1 THESALONIKAMEI 4

Ravguangc ta Tipianloumei Panty

1Nkhamh khou, chanathiu, Ravguangc ta tipian khang nangniw akumhna lungc nina cho twmei aniw rui nangniw khou nchamlou kan the. Hei tei kumcna, nangniw lungc bammei hei mbu hay hay thau khang Poubauhmei Jisu zanc khou, ntaw nangniw ta zaenghuay e, khatni katiu e. 2Kalam thu Poubauhmei Jisu zanc khou aniw rui nangniw khou nchamlou kanmei tei nangniw thay the. 3Nangniw nthanmei swna khatni lungcmaanv lungcmowmei khou rui ducna bammei hei Ravguangc kahawmei e. 4Nggaanvmei nangniw, nangniw now lev akumhna nthanmei khatni chingkhiuhmei lwnlung khou lungc nina cho#now...lungc nina cho; hamh e thei kapumc sinriap nina cho. twmei thay nina e. 5Ravguangc ta thay makmei ravning makmei nunc kumcna nthah boulahna lungc nina hamh e. 6Kumna mi lam khou hei, meic gaanv khatna sini Khristian nchamc khou nkhuaimei taanv hamh e thei, guatmei taanv taanc lak nina e. Aniw rui nangniw khou kasiaththay khang salou kanmei tei kumcna, mi kumhmei nunc khou tei Poubauhmei latzan keylou puni. 7Ravguangc rui aniu ta kawloumei thu lungcmaanv lungcmowna lungh khang hamh e, nthanna lungh khang de. 8Mi lat ti hei ramh sak makpui mei tei thu, maansei ta hamhna nangniw khou katuang Nthanmei Bumaengc tiiloumeipu Ravguangc ta ramh sak mak tuang e.

9Chana punav ta nzianmei lam khou thu hy dat bam khang kage maek khe. Kalam thu khat khat ta nzian khang nangniw khou Ravguangc kamei rui nchamlou the. 10Kumna Makidonia khou bammei chana punav guay khou nangniw swlou bammei tei the. Hei zaeng rui, chanathiu, nangniw mi lam khou hei mbu thau o. 11Aniw rui dinclou kanmei tei kumcna kakhang kakhang reih reina lungc bam khang karamc o. Kataanv kataanv khou lungh gut bam o, khatni kabung kabung khang taancna lungc o. 12Mi kumna ravning makmei nunc rui nangniw ta chakhwang swlou khang khatni nangniw meickai khou ngangvlou mak khang sw o.

Lwmmei Swna Theic Kanmei nunc lam khou

13Nangniw rigwnmei maekmei nunc kumcna zaengsina bam mak khang, theic kanmei nunc lam khou tei nangniw thay nthan kanmei ta aniw kahaw e. 14Jisu theiclouna ringcthau dat kan the twmei aniu lwm e. Mi zaeng rui Jisu khou lwmlouna theic kanmei guay ta thu Ravguangc rui Jisu thei tiguang dat puni twmei aniu lwm e.

15Aniw rui ntaw nangniw khou dinc bammei hei Poubauhmei tuang latdyn e. Mi kiu thu: Poubauhmei guangpui nungc kiu ringc bammei aniu, theic kanmei nunc hu tat kasuakc ni tu hamh e.#1 Ko 15.51-52 16Poubauhmei kamei kahak tingkauh thangc rui keyna kauh baanchara daihmei khwan rui, Ravguangc tuang bianggun rui kauc puni. Mi khou kiu, Khrista khou lwmlouna theic kanmei nunc ringcthau rey puni. 17Mi tangv, mi ganv khou kiu ringc bammei aniu ta ni tingpuk khou Poubauhmei ta ariw khang kaniw ta lev muangh khou laa thau puni. Kumna aniu Poubauhmei lev tingsaeng bam puni. 18Mi lat hei rui nangniw khat khat ta swm kary o.

Currently Selected:

1 THESALONIKAMEI 4: RONGBSI

Highlight

Copy

Compare