IBRIMEI 5
5
1Tingkuh guay hei maansei makaamv khou rui kapah lana, meic nunc phaan Ravguangc siamruai sw khang, puatkat kat khang khatni paapc khang khaeng khang suangloumei nunc e. 2Kamei hei ni kalam katana khou suanmei nai lapui zaeng rui thay makna taanc maanvloumei guay khang lungh zaenghna kakhanhlou ngam e. 3Kamei kahak ni suanmei lapui zaeng rui, meic nunc paap khang na hamhna kapaap khang ni kamei khaeng mak nuh mak ge.#Lev 9.7 4Meic gaanv khat na sini tingkuh sw ni twna karana sw nuh mak ge; Aron ta kumcna Ravguangc rui kawloupui thei layna sw nina de.#Tat 28.1
5Hei tei kumcna Khrista ni karana rui tingkuh bamv hei laa tu hamh e, tiki
“Nang hei anac mpouh e,
aseic thu ai hei nang pu di the.”#Kal 2.7
twna sameipu rui suanglou tuang e. 6Kumna kabam akhat khou,
“Nang hei Melkhizedek tuang amuc lang khou,#Melkhizedek tuang amuc lang khou; hamh e thei Melkhizedek kumhmei; hamh e thei Melkhizedek phaan lyn keymei riang khou.
tingsaeng amuh sw puni,”#Kal 110.4
twna ni hylouna nai e.
7Jisu kamei mbaanv pumc swna bampui douc, kata theic nimei khou rui gulou ngammeipu khou kapna kaucna huay khwan e. Kamei Ravguangc ta pingmeipu tipui zaeng rui kamei huayneymei tei chulou khwan e.#Met 26.36-48; Mrk 14.32-42; Luk 22.39-46 8Kamei Ravguangc nac mpouh khwan sini, latpiuna ryanramei khaengvlou the. 9Kumna kathouc taanc nthuihlou lana kamei kalat piumei guay khang tingsaeng ringcbamv tiiloumeipu sw the, 10khatni Ravguangc rui kata Melkhizedek amuc lang khou#5.6 tei zauc o. tingkuh swna suanglou the.
Lwmmei Mpat Mak khang Kakhimloumei
11Mi lam khou hei sa khang mpeyna nai he, tiki nangniw khou thay niimei tuang maekpui zaeng rui, nangniw khou dinc bam khang kungc the. 12Ntaw thu nangniw meic nunc khang nchamlou bam biuhpui ganv di the, tiki nangniw khang Ravguangc tuang kabangbi latdyn guay tei nchamlou khang kage nai bam di he. Nangniw naptanh tu ngam makmei, noucdui na kage naimei angana mbaih the.#1 Ko 3.2 13Noucdui na zangv bammei tei thu angana di he; kaniw si gay thay ngam mak he. 14Tiki naptanh hei thu, chada zauc lana tabui tei simei cho khatni tabui tei gaymei cho twmei thaymei meicphamei nunc khang e.
Currently Selected:
IBRIMEI 5: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
