LEVITHOUC 6
6
1 Ringhpouc rui kabangc khou hyloumei hei ni Mousi khou dinclou the.#Sin 5.5-8 2Thowkumhmei rui kakhou Isaraelmei nchamc rui sindaancloumei puat tii dat makna hamh e thei meickai puat houcna hamh e thei guatna laana 3hamh e thei meic kai puat khuaic lana khuaih mak ge twna saraamcna sana Ravguangc hu khou paapc taanc e thei mi paap khang tei khap nina e. 4Thowkumhmei rui heikumna paapc taanc maanvloumei tuang nai e thei kamei nchumh makna laaloumei puat tei 5kakhuay tei thaypatpui nungc tei kamei kakaipouc khang tei 100 khou 20 louhaapna khangclou dat nina e. 6Ringhpouc khou khapmei puatkat kamei rui hiaksuimei lauziuchic hamh e thei ziuchic amuh khou phungc guang nina e. Hei tuang manv tei Isaraelmei khou tat bammei karyan kadath khou ding puni. 7Amuh tei rui mipu paap khang tei khaenglou pwkhou paapc tei kuaklou puni.
Rawna Khaengmei
8Mi rawna khaeng khou sw nimei riak hei Aron khatni kanac mpouh nunc khou dinclou o twna 9Ringhpouc rui Mousi khou latdanv swna sa the. Mi kiu thu, rawna khaengmei ravcha tei ravchapaeng khou zingbangc lou thangc nina e, kumna mai tei amit nuh mak ge. 10Hei tangv tei, amuh tei linen phey tuang nay kalungcmei khatni linen pheybaan nu lana ravchapaeng khou naimei mbut tei suakna ravchapaeng daeng khou tei lou nina e. 11Mi tangv tei amuh tei kapwan kalaicna, mbut tei kariak khou nthanmei bamv kapaengc thangc naimei bamv khou tei laapatlou nina e. 12Ravchapaeng tuang mai tei tichuangc tanh tan bam nina e, hei tei khat na sini swmit nuh mak ge. Lauthwan pum amuh rui khou tei thing diklouna, rawna khaeng nimei puat tei kasiamhna, alamvpuatkat tuang thav tei khou tei raw nina e. 13Ravchapaeng khou tei mai tichuangc tanh tan bam nina e, hei tei khat sini swmit nuh mak ge.
Ntyan Puatkat
14Mi hei ntyan kat khou sw nimei riak ge: Aron nac nunc amuh gaanv khat rui puatkat ntyan tei Ringhpouc hu khou phungc guang nina e. 15Mi tangv tei ntyan buay tei baankiu akhat ruai lana, thauh khatni mi khou loumei agaw tei laana hei tei ravchapaeng khou tei raw nina e. Hei tei rui ntyan kapwm tei rawmei phaan tei the. Mi rawmei rym tei rui Ringhpouc ta tipian e. 16Nsaekcloumei guay tei Aron khatni kanac nunc rui tu khang e. Hei tei khay kazauh makmei ntyan swna kasiamh lana Ringhpouc tuang pheykai kaimav khou nthanmei bamv khou tu nina e. 17Hei tei khay kazauhlou nuh mak ge. Hei tei Ringhpouc rui amuh nunc khang tiiloumei tuang dam the. Hei tei paapc khang khaengmei khatni khapmei puatkat kumcna nthanmei e. 18Aron kiktamei nggaanvmei guay hei tei tu nuh e. Hei tei thei thangc nganvna kaniw tuang dam swna tu bam nina e. Meic baihmei thow pwni mi kumhmei Ringhpouc khang katloumei ntyan tei kahilou e thei mi nthanmei ntyan ngamv tei rui kamei ni nthan puni.
19 Ringhpouc rui Mousi khou sa the, 20“Aron kiktamei ta amuh khang suam ni khou mi nungc tei ntyan buay kaduk akhat (mi hei tingmik pum kat bammei ntyan buay zu tei e.) Ringhpouc khang lauthwan tingzyn kapaek kapaek kat nina e.” twna salou the. 21Hei tei thauh kani lana laipaek khou suangcna swpuat lana kat nina e, kumna mi rym tei rui Ringhpouc ta tipian e. 22Heikumna guang nimei ganv guay khou hei Tingkuh Aron kiktamei amuh guay rui mi puatkat hei kat nina e. Hei tei raw ngamparyna Ringhpouc khang kat nina e. 23Heikumna amuh akhat rui kat guangmei puatkat tei tu nuh mak ge; kapwmna tei raw ngampary nina de.
Paapc khang Khaengmei
24 Ringhpouc rui Mousi khou sa the, 25Paapc khang khaeng khou sw nimei riak kiu mi hei e, Khaeng nimei khouringc tei ravchapaeng tuang dihpy biak thangc rawna khaeng nimei khouringc dowluaimei bamv khou tei dowluai nina e. Mi hei nthan dianghmei puatkat re twna Aron nac nunc khou dinclou khang salou the. 26Mi zanc tei thouh swmei amuh tei rui Ringhpouc tuang pheykai kaimav khou, Nthanmei bamv khou tei tu nina e. 27Mi zanc tei kahi himei thu mi tuang nthanmei ngamv tei rui nthan puni. Mi khouringh zei tei pheybaan khou paraloumei tuang nai e thei, hei tei Nthanmei bamv khou tei rui sou dat nina e. 28Mi zanc tei nianglai khou suangc e thei mi lai tei swbak ganc nina e, tiki ntanhlai khou suangc e thei mi lai tei thaemc dat nina e. 29Amuh kaimei nggaanvmei guay thu hei tei tu nuh e; hei tei nthan dianghmei e. 30Kum e tiki kazei tei kalummei pheykai lungc khou phungc gutna paapc laa ganclou khang khaeng e thei thu mi zanc tei tu nuh mak ge; hei tei ntei mut nina de.
Currently Selected:
LEVITHOUC 6: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 6
6
1 Ringhpouc rui kabangc khou hyloumei hei ni Mousi khou dinclou the.#Sin 5.5-8 2Thowkumhmei rui kakhou Isaraelmei nchamc rui sindaancloumei puat tii dat makna hamh e thei meickai puat houcna hamh e thei guatna laana 3hamh e thei meic kai puat khuaic lana khuaih mak ge twna saraamcna sana Ravguangc hu khou paapc taanc e thei mi paap khang tei khap nina e. 4Thowkumhmei rui heikumna paapc taanc maanvloumei tuang nai e thei kamei nchumh makna laaloumei puat tei 5kakhuay tei thaypatpui nungc tei kamei kakaipouc khang tei 100 khou 20 louhaapna khangclou dat nina e. 6Ringhpouc khou khapmei puatkat kamei rui hiaksuimei lauziuchic hamh e thei ziuchic amuh khou phungc guang nina e. Hei tuang manv tei Isaraelmei khou tat bammei karyan kadath khou ding puni. 7Amuh tei rui mipu paap khang tei khaenglou pwkhou paapc tei kuaklou puni.
Rawna Khaengmei
8Mi rawna khaeng khou sw nimei riak hei Aron khatni kanac mpouh nunc khou dinclou o twna 9Ringhpouc rui Mousi khou latdanv swna sa the. Mi kiu thu, rawna khaengmei ravcha tei ravchapaeng khou zingbangc lou thangc nina e, kumna mai tei amit nuh mak ge. 10Hei tangv tei, amuh tei linen phey tuang nay kalungcmei khatni linen pheybaan nu lana ravchapaeng khou naimei mbut tei suakna ravchapaeng daeng khou tei lou nina e. 11Mi tangv tei amuh tei kapwan kalaicna, mbut tei kariak khou nthanmei bamv kapaengc thangc naimei bamv khou tei laapatlou nina e. 12Ravchapaeng tuang mai tei tichuangc tanh tan bam nina e, hei tei khat na sini swmit nuh mak ge. Lauthwan pum amuh rui khou tei thing diklouna, rawna khaeng nimei puat tei kasiamhna, alamvpuatkat tuang thav tei khou tei raw nina e. 13Ravchapaeng khou tei mai tichuangc tanh tan bam nina e, hei tei khat sini swmit nuh mak ge.
Ntyan Puatkat
14Mi hei ntyan kat khou sw nimei riak ge: Aron nac nunc amuh gaanv khat rui puatkat ntyan tei Ringhpouc hu khou phungc guang nina e. 15Mi tangv tei ntyan buay tei baankiu akhat ruai lana, thauh khatni mi khou loumei agaw tei laana hei tei ravchapaeng khou tei raw nina e. Hei tei rui ntyan kapwm tei rawmei phaan tei the. Mi rawmei rym tei rui Ringhpouc ta tipian e. 16Nsaekcloumei guay tei Aron khatni kanac nunc rui tu khang e. Hei tei khay kazauh makmei ntyan swna kasiamh lana Ringhpouc tuang pheykai kaimav khou nthanmei bamv khou tu nina e. 17Hei tei khay kazauhlou nuh mak ge. Hei tei Ringhpouc rui amuh nunc khang tiiloumei tuang dam the. Hei tei paapc khang khaengmei khatni khapmei puatkat kumcna nthanmei e. 18Aron kiktamei nggaanvmei guay hei tei tu nuh e. Hei tei thei thangc nganvna kaniw tuang dam swna tu bam nina e. Meic baihmei thow pwni mi kumhmei Ringhpouc khang katloumei ntyan tei kahilou e thei mi nthanmei ntyan ngamv tei rui kamei ni nthan puni.
19 Ringhpouc rui Mousi khou sa the, 20“Aron kiktamei ta amuh khang suam ni khou mi nungc tei ntyan buay kaduk akhat (mi hei tingmik pum kat bammei ntyan buay zu tei e.) Ringhpouc khang lauthwan tingzyn kapaek kapaek kat nina e.” twna salou the. 21Hei tei thauh kani lana laipaek khou suangcna swpuat lana kat nina e, kumna mi rym tei rui Ringhpouc ta tipian e. 22Heikumna guang nimei ganv guay khou hei Tingkuh Aron kiktamei amuh guay rui mi puatkat hei kat nina e. Hei tei raw ngamparyna Ringhpouc khang kat nina e. 23Heikumna amuh akhat rui kat guangmei puatkat tei tu nuh mak ge; kapwmna tei raw ngampary nina de.
Paapc khang Khaengmei
24 Ringhpouc rui Mousi khou sa the, 25Paapc khang khaeng khou sw nimei riak kiu mi hei e, Khaeng nimei khouringc tei ravchapaeng tuang dihpy biak thangc rawna khaeng nimei khouringc dowluaimei bamv khou tei dowluai nina e. Mi hei nthan dianghmei puatkat re twna Aron nac nunc khou dinclou khang salou the. 26Mi zanc tei thouh swmei amuh tei rui Ringhpouc tuang pheykai kaimav khou, Nthanmei bamv khou tei tu nina e. 27Mi zanc tei kahi himei thu mi tuang nthanmei ngamv tei rui nthan puni. Mi khouringh zei tei pheybaan khou paraloumei tuang nai e thei, hei tei Nthanmei bamv khou tei rui sou dat nina e. 28Mi zanc tei nianglai khou suangc e thei mi lai tei swbak ganc nina e, tiki ntanhlai khou suangc e thei mi lai tei thaemc dat nina e. 29Amuh kaimei nggaanvmei guay thu hei tei tu nuh e; hei tei nthan dianghmei e. 30Kum e tiki kazei tei kalummei pheykai lungc khou phungc gutna paapc laa ganclou khang khaeng e thei thu mi zanc tei tu nuh mak ge; hei tei ntei mut nina de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.