TATPATMEI 40
40
Ringhpouc tuang Pheykai Kasiamh Thauna Katgutmei
1 Ringhpouc rui Mousi khou sa the, 2“Reymei bw tuang reymei tingmik nungc Ringhpouc tuang kalummei pheykai duanc thau tho. 3Latdanv ruh loumei latdyng khuk tei mi lungc khou tei lou o. Kumna mi hu khou tei khamthinghphey thaengc liamlou o. 4Tupaeng tei laaguangna mi khou tei lou nimei guay tei lou tho. Thauhmaihyang tei laaguangna mi khou tei thauhmai tei lou tho. 5Agaw nteimei tuang kachaekc ravchapaeng tei Latdyng khuk hu khou tei lou tho. Kumna kalummei pheykai chaengmun khou tei kaimun phey tei laamvlou tho. 6Khaengmei tuang raw nimei ravchapaeng tei kalummei pheykai kaimav khou tei kasiamhlou tho. 7Duikhiu kaikhuang tei kalummei pheykai lev ravchapaeng kak khou tei lou tho kumna mi khou tei dui lou padik tho. 8Kairaengv tei kasiamhlou tho kumna gut nimei chaengmun khou tei kaimun phey thaengclou tho.
9“Mi tangv tei pheykai tei lev mi khou gut nimei na guay tei nthanmei thauc rui teylouna katgut tho, kumna hei tei nthanmei sw puni the. 10Mi tangv tei ravchapaeng khatni mi khou gut nimei na guay tei thauh tey lana katgut tho, kumna hei tei nthan thiakh thiak puni the. 11Hei tei kumcna duikhiu kaikhuang khatni kabam tei katgut tho.
12“Aron lev kanac mpouh nunc ta tei kalummei pheykai kaimun khou tei nduangh guang tho, kumna kariak tuang dui rui kaniw ta lou nthan tho. 13Aron tei amuh swna ataanv taanc nuh khang rui kakhou tei amuh tuang pwan piulouna, thauh teylouna kata katgut tho. 14Kanac mpouh nunc ta nduangh guangna kaniw khou thiula piulou tho. 15Kaniw ni amuh nunc swna ataanv taanc nuh khang rui, kapu ta thauh teyloumei tei kumcna kaniw ta ni teylou tho. Mi thauc teyloumei ruina kaniw ta guang nimei meickin guay khou amuh tiswlou khang e.”
16 Ringhpouc rui latdanv tiimei tei kumc rapna Mousi rui ramh kaguayna taanc the. 17Kaniw Izip mpatloumei tangv kaneimei kwm reymei bw tuang reymei tingmik nungc Ringhpouc tuang pheykai duanc thau the. 18Mousi rui ntiangh bam guay tei kabamv kabamv khou lou the, katiangc lingc thau the, kaluang mphaihmei guay tei lou the. 19Kamei rui Ringhpouc rui saloumei kumc rapna khuplou the khatni kainam khou gum binlou nimei phey tei gumlou the.
20Mi tangv tei ntauhpaek kanei tei laana hei tei Latdyng khuk lungc khou lou the. Kamei rui mi khuk tuang kanu guay khou tei kaphuang nei tei karilou the, kumna hei tei gumlou the. 21Mi tangv mi khuk tei pheykai lungc khou tei laa gutlouna khamthinghphey tei thaengclou the. Ringhpouc tuang latdanv kumcna kamei rui Latdyng khuk ta tei daengc langclou the.
22Kamei rui ntyan paeng tei pheykai lungc khou tei dihpy biak thangc khamthinghphey paengc khou tei lou the, 23kumna Ringhpouc rui latdanv tiimei kumcna Ringhpouc khang kat nimei ntyan tei mi ruc khou tei mbaenglou the. 24Ringhpouc tuang latdanv theilayna kamei rui thauhmaihyang tei kalummei pheykai lungc khou, dihba biak thangc ntyanpaeng lev dungc achowna lou the, 25Ringhpouc rui saloumei kumcna Ringhpouc hu khou kamei rui thauhmai guay tei daanc the. 26Kamei rui kachaekc ravchapaeng tei kalummei pheykai lungc khou khamthinghphey hu khou tei lou the, 27kumna namhgaymei agaw tei ntei the. 28Pheykai kaimun khou tei kaimun phey thaengclou the, 29kumna mi kaimunphey hu khou tei rawna khaeng nimei ravchapaeng tei kasiamhlou the. Kamei rui mi khou tei rawna khaengmei khatni nap-bi khaengmei taanv tei Ringhpouc rui samei kumcna taanc the. 30Kamei rui duikhiu kaikhuang tei ravchapaeng lev pheykai kak khou tei lou the kumna hei tei dui lou padiklou the. 31Mi dui tei rui Mousi, Aron khatni kanac mpouh nunc kaniw phay baanc khiu the. 32Mousi khou Ringhpouc rui dincloumei theilayna kaniw rui pheykai khatni ravchapaeng daeng khou guang nimei, kathuic phaybaanh khiu the. 33Mousi rui kalummei pheykai khatni ravchapaeng raengv tei katingh thau the kumna mi raengv kaimun khou tei kaimunphey laamvlou the. Kumna kamei rui taanv guayna tei taanc luai the.
Ringhpouc tuang Kalummei Pheykai tei Muangh rui Gumbinmei
(Sin 9.15-23)
34Kalummei pheykai tei muangh rui gumbin the kumna Ringhpouc bammei tuang hym gaanhmei riw tei rui mi khou tei padik the.#1 Gu 8.10,11; Isa 6.4; Eze 43.4,5; Nda 15.8 35Hei zaeng rui Mousi pheykai lungc khou gut ngam mak khe. 36Muangh tei mi kalummei pheykai khou tei rui ku dat kan pwkhou na rui Isaraelmei nunc tei kaniw zypui tei kabamv baih thangc kalaic the. 37Muangh tei mi khou tei bam saanv, kaniw zypui kalaic mak ge. 38Kumna kalaanvchaeng Ringhpouc swmei muangc tei pheykai ruc khou khatni zingbangc chaeng muangh lungc khou tei mai chuangcna Isaraelmei nunc tuang chaenglwan guay khou how khwan e.
Currently Selected:
TATPATMEI 40: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 40
40
Ringhpouc tuang Pheykai Kasiamh Thauna Katgutmei
1 Ringhpouc rui Mousi khou sa the, 2“Reymei bw tuang reymei tingmik nungc Ringhpouc tuang kalummei pheykai duanc thau tho. 3Latdanv ruh loumei latdyng khuk tei mi lungc khou tei lou o. Kumna mi hu khou tei khamthinghphey thaengc liamlou o. 4Tupaeng tei laaguangna mi khou tei lou nimei guay tei lou tho. Thauhmaihyang tei laaguangna mi khou tei thauhmai tei lou tho. 5Agaw nteimei tuang kachaekc ravchapaeng tei Latdyng khuk hu khou tei lou tho. Kumna kalummei pheykai chaengmun khou tei kaimun phey tei laamvlou tho. 6Khaengmei tuang raw nimei ravchapaeng tei kalummei pheykai kaimav khou tei kasiamhlou tho. 7Duikhiu kaikhuang tei kalummei pheykai lev ravchapaeng kak khou tei lou tho kumna mi khou tei dui lou padik tho. 8Kairaengv tei kasiamhlou tho kumna gut nimei chaengmun khou tei kaimun phey thaengclou tho.
9“Mi tangv tei pheykai tei lev mi khou gut nimei na guay tei nthanmei thauc rui teylouna katgut tho, kumna hei tei nthanmei sw puni the. 10Mi tangv tei ravchapaeng khatni mi khou gut nimei na guay tei thauh tey lana katgut tho, kumna hei tei nthan thiakh thiak puni the. 11Hei tei kumcna duikhiu kaikhuang khatni kabam tei katgut tho.
12“Aron lev kanac mpouh nunc ta tei kalummei pheykai kaimun khou tei nduangh guang tho, kumna kariak tuang dui rui kaniw ta lou nthan tho. 13Aron tei amuh swna ataanv taanc nuh khang rui kakhou tei amuh tuang pwan piulouna, thauh teylouna kata katgut tho. 14Kanac mpouh nunc ta nduangh guangna kaniw khou thiula piulou tho. 15Kaniw ni amuh nunc swna ataanv taanc nuh khang rui, kapu ta thauh teyloumei tei kumcna kaniw ta ni teylou tho. Mi thauc teyloumei ruina kaniw ta guang nimei meickin guay khou amuh tiswlou khang e.”
16 Ringhpouc rui latdanv tiimei tei kumc rapna Mousi rui ramh kaguayna taanc the. 17Kaniw Izip mpatloumei tangv kaneimei kwm reymei bw tuang reymei tingmik nungc Ringhpouc tuang pheykai duanc thau the. 18Mousi rui ntiangh bam guay tei kabamv kabamv khou lou the, katiangc lingc thau the, kaluang mphaihmei guay tei lou the. 19Kamei rui Ringhpouc rui saloumei kumc rapna khuplou the khatni kainam khou gum binlou nimei phey tei gumlou the.
20Mi tangv tei ntauhpaek kanei tei laana hei tei Latdyng khuk lungc khou lou the. Kamei rui mi khuk tuang kanu guay khou tei kaphuang nei tei karilou the, kumna hei tei gumlou the. 21Mi tangv mi khuk tei pheykai lungc khou tei laa gutlouna khamthinghphey tei thaengclou the. Ringhpouc tuang latdanv kumcna kamei rui Latdyng khuk ta tei daengc langclou the.
22Kamei rui ntyan paeng tei pheykai lungc khou tei dihpy biak thangc khamthinghphey paengc khou tei lou the, 23kumna Ringhpouc rui latdanv tiimei kumcna Ringhpouc khang kat nimei ntyan tei mi ruc khou tei mbaenglou the. 24Ringhpouc tuang latdanv theilayna kamei rui thauhmaihyang tei kalummei pheykai lungc khou, dihba biak thangc ntyanpaeng lev dungc achowna lou the, 25Ringhpouc rui saloumei kumcna Ringhpouc hu khou kamei rui thauhmai guay tei daanc the. 26Kamei rui kachaekc ravchapaeng tei kalummei pheykai lungc khou khamthinghphey hu khou tei lou the, 27kumna namhgaymei agaw tei ntei the. 28Pheykai kaimun khou tei kaimun phey thaengclou the, 29kumna mi kaimunphey hu khou tei rawna khaeng nimei ravchapaeng tei kasiamhlou the. Kamei rui mi khou tei rawna khaengmei khatni nap-bi khaengmei taanv tei Ringhpouc rui samei kumcna taanc the. 30Kamei rui duikhiu kaikhuang tei ravchapaeng lev pheykai kak khou tei lou the kumna hei tei dui lou padiklou the. 31Mi dui tei rui Mousi, Aron khatni kanac mpouh nunc kaniw phay baanc khiu the. 32Mousi khou Ringhpouc rui dincloumei theilayna kaniw rui pheykai khatni ravchapaeng daeng khou guang nimei, kathuic phaybaanh khiu the. 33Mousi rui kalummei pheykai khatni ravchapaeng raengv tei katingh thau the kumna mi raengv kaimun khou tei kaimunphey laamvlou the. Kumna kamei rui taanv guayna tei taanc luai the.
Ringhpouc tuang Kalummei Pheykai tei Muangh rui Gumbinmei
(Sin 9.15-23)
34Kalummei pheykai tei muangh rui gumbin the kumna Ringhpouc bammei tuang hym gaanhmei riw tei rui mi khou tei padik the.#1 Gu 8.10,11; Isa 6.4; Eze 43.4,5; Nda 15.8 35Hei zaeng rui Mousi pheykai lungc khou gut ngam mak khe. 36Muangh tei mi kalummei pheykai khou tei rui ku dat kan pwkhou na rui Isaraelmei nunc tei kaniw zypui tei kabamv baih thangc kalaic the. 37Muangh tei mi khou tei bam saanv, kaniw zypui kalaic mak ge. 38Kumna kalaanvchaeng Ringhpouc swmei muangc tei pheykai ruc khou khatni zingbangc chaeng muangh lungc khou tei mai chuangcna Isaraelmei nunc tuang chaenglwan guay khou how khwan e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.