1 KORINMEI 16
16
Lwmmei Makaamv khang Kaipat Tiimei
1Nthanmei nunc khang nkhavlou khang syan kakhamei lam khou thu, Galatimei phwamling guay khou mi kumcna sw o twna ai rui sa kanmei kumcna nangniw ni sw nina the.#Rom 15.25-26 2Ai guang pwkhou kakha dat bam mak khang, kamei kamei rui ntaanv guangmei thei layna neidak tuang reymei tingmik nungc nangniw meic kathuicna reic patna lou kaduai bam nina the. 3Ai guang pwkhou, nangniw rui kadahloumei nunc ta kaniw lam khou atuang tatdyn akhat hylouna, nangniw tuang kaipat tei Jerusalem thangc phungc tat khang ndiulou puni. 4Ai ni tat tina gay nimei tuang nai e thei kaniw lev tat nchamc nuh de.
Paul tuang Raeng
5Makidonia tat ruanlou lana ai nangniw daeng khou guang puni. Kalam thu ai Makidonia khou tat ruanlou khang kage nai e.#Lat 19.21 6Ai nangniw daeng khou bam kanaklou kho ni nuh e; tingsei dak khou bamlou kho ni nuh e. Kum kan e thei ai tat dat nimei chaenglwan khou kiu nangniw ata nkhavlou khang the. 7Ai tat ruan guangna nangniw ta matak khat na ariwlouna tat dat rap nii mak ge. Poubauhmei rui nuhlou e thei ai nangniw daeng khou bam kanaklou nii e.
8Pentikost luai mak saanv ai Ephisi khou hei bam kan puni.#Lev 23.15-21; Ria 16.9-11 #Lat 19.8-10 9Ata nuh makmei azuh nai bam sini, ai taanv taanclou khang mi khou hei kaimun laanc daicna laanclou bam e.
10Timothi guang pu e thei nangniw rui kata laa chuyna laalou o. Kalam thu kamei ni ai kumcna Ravguangc taanvtaanhmei akhat re.#1 Ko 4.17 11Meic gaanv khat na sini kata thouhsw makpui tuang swlou gay mak ge. Kamei kachaenglwan tei gayna tatna adaeng khou guang dat khang kata nkhavlou tio. Kamei chana nunc lev adaeng khou guang datmei ta ai nkhwan bam e.
12Ntaw, chana Apollo lam khou: chana baih baihmei nunc lev twna kata ni nangniw daeng thangc tat ro twna katiu bam tuang e; tiki kamei ntaw thu tat niimei chwn maekna bam e.#Hamh e thei mi hei Ravguangc rui ningmei hamh the. Tiki kadouchamei nai ti thei kamei ni guang puni.
Nkhamhmei Latdyn
13Ntak nrakna bam o, lwmmei khou ding ntip bam o, bauc o, tanc o. 14Ramh guayna nzianmei kazauhna taanc o. 15Stephen kai kaikhunc hei Akhaia khou Khristian sw pat reymei kai e twmei nangniw thay e. Kakai hei Ravguangc mei nunc ta siamruai swloumei kai e. Chanathiu, ai nangniw khou zaenghuay e,#1 Ko 1.16 16mi kumhmei nunc khatni baihmei taanvruaimei nunc rui zayloumei bangc khou tei bam chuyna bam o.
17Stephen, Phortunata khatni Akhaika guangmei khou hei ai mpeyna neihla e; kalam thu nangniw guang makna akhang ntangh makna bammei tei kaniw rui tiguang tangclou the, 18khatni kaniw rui nangniw ta tineihlaloumei tei kumcna ata ni tineihlalou the. Mi kumhmei nunc ti hei nangniw thaylou o.
19Asia tuang phwamling guay rui nangniw khang dwan gay kady e. Akuila lev Priskilla khatni kakai khou kariu bammei phwamling rui nangniw khang Poubauhmei khou dwan gay kady e.#Lat 18.2 20Mi khou bammei chana guay rui nangniw khang dwan gay kady e. Nangniw khat khat ta chakhwang swna dwan gay kady o.
21Mi hei abaanc kahak rui hypui tuang e. Paul rui dwan gay kady e.
22Poubauhmei ta nzian makpui mei khou tei syang keylou kan diu! Maranatha— Poubauhmei, guanglou tho!
23Poubauhmei Jisu tuang zauzian nangniw khou naimei sw diu.
24Khrista Jisu khou atuang nzianmei nangniw khou naimei sw diu.
Currently Selected:
1 KORINMEI 16: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
