TATPATMEI 29
29
Aron khatni Kanac nunc ta Amuh Suamlou khang Riakdyn
(Lev 8.1-36)
1“Aron khatni kanac mpouh nunc rui amuh swna atuang taanv taanh khang kaniw ta katlou khang sw nimei taanv kiu mi hei the. Hiaksuimei guaituamchic akhat khatni lauziuchic kanei laaguang nina e. 2Khay kazauh makna gay liangmei gehu buay rui Olive thauc kanina ntyan kasiamh nina e, gaanvsaekc rui thauh kani makna thauh teyna kasiamh nina e. 3Mi guay tei nggiuh khou louna nangniw rui guaituamchic khatni lauziuchic khaeng pwkhou kat kazauh nina e.
4“Aron lev kanac mpouh nunc ta tei atuang kalummei pheykai kaimun khou nduangh guangna kaniw pumc nthanna duilow khang sa tho. 5Mi tangv tei Aron ta tei amuh tuang pwan — thiula, ephod, ephod lungc khou numei thiula, ngaengvthuapc, khatni bungkam tei piu nthuih o. 6Kapy khou pygwm tei gumlou tho kumna “Nthanmei hei Ringhpouc khang sw diu” twna hyloumei paek khou tei thaengclou tho. 7Kum lana tey nimei thauc tei laana, kapy khou bunlouna, kakhou teylou tho.
8“Kanac mpouh nunc ta ni kaw guangna kaniw khou thiula nulou tho; 9kaniw sian khou siangiat giatlou tho, khatni kaniw py khou pygwm guplou tho. Heikumna nangniw rui Aron khatni kanac mpouh nunc ta katgutlou nina e. Kaniw khatni kaniw tuang kikta rui tingsaengzaeng atuang amuh swna asiamruai sw nina e.
10“Guaituamchic tei atuang kalummei pheykai kaimav khou tei zay guangna Aron khatni kanac mpouh nunc ta mi guaituamchic py khou tei kaniw baanc mbaenglou khang sa tho. 11Mi guaituamchic tei kalummei pheykai chaengmun khou tei ahu khou dowluai nina e. 12Ravcha zei asaekc tei laana nang baanczung rui ravchapaeng chei khou tei teylou o. Nsaekcloumei guay tei ravchapaeng bamv khou tei bunlou nina e. 13Mi tangv tei kalungcna guay tei, kathyn gay liangmei langv tei khatni kaki kanei tei kathav kazauhna laa lana hei tei akhang puatkat swna ravchapaeng khou rawna khaeng o. 14Kazanc, kagic, khatni kabav guay tei thu zypui paengc thangc laa patna raw nina e. Mi hei amuh nunc tuang paap guay laa ganh khang khaengmei ravkhaeng e.
15“Lauziuchic akhat tei laana Aron khatni kanac mpouh nunc ta tei mi py khou tei kaniw baanc mbaenglou khang sa tho. 16Hei tei dowluaina kazei tei ravchapaeng naek padeih khou tei kazinhlou tho. 17Hei tei dim puat tho, kalungcna guay khatni katan tei khiu tho hei tei kapy khatni kazanc pang khou tei lou tho. 18Mi zanc kapwm tei taektw puatkat swna ravchapaeng khou raw tho. Mi rym tei rui ata tipianlou puni.#Eph 5.2; Phil 4.18
19“Baihmei lauziuchic laana Aron khatni kanac nunc rui mi khouringc py khou tei kaniw baanc mbaenglou khang sa o. 20Hei tei swluaina kazei tei Aron khatni kanac mpouh nunc tuang baanzat biak nupan, baanh zungkui khatni phay zungkui khou teylou o. Nsaekcloumei zei guay tei ravchapaeng naek padeih khou tei kazinhlou tho. 21Ravchapaeng khou naimei zei asaekc khatni teymei thauc tei laana Aron khatni kanac mpouh nunc khou tei kaniw pumc khou khatni kaniw tuang pheybaan khou kazinhlou o. Kum e tw e thei kaniw khatni kaniw tuang pheybaan guay tei akhou katgutlou puni the.
22“Lauziuchic thav, kamai bangbi, kalungcna guay, gay liangmei thyn langv, kaki kanei tei kathav kazauhna khatni baanzat naeng tei laa pat tho. 23Akhang katloumei tuang ntyan nggiuh khou tei rui ntyan zaat kathuic khou rui: Olive thauc loumei ntyan dwm akhat, khay lou makmei ntyan dwm akhat khatni kanghmei ntyan akhat twna laa tho. 24Mi guay tei Aron khatni kanac mpouh nunc baanc khou tiilouna hei tei nkunmei puatkat swna akhang kat ro twna kaniw khou sa tio. 25Hei tei kaniw khou rui laa dat lana hei tei rawna khaengmei ravcha ruc khou tei louna kat tho. Mi khaengmei rym tei rui ata tipianlou e.
26“Mi lauziuchic tuang kaphurou tei laana akhou nkunmei puatkat swna kat ro. Mi saram hei nangniw dam e.
27“Amuh suang khou katmei lauziuchic tuang kaphurou khatni thei naeng tei akhang nkunmei puatkat swna kat nina e kumna hei tei Aron kai punav nunc khang lou nina e. 28Nangniw rui alamvpuatkat katmei ganv khou mi khouringc tuang kaphurou khatni thei naeng tei Aron kai punav nunc tuang e twmei hei atuang kalaic dat lakmei lat the. Mi hei amuh nunc tuang Ringhpouc akhang tii nimei puatkat re.
29“Aron kamei theic e thei katuang amuh pwan tei kanac mpouh nunc khang tiilou duc nina e, kumna kaniw ta suanglou pwkhou kaniw hei tei piu nina e. 30Aron phaan lynmei kanac mpouh Nthanmei bamv khou guangna asiamruai sw nimeipu tei mi pwan tei zaeng chanei piu nina e.
31“Aron khatni kanac mpouh nunc ta suangmei tuang lauziuzanc tei Nthanmei bamv khou suangc nina e. 32Hei tei nggiuh khou loumei ntyan tei lev twna kalummei pheykai kaimun khou tei tu nina e. 33Kaniw ta suangmei ganv khou paapc kuak khang khaengmei tuang tei kaniw tu nina e. Hei tei meic baihmei akhat na rui sini tu nuh mak ge. 34Zanh khatni ntyan tei tu ngam makna lauthwan nganvna nsaekclou e thei, hei tei mai ntei nina e; hei tei tu dat nuh mak khe, kalam thu hei tei nthanmei e.
35“Aron khatni kanac mpouh nunc ta suangmei tuang taanv hei ai rui nang khou latdanv swna sa kanmei kumcna zaeng chanei taanc nina e. 36Paapc kuaklou khang zaeng chanei tei tingmik pum guaituamchic akhat akhat kat nina e. Mi hei rui ravchapaeng ta sw nthan puni. Mi tangv tei hei tei sw nthan khang mi khou tei Olive thauc teylou nina e. 37Hei tei zaeng chanei tei tingmik pum taanc nina e. Kum kan e thei ravchapaeng tei nthan the, kumna mi nthanmei puat tei kahi himei tei thu nthan puni.
Tingmik Pum Khaengmei
(Sin 28.1-8)
38“Guang nimei ganv kaguay khou ni tingkwm akhatmei lauziunac kanei tingmik pum kat tanh tan bam nina e. 39Hei tei lauthwan akhat tingzyn akhat kat nina e. 40Lauthwan khaengmei lauziunac tei gaymei gehu buay handwang akhat khou nthanmei Olive thauc kadath akhat kariulouna kat nina e. Drakhadui kadath akhat bun keyna kat nina e. 41Tingzyn tei ni hei tei lev nchamc raph rapna kat nina e. Hei tei Ringhpouc akhou taektw, khaengmei e kumna mi rym rui ata tipianlou e. 42Thei thangc ni mi rawna khaengmei puatkat hei atuang pheykai kaimun khou tei khaeng tanh tan bam nina e. Hei tei ai rui nang khou khatni amei nunc khou meickin meickin kachuc nimei bamv the. 43Mi bamv khou tei ai rui Isaraelmei ta ariw puni the, khatni ai bammei tuang karangmei riw tei rui mi bamv tei nthan puni. 44Ai rui mi kalummei pheykai khatni ravchapaeng tei sw nthanlou puni, khatni Aron khatni kanac mpouh nunc ta amuh swna asiamruai sw bam khang ai rui reicpatlou puni. 45Ai Isaraelmei pang khou bam puni, kumna ai rui kaniw tuang Racguangc sw puni. 46Ai rui kaniw pang khou lungc bam diu khang kaniw ta Izip khou rui phungc patloumei Ringhpouc kaniw Racguangc tei ai hei e twmei kaniw thay puni. Ai hei Ringhpouc kaniw Racguangc e.
Currently Selected:
TATPATMEI 29: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 29
29
Aron khatni Kanac nunc ta Amuh Suamlou khang Riakdyn
(Lev 8.1-36)
1“Aron khatni kanac mpouh nunc rui amuh swna atuang taanv taanh khang kaniw ta katlou khang sw nimei taanv kiu mi hei the. Hiaksuimei guaituamchic akhat khatni lauziuchic kanei laaguang nina e. 2Khay kazauh makna gay liangmei gehu buay rui Olive thauc kanina ntyan kasiamh nina e, gaanvsaekc rui thauh kani makna thauh teyna kasiamh nina e. 3Mi guay tei nggiuh khou louna nangniw rui guaituamchic khatni lauziuchic khaeng pwkhou kat kazauh nina e.
4“Aron lev kanac mpouh nunc ta tei atuang kalummei pheykai kaimun khou nduangh guangna kaniw pumc nthanna duilow khang sa tho. 5Mi tangv tei Aron ta tei amuh tuang pwan — thiula, ephod, ephod lungc khou numei thiula, ngaengvthuapc, khatni bungkam tei piu nthuih o. 6Kapy khou pygwm tei gumlou tho kumna “Nthanmei hei Ringhpouc khang sw diu” twna hyloumei paek khou tei thaengclou tho. 7Kum lana tey nimei thauc tei laana, kapy khou bunlouna, kakhou teylou tho.
8“Kanac mpouh nunc ta ni kaw guangna kaniw khou thiula nulou tho; 9kaniw sian khou siangiat giatlou tho, khatni kaniw py khou pygwm guplou tho. Heikumna nangniw rui Aron khatni kanac mpouh nunc ta katgutlou nina e. Kaniw khatni kaniw tuang kikta rui tingsaengzaeng atuang amuh swna asiamruai sw nina e.
10“Guaituamchic tei atuang kalummei pheykai kaimav khou tei zay guangna Aron khatni kanac mpouh nunc ta mi guaituamchic py khou tei kaniw baanc mbaenglou khang sa tho. 11Mi guaituamchic tei kalummei pheykai chaengmun khou tei ahu khou dowluai nina e. 12Ravcha zei asaekc tei laana nang baanczung rui ravchapaeng chei khou tei teylou o. Nsaekcloumei guay tei ravchapaeng bamv khou tei bunlou nina e. 13Mi tangv tei kalungcna guay tei, kathyn gay liangmei langv tei khatni kaki kanei tei kathav kazauhna laa lana hei tei akhang puatkat swna ravchapaeng khou rawna khaeng o. 14Kazanc, kagic, khatni kabav guay tei thu zypui paengc thangc laa patna raw nina e. Mi hei amuh nunc tuang paap guay laa ganh khang khaengmei ravkhaeng e.
15“Lauziuchic akhat tei laana Aron khatni kanac mpouh nunc ta tei mi py khou tei kaniw baanc mbaenglou khang sa tho. 16Hei tei dowluaina kazei tei ravchapaeng naek padeih khou tei kazinhlou tho. 17Hei tei dim puat tho, kalungcna guay khatni katan tei khiu tho hei tei kapy khatni kazanc pang khou tei lou tho. 18Mi zanc kapwm tei taektw puatkat swna ravchapaeng khou raw tho. Mi rym tei rui ata tipianlou puni.#Eph 5.2; Phil 4.18
19“Baihmei lauziuchic laana Aron khatni kanac nunc rui mi khouringc py khou tei kaniw baanc mbaenglou khang sa o. 20Hei tei swluaina kazei tei Aron khatni kanac mpouh nunc tuang baanzat biak nupan, baanh zungkui khatni phay zungkui khou teylou o. Nsaekcloumei zei guay tei ravchapaeng naek padeih khou tei kazinhlou tho. 21Ravchapaeng khou naimei zei asaekc khatni teymei thauc tei laana Aron khatni kanac mpouh nunc khou tei kaniw pumc khou khatni kaniw tuang pheybaan khou kazinhlou o. Kum e tw e thei kaniw khatni kaniw tuang pheybaan guay tei akhou katgutlou puni the.
22“Lauziuchic thav, kamai bangbi, kalungcna guay, gay liangmei thyn langv, kaki kanei tei kathav kazauhna khatni baanzat naeng tei laa pat tho. 23Akhang katloumei tuang ntyan nggiuh khou tei rui ntyan zaat kathuic khou rui: Olive thauc loumei ntyan dwm akhat, khay lou makmei ntyan dwm akhat khatni kanghmei ntyan akhat twna laa tho. 24Mi guay tei Aron khatni kanac mpouh nunc baanc khou tiilouna hei tei nkunmei puatkat swna akhang kat ro twna kaniw khou sa tio. 25Hei tei kaniw khou rui laa dat lana hei tei rawna khaengmei ravcha ruc khou tei louna kat tho. Mi khaengmei rym tei rui ata tipianlou e.
26“Mi lauziuchic tuang kaphurou tei laana akhou nkunmei puatkat swna kat ro. Mi saram hei nangniw dam e.
27“Amuh suang khou katmei lauziuchic tuang kaphurou khatni thei naeng tei akhang nkunmei puatkat swna kat nina e kumna hei tei Aron kai punav nunc khang lou nina e. 28Nangniw rui alamvpuatkat katmei ganv khou mi khouringc tuang kaphurou khatni thei naeng tei Aron kai punav nunc tuang e twmei hei atuang kalaic dat lakmei lat the. Mi hei amuh nunc tuang Ringhpouc akhang tii nimei puatkat re.
29“Aron kamei theic e thei katuang amuh pwan tei kanac mpouh nunc khang tiilou duc nina e, kumna kaniw ta suanglou pwkhou kaniw hei tei piu nina e. 30Aron phaan lynmei kanac mpouh Nthanmei bamv khou guangna asiamruai sw nimeipu tei mi pwan tei zaeng chanei piu nina e.
31“Aron khatni kanac mpouh nunc ta suangmei tuang lauziuzanc tei Nthanmei bamv khou suangc nina e. 32Hei tei nggiuh khou loumei ntyan tei lev twna kalummei pheykai kaimun khou tei tu nina e. 33Kaniw ta suangmei ganv khou paapc kuak khang khaengmei tuang tei kaniw tu nina e. Hei tei meic baihmei akhat na rui sini tu nuh mak ge. 34Zanh khatni ntyan tei tu ngam makna lauthwan nganvna nsaekclou e thei, hei tei mai ntei nina e; hei tei tu dat nuh mak khe, kalam thu hei tei nthanmei e.
35“Aron khatni kanac mpouh nunc ta suangmei tuang taanv hei ai rui nang khou latdanv swna sa kanmei kumcna zaeng chanei taanc nina e. 36Paapc kuaklou khang zaeng chanei tei tingmik pum guaituamchic akhat akhat kat nina e. Mi hei rui ravchapaeng ta sw nthan puni. Mi tangv tei hei tei sw nthan khang mi khou tei Olive thauc teylou nina e. 37Hei tei zaeng chanei tei tingmik pum taanc nina e. Kum kan e thei ravchapaeng tei nthan the, kumna mi nthanmei puat tei kahi himei tei thu nthan puni.
Tingmik Pum Khaengmei
(Sin 28.1-8)
38“Guang nimei ganv kaguay khou ni tingkwm akhatmei lauziunac kanei tingmik pum kat tanh tan bam nina e. 39Hei tei lauthwan akhat tingzyn akhat kat nina e. 40Lauthwan khaengmei lauziunac tei gaymei gehu buay handwang akhat khou nthanmei Olive thauc kadath akhat kariulouna kat nina e. Drakhadui kadath akhat bun keyna kat nina e. 41Tingzyn tei ni hei tei lev nchamc raph rapna kat nina e. Hei tei Ringhpouc akhou taektw, khaengmei e kumna mi rym rui ata tipianlou e. 42Thei thangc ni mi rawna khaengmei puatkat hei atuang pheykai kaimun khou tei khaeng tanh tan bam nina e. Hei tei ai rui nang khou khatni amei nunc khou meickin meickin kachuc nimei bamv the. 43Mi bamv khou tei ai rui Isaraelmei ta ariw puni the, khatni ai bammei tuang karangmei riw tei rui mi bamv tei nthan puni. 44Ai rui mi kalummei pheykai khatni ravchapaeng tei sw nthanlou puni, khatni Aron khatni kanac mpouh nunc ta amuh swna asiamruai sw bam khang ai rui reicpatlou puni. 45Ai Isaraelmei pang khou bam puni, kumna ai rui kaniw tuang Racguangc sw puni. 46Ai rui kaniw pang khou lungc bam diu khang kaniw ta Izip khou rui phungc patloumei Ringhpouc kaniw Racguangc tei ai hei e twmei kaniw thay puni. Ai hei Ringhpouc kaniw Racguangc e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.