1 PITAR 3
3
Khristian Noupuc
1-2Hei tei kumcna nowpuc nangniw ni nangniw gaanv gaanv bangc khou bam o. Kum pwkhou thowkumhmei Ravguangc lat piu makmei gaanv nunc ta lat sa mak sini, kaniw now now tuang nthanmei khatni chakhwang gaymei kheiliak rui zay guang khang e.#Eph 5.22; Kol 3.18 3Kapaengc tuang swmei—sam kasiamhmei, kachaekc khatni pheybaan rui karuhmei tei nangniw sw nangh e;#1 Ti 2.9 4mi phaan tei Ravguangc mikzaw khou kamanv kunghmei, maan dat lakmei lanv—lungh zaenghmei khatni kachangc siph sipmei tei rui nangniw tuang kalungcmei mei tei karuh o. 5Reydouc ravningmei pui nunc tei ni hei tei kumcna kaniw gaanv bangc khou bamna kaniw lwnlung kapuih kan e. 6Sara tei Abraham bangc bamna, kagaanv ta kakaipouc twna kaw khwan e. Nangniw ni gaymei taanc e thei, kanac aluh nunc the; kumna ping bam dat khang maek khe.#Tha 18.2
7Mi hei kumcna, gaanvthiu, nangniw ni nangniw now now ta kaniw hei suanmei e twmei kabah thayna lungc o. Nangniw lev ringhmei laa nchamc nimei nunc e twna champouhna lungc o. Mi kum pwkhou, nangniw huayneymei khamv namv mak khang e.#Eph 5.25; Kol 3.19
Nchumhmei Taanhmei khang rui Ryanra Khaengvmei
8Nkhamh khou salou niimei thu: nangniw lungh chamc o, khatni khat khat tuang neihlamei ni ryanramei ni phungc nchamc o. Khat khat ta nzian o, lungh zaenghna khatni niamhna lungc o. 9Simei khang simei khangh riu; siangloumei khang tei siang khangc dat riu. Mi phaan tei suaihiamlou tio. Kalam thu Ravguangc rui nangniw ta kawloumei hei mi khang rui the. Kum pwkhou, nangniw suaihiam laatow puni. 10Kalam thu nthanmei latrik rui sa e:
“Thow pw ni ringhpaan khou amanvna khatni neihlana lungc nii e thei,
kamei simei lat sa lak nina e,
khatni saraamhmei lat sa lak nina e;
11Kamei simei ta mpatlouna gaymei taanc nina e;
kamei chuzaenghmei ta phuna,
chuzaengh khang karamc nina e.
12Kalam thu Poubauhmei thu
ravchaptatmei nunc ta zauc bam e,
khatni kaniw huayneymei chulou bam e;
tiki simei taanhpui mei ta kamei zauc zih e.”#Kal 34.12-16
13Nangniw nchumhmei taanc bam ti thei, nangniw ta sw kasic nimei thow naina cho? 14Tiki nchumhmei taanc tina nangniw mi khang tei rui ryanramei ariw e thei, nangniw sangay e. Kaniw ta tei ping rio khatni lungh geih rio. 15Tiki Khrista ta nangniw kaipouc e twna nangniw lung khou chakhwang sw o. Nangniw lwmmei lam khou tei meic nunc rui thanv pwkhou daw khang chamdaanv bam o. Hei tei lungh zaenghna khatni chakhwang naina sa o.#Met 5.10; Isa 8.12-13 16Nangniw thu khuay maekna lungh khang sw o. Khrista khou nangniw tuang gaymei kheiliak ta tei sakasic khang swmei nunc tei zak kan diu. 17Nkhuaimei taanhmei suangc, Ravguangc rui ningmei e thei, nchumhmei taanhmei khang ryanra khaengv kanmei rui gay e. 18Khrista ni luan guai na paapc khang theiclou the.#theiclou the: baanhhy baibal asaekc khou ryanra khaengvlou the twna hylou e. Nangniw ta Ravguangc khou zay guanglou khang kapaap maekmeipu rui paapcmei nunc khang theiclou the. Kapumc ta thu swluai the, tiki bumaengh khou tiringcthaulou the. 19Kumna kabumaengc tei tatna kangkai khou bammei bumaengc guay khou chamv dinclou the. 20Hei tei Nouha rui hih kasiamh bammei ganv khou Ravguangc rui khaengvna nkhwan bam khou lat piu makna bam kanmei nunc tuang bumaengc tei e. Mi khou tei meic katitna—gaanv tachat na hih khou gutna dui khou tei rui duak khwan e.#Tha 6.1—7.24 21Hei tei ntaw nangniw ta kanloumei duilupmei ti hei taanc lyanlou tuang e. Duilupmei hei meic pumc tuang tanacmei ta khiu ganhmei tuang hamh e; tiki lwmnuhmei Khristamei sw khang Ravguangc khou latryan swmei tuang e. Nangniw ta kanloumei hei thu Jisu Khrista ringcthau datmei paan rui de. 22Mi kiu tingkauh ku lana Ravguangc tuang baanzat khou rui kauh baanchara guay, tingkauh khou ngamv naimei guay, khatni pumtan naimei guay ta sin bammeipu hei e.
Currently Selected:
1 PITAR 3: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
