LEVITHOUC 7
7
Khaengmei Puatkat
1Mi hei nthan dianghmei khaengmei puatkat khou taanc nimei riak ge. 2Khaengmei khouringc tei khouringh dowluaimei bamv khou tei dowluai nina e, kumna mi zei tei ravchapaeng naek padeih khou tei kazinhlou nina e. 3Kathav guay tei laapatna ravchapaeng khou tei khaenglou nina e: thahmei kamai, karav guay, 4kaki kanei khatni kaki duammei thav guay, khatni kathyn khou gay liangmei langv tei kat nina e. 5Amuh tei rui kathav guay tei ravchapaeng khou tei rawna Ringhpouc khang khaeng nina e. Mi hei khaengmei puatkat re. 6Amuh kaimei nggaanvmei guay hei tei tu nuh e, Kum e tiki hei tei Nthanmei bamv khou tu nina e, kalam thu hei tei nthan dianghmei e.
7Paapc khang khaengmei khatni khanghmei puatkat khou nchamcmei riak akhat kiu thu: Khaengmei zanc tei thouh swmei amuh khang tei e. 8Rawna khaengmei tuang khouringc gic guay tei thouh swmei amuh khang tei e. 9Ntyan puatkat khou maimangh khou rawmei, khaengclai khou kabicmei, hamh e thei laipaek khou kabicmei ntyan guay tei thouh swmei amuh khang tei e. 10Kum e tiki minh makmei guay tei, thauh kaniloumei pwni, phuimei pwni, Aron kaikhwangmei amuh guay khang e kumna hei tei kaniw khang nchamhna nzanh nina e.
Alamvpuatkat
11Mi hei alamvpuatkat swna Ringhpouc khang kat khou sw nimei thouc e. 12Thowkumhmei rui Ravguangc khang thuanckumei puatkat kat nii e thei, khaeng nimei tuang khouringc tei lev twna khay loumakmei ntyan: Olive thauc kanimei nsumei ntyan, Olive thauc teyloumei saa kangcloumei ntyan, khatni thauh kaniloumei nthiuminhmei ntyan phungc kazauh guang nina e. 13Hei ruc khou hei rui khay loumei ntyan dwm asaekc ni kat nina e. 14Kamei rui ntyan zaat kathuic khou rui akhat akhat nkunmei Ringhpouc khang tii patmei tuang swna kat nina e, mi zei tei laana ravchapaeng khou kazinhloumei amuh khang tei tii nina e. 15Alamvpuatkat Khaengmei zanc tei mi nungc tei rui tu ngam nina e; katit na sini nthuanh khang daeklou nuh mak ge.
16Kum e tiki katuang puatkat tei kalatdyng ti-nthuihloumei tuang hamh e thei kat niina katmei tuang e thei khaengmei zanc tei mi nungc tei tu lana nsaekcloumei tei nthuanh thau datna ni tu nuh e. 17Zaeng neih thumh nganv nsaekcloumei tei thu mai ntei nina the. 18Hei tei zaeng neihthumh nungc tei tu dat re thei katuang puatkat tei Ravguangc rui laalou dat ni tuang hamh the. Khaengmeipu khang tei ni kataanv tei chaklou ni tuang hamh the, mi phaan tei hei tei mphuammei di the twna laa puni the, kumna hei tei tu tumei tei karana kakhuay phungc puni. 19Mi zanc tei kariak khou nthan makmei puat akhat lev twna kahilou e thei, hei tei tu dat lak nina the, mai ntei nina the. Kariak theilayna nthanpui mei tei rui mi zanc tei tu nuh e, 20Nthan makmei mei rui alamvpuatkat Ravguangc khang katloumei tei tu e thei kamei pang khou rui swluai ganc puni. 21Khouringh ta pwni, maansei ta pwni kariak theilayna nthan makmei akhat ta kahiloupui mei tei rui hei tei tu e thei kamei pang khou rui swluai ganc puni.
22 Ringhpouc rui Mousi khou sa the, 23Isaraelmei khou heikumna sa ti tho twna sa the, Guaichic thav hamh e thei lauziuchic thav hamh e thei ziuchic thav tu nuh mak ge. 24Karana theicloumei hamh e thei ramhkhat rui swluailoumei khouringc thav tei tu nuh mak ge, tiki hei tei ramh lam baihmei khang thu piu nuh e. 25Rawna khaengmei khouringc thav tupui mei ta tei Ravguangc mei pang khou rui swluai ganc puni. 26Isaraelmei ta tabui bui bamv khou bammei pwni, nruay thauruay khatni khouringh khounah zei tei taektw swna tu nuh mak ge.#Tha 9.4; Lev 17.10-14; 19.26; Ria 12.16,23; 15.23 27Thow pwni mi riak hei twanlyampui mei ta tei Ravguangc mei pang khou rui swluai ganc puni.
28 Ringhpouc rui Mousi khou sa the, 29Isaraelmei khou heikumna sa ti tho, thowkumhmei rui alamvpuatkat Ringhpouc khang kat re thei mi khou tei rui kalangv akhat nkunmei puatkat swna Ringhpouc khang phungc guang nina e. 30Ringhpouc khang rawna khaeng nimei tuang tei kabaanc kahak rui phungc guang nina e. Kamei rui khouringh thav tei kaphurou lev twna phungc guangna hei tei nkunmei kaipat swna Ringhpouc khang tiilou nina e. 31Amuh tei rui kathav tei ravchapaeng khou mai ntei puni, tiki laikhwm tei thu amuh nunc tuang e. 32Alamvpuatkat khang khaenglou bammei khou tei rui nzat theinaeng tei amuh khang tei nkunmei dam swna tii nina e. 33Aron nac pang khou alamvpuatkat khaenglou bammeipu khang tei nzat naeng tei nkunmei dam swna tii nina e. 34Laikhwm tei nkunmei kaipat swna khatni nzat theinaeng tei nkunna tii nimei tuang dam swna Ringhpouc rui Isaraelmei khou rui laa lana amuh nunc khang tiimei tuang e. Mi hei thei thangc ni Isaraelmei guay rui amuh nunc khang tii bam nimei tuang e. 35Mi hei Ringhpouc khang taektw puatkat dam swna Aron khatni kanac nunc khang kaniw ta amuh suanglou nungc tei rui tiiloumei tuang the. 36Kumna khaengmei tuang dam tei amuh nunc khang tii nina e twna kaniw ta suangloumei nungc tei Ringhpouc rui Isaraelmei khou latdanv swna tiiloumei tuang the. Mi hei thei thangc nganvna Isaraelmei rui tat bam nimei riak ge.
37Mi riak hei rawna khaeng khou, ntyan kat khou, paapc khang khaeng khou, khaengmei puatkat kat khou, bamv suangmei puatkat kat khou tat nimei tuang e. 38Mi hei Isaraelmei rui ravkhaeng nina e twmei tuang latdanv Ringhpouc rui Mousi khou Sinai Chyng khou tii guang nungc tei rui mi latdanv hei tiilou kanmei tuang the.
Currently Selected:
LEVITHOUC 7: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 7
7
Khaengmei Puatkat
1Mi hei nthan dianghmei khaengmei puatkat khou taanc nimei riak ge. 2Khaengmei khouringc tei khouringh dowluaimei bamv khou tei dowluai nina e, kumna mi zei tei ravchapaeng naek padeih khou tei kazinhlou nina e. 3Kathav guay tei laapatna ravchapaeng khou tei khaenglou nina e: thahmei kamai, karav guay, 4kaki kanei khatni kaki duammei thav guay, khatni kathyn khou gay liangmei langv tei kat nina e. 5Amuh tei rui kathav guay tei ravchapaeng khou tei rawna Ringhpouc khang khaeng nina e. Mi hei khaengmei puatkat re. 6Amuh kaimei nggaanvmei guay hei tei tu nuh e, Kum e tiki hei tei Nthanmei bamv khou tu nina e, kalam thu hei tei nthan dianghmei e.
7Paapc khang khaengmei khatni khanghmei puatkat khou nchamcmei riak akhat kiu thu: Khaengmei zanc tei thouh swmei amuh khang tei e. 8Rawna khaengmei tuang khouringc gic guay tei thouh swmei amuh khang tei e. 9Ntyan puatkat khou maimangh khou rawmei, khaengclai khou kabicmei, hamh e thei laipaek khou kabicmei ntyan guay tei thouh swmei amuh khang tei e. 10Kum e tiki minh makmei guay tei, thauh kaniloumei pwni, phuimei pwni, Aron kaikhwangmei amuh guay khang e kumna hei tei kaniw khang nchamhna nzanh nina e.
Alamvpuatkat
11Mi hei alamvpuatkat swna Ringhpouc khang kat khou sw nimei thouc e. 12Thowkumhmei rui Ravguangc khang thuanckumei puatkat kat nii e thei, khaeng nimei tuang khouringc tei lev twna khay loumakmei ntyan: Olive thauc kanimei nsumei ntyan, Olive thauc teyloumei saa kangcloumei ntyan, khatni thauh kaniloumei nthiuminhmei ntyan phungc kazauh guang nina e. 13Hei ruc khou hei rui khay loumei ntyan dwm asaekc ni kat nina e. 14Kamei rui ntyan zaat kathuic khou rui akhat akhat nkunmei Ringhpouc khang tii patmei tuang swna kat nina e, mi zei tei laana ravchapaeng khou kazinhloumei amuh khang tei tii nina e. 15Alamvpuatkat Khaengmei zanc tei mi nungc tei rui tu ngam nina e; katit na sini nthuanh khang daeklou nuh mak ge.
16Kum e tiki katuang puatkat tei kalatdyng ti-nthuihloumei tuang hamh e thei kat niina katmei tuang e thei khaengmei zanc tei mi nungc tei tu lana nsaekcloumei tei nthuanh thau datna ni tu nuh e. 17Zaeng neih thumh nganv nsaekcloumei tei thu mai ntei nina the. 18Hei tei zaeng neihthumh nungc tei tu dat re thei katuang puatkat tei Ravguangc rui laalou dat ni tuang hamh the. Khaengmeipu khang tei ni kataanv tei chaklou ni tuang hamh the, mi phaan tei hei tei mphuammei di the twna laa puni the, kumna hei tei tu tumei tei karana kakhuay phungc puni. 19Mi zanc tei kariak khou nthan makmei puat akhat lev twna kahilou e thei, hei tei tu dat lak nina the, mai ntei nina the. Kariak theilayna nthanpui mei tei rui mi zanc tei tu nuh e, 20Nthan makmei mei rui alamvpuatkat Ravguangc khang katloumei tei tu e thei kamei pang khou rui swluai ganc puni. 21Khouringh ta pwni, maansei ta pwni kariak theilayna nthan makmei akhat ta kahiloupui mei tei rui hei tei tu e thei kamei pang khou rui swluai ganc puni.
22 Ringhpouc rui Mousi khou sa the, 23Isaraelmei khou heikumna sa ti tho twna sa the, Guaichic thav hamh e thei lauziuchic thav hamh e thei ziuchic thav tu nuh mak ge. 24Karana theicloumei hamh e thei ramhkhat rui swluailoumei khouringc thav tei tu nuh mak ge, tiki hei tei ramh lam baihmei khang thu piu nuh e. 25Rawna khaengmei khouringc thav tupui mei ta tei Ravguangc mei pang khou rui swluai ganc puni. 26Isaraelmei ta tabui bui bamv khou bammei pwni, nruay thauruay khatni khouringh khounah zei tei taektw swna tu nuh mak ge.#Tha 9.4; Lev 17.10-14; 19.26; Ria 12.16,23; 15.23 27Thow pwni mi riak hei twanlyampui mei ta tei Ravguangc mei pang khou rui swluai ganc puni.
28 Ringhpouc rui Mousi khou sa the, 29Isaraelmei khou heikumna sa ti tho, thowkumhmei rui alamvpuatkat Ringhpouc khang kat re thei mi khou tei rui kalangv akhat nkunmei puatkat swna Ringhpouc khang phungc guang nina e. 30Ringhpouc khang rawna khaeng nimei tuang tei kabaanc kahak rui phungc guang nina e. Kamei rui khouringh thav tei kaphurou lev twna phungc guangna hei tei nkunmei kaipat swna Ringhpouc khang tiilou nina e. 31Amuh tei rui kathav tei ravchapaeng khou mai ntei puni, tiki laikhwm tei thu amuh nunc tuang e. 32Alamvpuatkat khang khaenglou bammei khou tei rui nzat theinaeng tei amuh khang tei nkunmei dam swna tii nina e. 33Aron nac pang khou alamvpuatkat khaenglou bammeipu khang tei nzat naeng tei nkunmei dam swna tii nina e. 34Laikhwm tei nkunmei kaipat swna khatni nzat theinaeng tei nkunna tii nimei tuang dam swna Ringhpouc rui Isaraelmei khou rui laa lana amuh nunc khang tiimei tuang e. Mi hei thei thangc ni Isaraelmei guay rui amuh nunc khang tii bam nimei tuang e. 35Mi hei Ringhpouc khang taektw puatkat dam swna Aron khatni kanac nunc khang kaniw ta amuh suanglou nungc tei rui tiiloumei tuang the. 36Kumna khaengmei tuang dam tei amuh nunc khang tii nina e twna kaniw ta suangloumei nungc tei Ringhpouc rui Isaraelmei khou latdanv swna tiiloumei tuang the. Mi hei thei thangc nganvna Isaraelmei rui tat bam nimei riak ge.
37Mi riak hei rawna khaeng khou, ntyan kat khou, paapc khang khaeng khou, khaengmei puatkat kat khou, bamv suangmei puatkat kat khou tat nimei tuang e. 38Mi hei Isaraelmei rui ravkhaeng nina e twmei tuang latdanv Ringhpouc rui Mousi khou Sinai Chyng khou tii guang nungc tei rui mi latdanv hei tiilou kanmei tuang the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.