9.34; 10.25
25Jisu rui kaniw lungning tei thay lana kaniw khou sa the, “Kalangv patna khat khat ta howthou kanmei guangcdic tei mut re, khatni khat khat ta howthouna kalangv pat kanmei kaidai hamh e thei kaikhunc tei ding ngam ni tu hamh e. 26Kumna Seitaan rui Seitaan ta nthau pat re thei karana kata sw bak the; kum e thei akumhna kaguangcdic ding ngam nina cho? 27Ai rui Bilzebul paan rui ravsic nunc ti hei nthau pat tuang e thei, nangniw nac nunc thu tabui paan rui ravsic nunc ta nthau ganh tu cho? Hei zaeng rui kaniw rui nangniw tuang latzanpouc nunc sw puni the. 28Tiki ai rui ravsic nunc ta nthau ganhmei hei Ravguangc tuang Bumaengc rui e. Mi rui lyanmei thu Ravguangc guangcdic nangniw khou guang tangc the twmei tuang e.
29“Hamh e thei kapumc tanhmei meic gaanv khat kai khou gutna kai nuam ni tw e thei, kapumc tanhmeipu ta tei karakclou rey mak ge thei kakai gut ngam mak ge. Karakclou rey tang khou rui kakai nuam nina de.
30“Abiak liangh makpui mei tei ata howmumei e, khatni ai khuam kaduaimei khou kazauh makpui mei tei hac ganhmei nunc e#Mrk 9.40 31Hei zaeng rui ai rui nangniw khou sa tuang e: Meic nunc paap guay khatni Ravguangc ta sa kasicmei#Ravguangc ta sakasicmei; hamh e thei simei lat saloumei. guay tei kuaklou nuh de. Tiki Bumaengh ta sa kasicpui mei ta tei thu kuaklou mak ge. 32Meic Nac Mpouh ruc khou sina samei ta tei thu kuaklou nuh de, tiki Bumaengh Nthanmei ruc khou sina samei ta tei thu ntaw ni, guang nimei zuk thangc ni, kuaklou dat mak khe.#Luk 12.10
Kabang lev Kathai
(Luk 6.43-45)
33“Kabang tei karav gay ti thei kathai gay the; kabang tei karav si ti thei kathai si the. Kabang ta tei kathai khou tei rui thay the.#Met 7.20; Luk 6.44 34Nangniw nrui nac nunc! Nangniw sina akumhna gaymei lat sa ngam nina cho? Kalam thu lungning khou padikna naimei khou tei rui mwang rui sa pat tuang e.#Met 3.7; 23.33; 15.18; Luk 3.7; 6.45 35Meicgaymeipu tei katuang gaymei lanvkhuk khou rui gaymei nrou pat re, khatni meicsimeipu tei katuang simei lanvkhuk khou rui simei nrou pat re.
36“Ai rui nangniw khou sa tuang e: Latzan tingmik nungc kiu meic nunc rui kakhanh makna saloumei lat kathuic lam tei ni kaniw daw dat puni. 37Kumna nang tuang lat thei layna nang ta latzan sw puni.”
Sw-nchinmei Lyanlou khang Samei
(Mrk 8.11-12; Luk 11.29-32)
38Khoutei mundawna Riakdanv dinhpouc nunc khatni Pharisimei gaanvsaekc rui Jisu khou, “Dinhpouc, sw-nchinmei taanv akhat taancloumei ta aniw kahaw e,” twna sa the.#Met 16.1; Mrk 8.11; Luk 11.16
39Khoutei mundawna kamei rui kaniw khou sa the, “Meicsimei khatni ravchap tat makmei mei nunc hei rui sw nchinmei ta phu e. Muhzwng Jona khou swlou kanmei sw-nchinmei tei hamhna baihmei sw-nchinmei lyanlou ni tu hamh e.#Met 16.4; Mrk 8.12 40Jona tei khavdaih bung lungc khou zingbangc kathumh kalaanv kathumh bam kanmei tei kumcna, Meic Nac Mpouh hei zingbangc kathumh kalaanv kathumh kandih lungc khou bam puni.#Jon 1.17 41Ntaw kin tuang mei nunc ti hei latzan sw pwkhou Ninevemei nunc thauna mi meikin ti hei nkhuaimei e twna sa puni; kalam thu kaniw thu Jona rui latdinc pwkhou lungh laic kan the. Kumna zauclo, Jona khang suangc daihmei mi khou hei bam e.#Jon 3.5 42Mi meikin ta latzan swpui nungc kiu, dihba thangcmei liammavpui thauna mi meikin ti hei nkhuaimei e twna sa puni. Kalam thu kamei Solomon tuang ningting tei nking khang kamei kandih tin thangc rui guang khwan e. Kumna zauclo, Solomon suangc daihmei mi khou hei bam e.#1 Ki 10.1-10; 2 Ki 9.1-12
Simei Bumaengc Hanc Guang Datmei
(Luk 11.24-26)
43“Nthan makmei bumaengc akhat meic gaanv khat khou rui tat pat lana, zaeng nthaekcloupui bamv khang phuna dui maekpui bamv khou ruan tat the, tiki phu tow mak pwkhou, 44‘Ai tat patmei akai khou tei hanc guang dat ni the’ twna sa the. Kumna kamei guang pwkhou mi kai tei gey nthanlouna, lunghpui nanw lou chuy rih rina kairaeng ding bammei ta ariw the. 45Khoutei kamei tat lana kakhang suangc simei bumaengc chanei ta nduangh guangna mi kai khou tei gut lungc the. Kumna mi pu tuang nkhamhmei lwnlung tei rey khou lwnlung khang tei suangc si the. Mi simei meikin khou hei ni mi hei kumcna guanglou puni.”
Jisu Pui khatni Kachana nunc
(Mrk 3.31-35; Luk 8.19-21)
46Jisu rui meic kangdai khou tei lat sa bam khou, kapui lev kachana nunc kata kachuc niina kaizaeng khou ding bam khwan e. 47Kumna meic gaanv khat rui kakhou, “Zauclo, nang pui lev nang chana nunc nang ta kachuc niina kaizaeng khou ding bam e,” twna sa the.#Baanhhy baibal asaekc khou thu kathaek 47 hei maek ge.
48Mundawna Jisu rui mi pu khou tei sa the, “Thow tei apui cho? Thow tei achana cho?” 49Khoutei kaziap nunc ruc khou kabaanc haamv patna sa the, “Zauclo, apui khatni achana nunc kiu mi hei the. 50Kalam thu tingkauh thangc bammei apu rui ningmei taanhpui mei tei achana the khatni apui the.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.