TATPATMEI 30
30
Agaw Nteimei Ravchapaeng
(Tat 37.25-28)
1“Agaw ntei khang akasia thing tuang ravchapaeng akhat kasiamh nina e. 2Hei tei chowbuk akhat saengc, akhat daic khatni chowbuk kanei kauh nina e. Kachei padeih tei kapumc tei lev akhat na sw nina e. 3Kapaengc, kanaek padeih khatni kachei guay tei kachaekc nthanmei rui duam nina e khatni katin tei kachaekc rui zui nkuay nina e. 4Hei tei puanc kalw khang kachaekc tuang kanu kahaengv kanei kasiamhna katin bangc khou tei kanaek kanei khou duanclou nina e, mi khou tei kaphuang huilou khang e. 5Kaphuang tei ni akasia thing rui kasiamhna kachaekc rui duam nina e. 6Mi ravchapaeng hei Latdyng Khuk paeng khou thaengclou bammei khamthinghphey hu khou tei lou nina e. Hei tei ai rui nangniw ta ariw nimei bamv the. 7Aron rui thauhmai tei zauh khang lauthwan kathuic guang pwkhou mi khou tei agaw ntei nina e. 8Kamei rui tingzyn thauhmai ntou khang guang dat khou tei ni kamei rui hei tei kumcna sw muay nina e. Meickin meickin nganvna mi hei taek zat makna sw bam nina e. 9Mi khou tei agaw, khouringh, taektw hamh e thei drakhadui nthan makmei kat nuh mak ge. 10Paapc khang khaengmei khouringc tuang zei mi ravchapaeng chei khou tei teylouna Aron rui tingkwm pum mi ravchapaeng tei sw nthanmei tuang taanv taanc nina e. Thei thangc nganvna mi hei tingkwm pum taanc nina e. Mi ravchapaeng hei Ringhpouc akhou nthan liangmei e.”
Ringhpouc tuang Kalummei Pheykai Thaengv
11 Ringhpouc rui Mousi khou sa the, 12“Nang rui Isaraelmei meic sing tei hy pwkhou meic kathuicna katuang katuang pumhran tii nina e, hei tei meic sing hy bammei ganv khou tei ravpyan guanglou mak khang e. 13Kazanc chaklou tangmei kathuicna Ravkai tuang chakh khou shekel kapaek tii nina e. Hei tei meic kathuicna akhang kaipat swna tii nina e.#Tat 38.25,26; Met 17.24 14Tingkwm 20 mbu gaanvdaihna meic sing chakmei khou tei kazauh kanmei guay mi syan hei tii nina e. 15Mi pumhran hei thu lungcgaymei rui tii geic, lungcsimei rui tii rau tu nuh mak ge. 16Mi syan hei Isaraelmei khou rui kakhana atuang kalummei pheykai taanv khang piu nina e. Mi thaengv hei kaniw tuang panty thuak khang tiimei tuang e kumna ai rui kaniw ta amuc mak khang e.”
Tanzinc tuang Kuak
17 Ringhpouc rui Mousi khou sa the, 18“Tanzinc rui kabamv swmei tuang tanzinc tuang duikhiu kaikhuang kasiamh o. Hei tei ravchapaeng kanei kalummei pheykai kak khou tei louna mi khou tei dui lou tho.#Tat 38.8 19Aron khatni kanac mpouh nunc tei kaniw phaybaanc mi dui tei rui khiu nina e. 20Kaniw ta tei swluai mak khang kaniw rui kalummei pheykai khou tei guangna ravchapaeng khou tei guangna taektw puatkat kat makmei hu khou kaniw phaybaanc khiu nina e. 21Kaniw theih mak khang kaniw phaybaanc khiu nina e. Mi hei kaniw khatni kaniw kikta guay rui thei thangc nganvna ngaek bam nimei riak ge.”
Teymei Thauc
22 Ringhpouc rui Mousi khou sa the,#Tat 37.29 23“Mirh dui kilogram charuk, karym namhgaymei sinnomon kilogram kathumh, karym namhgaymei ken kilogram kathumh 24kassia kilogram charuk laana khou tei Olive thauc liter padeih louna, 25namhgaymei thauc lou kariuna nthanmei teymei thauc khang kasiamh nina e. 26Hei tei rui nangniw rui kalummei pheykai khatni latdyng khuk 27kapaeng khatni mi khou naimei kana guay, thauhmaihyang khatni katuang kana guay akhatni nteimei tuang ravchapaeng 28rawna khaengmei ravchapaeng khatni mi tuang kana guay khatni zeisiankuak khatni mi tuang kahyang hei guay ti hei thauh teylou khang e. 29Nang rui kaniw ta nthan liangmei sw khang kat gutlou nina e, tabui pwni kaniw ta kahilou e thei hei tei nthanmei sw puni. 30Mi tangv tei Aron khatni kanac mpouh nunc ta thauh teylouna asiamruai swmei khang amuh suanglou tho. 31Isaraelmei khou kumna sa o, ‘Mi nthanmei teymei thauc hei thei thangc nganvna atuang taanv khou sinsw bam nina e. 32Mi hei riu riuna maansei khou teylou nuh mak ge. Mi thauc kumhmei kasiamh khang mi thak hei kumcna kasiamh nuh mak ge. Mi hei nthanmei e, kumna mi hei nthanmei swna nangniw laa nina e. 33Mi kumhmei thauc kasiamhpui mei hamh e thei amuh hamhmei khou mi thauc hei sinswpui mei ta amei pang khou rui ganc pat puni.’ ”
Agaw Kasiamhmei
34 Ringhpouc rui Mousi khou sa the, “Stak, onika, galbanum khatni nthanmei agaw kasing nchamcna lou lana 35mitei rui karym namhgaymei kasiamh o. Hei tei nthanna lou bam khang ntey lou o. 36Mi asaekc tei kabuay sw patna atuang kalummei pheykai khou laaguangna hei tei Latdyng Khuk hu khou tei nroulou o. Mi ti hei nthanna sw nina e. 37Nangniw piu khang agaw mi thak hei kumcna kasiamh nuh mak ge. Mi hei akhou katgutlou kanmei nthanmei puat re twna laa nina e. 38Thowkumhmei rui kamei piu khang mi kumcna kasiamhpui mei ta amei pang khou rui swluai ganc puni.”
Currently Selected:
TATPATMEI 30: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 30
30
Agaw Nteimei Ravchapaeng
(Tat 37.25-28)
1“Agaw ntei khang akasia thing tuang ravchapaeng akhat kasiamh nina e. 2Hei tei chowbuk akhat saengc, akhat daic khatni chowbuk kanei kauh nina e. Kachei padeih tei kapumc tei lev akhat na sw nina e. 3Kapaengc, kanaek padeih khatni kachei guay tei kachaekc nthanmei rui duam nina e khatni katin tei kachaekc rui zui nkuay nina e. 4Hei tei puanc kalw khang kachaekc tuang kanu kahaengv kanei kasiamhna katin bangc khou tei kanaek kanei khou duanclou nina e, mi khou tei kaphuang huilou khang e. 5Kaphuang tei ni akasia thing rui kasiamhna kachaekc rui duam nina e. 6Mi ravchapaeng hei Latdyng Khuk paeng khou thaengclou bammei khamthinghphey hu khou tei lou nina e. Hei tei ai rui nangniw ta ariw nimei bamv the. 7Aron rui thauhmai tei zauh khang lauthwan kathuic guang pwkhou mi khou tei agaw ntei nina e. 8Kamei rui tingzyn thauhmai ntou khang guang dat khou tei ni kamei rui hei tei kumcna sw muay nina e. Meickin meickin nganvna mi hei taek zat makna sw bam nina e. 9Mi khou tei agaw, khouringh, taektw hamh e thei drakhadui nthan makmei kat nuh mak ge. 10Paapc khang khaengmei khouringc tuang zei mi ravchapaeng chei khou tei teylouna Aron rui tingkwm pum mi ravchapaeng tei sw nthanmei tuang taanv taanc nina e. Thei thangc nganvna mi hei tingkwm pum taanc nina e. Mi ravchapaeng hei Ringhpouc akhou nthan liangmei e.”
Ringhpouc tuang Kalummei Pheykai Thaengv
11 Ringhpouc rui Mousi khou sa the, 12“Nang rui Isaraelmei meic sing tei hy pwkhou meic kathuicna katuang katuang pumhran tii nina e, hei tei meic sing hy bammei ganv khou tei ravpyan guanglou mak khang e. 13Kazanc chaklou tangmei kathuicna Ravkai tuang chakh khou shekel kapaek tii nina e. Hei tei meic kathuicna akhang kaipat swna tii nina e.#Tat 38.25,26; Met 17.24 14Tingkwm 20 mbu gaanvdaihna meic sing chakmei khou tei kazauh kanmei guay mi syan hei tii nina e. 15Mi pumhran hei thu lungcgaymei rui tii geic, lungcsimei rui tii rau tu nuh mak ge. 16Mi syan hei Isaraelmei khou rui kakhana atuang kalummei pheykai taanv khang piu nina e. Mi thaengv hei kaniw tuang panty thuak khang tiimei tuang e kumna ai rui kaniw ta amuc mak khang e.”
Tanzinc tuang Kuak
17 Ringhpouc rui Mousi khou sa the, 18“Tanzinc rui kabamv swmei tuang tanzinc tuang duikhiu kaikhuang kasiamh o. Hei tei ravchapaeng kanei kalummei pheykai kak khou tei louna mi khou tei dui lou tho.#Tat 38.8 19Aron khatni kanac mpouh nunc tei kaniw phaybaanc mi dui tei rui khiu nina e. 20Kaniw ta tei swluai mak khang kaniw rui kalummei pheykai khou tei guangna ravchapaeng khou tei guangna taektw puatkat kat makmei hu khou kaniw phaybaanc khiu nina e. 21Kaniw theih mak khang kaniw phaybaanc khiu nina e. Mi hei kaniw khatni kaniw kikta guay rui thei thangc nganvna ngaek bam nimei riak ge.”
Teymei Thauc
22 Ringhpouc rui Mousi khou sa the,#Tat 37.29 23“Mirh dui kilogram charuk, karym namhgaymei sinnomon kilogram kathumh, karym namhgaymei ken kilogram kathumh 24kassia kilogram charuk laana khou tei Olive thauc liter padeih louna, 25namhgaymei thauc lou kariuna nthanmei teymei thauc khang kasiamh nina e. 26Hei tei rui nangniw rui kalummei pheykai khatni latdyng khuk 27kapaeng khatni mi khou naimei kana guay, thauhmaihyang khatni katuang kana guay akhatni nteimei tuang ravchapaeng 28rawna khaengmei ravchapaeng khatni mi tuang kana guay khatni zeisiankuak khatni mi tuang kahyang hei guay ti hei thauh teylou khang e. 29Nang rui kaniw ta nthan liangmei sw khang kat gutlou nina e, tabui pwni kaniw ta kahilou e thei hei tei nthanmei sw puni. 30Mi tangv tei Aron khatni kanac mpouh nunc ta thauh teylouna asiamruai swmei khang amuh suanglou tho. 31Isaraelmei khou kumna sa o, ‘Mi nthanmei teymei thauc hei thei thangc nganvna atuang taanv khou sinsw bam nina e. 32Mi hei riu riuna maansei khou teylou nuh mak ge. Mi thauc kumhmei kasiamh khang mi thak hei kumcna kasiamh nuh mak ge. Mi hei nthanmei e, kumna mi hei nthanmei swna nangniw laa nina e. 33Mi kumhmei thauc kasiamhpui mei hamh e thei amuh hamhmei khou mi thauc hei sinswpui mei ta amei pang khou rui ganc pat puni.’ ”
Agaw Kasiamhmei
34 Ringhpouc rui Mousi khou sa the, “Stak, onika, galbanum khatni nthanmei agaw kasing nchamcna lou lana 35mitei rui karym namhgaymei kasiamh o. Hei tei nthanna lou bam khang ntey lou o. 36Mi asaekc tei kabuay sw patna atuang kalummei pheykai khou laaguangna hei tei Latdyng Khuk hu khou tei nroulou o. Mi ti hei nthanna sw nina e. 37Nangniw piu khang agaw mi thak hei kumcna kasiamh nuh mak ge. Mi hei akhou katgutlou kanmei nthanmei puat re twna laa nina e. 38Thowkumhmei rui kamei piu khang mi kumcna kasiamhpui mei ta amei pang khou rui swluai ganc puni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.