TATPATMEI 28
28
Amuh nunc tuang Pheybaan
(Tat 39.1-7)
1“Nang chaic Aron khatni kanac mpouh nunc — Nadab, Abihu, Eleazar khatni Ithmar hei nunc ta tei kaw tho. Kaniw rui amuh swna atuang siamruai sw diu khang kaniw ta Isaraelmei pang khou rui reicpatlou o. 2Katik kagunc karuhlou khang nang chaic Aron khang amuh phey kasiamh o. 3Ai rui baanhthaymei tiilou kanmei phey taanhmei nunc ta tei kaw guangna Aron tuang pheybaan kaniw rui kasiamh khang sa o. Kumna kamei tei amuh swna atuang siamruai sw khang katpatlou kan diu. 4Ngaengvthuapc, ephod, thiula saenghmei, huina karuhloumei thiula, pygwm, khatni siangiat hei guay hei kaniw ta tikasiamh tho. Kaniw rui mi amuh tuang pwan guay hei Aron khatni kanac mpouh nunc khang kasiamhlou nina e. 5Kaniw rui nrymmei, haengcnrymmei, khatni langh haenghmei, kachaekc riang khatni gaymei linen rui kasiamh nina e.
6“Kaniw rui nrymmei, haengcnrymmei, khatni haenghmei langc rui, kachaekc riang rui khatni gaymei linen rui ephod tei kasiamh nina e. Hei tei ramhmaengc luanhlouna karuh nina e. 7Hei tei boukhuak khou rui phungc nimei riang tei ni katin kanei khou tei lou nina e. 8Ephod kasiamhmei guay hei rui bungkam ni kamanv kunghmei puat guay rui kasiamh ni tuang e. Bungkam lev Ephod tei kapumc akhat na sw nina e. 9Kunghmei ntauh kanei laa lana khou tei Jakob nac gaanv 12 zanc tei hiaklou nina e. 10Kaniw zanc tei gaanvthaihmei khou rui kadwan swna hy key nina e khatni ntauh akhat akhat khou gaanv charuk ruk zanc hylou nina e. 11Baanhthaymei ta kawna mi zanc tei hy tho kumna mi tauc tei kachaekc rui kakhau khaulou nina e. 12Mi kanei tei ephod riang kanei khou tei lou nina e, hei tei Isaraelmei kaikhwang 12 phaan the. Ringhpouc ai rui Isaraelmei ta ningtow tanh tanna bam diu khang Aron amei nunc zanc tei ahu khou kangaengv khou phungcna bam nina e. 13Kachaekc tuang ravmaengc karuhloumei paek kanei kasiamh nina e, 14Kumna kachaekc riang tei kasiatc lana hei tei kakhau khou tei nsuklou nina e.
Ngaengvthuapc
(Tat 39.8-21)
15“Ravguangc chwn thanv khou sinsw khang tingkuh khang ngaengvthuapc akhat kasiamh nina e. Mi hei ephod kasiamhmei puat tei rui kasiamhna mi khou tei karuhloumei maengc guay tei luanhlou muay nina e. 16Hei tei kw khat saengc kw khat daic nina e — kumna kadip kanei nina e. 17Mi khou tei kunghmei tauc kakin padeih lou nina e; reymei kin khou tei rubi, topaz khatni garnet tauc lou nina e; 18Kaneimei kin khou emerald, sapphir, khatni diamon tauc lou nina e; 19kathumhmei kin khou turkuis, agat khatni amethist tauc lou nina e; 20khatni padeihmei kin khou tei beril, karnelian khatni jaspar tauc lou nina e. Hei tei kachaekc rui kakhau khau nkuaylou nina e. 21Mi tuang ntauh 12 khou tei Jakob nac mpouh guay zanc hylou nina e, hei tei Isarael kaikhwang phaan e. 22Mi ngaengvthuapc riang tei kachaekc nthanmei pareiriang rui kasiamhlou nina e. 23Kachaekc tuang haengv kanei kasiamh lana mi ngaengvthuapc paek tuang kapy biak kwn kanei khou tei huilou nina e, 24kumna kachaekc tuang riang kanei tei mi khou tei huilou nina e. 25Mi riang twan baihmei kanei kakhau khauloumei khou tei ntalou nina e kumna hei tei ephod tuang riang khou tei rui hu biak khou thaengclou nina e. 26Mi tangv tei kachaekc tuang haengv kanei kasiamh lana hei tei ngaengvthuapc tuang kabangcmei kwn kanei khou tei ephod biak bam nimei kalungcmei tin khou tei huilou nina e. 27Kachaekc tuang haengv kanei kasiamhna hei tei ephod tuang riang twan bungkam khou alamv nimei bamv khou tei paanclou nina e. 28Ngaengvthuapc tei pat makna bungkam ruc khou tei bam nuh khang ngaengvthuapc paek tuang haengv tei lev ephod tuang haengv tei nrymmei langcriang rui bang kariulou nina e.
29“Aron rui Nthanmei Bamv khou gutpui ganv khou mi Isaraelmei khwang 12 zanc hyloumei ngaengvthuapc paek hei kalungthw kaanv khou phungcna gut pwkhou Ringhpouc ai rui amei nunc ta ningtow tanh tanna bam puni. 30Urim khatni Thummim tei ngaengvthuapc khou tei lou nina e. Hei tei Aron rui ahu khou guang pui ganv khou phungc guang khang e. Mi kumhmei ganv khou kamei mi ngaengvthuapc tei phungc tanh tan nina e kalam thu kamei Isaraelmei khang achwn thay ngam khang e.#Sin 27.21; Ria 33.8; Ezr 2.63; Neh 7.65
Amuh Pwan Baih Baihmei
(Tat 39.22-31)
31“Ephod lungc khou piu nimei thiula saenghmei tei langh nrymmei rui dak nina e. 32Mi hei meic py khang kaphoukai nai nina e, kumna kaphoukai tei kaekpat mak khang katin phianc haaplou nina e. 33Kabangcmei tin khou tei nrymmei, haengcnrymmei khatni haenghmei rui dakmei puc-heithai thaengc ngguilou nina e, kumna kakak khou kachaekc tuang mbang thaengclou nina e, 34Kachaekc tuang mbang khatni puc-heithai kabangcmei pheytin nkuaymei khou tei thaengc tarilou nina e. 35Aron kamei rui amuh swna taanv sw pwkhou kamei mi thiula saenghmei hei piu nina e. Kamei rui Nthanmei bamv khou ahu khou guang pwkhou khatni tat pat dat pwkhou mi mbang khwan tei chu e thei kata tei swluai lak ge.
36“Kachaekc paek akhat kasiamhna mi khou tei ‘Nthanmei hei Ringhpouc khang sw diu twna hylou nina e.’ 37Hei tei pygwm hu khou tei nrymmei langcriang rui thaengclou nina e. 38Aron rui hei tei kasanpiang khou phungcna guang e thei, Isaraelmei rui akhou katloumei puatkat guay tei Ringhpouc ai rui laalou puni, kaniw tuang puatkat katmei khou tei nkhuaimei tuang asaekc nai sini laalou puni.
39“Aron tuang thiula tei gaymei linen rui dak nina e khatni kapygwm khatni siangiat tei linen rui kasiamhna ramhmaengc luanhlou nina e.
40“Aron nac mpouh nunc khou katik kagunc tinailou diu khang kaniw khang thiula, siangiat khatni pygwm kasiamhlou nina e. 41Mi pwan hei nang chaic Aron khatni kanac mpouh nunc khou tipiulou nina e. Kum kan e thei kaniw amuh swna asiamruai sw nuh diu khang kaniw khou Olive thauc teylouna suanglou nina e. 42Kaniw tei pumtang bam mak khang kaniw sian khou rui naengmun nganv nsuay nuhmei linen tuang nay kasiamhlou nina e. 43Aron khatni kanac mpouh nunc tei atuang pheykai khou guang pwkhou hamh e thei khaeng khang Nthanmei bamv khou ravchapaeng khou kaniw guang pwkhou kaniw mi nay tei nsuay tanh tan nina e, kalam thu kaniw paliucpui zaeng rui kaniw ta swluai mak khang e. Mi hei Aron khatni kanac mpouh nunc rui tingsaeng tat bam nimei riak ge.
Currently Selected:
TATPATMEI 28: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 28
28
Amuh nunc tuang Pheybaan
(Tat 39.1-7)
1“Nang chaic Aron khatni kanac mpouh nunc — Nadab, Abihu, Eleazar khatni Ithmar hei nunc ta tei kaw tho. Kaniw rui amuh swna atuang siamruai sw diu khang kaniw ta Isaraelmei pang khou rui reicpatlou o. 2Katik kagunc karuhlou khang nang chaic Aron khang amuh phey kasiamh o. 3Ai rui baanhthaymei tiilou kanmei phey taanhmei nunc ta tei kaw guangna Aron tuang pheybaan kaniw rui kasiamh khang sa o. Kumna kamei tei amuh swna atuang siamruai sw khang katpatlou kan diu. 4Ngaengvthuapc, ephod, thiula saenghmei, huina karuhloumei thiula, pygwm, khatni siangiat hei guay hei kaniw ta tikasiamh tho. Kaniw rui mi amuh tuang pwan guay hei Aron khatni kanac mpouh nunc khang kasiamhlou nina e. 5Kaniw rui nrymmei, haengcnrymmei, khatni langh haenghmei, kachaekc riang khatni gaymei linen rui kasiamh nina e.
6“Kaniw rui nrymmei, haengcnrymmei, khatni haenghmei langc rui, kachaekc riang rui khatni gaymei linen rui ephod tei kasiamh nina e. Hei tei ramhmaengc luanhlouna karuh nina e. 7Hei tei boukhuak khou rui phungc nimei riang tei ni katin kanei khou tei lou nina e. 8Ephod kasiamhmei guay hei rui bungkam ni kamanv kunghmei puat guay rui kasiamh ni tuang e. Bungkam lev Ephod tei kapumc akhat na sw nina e. 9Kunghmei ntauh kanei laa lana khou tei Jakob nac gaanv 12 zanc tei hiaklou nina e. 10Kaniw zanc tei gaanvthaihmei khou rui kadwan swna hy key nina e khatni ntauh akhat akhat khou gaanv charuk ruk zanc hylou nina e. 11Baanhthaymei ta kawna mi zanc tei hy tho kumna mi tauc tei kachaekc rui kakhau khaulou nina e. 12Mi kanei tei ephod riang kanei khou tei lou nina e, hei tei Isaraelmei kaikhwang 12 phaan the. Ringhpouc ai rui Isaraelmei ta ningtow tanh tanna bam diu khang Aron amei nunc zanc tei ahu khou kangaengv khou phungcna bam nina e. 13Kachaekc tuang ravmaengc karuhloumei paek kanei kasiamh nina e, 14Kumna kachaekc riang tei kasiatc lana hei tei kakhau khou tei nsuklou nina e.
Ngaengvthuapc
(Tat 39.8-21)
15“Ravguangc chwn thanv khou sinsw khang tingkuh khang ngaengvthuapc akhat kasiamh nina e. Mi hei ephod kasiamhmei puat tei rui kasiamhna mi khou tei karuhloumei maengc guay tei luanhlou muay nina e. 16Hei tei kw khat saengc kw khat daic nina e — kumna kadip kanei nina e. 17Mi khou tei kunghmei tauc kakin padeih lou nina e; reymei kin khou tei rubi, topaz khatni garnet tauc lou nina e; 18Kaneimei kin khou emerald, sapphir, khatni diamon tauc lou nina e; 19kathumhmei kin khou turkuis, agat khatni amethist tauc lou nina e; 20khatni padeihmei kin khou tei beril, karnelian khatni jaspar tauc lou nina e. Hei tei kachaekc rui kakhau khau nkuaylou nina e. 21Mi tuang ntauh 12 khou tei Jakob nac mpouh guay zanc hylou nina e, hei tei Isarael kaikhwang phaan e. 22Mi ngaengvthuapc riang tei kachaekc nthanmei pareiriang rui kasiamhlou nina e. 23Kachaekc tuang haengv kanei kasiamh lana mi ngaengvthuapc paek tuang kapy biak kwn kanei khou tei huilou nina e, 24kumna kachaekc tuang riang kanei tei mi khou tei huilou nina e. 25Mi riang twan baihmei kanei kakhau khauloumei khou tei ntalou nina e kumna hei tei ephod tuang riang khou tei rui hu biak khou thaengclou nina e. 26Mi tangv tei kachaekc tuang haengv kanei kasiamh lana hei tei ngaengvthuapc tuang kabangcmei kwn kanei khou tei ephod biak bam nimei kalungcmei tin khou tei huilou nina e. 27Kachaekc tuang haengv kanei kasiamhna hei tei ephod tuang riang twan bungkam khou alamv nimei bamv khou tei paanclou nina e. 28Ngaengvthuapc tei pat makna bungkam ruc khou tei bam nuh khang ngaengvthuapc paek tuang haengv tei lev ephod tuang haengv tei nrymmei langcriang rui bang kariulou nina e.
29“Aron rui Nthanmei Bamv khou gutpui ganv khou mi Isaraelmei khwang 12 zanc hyloumei ngaengvthuapc paek hei kalungthw kaanv khou phungcna gut pwkhou Ringhpouc ai rui amei nunc ta ningtow tanh tanna bam puni. 30Urim khatni Thummim tei ngaengvthuapc khou tei lou nina e. Hei tei Aron rui ahu khou guang pui ganv khou phungc guang khang e. Mi kumhmei ganv khou kamei mi ngaengvthuapc tei phungc tanh tan nina e kalam thu kamei Isaraelmei khang achwn thay ngam khang e.#Sin 27.21; Ria 33.8; Ezr 2.63; Neh 7.65
Amuh Pwan Baih Baihmei
(Tat 39.22-31)
31“Ephod lungc khou piu nimei thiula saenghmei tei langh nrymmei rui dak nina e. 32Mi hei meic py khang kaphoukai nai nina e, kumna kaphoukai tei kaekpat mak khang katin phianc haaplou nina e. 33Kabangcmei tin khou tei nrymmei, haengcnrymmei khatni haenghmei rui dakmei puc-heithai thaengc ngguilou nina e, kumna kakak khou kachaekc tuang mbang thaengclou nina e, 34Kachaekc tuang mbang khatni puc-heithai kabangcmei pheytin nkuaymei khou tei thaengc tarilou nina e. 35Aron kamei rui amuh swna taanv sw pwkhou kamei mi thiula saenghmei hei piu nina e. Kamei rui Nthanmei bamv khou ahu khou guang pwkhou khatni tat pat dat pwkhou mi mbang khwan tei chu e thei kata tei swluai lak ge.
36“Kachaekc paek akhat kasiamhna mi khou tei ‘Nthanmei hei Ringhpouc khang sw diu twna hylou nina e.’ 37Hei tei pygwm hu khou tei nrymmei langcriang rui thaengclou nina e. 38Aron rui hei tei kasanpiang khou phungcna guang e thei, Isaraelmei rui akhou katloumei puatkat guay tei Ringhpouc ai rui laalou puni, kaniw tuang puatkat katmei khou tei nkhuaimei tuang asaekc nai sini laalou puni.
39“Aron tuang thiula tei gaymei linen rui dak nina e khatni kapygwm khatni siangiat tei linen rui kasiamhna ramhmaengc luanhlou nina e.
40“Aron nac mpouh nunc khou katik kagunc tinailou diu khang kaniw khang thiula, siangiat khatni pygwm kasiamhlou nina e. 41Mi pwan hei nang chaic Aron khatni kanac mpouh nunc khou tipiulou nina e. Kum kan e thei kaniw amuh swna asiamruai sw nuh diu khang kaniw khou Olive thauc teylouna suanglou nina e. 42Kaniw tei pumtang bam mak khang kaniw sian khou rui naengmun nganv nsuay nuhmei linen tuang nay kasiamhlou nina e. 43Aron khatni kanac mpouh nunc tei atuang pheykai khou guang pwkhou hamh e thei khaeng khang Nthanmei bamv khou ravchapaeng khou kaniw guang pwkhou kaniw mi nay tei nsuay tanh tan nina e, kalam thu kaniw paliucpui zaeng rui kaniw ta swluai mak khang e. Mi hei Aron khatni kanac mpouh nunc rui tingsaeng tat bam nimei riak ge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.