AMOS 1
1
1Mi hei Tekoamei lauziu gaenghmeipu Amos tuang lat guay e. Baengla zaymei hu khou tingkwm kanei, Uzzia rui Judamei guangc khatni Jehoas nac mpouh Jeroboam rui Isaraelmei guangc sw bammei douc Ravguangc rui Isaraelmei lam khou mi guay hei Amos khou ndauhloumei tuang e.#2 Gu 15.1-7; 2 Ki 26.1-23; 2 Gu 14.23-29
2Amos rui sa the,
“Ringhpouc Zaion Chyng khou rui kamangliangpui rah kumc rah pat the;
Jerusalem khou rui tingthinc ganhkey kumc pat the.
Lauziu byn guay kangc ngam the,
Karmel Chyng tuang mphuaic guay theic ngam the.”#Jol 3.16
Isaraelmei Kainingmei khou Ravguangc Latzan
Siria Kandic
3 Ringhpouc rui sa e, “Damaskasmei nunc hei paapc taanc kasuan kasuanna bampui zaeng rui ai rui kaniw ta dandi tii puni the. Kaniw rui Gileadmei nunc ta ntanh naplaek rui laudy kumc dy the.#Isa 17.1-3; Jer 49.23-27; Zek 9.1 4Hei zaeng rui Guangh Hazael tuang guangckai khou ai rui mai tii key puni the, kumna Guangh Benhadad tuang rihgaekkai tei mai rui tumutlou puni the. 5Ai rui Damaskas kaidai raengc khamvtaan diangcbau puni the khatni Aven nzaengc khou bammei nunc khatni Bethedenmei tuang dihsinpouc ta swmutlou puni the. Siriamei nunc ta Kir thangc nym tat puni the.”
Philistia Kandic
6 Ringhpouc rui sa e, “Gazamei nunc paapc taanc kasuan kasuanna bampui zaeng rui ai rui kaniw ta dandi tii puni the. Kaniw rui zaatcpwm ta nym zayna Edommei nunc khang bangh swna zuanclou the.#Isa 14.29-31; Jer 47.1-7; Eze 25.15-17; Jol 3.4-8; Zep 2.4-7; Zek 9.5-7 7Kumna ai rui Gaza kaidai tuang raengh khou mai tii key puni the kumna mi tuang rihgaekkai tei mai rui rawmut puni the. 8Ai rui Asdod khatni Askelon tuang guangc ta swmaan puni the. Ai rui Ekron kaidai ta dandi tii puni the, kumna theic nsaekcloumei Philistinmei guay tei ni theic puni the.”
Tur Kandic
9 Ringhpouc rui sa e, “Turmei nunc hei paapc taanc kasuan kasuanna bampui zaeng rui ai rui kaniw ta dandi tii puni the. Kaniw rui zaatcpwm ta Edom thangc kangmei swna zuanclou the, kumna champanv swmei tuang latdyng tei kaniw ngaek mak khe.#Isa 23.1-18; Eze 26.1—28.19; Jol 3.4-8; Zek 9.1-4; Met 11.21,22; Luk 10.13,14 10Kumna ai rui Turmei kaidai raengc khou mai tii key puni the kumna mi tuang ricgaekkai guay tumutsutlou puni the.”
Edom Kandic
11 Ringhpouc rui sa e, “Edommei hei paapc taanc kasuan kasuanna bampui zaeng rui ai rui kaniw ta dandi tii puni the. Kaniw rui kaniw chana punav, Isaraelmei ta buy-baeng sinna alay the, kumna kaniw khou nzianmei khat sini maek khe. Kaniw lungpuam kanganv maek khe, kim key zat mak khe.#Isa 34.5-17; 63.1-6; Jer 49.7-22; Eze 25.12-14; 35.1-15; Oba 1-14; Mal 1.2-5 12Kumhpui zaeng rui ai rui Teman kaidai khou mai tii key puni the kumna Bozra tuang rihgaekkai guay raw mutsutlou puni the.”
Ammon Kandic
13 Ringhpouc rui sa e, “Ammonmei nunc hei paapc taanc kasuan kasuanna bampui zaeng rui ai rui kaniw ta dandi tii puni the. Kaniw rui kaniw kandic ramvrei tidaic khang rihswna Gileadmei kapumc nritmeipui nunc ta kabung khou rui kanac siu patlou the.#Jer 49.1-6; Eze 21.28-32; 25.1-7; Zep 2.8-11 14Hei zaeng rui Rabba kaidai tuang raengc khou mai tii key puni the, kumna mi tuang rihgaekkai guay raw mutsutlou puni the. Khou kiu rih adowpui nungc kiu kauc kachin karo key puni the, kumna pwansa kumc adow katungh thungh key puni the. 15Kaniw tuang guangc khatni meicdaihmei nunc ta tei nym tat puni the.”
Currently Selected:
AMOS 1: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
