TATPATMEI 39
39
Amuh nunc Pwan Kasiamhmei
(Tat 28.1-14)
1Nthanmei bamv khou thouh swmei ganv khou piu nimei amuh nunc tuang nrymmei, haengcnrymmei khatni haenghmei langc rui kasiamhmei chingkhiuhmei pwan tei kaniw rui kasiamh the. Aron tuang amuh pwan tei ni Ringhpouc rui Mousi khou saloumei theilayna kaniw rui taanc the.
2Nrymmei, haengcnrymmei khatni haenghmei linen langc khou kachaekc riang dakloumei ephod ni kaniw rui kasiamh the. 3Kaniw rui kachaekc paek dy patna hei tei kariang khang tiap patna gaymei linen khatni nrymmei, haengcnrymmei khatni haenghmei langc khou tei dak kariulou the. 4Kaniw rui meic bou khou phungc nimei ephod riang kanei tei kasiamh lana hei tei katin kanei khou ntalou the. 5Ringhpouc rui dincloumei kumcna, mi tuang langc tei rui kasiamhmei bungkam tei ephod tei lev kapumc akhat na swna kasiamhlou the. 6Kaniw rui karnelia tauc tei kachaekc rui kakhau riawlou the, kumna Jakob kaikhwang 12 zanc tei mi khou tei hy chuyna hylou the. 7Ringhpouc rui Mousi khou saloumei kumcna Isarael kaikhwang 12 phaan swna hei tei ephod riang kanei khou tei thaengclou the.
Ngaengvthuapc Kasiamhmei
(Tat 28.15-30)
8Kaniw rui ngaengthuapc tei baanhthaymei rui taanhmei kumcna kasiamh the, kaniw rui Ephod tei kachaekc tuang karing nrymmei khatni haengcnrymmei rui huilou the. 9Hei tei kw khat saengc, kw khat daic e, kumna kanei khang kadip the. 10Kaniw rui mi khou tei kamanv kunghmei ntauh kakin padeih duanclou the. Reymei kin khou rubi, topaz, khatni garnet tauc lou the. 11Kaneimei kin khou emerald, saphir, khatni diamon lou the. 12Kathumhmei kin khou turkuis, agat, amethist tauc lou the. 13Padeihmei kin khou rui beril, karnelia, khatni jasper tauc lou the. Mi guay hei kachaekc khou duanclou the. 14Mi ntauc kathuic khou tei Jakob nac mpouh gaanv 12 zanc tei hylou the, kumna hei tei Isaraelmei kaikhwang 12 phaan tei e. 15Mi ngaengvthuapc riang khang tei kachaekc nthanmei rui langhriang kumcna kasiatclou the. 16Kaniw rui kachaekc paek kanei khatni kachaekc tuang haengv kanei kasiamhna mi kahaengv kanei tei mi ngaengvthuapc tuang kapy kwn kanei khou tei ntalou the. 17Kaniw mi kachaekc riang twan kanei tei mi kahaengv kanei khou tei ntalou the, kumna 18mi riang twan kabiak akhat tei kachaekc paek khou tei ntalou the. Heikumna hei tei ephod tuang riang khou tei hu khou thaengclou the. 19Kaniw rui kachaekc tuang kahaengv kanei kasiamh lana ngaengvthuapc tuang kabangcmei kwn kanei khou tei ntalou the. Hei tei ephod biak bam nimei kalungc biak tei ntalou the. 20Kaniw rui kachaekc tuang haengv baihmei kanei ni kasiamhna hei tei ephod tuang riang kabangcmei, dak chuyloumei bungkam tin ruc khou tei, ntalou the. 21Ringhpouc rui Mousi khou latdanv tiiloumei kumcna ngaengvthuapc tuang kahaengv guay tei ephod khou naimei haengv guay khou tei langh riang nrymmei rui nta kariulou the. Kumna hei tei bungkam ruc khou duapna bam the.
Baih Baihmei Amuh tuang Pwan Kasiamhmei
(Tat 28.31-43)
22Ephod lungc khou numei thiula saenghmei tei ramhhiw langc nrymmei rui kasiamh the. 23Py kari gut nimei phoukai tei kaekpat mak khang pheyluang akhat hui nkuaylou e. 24Pheytin thaengckeymei nkuaymei khou tei kaniw rui nrymmei, haengcrymmei, haenghmei khatni linen phey gaymei rui dakloumei rui puc-heithai thaengc nkuaylou the. 25Kachaekc rui kasiamhmei mbang ni puc-heithai kak khou tei thaengclou the. 26Mousi khou Ringhpouc rui latdanv tiiloumei theilayna mbang lev puc-heithai kanei tei rui lou maki makina kasiamhloumei pwan tei piuna thouh sw khang e.
27Kaniw rui Aron khatni kanac mpouh nunc khang thiula linen phey gaymei rui daklou the kumlana 28Py gwm ni, kalungc khou piumei nai kasiamhlou the. 29Mousi khou Ringhpouc rui latdanv tiiloumei kumcna siangiat phey ni linen phey gaymei nrymmei, haengcrymmei khatni haenghmei phey khou tei mpinh rui luanhlouna kasiamhlou the. 30“Nthanmei hei Ravguangc khang e” twna hiakloumei tuang madanhmei tuang swmei kachaekc tuang paek ni kasiamh the. 31Ringhpouc rui Mousi khou dincloumei kumcna kaniw rui hei tei pygwm hu khou tei langh riang nrymmei rui thaengclou the.
Taanv Guayna Luailoumei
(Tat 35.10-19)
32 Ringhpouc tuang kalummei pheykai tuang taanv guayna tei luailou the. Ringhpouc rui Mousi khou latdanv swna saloumei kahak kumcna Isaraelmei rui taanclou the. 33Kaniw rui pheykai khatni mi khou lou nimei na guay: katiangc; kakhuai; kaluang; khamthinghphey; ntiangh kabam; 34khup khang nsangh haengcloumei lauziuchic tuang gic khatni guaihgic; kadam; 35tauhpaek loumei Latdyng khuk, kaphuang, khatni kagwm; 36Ringhpouc khang ntyan katmei paeng, mi tuang na guay khatni nchinloumei ntyan; 37kachaekc nthanmei thauhmaihyang, thauhmai, mi tuang na guay khatni mi tuang thauc; 38kachaekc tuang ravchapaeng; teymei thauc; namhgaymei agaw; pheykai kaimun phey; 39karaengv kazauhmei tanzinc tuang ravchapaeng, kaphuang, mi tuang na guay; duikhiu kaikhuang khatni mi tuang bam; 40kairaengvphey khatni katiangc, kairaengv kaimun phey khatni kariang; kalummei pheykai tuang muihtiangc; kalummei pheykai khou lou nimei na guay; 41Nthanmei bamv khou Aron khatni kanac mpouh nunc rui piu nimei kagunc naimei amuh pwan hei guay hei Mousi khou phungc guang the. 42Ringhpouc rui Mousi khou latdanv tiiloumei kahak tei Isaraelmei rui kasiamhlou the. 43Mousi rui mi guay tei zauc pwkhou Ringhpouc rui dincloumei lev nchamc the twmei how the. Kumna Mousi rui mi guay khou tei suaihiamlou the.
Currently Selected:
TATPATMEI 39: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 39
39
Amuh nunc Pwan Kasiamhmei
(Tat 28.1-14)
1Nthanmei bamv khou thouh swmei ganv khou piu nimei amuh nunc tuang nrymmei, haengcnrymmei khatni haenghmei langc rui kasiamhmei chingkhiuhmei pwan tei kaniw rui kasiamh the. Aron tuang amuh pwan tei ni Ringhpouc rui Mousi khou saloumei theilayna kaniw rui taanc the.
2Nrymmei, haengcnrymmei khatni haenghmei linen langc khou kachaekc riang dakloumei ephod ni kaniw rui kasiamh the. 3Kaniw rui kachaekc paek dy patna hei tei kariang khang tiap patna gaymei linen khatni nrymmei, haengcnrymmei khatni haenghmei langc khou tei dak kariulou the. 4Kaniw rui meic bou khou phungc nimei ephod riang kanei tei kasiamh lana hei tei katin kanei khou ntalou the. 5Ringhpouc rui dincloumei kumcna, mi tuang langc tei rui kasiamhmei bungkam tei ephod tei lev kapumc akhat na swna kasiamhlou the. 6Kaniw rui karnelia tauc tei kachaekc rui kakhau riawlou the, kumna Jakob kaikhwang 12 zanc tei mi khou tei hy chuyna hylou the. 7Ringhpouc rui Mousi khou saloumei kumcna Isarael kaikhwang 12 phaan swna hei tei ephod riang kanei khou tei thaengclou the.
Ngaengvthuapc Kasiamhmei
(Tat 28.15-30)
8Kaniw rui ngaengthuapc tei baanhthaymei rui taanhmei kumcna kasiamh the, kaniw rui Ephod tei kachaekc tuang karing nrymmei khatni haengcnrymmei rui huilou the. 9Hei tei kw khat saengc, kw khat daic e, kumna kanei khang kadip the. 10Kaniw rui mi khou tei kamanv kunghmei ntauh kakin padeih duanclou the. Reymei kin khou rubi, topaz, khatni garnet tauc lou the. 11Kaneimei kin khou emerald, saphir, khatni diamon lou the. 12Kathumhmei kin khou turkuis, agat, amethist tauc lou the. 13Padeihmei kin khou rui beril, karnelia, khatni jasper tauc lou the. Mi guay hei kachaekc khou duanclou the. 14Mi ntauc kathuic khou tei Jakob nac mpouh gaanv 12 zanc tei hylou the, kumna hei tei Isaraelmei kaikhwang 12 phaan tei e. 15Mi ngaengvthuapc riang khang tei kachaekc nthanmei rui langhriang kumcna kasiatclou the. 16Kaniw rui kachaekc paek kanei khatni kachaekc tuang haengv kanei kasiamhna mi kahaengv kanei tei mi ngaengvthuapc tuang kapy kwn kanei khou tei ntalou the. 17Kaniw mi kachaekc riang twan kanei tei mi kahaengv kanei khou tei ntalou the, kumna 18mi riang twan kabiak akhat tei kachaekc paek khou tei ntalou the. Heikumna hei tei ephod tuang riang khou tei hu khou thaengclou the. 19Kaniw rui kachaekc tuang kahaengv kanei kasiamh lana ngaengvthuapc tuang kabangcmei kwn kanei khou tei ntalou the. Hei tei ephod biak bam nimei kalungc biak tei ntalou the. 20Kaniw rui kachaekc tuang haengv baihmei kanei ni kasiamhna hei tei ephod tuang riang kabangcmei, dak chuyloumei bungkam tin ruc khou tei, ntalou the. 21Ringhpouc rui Mousi khou latdanv tiiloumei kumcna ngaengvthuapc tuang kahaengv guay tei ephod khou naimei haengv guay khou tei langh riang nrymmei rui nta kariulou the. Kumna hei tei bungkam ruc khou duapna bam the.
Baih Baihmei Amuh tuang Pwan Kasiamhmei
(Tat 28.31-43)
22Ephod lungc khou numei thiula saenghmei tei ramhhiw langc nrymmei rui kasiamh the. 23Py kari gut nimei phoukai tei kaekpat mak khang pheyluang akhat hui nkuaylou e. 24Pheytin thaengckeymei nkuaymei khou tei kaniw rui nrymmei, haengcrymmei, haenghmei khatni linen phey gaymei rui dakloumei rui puc-heithai thaengc nkuaylou the. 25Kachaekc rui kasiamhmei mbang ni puc-heithai kak khou tei thaengclou the. 26Mousi khou Ringhpouc rui latdanv tiiloumei theilayna mbang lev puc-heithai kanei tei rui lou maki makina kasiamhloumei pwan tei piuna thouh sw khang e.
27Kaniw rui Aron khatni kanac mpouh nunc khang thiula linen phey gaymei rui daklou the kumlana 28Py gwm ni, kalungc khou piumei nai kasiamhlou the. 29Mousi khou Ringhpouc rui latdanv tiiloumei kumcna siangiat phey ni linen phey gaymei nrymmei, haengcrymmei khatni haenghmei phey khou tei mpinh rui luanhlouna kasiamhlou the. 30“Nthanmei hei Ravguangc khang e” twna hiakloumei tuang madanhmei tuang swmei kachaekc tuang paek ni kasiamh the. 31Ringhpouc rui Mousi khou dincloumei kumcna kaniw rui hei tei pygwm hu khou tei langh riang nrymmei rui thaengclou the.
Taanv Guayna Luailoumei
(Tat 35.10-19)
32 Ringhpouc tuang kalummei pheykai tuang taanv guayna tei luailou the. Ringhpouc rui Mousi khou latdanv swna saloumei kahak kumcna Isaraelmei rui taanclou the. 33Kaniw rui pheykai khatni mi khou lou nimei na guay: katiangc; kakhuai; kaluang; khamthinghphey; ntiangh kabam; 34khup khang nsangh haengcloumei lauziuchic tuang gic khatni guaihgic; kadam; 35tauhpaek loumei Latdyng khuk, kaphuang, khatni kagwm; 36Ringhpouc khang ntyan katmei paeng, mi tuang na guay khatni nchinloumei ntyan; 37kachaekc nthanmei thauhmaihyang, thauhmai, mi tuang na guay khatni mi tuang thauc; 38kachaekc tuang ravchapaeng; teymei thauc; namhgaymei agaw; pheykai kaimun phey; 39karaengv kazauhmei tanzinc tuang ravchapaeng, kaphuang, mi tuang na guay; duikhiu kaikhuang khatni mi tuang bam; 40kairaengvphey khatni katiangc, kairaengv kaimun phey khatni kariang; kalummei pheykai tuang muihtiangc; kalummei pheykai khou lou nimei na guay; 41Nthanmei bamv khou Aron khatni kanac mpouh nunc rui piu nimei kagunc naimei amuh pwan hei guay hei Mousi khou phungc guang the. 42Ringhpouc rui Mousi khou latdanv tiiloumei kahak tei Isaraelmei rui kasiamhlou the. 43Mousi rui mi guay tei zauc pwkhou Ringhpouc rui dincloumei lev nchamc the twmei how the. Kumna Mousi rui mi guay khou tei suaihiamlou the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.