LEVITHOUC 18
18
Kariak Twanna Ntu-nahmei ta Thinghmei
1 Ringhpouc rui Mousi khou sa the. 2“Ai hei Ringhpouc nangniw Racguangc e twmei Isaraelmei nunc khou salou o. 3Nangniw lungcloumei Izipmei nunc thak tei layluaih riu, ai rui nangniw ta nduangh guanglou pw nimei Kanaanmei nunc thak ni layluaih riu. 4Atuang latdyn guay piu o khatni alatdanv guay tei taanc o. Ai hei Ringhpouc nangniw tuang Racguangc e. 5Ai rui nangniw khou tiiloumei latdyn khatni latdanv guay tei piu o, kum e thei nangniw ringc puni. Ai hei Ringhpouc e.”#Neh 9.29; Eze 18.9; 20.11-13; Luk 10.28; Rom 10.5; Gal 3.12
6Nangniw zei anamei khou tatlou lak nina e. Ai hei Ringhpouc e. 7Nang pui khou tatlouna nang pu ta tizak nuh mak ge. Nang pui ta ni nang tizak nuh mak ge. 8Nang pu now nunc khou ni tatlouna nang pu ta tizak nuh mak ge.#Lev 20.11; Ria 22.30; 27.20 9Nang kai akhat na khou lungc nchamc thaumei tanpui pwni lungc nchamc thau makmei tanpui pwni nang tanpui swmei khou tatlou nuh mak ge.#Lev 20.17; Ria 27.22 10Nang tanpui khou nang tatlou nuh mak ge; hei tei meiczakmei tuang e. 11Nang pu now nac khou tatlou nuh mak ge, kamei ni nang tanpui muay de. 12Nang neic khou nang tatlou nuh mak ge; kamei nang pu lev anamei e.#Lev 20.19,20 13Nang pui suanrey khou tatlou nuh mak ge; kamei tei nang pui lev anamei e. 14Nang pu chana now khou nang tatlou nuh mak ge; kamei tei nang puilauc e. 15Nang mauc khou nang tatlou nuh mak ge.#Lev 20.12 16Nang chana now khou ni tatlou nuh mak ge.#Lev 20.21 17Ntumei akhat khou khatni kanac luhpui twmei thu kapui kanac khou tatlou nuh mak ge, hamh e thei kanac mpouh now khou ni khatni kanac luh pui rui puancpatmei kanac pui khou tei ni tatlou nuh mak ge kalam thu hei tei simei e.#Lev 20.14; Ria 27.23 18Nang now theih mak khou nang now suanrey ta kaw nuh mak ge.
19Bwchaeng tat bammei ntumei khou tatlou nuh mak ge, kalam thu kamei tei mphuammei e.#Lev 20.18 20Meickai now khou tatlou nuh mak ge; hei tei rui nang ta swtanac puni.#Lev 20.10 21Molek rav ta kalummei taanv khang nangniw nac nunc ta tiipat nuh mak ge, kalam thu hei tei rui Ringhpouc Ravguangc zaw sw kasic e. Ai hei Ringhpouc e.#Lev 20.1-5 22Nggaanvmei nchamc ntu nggaanv thiak khou zip kariu nuh mak ge; hei tei Ravguangc rui karaeng e.#Lev 20.13 23Ntumei ni nggaanvmei ni khouringh lev ntu-nah nuh mak ge; hei tei rui nangniw ta sw mphuam puni.#Tat 22.19; Lev 20.15,16; Ria 27.21
24Mi kumhmei tuang taanv hei rui nangniw rana nangniw ta swtanac riu. Nangniw gut nimei kandic khou rui Ringhpouc rui nthau ganc pw nimei zaat nunc hei guay rui kaniw rana kaniw ta sw mphuamna lungc the. 25Kaniw tuang taanv rui mi kandic ta tei swtanac the. Kumhpui zaeng rui Ringhpouc rui kaniw ta dandi tii the kumna mi kandic khou tei rui alay pat the. 26Tiki nangniw rui atuang latdyng khatni latdanv guay piu nina e, khatni sa bammei chanymei taanv khat sini nangniw lev khuam bammei zaatc baihmei nunc ni taanc nuh mak ge. 27Mi sa bammei chanymei taanv guay hei nangniw hu khou lungclou duhmei kandih mei nunc rui taanc the kumna kaniw rui mi kandic ti hei sw mphuamlou the. 28Nangniw hu khou lungclou duhmei zaatc baihmei nunc ta alay ganc kanmei kumcna nangniw ni karaeng chanymei thak khou lungc e thei alay ganc muay puni. 29Hei kumhmei chanymei tuang taanv taanhmei guay ta thu kamei pang khou rui ganc pat puni.
30Alatdanv guay hei piuna nangniw hu khou mi kandic khou hei lungclou kanmei nunc thei layluaih riu, mi guay hei taanc lana nangniw rana ta sw mphuam riu. Ai hei Ringhpouc nangniw Racguangc e.
Currently Selected:
LEVITHOUC 18: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
