DANIEL 12
12
Nkhamhmei Ganv
1Linen phey piumei baanchara tei rui sa the, “Mi ganv khou tei, nang mei nunc ta gaek bammei baanchara Mikael tei pat puni. Khoutei ryanra katuakc katitmei ganv akhat guang puni, hei tei guanghdic guay nai thau rap khou rui pat zat kan makmei simei e. Mi ganv tei guang pwkhou, Ravguangc tuang buk khou kazanc hyloumei nang zaat mei nunc kaguayna ta kanlou puni.#Nda 12.7; Met 24.21; Mrk 13.19; Nda 7.14; 12.7 2Theic kanmei mpeyna ringc thau dat puni: gaanvsaekc rui ringc suangmei panty laa khang, gaanvsaekc rui tingsaengzaeng zak akhaengv khang ringc thau puni.#Isa 26.19; Met 25.46; Jhn 5.29 3Ningtyngmei kapy nunc tei tingpuk khou kachan bammei guay kumcna kachan bam puni. Nchumhmei taanh khang meic mpeyna ta chaengzaylouna bammei nunc tei gaanchuangcna nunc kumcna tingsaengc gaanc bam puni.”
4Kamei rui akhou kumna sa the, “Daniel, ntaw thu mi buk tei gumlou tho kumna kandih luai mak saanv sil swlou tho. Mi dak khou hei pat bammei guay ta tei kabah thay khang karamcna kaniw zaeng amaan puni.”#Nda 22.10
5Mi tangv tei duithuak paengc khou meic gaanv nei, kapaengc akhat thangc gaanv khat gaanv khat ding bammei ta ai how e. 6Dihpy ramh biuc duh thangc ding bammei baanchara khou kaney pang khou gaanv khat rui “Mi charynmei taanv guay hei luailou khang kaganv asaanh tingsaengcna nai hena cho?” twna thanv e.
7Baanchara tei rui kabaanc kanei tingpuk biak thangc zay thauna Kauh Liangmei Racguangc zanc khou nthukmei latdyng akhat sw the. “Hei tei tingkwm kathumh kapaek puni. Ravguangc mei nunc ta rairiumei luailou pwkhou, ramh guayna hei pat puni,” twna kamei rui samei ai chu the.#Nda 10.5; Nda 12.14
8Kamei rui samei tei ai chu e, tiki ai hei tei kabah thay mak ge. Kum thena, “Poubauhmei, mi guay hei akumhna luailou puni cho?” twna ai rui thanv the.
9Kamei rui daw the, “Daniel, ntaw thu nang tat nina the, kalam thu luai nimei ganv tei guang mak saanv mi lat guay hei nkamhlou nina e khatni rylou nina e. 10Meic mpeyna ta sw nthanlou puni. Meicsimei nunc tei kabah thay pat pw lak ge tiki meicsina bam puni; ningtyngmei nunc na rui kabah thay puni.#Nda 22.11
11“Tingmik pum khaeng bammei tei nthaekc khou rui, twmei thu, karaeng kadangmei ganv khou rui thauna zaeng 1,290 tat kan puni.#Dan 9.27; 11.31; Met 24.15; Mrk 13.14 12Zaeng 1,335 luai mak saanv lwmnuhmei swna bampui mei tei sangaymei e!
13“Daniel, nang hei katwan nganvna lwmnuhmei sw o. Kumna nang theic sini kaganv luai pwkhou nang tuang swan laa khang ringc thau dat puni.”
Currently Selected:
DANIEL 12: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
