LEVITHOUC 8
8
Aron khatni Kanac Mpouh nunc ta Amuh khang Suangmei
(Tat 29.1-37)
1 Ringhpouc rui Mousi khou sa the, 2“Aron khatni kanac mpouh nunc ta tei atuang pheykai kaimun daeng khou tei nduangh guang o, kumna amuh tuang pheybaan guay, tey nimei thauc, paapc khang khaeng khang guaituamchic launa, lauziuchic kanei, khatni khay lou makmei ntyan nggiuh akhat lev twna phungc guang o. 3Kum lana meic guayna ta mi khou tei kabai guang o.”
4 Ringhpouc tuang latdanv theilayna Mousi rui taanc the, kumna meic nunc tei guang kachwn pwkhou, 5kamei rui kaniw khou sa the, “Ai ntaw taanc nimei hei Ringhpouc tuang latdanv e.”
6Mousi rui Aron khatni kanac mpouh nunc ta kaw guang the kumna kariak theilayna duilow khang sa the. 7Kamei rui Aron khou thiula nulouna thiula saenghmei rui nu binlou the. Kumna kasian khou siangiat kagiatclou the. Kamei rui kakhou tei ephod tei piulou the kumna dak chuyloumei bungkam rui hei tei kasian khou kamcbinlou the. 8Ngaengvthuapc paek tei kangaengv khou duaplouna mi khou tei Urim khatni Thummim tei lou the. 9Kapy khou pygwm gumlou the, kumna Ringhpouc tuang latdanv theilayna, nthukmei katgutloumei tuang madanhmei tuang kachaekc paek tei pygwm hu khou tei thaengclou the.
10Khoutei Mousi rui teymei tuang thauc tei laana Ringhpouc tuang Kalummei pheykai khou khatni khou tei naimei puat guay khou tei teylouna, mi kai kapwm tei Ringhpouc khang katgutlou the. 11Kamei rui ravchapaeng khou tei, mi tuang na guay khou tei khatni zeisiankuak lev kahyang khou tei thauh tei kazinhlou chanei lana mi guay tei Ringhpouc khang katgutlou the. 12Aron py khou thauh tei bunlouna kata amuh khang suanglou the. 13Mi tangv tei, Ringhpouc tuang latdanv theilayna Mousi rui Aron nac mpouh nunc ta kaw guangna kaniw khou tei thiula nulou the, kaniw sian khou siangiat giatlou the, kumna pygwm ni gumlou the.
14Khoutei, paapc khang khaeng nimei guaituamchic launa tei Mousi rui zay guang the, kumna Aron khatni kanac mpouh nunc rui guaichic py khou tei kaniw baanc mbaenglou the. 15Mousi rui guaih tei dowluaina, zei tei asaekc kabaanczung rui laana ravchapaeng chei guay khou tei teylouna ravchapaeng tei katgutlou the. Nsaekcloumei zei tei kamei rui ravchapaeng kabam khou tei bunlou the. Heikumna kamei rui hei tei katgutlou the khatni sw nthanlou the. 16Mousi rui karav guay, kathyn khou gay liangmei langv, kaki kanei khatni mi khou tei naimei thav guay tei laana mi guay tei ravchapaeng khou ntei the. 17Kamei rui baihmei guay, kagic, kazanc, kalungcna kaguay kazauhna Ringhpouc tuang latdanv theilayna kapaengc thangc patna ntei the.
18Mi tangv tei, rawna khaeng nimei lauziuchic tei Mousi rui laaguang the, kumna Aron khatni kanac mpouh nunc rui kaniw baanc lauziuchic py khou tei mbaenglou the. 19Mousi rui hei tei dowluaina kazei tei ravchapaeng naek padeih khou tei kazinhlou the. 20Kamei rui lauziuchic tei dan puat the khatni kapy lev karav tei ntei the. 21Kamei rui kalungcna guay khatni katan guay tei dui khiu the kumna lauziuchic kapumc pwm tei ravchapaeng khou rawna mi rym tei rui Ringhpouc ta tipian the.
22Mi tangv tei, amuh suang nimei tuang baihmei lauziuchic akhat tei Mousi rui laaguang the, kumna Aron khatni kanac mpouh nunc rui kaniw baanc lauziuchic py khou tei mbaenglou the. 23Mousi rui hei tei swluaina zei tei asaekc laana Aron tuang baanzat nupan khou, baanzat baanc zungkui khou, khatni kaphay nzat zungkui khou teylou the. 24Mi tangv tei, kamei rui Aron nac mpouh nunc ta kaw guangna katuang baanzat nupan khou, baanzat baanc zungkui khou khatni baanzat phay zungkui khou zei tei teylou the. Kumna nsaekcloumei zei guay tei ravchapaeng naek padeih khou tei kazinhlou the. 25Kamei rui kathav, thahmei kamai, karav, kathyn khou gay liangmei langv, kaki kanei khatni mi khou tei khuapmei thav guay, khatni nzat theinaeng tei laa pat the. 26Mi tangv tei, kamei rui khay loumakmei ntyan Ringhpouc khang katloumei ntyan pang khou tei rui kadwm akhat, thauh loumei ntyan dwm akhat, khatni ntyan kang akhat laana hei tei kathav khatni kanaeng ruc khou tei mbaenglou the. 27Kamei rui hei tei Aron khatni kanac mpouh nunc baanc khou tiilou the, kumna kaniw rui hei tei nkunmei puatkat swna Ringhpouc khang tii the. 28Kumna Mousi rui hei tei laa dat lana suangloumei tuang puatkat swna chuangc bammei ravchapaeng mai ruc khou tei louna ntei the. Mi rawna khaengmei rym tei rui Ringhpouc ta tipian the. 29Mi tangv tei Mousi rui laikhwm tei laana nkunmei kaipat swna Ringhpouc khang tii the. Hei tei Mousi tuang dam the. Ringhpouc tuang latdanv theilayna Mousi rui kaguayna nthuihna taanc the.
30Mousi rui teymei tuang thauc khatni ravchapaeng khou naimei zei asaekc tei laana Aron khatni kanac mpouh nunc khou kazinhlou the, kumna kaniw tuang pheybaan khou ni kazinhlou the. Heikumna Mousi rui kaniw ta khatni kaniw tuang pheybaan guay ta Ringhpouc khou katgutlou the.
31Khoutei Mousi rui Aron khatni kanac mpouh nunc khou sa the, “Ringhpouc tuang latdanv theilayna zanh tei Ringhpouc tuang kalummei pheykai kaimun khou tilaaguangna, hei tei loucminc tho, kumna loucmincloumei puatkat giuh khou naimei ntyan tei laana hei khou tei tu tho. 32Tu nsaekcmei zanc khatni ntyan guay ta thu mai ntei nina the. 33Nangniw ta suangloumei tuang taanv zaeng chanei taanc nimei hei luai mak saanv mi Ringhpouc tuang kalummei pheykai chaengmun khou rui nangniw tat pat nuh mak ge. 34Nangniw tuang paap laa ganh khang rui aseic taanhmei hei taanc o twna Ringhpouc rui latdanv tiimei tuang the. 35Mi zaeng chanei hei zingbangc kalaanv mi khou bam lana Ringhpouc rui taanc o twna latdanv tiimei tei taancna bam nina e. Nangniw mi hei piu mak ge thei theic puni. Mi hei Ringhpouc rui akhou tiimei latdanv the.” 36Kumna Ringhpouc rui Mousi khou tiguangmei latdanv guay tei Aron khatni kanac mpouh nunc rui nthuihna taanc the.
Currently Selected:
LEVITHOUC 8: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 8
8
Aron khatni Kanac Mpouh nunc ta Amuh khang Suangmei
(Tat 29.1-37)
1 Ringhpouc rui Mousi khou sa the, 2“Aron khatni kanac mpouh nunc ta tei atuang pheykai kaimun daeng khou tei nduangh guang o, kumna amuh tuang pheybaan guay, tey nimei thauc, paapc khang khaeng khang guaituamchic launa, lauziuchic kanei, khatni khay lou makmei ntyan nggiuh akhat lev twna phungc guang o. 3Kum lana meic guayna ta mi khou tei kabai guang o.”
4 Ringhpouc tuang latdanv theilayna Mousi rui taanc the, kumna meic nunc tei guang kachwn pwkhou, 5kamei rui kaniw khou sa the, “Ai ntaw taanc nimei hei Ringhpouc tuang latdanv e.”
6Mousi rui Aron khatni kanac mpouh nunc ta kaw guang the kumna kariak theilayna duilow khang sa the. 7Kamei rui Aron khou thiula nulouna thiula saenghmei rui nu binlou the. Kumna kasian khou siangiat kagiatclou the. Kamei rui kakhou tei ephod tei piulou the kumna dak chuyloumei bungkam rui hei tei kasian khou kamcbinlou the. 8Ngaengvthuapc paek tei kangaengv khou duaplouna mi khou tei Urim khatni Thummim tei lou the. 9Kapy khou pygwm gumlou the, kumna Ringhpouc tuang latdanv theilayna, nthukmei katgutloumei tuang madanhmei tuang kachaekc paek tei pygwm hu khou tei thaengclou the.
10Khoutei Mousi rui teymei tuang thauc tei laana Ringhpouc tuang Kalummei pheykai khou khatni khou tei naimei puat guay khou tei teylouna, mi kai kapwm tei Ringhpouc khang katgutlou the. 11Kamei rui ravchapaeng khou tei, mi tuang na guay khou tei khatni zeisiankuak lev kahyang khou tei thauh tei kazinhlou chanei lana mi guay tei Ringhpouc khang katgutlou the. 12Aron py khou thauh tei bunlouna kata amuh khang suanglou the. 13Mi tangv tei, Ringhpouc tuang latdanv theilayna Mousi rui Aron nac mpouh nunc ta kaw guangna kaniw khou tei thiula nulou the, kaniw sian khou siangiat giatlou the, kumna pygwm ni gumlou the.
14Khoutei, paapc khang khaeng nimei guaituamchic launa tei Mousi rui zay guang the, kumna Aron khatni kanac mpouh nunc rui guaichic py khou tei kaniw baanc mbaenglou the. 15Mousi rui guaih tei dowluaina, zei tei asaekc kabaanczung rui laana ravchapaeng chei guay khou tei teylouna ravchapaeng tei katgutlou the. Nsaekcloumei zei tei kamei rui ravchapaeng kabam khou tei bunlou the. Heikumna kamei rui hei tei katgutlou the khatni sw nthanlou the. 16Mousi rui karav guay, kathyn khou gay liangmei langv, kaki kanei khatni mi khou tei naimei thav guay tei laana mi guay tei ravchapaeng khou ntei the. 17Kamei rui baihmei guay, kagic, kazanc, kalungcna kaguay kazauhna Ringhpouc tuang latdanv theilayna kapaengc thangc patna ntei the.
18Mi tangv tei, rawna khaeng nimei lauziuchic tei Mousi rui laaguang the, kumna Aron khatni kanac mpouh nunc rui kaniw baanc lauziuchic py khou tei mbaenglou the. 19Mousi rui hei tei dowluaina kazei tei ravchapaeng naek padeih khou tei kazinhlou the. 20Kamei rui lauziuchic tei dan puat the khatni kapy lev karav tei ntei the. 21Kamei rui kalungcna guay khatni katan guay tei dui khiu the kumna lauziuchic kapumc pwm tei ravchapaeng khou rawna mi rym tei rui Ringhpouc ta tipian the.
22Mi tangv tei, amuh suang nimei tuang baihmei lauziuchic akhat tei Mousi rui laaguang the, kumna Aron khatni kanac mpouh nunc rui kaniw baanc lauziuchic py khou tei mbaenglou the. 23Mousi rui hei tei swluaina zei tei asaekc laana Aron tuang baanzat nupan khou, baanzat baanc zungkui khou, khatni kaphay nzat zungkui khou teylou the. 24Mi tangv tei, kamei rui Aron nac mpouh nunc ta kaw guangna katuang baanzat nupan khou, baanzat baanc zungkui khou khatni baanzat phay zungkui khou zei tei teylou the. Kumna nsaekcloumei zei guay tei ravchapaeng naek padeih khou tei kazinhlou the. 25Kamei rui kathav, thahmei kamai, karav, kathyn khou gay liangmei langv, kaki kanei khatni mi khou tei khuapmei thav guay, khatni nzat theinaeng tei laa pat the. 26Mi tangv tei, kamei rui khay loumakmei ntyan Ringhpouc khang katloumei ntyan pang khou tei rui kadwm akhat, thauh loumei ntyan dwm akhat, khatni ntyan kang akhat laana hei tei kathav khatni kanaeng ruc khou tei mbaenglou the. 27Kamei rui hei tei Aron khatni kanac mpouh nunc baanc khou tiilou the, kumna kaniw rui hei tei nkunmei puatkat swna Ringhpouc khang tii the. 28Kumna Mousi rui hei tei laa dat lana suangloumei tuang puatkat swna chuangc bammei ravchapaeng mai ruc khou tei louna ntei the. Mi rawna khaengmei rym tei rui Ringhpouc ta tipian the. 29Mi tangv tei Mousi rui laikhwm tei laana nkunmei kaipat swna Ringhpouc khang tii the. Hei tei Mousi tuang dam the. Ringhpouc tuang latdanv theilayna Mousi rui kaguayna nthuihna taanc the.
30Mousi rui teymei tuang thauc khatni ravchapaeng khou naimei zei asaekc tei laana Aron khatni kanac mpouh nunc khou kazinhlou the, kumna kaniw tuang pheybaan khou ni kazinhlou the. Heikumna Mousi rui kaniw ta khatni kaniw tuang pheybaan guay ta Ringhpouc khou katgutlou the.
31Khoutei Mousi rui Aron khatni kanac mpouh nunc khou sa the, “Ringhpouc tuang latdanv theilayna zanh tei Ringhpouc tuang kalummei pheykai kaimun khou tilaaguangna, hei tei loucminc tho, kumna loucmincloumei puatkat giuh khou naimei ntyan tei laana hei khou tei tu tho. 32Tu nsaekcmei zanc khatni ntyan guay ta thu mai ntei nina the. 33Nangniw ta suangloumei tuang taanv zaeng chanei taanc nimei hei luai mak saanv mi Ringhpouc tuang kalummei pheykai chaengmun khou rui nangniw tat pat nuh mak ge. 34Nangniw tuang paap laa ganh khang rui aseic taanhmei hei taanc o twna Ringhpouc rui latdanv tiimei tuang the. 35Mi zaeng chanei hei zingbangc kalaanv mi khou bam lana Ringhpouc rui taanc o twna latdanv tiimei tei taancna bam nina e. Nangniw mi hei piu mak ge thei theic puni. Mi hei Ringhpouc rui akhou tiimei latdanv the.” 36Kumna Ringhpouc rui Mousi khou tiguangmei latdanv guay tei Aron khatni kanac mpouh nunc rui nthuihna taanc the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.