JONA 4
4
Ravguangc Zauzian ta Jona Lunghpuamhmei
1Mi lam khou tei Jona mpeyna neihla mak khe kumna kalungpuamc the. 2Kamei rui kumna huayney the, “He Ringhpouc, nang heikum puni de twna ai kai khou rui kaamc thau mak khou ai sa kan tu hamhna cho? Hei zaeng rui ai Tarsis thangc pak tat khang swmei tuang e. Nang hei nzianmei khatni zauzian thaymei Ravguangc, akhaengvsaenghmei, nzianmei rui padikmei, dandi tii makna lunglaih datmei ta nkhwan bammeipu e twmei ai thay e.#Tat 34.6 3Hei zaeng rui he Ringhpouc, apanty laalou pw tho, ai hei ringc bammei suangc theic kanmei rui gay di the.”#1 Gu 19.4
4 Ringhpouc rui kumna daw the, “Nang lunghpuamc bammei thouc naina cho?”
5Jona tei mi kaidai neihpat biak thangc tat pat lana thingswng kasiamh thaulouna mi bangc khou tei dungcna Nineve khou tabui pat puni cho twmei zaucna bam khwan the. 6Jona tei bam gayna bam kan khang Ringhpouc Ravguangc rui ramhluai akhat tithaulouna mi swng tei rui kapy ruc khou sungclou the. Jona tei mi khang tei neihla sih the. 7Tiki nthuanh lauthwan thwanzingh Ravguangc tuang latdanv theilayna nchiat rui mi bang tei tu luai kan the. 8Neihpat pwkhou, Ravguangc rui suhmei neihpat pwan tiguang the, kumna neih kapy khou souc keymei tei suc langv tina theic key ni kumc the. Kumna kamei theic e thei gay ni the twna ning the. “Ai ringc bammei suangc theic kanmei gay the,” twna kamei rui sa the.
9Khoutei Ravguangc rui sa the, “Mi bang zaeng khou tei rui nang lunghpuamc bam khang tabui thouc naina cho?”
Jona rui kumna daw the, “Ai lunghpuamc biuh rapmei tuang de, theihmei nganvna lungpuamh khang nai e!”
10 Ringhpouc rui kakhou sa the, “Mi bang tei zingbangc akhat khou rui thau lana zingbangc akhat khou theic kanmei tuang de; mi khang hei nang ramhkhat na sini swlou mak ge, nang rui mi ti hei tithauloumei tuang hamh e; tiki nang mi khang tei lungh kabiu e. 11Kum e thei mi kaidai daihmei Nineve khang tei ai adih lungh kabiu puni cho. Mi khou tei nzat mbai thay makmei alauc 1,20,000 khatni khouringh khounah mpeyna nai e!”
Currently Selected:
JONA 4: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
