1 KORINTHNYI 5
5
Kemehu wi Kahang Nkemetha
1 #
Aye 22.30
Ntsakhiwa hi nthu jawi qheza-qhena qhethiketen kesa cüki kekhi zayaben, nu tsüna Anyiza nkechüthu jawi la hati sa nten. Anyi kesü na ma jja ketheüwa gweghe jen tenle kesa khiben! 2Isathu, nthu khati nu kapvüya mehai nu? Tsüti kesawa nye, nthu na ahathakina-u, nu anyi hati kesawa tsü nthu ashukesa jawi na ma jügüshi pilo. 3Hi asajjü wi nthu jawi nmi lela aghamu wi nthu gweghe ben; hi nthu jawi keben ti sa nu 4ithu Pvüwa Jisu nyan wina anyi hati qhethiketen kekuliwa tsü meshensadha. Nthu na gho saghukeya wi nu Apvüwa Jisu kekhang na ithu gweghe keben ghena hi aghamu wi nthu metukeya wi 5nthu na anyi ha pi ma sajjü yasa thsüale kesalina pi Satan kwen wi chilo, isanu Apvüwa tsathang wi ma ghamu hangshaya thsülo.
6 #
Gal 5.9 Nthu na kekapvü-u nyele! Nthu na hati khi keten tsü chüben, “Azimi keu na amesa maben sa pi pvü shhugho thsüden.” 7#Bvü 12.5 Nthu jawi kesami zimi kaghawen tsü khushi pi nu nthu mabenla methasi nbenthu yishü; isathu nthu na ntsakhiwa metha pi amesa ketheü azimi nkechi tsüti sayaben. Kepaghenanye ithu Shhukeya Kho wa tsü kidenyadha, khili Khrista na ithu ghena Shhukeya Kho khaghaneni zzawa tsü pi ahhansha sadha. 8#Bvü 13.7; Aye 16.3 Tsalina ithu kesami nu gheshighena zimi kaghawen pi saghu ketheng mesa tsü nyela azimi nkemi mesa kemetha nu atsentsawa tsü sen nu ithu Shhukeya Kho wa ha sa nalo.
9Hi lesüzhü pi nthu kecü wi nthu na qheza-qhena kesa nyithu ngweghe lalo khi. 10Hi khi kebenwa nthu ya Anyiza nkechüthu na qheza-qhena kesathu, achoghe nkemehaithu, kaghanfüthu, nyelela atsikezhü kekinyithu tsü ngweghe lalo khi nben. Kepaghenanye nthu na tsüthu ngweghetha lale kesa nthu na ayyi ha wi nbenla nsathu yishü. 11Isala hi nthu na anyi kesü ma ketanla ma pi kenondi nyile khi, isala qheza-qhena sa, achoghe nmehai, atsikezhü kinyi, milimesa, adina, nyelela ghanfü ketenwa tsü ngweghe lalo khiben. Anyi hati kesawa gweghe la donki nu kedsakejjü nsala.
12-13 #
Aye 13.5; 17.7 Hi anyi amei wi kebenthu jühkekaghakhi-u nye. Anyiza na mathu jühkekaghakhiben. Isala nthu ketanla nthu shukesa nyithu jühkekaghakhiya nben kwe? Ntsawajüh na kekhi ti, “Nthu jawi anyi nkemehaiwa tsü khushilo.”
Currently Selected:
1 KORINTHNYI 5: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 5
5
Kemehu wi Kahang Nkemetha
1 #
Aye 22.30
Ntsakhiwa hi nthu jawi qheza-qhena qhethiketen kesa cüki kekhi zayaben, nu tsüna Anyiza nkechüthu jawi la hati sa nten. Anyi kesü na ma jja ketheüwa gweghe jen tenle kesa khiben! 2Isathu, nthu khati nu kapvüya mehai nu? Tsüti kesawa nye, nthu na ahathakina-u, nu anyi hati kesawa tsü nthu ashukesa jawi na ma jügüshi pilo. 3Hi asajjü wi nthu jawi nmi lela aghamu wi nthu gweghe ben; hi nthu jawi keben ti sa nu 4ithu Pvüwa Jisu nyan wina anyi hati qhethiketen kekuliwa tsü meshensadha. Nthu na gho saghukeya wi nu Apvüwa Jisu kekhang na ithu gweghe keben ghena hi aghamu wi nthu metukeya wi 5nthu na anyi ha pi ma sajjü yasa thsüale kesalina pi Satan kwen wi chilo, isanu Apvüwa tsathang wi ma ghamu hangshaya thsülo.
6 #
Gal 5.9 Nthu na kekapvü-u nyele! Nthu na hati khi keten tsü chüben, “Azimi keu na amesa maben sa pi pvü shhugho thsüden.” 7#Bvü 12.5 Nthu jawi kesami zimi kaghawen tsü khushi pi nu nthu mabenla methasi nbenthu yishü; isathu nthu na ntsakhiwa metha pi amesa ketheü azimi nkechi tsüti sayaben. Kepaghenanye ithu Shhukeya Kho wa tsü kidenyadha, khili Khrista na ithu ghena Shhukeya Kho khaghaneni zzawa tsü pi ahhansha sadha. 8#Bvü 13.7; Aye 16.3 Tsalina ithu kesami nu gheshighena zimi kaghawen pi saghu ketheng mesa tsü nyela azimi nkemi mesa kemetha nu atsentsawa tsü sen nu ithu Shhukeya Kho wa ha sa nalo.
9Hi lesüzhü pi nthu kecü wi nthu na qheza-qhena kesa nyithu ngweghe lalo khi. 10Hi khi kebenwa nthu ya Anyiza nkechüthu na qheza-qhena kesathu, achoghe nkemehaithu, kaghanfüthu, nyelela atsikezhü kekinyithu tsü ngweghe lalo khi nben. Kepaghenanye nthu na tsüthu ngweghetha lale kesa nthu na ayyi ha wi nbenla nsathu yishü. 11Isala hi nthu na anyi kesü ma ketanla ma pi kenondi nyile khi, isala qheza-qhena sa, achoghe nmehai, atsikezhü kinyi, milimesa, adina, nyelela ghanfü ketenwa tsü ngweghe lalo khiben. Anyi hati kesawa gweghe la donki nu kedsakejjü nsala.
12-13 #
Aye 13.5; 17.7 Hi anyi amei wi kebenthu jühkekaghakhi-u nye. Anyiza na mathu jühkekaghakhiben. Isala nthu ketanla nthu shukesa nyithu jühkekaghakhiya nben kwe? Ntsawajüh na kekhi ti, “Nthu jawi anyi nkemehaiwa tsü khushilo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.