TATPATMEI 38
38
Rawna Khaengmei Ravchapaeng Kasiamhmei
(Tat 27.1-8)
1Rawna khaengmei ravchapaeng khang kamei rui akasia thing rui kasiamh the. Hei tei kasaeng kadai chowbuk panguh panguh e, kakau rui chowbuk kathumh e. 2Kakwn padeih khou tei kachei padeih lou the kumna hei tei kapumc tei lev akhat na swna kasiamh the. Kamei rui mi kapumc kapwmna tei tanzinc rui duam the. 3Ravchapaeng khou sinsw nimei na guay: zeisiankuak, mbut suakkuak, nkuak, rwang, khatni maikuak hei guay hei kasiamh the. Mi na guay hei tanzinc rui kasiamh the. 4Kamei rui tanzinc tuang raengv kasiamhna hei tei kapaeng tin khou tei rui lou keyna ravchapaeng bamv lou key tangc the. 5Puanc kalw khang kanu padeih kasiamh lana hei tei katin padeih khou lou the. 6Puanhmei phuang padeih akasia thing rui kasiamhna hei tei tanzinc rui duamlou the. 7Hei tei ravchapaeng naek kanei khou tei kanu khou tei karilou the. Mi ravchapaeng tei thingpaek rui kasiamhna kalungc phou e.
Tanzinc tuang Duikhiu Kaikhuang
(Tat 30.18)
8 Ringhpouc tuang kalummei pheykai kaimun khou siamruai swmei ntumei nunc tuang maengzau guay khou rui tanzinc tuang duikhiu kaikhuang khatni kabamv kamei rui kasiamh the.#Tat 30.18
Ringhpouc tuang Kalummei Pheykai Kairaengv
(Tat 27.9-19)
9 Ringhpouc tuang kalummei pheykai kairaengv tei kamei rui gaymei linen phey rui kasiamh the. Karaengv tei dihba biak thangc chowbuk 100 saengc e. 10Katiangc tei tanzinc tuang 20, kabam 20 e. Khoutei daandi tuang khuai khatni daandi tuang luang kasiamhlou the. 11Hei tei lev nchamc raph rapna dihpy biak thangc ni kasiamhlou the. 12Neihkeylou biak thangc karaengv tei chowbuk 50 saenghmei, katiangc ruh khatni kabam ruh, kumna khou tei daandi tuang khuai khatni kaluang kasiamhlou the. 13Kaimun biak neihpat biak raengv tei ni chowbuk 50 kasiamhlou the. 14Chaengmun kak akhat khou tei chowbuk 15 saenghmei phey bam kathumh lev katiangc kasiamhlou the. 15Hei tei kumcna kairaengv kaimun khou tei ni chowbuk 15 saenghmei phey kathumh lev katiangc kathumh kasiamh the. 16Karaengv phey kaguayna tei linen phey gaymei rui kasiamhmei tuang e. 17Katiangc bam guay tei tanzinc rui khatni kakhuai, kaluang khatni katiangc duammei guay tei daandi rui kasiamh the. Katiangc luang guay tei daandi tuang luang rui phian alamvlou the. 18Kaimun khou lamcloumei phey tei nrymmei, haengcnrymmei, khatni haenghmei linen gaymei langc rui daklouna mi khou tei ramhmaengc luanhlou the. Hei tei khamthinghphey tei kumcna chowbuk 20 daic panguh kauh e. 19Hei tei kabam khou dungcloumei katiangc padeih rui phunghmei tuang e. Kakhuai, kapyrun, khatni kaluang tei daandi rui kasiamh the. 20Kalummei Pheykai khatni kairaengv riang bangc nimei muihtiangc guay tei tanzinc rui kasiamh the.
Ringhpouc tuang Kalummei Pheykai khou Sinswmei Ntanh
21Latdanv ruh hyloumei tauhpaek kanei kalungc khou loumei Ringhpouc tuang pheykai khou ntanh gut kanmei sing kiu mi hei the. Mi tuang chakh tei Mousi tuang latdanv theilayna amuh Aron nac mpouh Ithmar rui zayloumei bangc khou Levimei nunc rui kasiamhloumei tuang e.
22 Ringhpouc rui taanc o twna samei guay tei Juda kaikhwangmei Hur tou, Uri nac mpouh Bezalel rui kasiamh the. 23Kata nkhavmeipu, Dan kaikhwangmei Ahisamak nac mpouh Oholiab tei thing tauh khou hianthaymei, ramh lwn kasiamhmei khatni nrymmei, haengcnrymmei khatni haenghmei linen phey dakmeipu e.
24Nthanmei pheykai khang tei kat guangna piu kanmei kachaekc guay tei talent 29 khatni shekel 730 the. 25Meic sing chakmei khou rui khuam guangmei daandi hei talent 100 khatni shekel 1775 e.#Tat 30.11-16 26Mi sing hei meic sing chakmei khou, meic kathuicna rui tii nimei thaengv tii guangmei khou rui ndathmei rith the. Mi khou tei zanh chanhmei tingkwm 20 khou rui karuc ku kanmei guay sing nggaanvmei 603,550 the.#Met 17.24 27Ravchabamv khatni khamthingphey tuang kabam kasiamh khou tei talent 100 tuang daandi 100 gutna kasiamh e. Kabam 100 khou tei talent 100 muay the. 28Kaniw rui kaluang, kakhuai khatni katiangc duam khang shekel 1775 rui kasiamh the. 29Ringhpouc khang kat guangmei tanzinc tei talent 70 e khatni shekel 2400 e. 30Hei tei rui Ringhpouc tuang kalummei pheykai kaimun bam, tanzinc tuang ravchapaeng khatni mi tuang raengv, 31kairaengv tiangc bam khatni kairaengvmun tiangc bam, kalummei pheykai khatni kairaengv tuang muihtiangc hei guay hei kamei rui kasiamh the.
Currently Selected:
TATPATMEI 38: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 38
38
Rawna Khaengmei Ravchapaeng Kasiamhmei
(Tat 27.1-8)
1Rawna khaengmei ravchapaeng khang kamei rui akasia thing rui kasiamh the. Hei tei kasaeng kadai chowbuk panguh panguh e, kakau rui chowbuk kathumh e. 2Kakwn padeih khou tei kachei padeih lou the kumna hei tei kapumc tei lev akhat na swna kasiamh the. Kamei rui mi kapumc kapwmna tei tanzinc rui duam the. 3Ravchapaeng khou sinsw nimei na guay: zeisiankuak, mbut suakkuak, nkuak, rwang, khatni maikuak hei guay hei kasiamh the. Mi na guay hei tanzinc rui kasiamh the. 4Kamei rui tanzinc tuang raengv kasiamhna hei tei kapaeng tin khou tei rui lou keyna ravchapaeng bamv lou key tangc the. 5Puanc kalw khang kanu padeih kasiamh lana hei tei katin padeih khou lou the. 6Puanhmei phuang padeih akasia thing rui kasiamhna hei tei tanzinc rui duamlou the. 7Hei tei ravchapaeng naek kanei khou tei kanu khou tei karilou the. Mi ravchapaeng tei thingpaek rui kasiamhna kalungc phou e.
Tanzinc tuang Duikhiu Kaikhuang
(Tat 30.18)
8 Ringhpouc tuang kalummei pheykai kaimun khou siamruai swmei ntumei nunc tuang maengzau guay khou rui tanzinc tuang duikhiu kaikhuang khatni kabamv kamei rui kasiamh the.#Tat 30.18
Ringhpouc tuang Kalummei Pheykai Kairaengv
(Tat 27.9-19)
9 Ringhpouc tuang kalummei pheykai kairaengv tei kamei rui gaymei linen phey rui kasiamh the. Karaengv tei dihba biak thangc chowbuk 100 saengc e. 10Katiangc tei tanzinc tuang 20, kabam 20 e. Khoutei daandi tuang khuai khatni daandi tuang luang kasiamhlou the. 11Hei tei lev nchamc raph rapna dihpy biak thangc ni kasiamhlou the. 12Neihkeylou biak thangc karaengv tei chowbuk 50 saenghmei, katiangc ruh khatni kabam ruh, kumna khou tei daandi tuang khuai khatni kaluang kasiamhlou the. 13Kaimun biak neihpat biak raengv tei ni chowbuk 50 kasiamhlou the. 14Chaengmun kak akhat khou tei chowbuk 15 saenghmei phey bam kathumh lev katiangc kasiamhlou the. 15Hei tei kumcna kairaengv kaimun khou tei ni chowbuk 15 saenghmei phey kathumh lev katiangc kathumh kasiamh the. 16Karaengv phey kaguayna tei linen phey gaymei rui kasiamhmei tuang e. 17Katiangc bam guay tei tanzinc rui khatni kakhuai, kaluang khatni katiangc duammei guay tei daandi rui kasiamh the. Katiangc luang guay tei daandi tuang luang rui phian alamvlou the. 18Kaimun khou lamcloumei phey tei nrymmei, haengcnrymmei, khatni haenghmei linen gaymei langc rui daklouna mi khou tei ramhmaengc luanhlou the. Hei tei khamthinghphey tei kumcna chowbuk 20 daic panguh kauh e. 19Hei tei kabam khou dungcloumei katiangc padeih rui phunghmei tuang e. Kakhuai, kapyrun, khatni kaluang tei daandi rui kasiamh the. 20Kalummei Pheykai khatni kairaengv riang bangc nimei muihtiangc guay tei tanzinc rui kasiamh the.
Ringhpouc tuang Kalummei Pheykai khou Sinswmei Ntanh
21Latdanv ruh hyloumei tauhpaek kanei kalungc khou loumei Ringhpouc tuang pheykai khou ntanh gut kanmei sing kiu mi hei the. Mi tuang chakh tei Mousi tuang latdanv theilayna amuh Aron nac mpouh Ithmar rui zayloumei bangc khou Levimei nunc rui kasiamhloumei tuang e.
22 Ringhpouc rui taanc o twna samei guay tei Juda kaikhwangmei Hur tou, Uri nac mpouh Bezalel rui kasiamh the. 23Kata nkhavmeipu, Dan kaikhwangmei Ahisamak nac mpouh Oholiab tei thing tauh khou hianthaymei, ramh lwn kasiamhmei khatni nrymmei, haengcnrymmei khatni haenghmei linen phey dakmeipu e.
24Nthanmei pheykai khang tei kat guangna piu kanmei kachaekc guay tei talent 29 khatni shekel 730 the. 25Meic sing chakmei khou rui khuam guangmei daandi hei talent 100 khatni shekel 1775 e.#Tat 30.11-16 26Mi sing hei meic sing chakmei khou, meic kathuicna rui tii nimei thaengv tii guangmei khou rui ndathmei rith the. Mi khou tei zanh chanhmei tingkwm 20 khou rui karuc ku kanmei guay sing nggaanvmei 603,550 the.#Met 17.24 27Ravchabamv khatni khamthingphey tuang kabam kasiamh khou tei talent 100 tuang daandi 100 gutna kasiamh e. Kabam 100 khou tei talent 100 muay the. 28Kaniw rui kaluang, kakhuai khatni katiangc duam khang shekel 1775 rui kasiamh the. 29Ringhpouc khang kat guangmei tanzinc tei talent 70 e khatni shekel 2400 e. 30Hei tei rui Ringhpouc tuang kalummei pheykai kaimun bam, tanzinc tuang ravchapaeng khatni mi tuang raengv, 31kairaengv tiangc bam khatni kairaengvmun tiangc bam, kalummei pheykai khatni kairaengv tuang muihtiangc hei guay hei kamei rui kasiamh the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.