1 KORINTHNYI 6
6
Khristanyithu ssinu Ajühkekaghakhi
1Keujüla nthu meshu kesü na ma Khristanyi cünyuwa ssinu ajühkekaghakhi ben lethu, ma Anyiza nyithu tuwi cen meyala khati wala Anyiza nkechüthu tuwi ma jühkekaghakhi ten nu? 2Nthu Anyiza nyithu na ayyi nyi jühkekaghakhi benle kesa tsü nchü kwe? Isathu, nthu na ayyi nyi jühkekaghakhi-u na ben lethu, nthu na pala kizzakeu jjügi ghena tsü kaghakhi meya kwe? 3Ithu na tangnyilothu jühkekaghakhi benle kesa tsü nthu na nchü kwe? Isalethu, tsü miwi kahang hawa wi kebenthu ghena tsü khacu khatila kesa-u nu! 4Tsalina keujüla hati kesa na shhugho lethu, nthu na tsüthu sen nu anyi kemehu wi nkebenthu tuwi waten kwe? 5Nthu na hati kesa ha jüghe le! Nthu ashukesa jawi kemetsa nyi kesütanla kenondithu jühkekaghakhiya kemehai nmila khati nu, 6kenondi nyi kesü na kepawa ssi wa ajühkaghakhipen wi nkenondithu yala nthu jühkekaghakhi thsüten nu?
7Nthu khokho ssinu ajühkekaghakhi kesa tsüna nthu na ncentha le kesa zensu kesü saben. Tsüti kesawa nye, mangkesa na nthu sazzidha le sa nsa nu? Mangkesa na nyu nthu tengya thsü nsa nu? 8Isala nthu ketanla nthu cünyu nyithu wi lela khokho tuwi sazzi nu ketengli benten le! 9Anyi gheshighenathu na Anyiza kadiyyi muya nben kesa tsü nthu na chübenla metsi. Nthu ketanla nthu nmechu lalo; anyi kahang nkemetha, atsikezhü kekinyithu, qheza-qhenathu, npvüza qhezamen kedsathu, nza npvüza yen nkenyekesa, 10kaghanfüthu, achoghe nkemehaithu, adikinathu, nyu kemechuthu, nyelela nyu teng kedsathu— hathu ha kesüla Anyiza kadiyyi muya nben. 11Kheni nthu pahan na tsüti kesa wi hang. Isala khili tsü kesami wi nthu samethayadha; nthu satemetha pi Anyiza wi chidha; Apvüwa Jisu Khrista nu Anyiza Ghamu wina nthu pi Anyiza tuwi meshonyadha.
Nthu Gwo pi Anyiza Nyankethang Saya
12 #
1 Kor 10.23
Pahan na hati khiben, “Hi pala tsüdila kuliya mehai.” Anle, isala pala tsüdila nthu ghena nmehai. Hi pala tsüdi kuliya mehai le tsüti khiya mehai, isala hi pala mangla pi hi yala tsü nssümagha sa thsü nten. 13Pahan na hati khi metsi, “Atsse tsüna apvü ghena, nu apvü tsüna atsse ghena.” Anle, isala Anyiza na tsü keni qho yasa cüben. Anyi gwo ha pi nkemetha wi kesen-u nye, isala pi Apvüwa kekuli kesa-u; nu Apvüwa na agwo ghena kiden chi cüden. 14Anyiza na keshü wi Apvüwa sa pi hang cü, nu ma kekhang wina ithu la sa pi hang cüben.
15Nthu gwo na Khrista gwo wi alen kesü sadha le kesa nthu na chüben. Hi Khrista gwo wi alen kesü sen wa qheza menkedsa gwo saya mehai kwe? Tsüti saya nben. 16#Ade 2.24 Npvüza thowa na qheza menkedsa nzawa manyi gweghe khe manyi asajjü kesütan sadha kesa tsü nthu na nchü kwe? Kepaghenanye Ntsawajüh na hati methasi khiben, “Meshu keni tsüna asajjü kesütan saben.” 17Isala anyi thowa na Apvüwa gweghe ya khe ma aghamulen wi ma gweghe kesütan sayadha.
18Kahang nkemetha nsala. Anyi kesü kesami kepa wi kesa tsüna ma gwo yasa nten; isala anyi thowa na kahang nkemetha kesazzi sa khe ma gwo pi kesami sadha. 19#1 Kor 3.16; 2 Kor 6.16 Nthu gwo tsüna Anyiza na pi nthu kecü Kemetha Ghamu nthu wi hang kebenwa tsü kekinyijjen le kesa nthu na nchü kwe? Nthu na nthu ji nye isala Anyiza ji; 20ma nthu shüyadha. Tsalina nthu gwo sen nu Anyiza nyankethang salo.
Currently Selected:
1 KORINTHNYI 6: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 6
6
Khristanyithu ssinu Ajühkekaghakhi
1Keujüla nthu meshu kesü na ma Khristanyi cünyuwa ssinu ajühkekaghakhi ben lethu, ma Anyiza nyithu tuwi cen meyala khati wala Anyiza nkechüthu tuwi ma jühkekaghakhi ten nu? 2Nthu Anyiza nyithu na ayyi nyi jühkekaghakhi benle kesa tsü nchü kwe? Isathu, nthu na ayyi nyi jühkekaghakhi-u na ben lethu, nthu na pala kizzakeu jjügi ghena tsü kaghakhi meya kwe? 3Ithu na tangnyilothu jühkekaghakhi benle kesa tsü nthu na nchü kwe? Isalethu, tsü miwi kahang hawa wi kebenthu ghena tsü khacu khatila kesa-u nu! 4Tsalina keujüla hati kesa na shhugho lethu, nthu na tsüthu sen nu anyi kemehu wi nkebenthu tuwi waten kwe? 5Nthu na hati kesa ha jüghe le! Nthu ashukesa jawi kemetsa nyi kesütanla kenondithu jühkekaghakhiya kemehai nmila khati nu, 6kenondi nyi kesü na kepawa ssi wa ajühkaghakhipen wi nkenondithu yala nthu jühkekaghakhi thsüten nu?
7Nthu khokho ssinu ajühkekaghakhi kesa tsüna nthu na ncentha le kesa zensu kesü saben. Tsüti kesawa nye, mangkesa na nthu sazzidha le sa nsa nu? Mangkesa na nyu nthu tengya thsü nsa nu? 8Isala nthu ketanla nthu cünyu nyithu wi lela khokho tuwi sazzi nu ketengli benten le! 9Anyi gheshighenathu na Anyiza kadiyyi muya nben kesa tsü nthu na chübenla metsi. Nthu ketanla nthu nmechu lalo; anyi kahang nkemetha, atsikezhü kekinyithu, qheza-qhenathu, npvüza qhezamen kedsathu, nza npvüza yen nkenyekesa, 10kaghanfüthu, achoghe nkemehaithu, adikinathu, nyu kemechuthu, nyelela nyu teng kedsathu— hathu ha kesüla Anyiza kadiyyi muya nben. 11Kheni nthu pahan na tsüti kesa wi hang. Isala khili tsü kesami wi nthu samethayadha; nthu satemetha pi Anyiza wi chidha; Apvüwa Jisu Khrista nu Anyiza Ghamu wina nthu pi Anyiza tuwi meshonyadha.
Nthu Gwo pi Anyiza Nyankethang Saya
12 #
1 Kor 10.23
Pahan na hati khiben, “Hi pala tsüdila kuliya mehai.” Anle, isala pala tsüdila nthu ghena nmehai. Hi pala tsüdi kuliya mehai le tsüti khiya mehai, isala hi pala mangla pi hi yala tsü nssümagha sa thsü nten. 13Pahan na hati khi metsi, “Atsse tsüna apvü ghena, nu apvü tsüna atsse ghena.” Anle, isala Anyiza na tsü keni qho yasa cüben. Anyi gwo ha pi nkemetha wi kesen-u nye, isala pi Apvüwa kekuli kesa-u; nu Apvüwa na agwo ghena kiden chi cüden. 14Anyiza na keshü wi Apvüwa sa pi hang cü, nu ma kekhang wina ithu la sa pi hang cüben.
15Nthu gwo na Khrista gwo wi alen kesü sadha le kesa nthu na chüben. Hi Khrista gwo wi alen kesü sen wa qheza menkedsa gwo saya mehai kwe? Tsüti saya nben. 16#Ade 2.24 Npvüza thowa na qheza menkedsa nzawa manyi gweghe khe manyi asajjü kesütan sadha kesa tsü nthu na nchü kwe? Kepaghenanye Ntsawajüh na hati methasi khiben, “Meshu keni tsüna asajjü kesütan saben.” 17Isala anyi thowa na Apvüwa gweghe ya khe ma aghamulen wi ma gweghe kesütan sayadha.
18Kahang nkemetha nsala. Anyi kesü kesami kepa wi kesa tsüna ma gwo yasa nten; isala anyi thowa na kahang nkemetha kesazzi sa khe ma gwo pi kesami sadha. 19#1 Kor 3.16; 2 Kor 6.16 Nthu gwo tsüna Anyiza na pi nthu kecü Kemetha Ghamu nthu wi hang kebenwa tsü kekinyijjen le kesa nthu na nchü kwe? Nthu na nthu ji nye isala Anyiza ji; 20ma nthu shüyadha. Tsalina nthu gwo sen nu Anyiza nyankethang salo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.