1 KORINTHNYI 7
7
Keshanyi jjügi Kekeü
1Khili nthu na zhükechi jjügi khi waden. Npvüza kesü awubvü nkeyawa mehai. 2Isala ciwi kahang nkemetha sha ntsa kesalina npvüza tsüdila ma wubvü ben, nu nza tsüdila ma wuba nbenthu yishü. 3Npvüza kesü na awuba kesa-u tsü sa, nu nza kesü na awubvü kesa-u tsü sa, tsüti nu khokho kenenwa tsü sacenlo. 4Kepaghenanye awubvüwa gwo tsüna ma kemeshen nye, isala awubawa na tsü miwi kekhang ben; tsü makesü awubawa gwo tsüna ma kemeshen nye, isala awubvüwa na tsü miwi kekhang ben. 5Nshinyi na matsü keujü kekhie sale kesa ghena cen pi nketheng tsü nshinyi khokho nhhaghela; isala tsaseng wi nshinyi jüwi keshanyi yenwa tsü sa neng walo. Hati nu nthu na kekhen neng meyala Satan kemechu wi duya kemehai khen yaben.
6Hi ha ahza pi nthu ncüla nthu ghena kemehaiwa khiben. 7Nthu tsüdila hi ti saya thsü mvuben; isala anyi tsüdila Anyiza wi papa kesawegü ben, kesü kesawegü na ha, nu kepawa kesawegü na katsü.
8Khili hi ajüh ha pi npi keshanyithu nu denyithu kizaben: Nthu la hi ti nshanyila kebenwa nthu ghena mehai ben le! 9Isala keujüla nthu kenmvuwa tsü kekhenengya nben lethu, nthu shanyi walo - kekheneng pi agüccü ntsa saben kesa tsü shanyi wa kesawa mehai.
10 #
Mat 5.32; 19.9; Mrk 10.11-12; Luk 16.18 Shanyi wa kesathu ghena hi ijüh nyela Apvüwa na ayenkhukechi ben: awubvü kesü na ma wuba teshi yishü; 11isala keujüla ma tsüti sa lethu, ma ketan hang nbenthu yishü nyelethu ma wuba manyi ajühkeyali nengya; nu awuba kesü na ma wubvü nteshila.
12Hi ajüh pi kepathu la kizaben (Ha hi na khe Apvüwa na nye): Keujüla Khristanyi npvüza kesü na ma wubvü nkenondi nyi ben, isala ma manyi gweghe hang mvu ben lethu, ma wubvü tsü teshi yishü. 13Nu keujüla Khristanyi nza kesü na nkenondi nyi npvüza kesü wi n-nuwa, nu ma manyi gweghe hang mvu ben lethu, ma wuba tsü teshi yishü. 14Kepaghenanye awuba nkenondiwa tsüna ma wubvü manyi gweghe keben wina Anyiza na ma keyaqo nyi sayaben, nu awubvü nkenondiwa tsü la ma wuba Khristanyi manyi gweghe keben wina Anyiza na ma keyaqo nyi sayaben. Keujüla tsüti nsa lethu, manyi tsangathu na Anyiza nkechü tsangathu saben; isala tsüti saya lethu, Anyiza na mathu keyaqo nyi sayaben. 15Isala keujüla nkenondiwa na ma kegweghe wa Khristanyi tsü teshi mvu ben lethu, tsüti sa thsülo. Hati kesa wi Khristanyi awubawa sa le awubvüwa sa lela ma kemeshen saya mehai; kepaghenanye Anyiza na kecca wi hang thsüle nthu ciya. 16Khristanyi awubvüwa, no khatinu nwuba hangshaya nben kesa chüti ben nu? Nyelela Khristanyi awubawa, no khatinu nwubvü hangshaya nben kesa chüben nu?
Anyiza na Nthu Cikeya Ti Hanglo
17Anyi kesü le kesü lela Apvüwa na aju pi ma kecü nu ma khati kesa wi Anyiza na ma ciya khe tsü kenie wi hang tenlo. Hawa ha hi pi kemehu tsüdi wi nyu sansi keten yenwa tsü. 18Anyi kesü ma hyukahan seng wi Anyiza na ma ciya kwe? Ma ahyukahan yisü tsü khupiale nsala. Anyi kesü ma ahyu npi kahan wi Anyiza na ma ciya kwe? Ma ahyuhan le nsala. 19Kepaghenanye anyi kesü ahyu han le nhan lela ma jjügi nmi, isani Anyiza jühkhukechithu tsü kenie wi ma men ben. 20Anyi kesü le kesü lela ma khati keben wi Anyiza na ma ciya khe ma ciwi benlo. 21No nssümagha kesü sa keben wi Anyiza na no ciya kwe? Mangla nsa, leben ketizen nsala; isala keujüla no kekhenkeghe nkemi nyi saya kemehai na ben lethu, tsüti saya. 22Kepaghenanye Apvüwa na nssümagha kesü cikeya tsüna Apvüwa wi kekhenkeghe nkemi nyi; tsü makesü Khrista na kekhenkeghe nkemi nyi kesü cikeya wi ma Khrista magha sadha. 23Anyiza na nthu shüyadha; tsalina anyithu nssümagha nsala. 24Icünyuthu, anyi tsüdila ma khati keben wi Anyiza na ma ciya khe ma ciwi Anyiza ssinu ashusa bentenlo.
Keshanyi Nkesa nu Denyithu Cüki Kekeü
25Khili keshanyi nkesa nu denyithu cüki khi waden: hi Apvüwa yenkhukechi nmi, isala hi kemeshen pi Apvüwa nanketizen wina kenondi qo sa nu khiben.
26Nansü agükeccü cüki ha meshenchilo, hi kemeshen tsü anyi kesü ma ketan kebenwa mehaiben. 27No awubvü kesü ben kwe? Isathu, no ma teshiale nsala. No awubvü npi ya kwe? Isathu, no awubvü yale nsala. 28Isala keujüla no awubvü yaya lela no kesami nsa; nu keujüla nza kesü na n-nuwa lela ma kesami nsa. Isala hi nthu yala keshanyi sa kewathu na ayyi wi kahang wi gükeccü kebenwa tsü nsa thsü mvu.
29Icünyuthu, hi khi kebenwa na: matsü ssan kethengwa tsüna kesie nyedha, khili nten na anyi shanyi wa kesathu na nkeshanyi ti hang wa; 30qai kebenthu na mathu ahatha nkinaa ti sa; anonghe kebenthu na mathu anonghe nkeben ti sa; pala shei kebenthu na mathu mangla shei nkeya ti sa; 31ayyi tsanqai sensa kebenthu na mathu na tsüthu ghena dhamang nkeben ti salo. Kepaghenanye ayyi hawa ha khili ti saben le kesa matsü na kesie nyedha.
32Hi nthu yala ahathana nsa thsü mvu. Awubvü nkeya nyi na Apvüwa kekuliwa tsü meshen benden, kepaghenanye ma Apvüwa kenen tsü sa benden. 33Isala awubvü keya nyi na ayyi wi kekuliwa tsü sa benden, kepaghenanye ma ma wubvü kenen tsü sa benden; 34tsalina ma alen keni meshen benden. Npi n-nukewa nyelela ghala pvünyimetha kesü na Apvüwa kekuliwa tsü meshen benden, kepaghenanye ma agwo nu aghamu wila satemethaya mvu benden; isala kinyibvü na ayyi wi kekuliwa tsü meshen nu sa benden, kepaghenanye ma ma wuba kenen tsü sa benden.
35Hi nthu kiqa cü mvu kesalina ha khiben. Hi kekhenkeghe pi nthu tuwi chi nben; isala hi nthu ya kemeshonwa nu kesa-u tsü sa, nu nthu kahang tsüdi pi nmishala Apvüwa kekuli saya thsü mvu ben.
36Gweghe benle ajühcen theng nu madhale kesathu: Keujüla npvüzawa na ma nzawa tuwi nkesa-u saben le meshen nu keujüla ma kenmvuwa tsüna khang ntsa nu manyi keben-ule sa lethu, ma nmvu keben tsüti manyi ben wa nsathu yishü. Tsüti kesa wi kesami nmi. 37Isala keujüla npvüza kesü ma leben wi awubvü ya meten kesa meshen ntsa ben, nu keujüla ma kekhenengya mehai nu ma leben wi khati saten khe südheyadha lethu, ma awubvü nkeyawa mehai le! 38Tsalina npvüza awubvü keyawa mehai, isala awubvü nkeyawa na mehai kayi.
39Kenyibvü kesü na ma wuba hang keben chu ma khen senben; isala ma wuba na shü lethu, ma thowa wi n-nuwa mvu ben khe ma kekhenkeghe nmidha, isala tsüna Khristanyi wi ketan saben. 40Isala keujüla nzawa na ma ketan ben lethu, tsüwa ma nonghe kayi ben. Ha hi kemeshen nu Apvüwa Ghamu la hi wi ben kesa nondiben.
Currently Selected:
1 KORINTHNYI 7: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 7
7
Keshanyi jjügi Kekeü
1Khili nthu na zhükechi jjügi khi waden. Npvüza kesü awubvü nkeyawa mehai. 2Isala ciwi kahang nkemetha sha ntsa kesalina npvüza tsüdila ma wubvü ben, nu nza tsüdila ma wuba nbenthu yishü. 3Npvüza kesü na awuba kesa-u tsü sa, nu nza kesü na awubvü kesa-u tsü sa, tsüti nu khokho kenenwa tsü sacenlo. 4Kepaghenanye awubvüwa gwo tsüna ma kemeshen nye, isala awubawa na tsü miwi kekhang ben; tsü makesü awubawa gwo tsüna ma kemeshen nye, isala awubvüwa na tsü miwi kekhang ben. 5Nshinyi na matsü keujü kekhie sale kesa ghena cen pi nketheng tsü nshinyi khokho nhhaghela; isala tsaseng wi nshinyi jüwi keshanyi yenwa tsü sa neng walo. Hati nu nthu na kekhen neng meyala Satan kemechu wi duya kemehai khen yaben.
6Hi ha ahza pi nthu ncüla nthu ghena kemehaiwa khiben. 7Nthu tsüdila hi ti saya thsü mvuben; isala anyi tsüdila Anyiza wi papa kesawegü ben, kesü kesawegü na ha, nu kepawa kesawegü na katsü.
8Khili hi ajüh ha pi npi keshanyithu nu denyithu kizaben: Nthu la hi ti nshanyila kebenwa nthu ghena mehai ben le! 9Isala keujüla nthu kenmvuwa tsü kekhenengya nben lethu, nthu shanyi walo - kekheneng pi agüccü ntsa saben kesa tsü shanyi wa kesawa mehai.
10 #
Mat 5.32; 19.9; Mrk 10.11-12; Luk 16.18 Shanyi wa kesathu ghena hi ijüh nyela Apvüwa na ayenkhukechi ben: awubvü kesü na ma wuba teshi yishü; 11isala keujüla ma tsüti sa lethu, ma ketan hang nbenthu yishü nyelethu ma wuba manyi ajühkeyali nengya; nu awuba kesü na ma wubvü nteshila.
12Hi ajüh pi kepathu la kizaben (Ha hi na khe Apvüwa na nye): Keujüla Khristanyi npvüza kesü na ma wubvü nkenondi nyi ben, isala ma manyi gweghe hang mvu ben lethu, ma wubvü tsü teshi yishü. 13Nu keujüla Khristanyi nza kesü na nkenondi nyi npvüza kesü wi n-nuwa, nu ma manyi gweghe hang mvu ben lethu, ma wuba tsü teshi yishü. 14Kepaghenanye awuba nkenondiwa tsüna ma wubvü manyi gweghe keben wina Anyiza na ma keyaqo nyi sayaben, nu awubvü nkenondiwa tsü la ma wuba Khristanyi manyi gweghe keben wina Anyiza na ma keyaqo nyi sayaben. Keujüla tsüti nsa lethu, manyi tsangathu na Anyiza nkechü tsangathu saben; isala tsüti saya lethu, Anyiza na mathu keyaqo nyi sayaben. 15Isala keujüla nkenondiwa na ma kegweghe wa Khristanyi tsü teshi mvu ben lethu, tsüti sa thsülo. Hati kesa wi Khristanyi awubawa sa le awubvüwa sa lela ma kemeshen saya mehai; kepaghenanye Anyiza na kecca wi hang thsüle nthu ciya. 16Khristanyi awubvüwa, no khatinu nwuba hangshaya nben kesa chüti ben nu? Nyelela Khristanyi awubawa, no khatinu nwubvü hangshaya nben kesa chüben nu?
Anyiza na Nthu Cikeya Ti Hanglo
17Anyi kesü le kesü lela Apvüwa na aju pi ma kecü nu ma khati kesa wi Anyiza na ma ciya khe tsü kenie wi hang tenlo. Hawa ha hi pi kemehu tsüdi wi nyu sansi keten yenwa tsü. 18Anyi kesü ma hyukahan seng wi Anyiza na ma ciya kwe? Ma ahyukahan yisü tsü khupiale nsala. Anyi kesü ma ahyu npi kahan wi Anyiza na ma ciya kwe? Ma ahyuhan le nsala. 19Kepaghenanye anyi kesü ahyu han le nhan lela ma jjügi nmi, isani Anyiza jühkhukechithu tsü kenie wi ma men ben. 20Anyi kesü le kesü lela ma khati keben wi Anyiza na ma ciya khe ma ciwi benlo. 21No nssümagha kesü sa keben wi Anyiza na no ciya kwe? Mangla nsa, leben ketizen nsala; isala keujüla no kekhenkeghe nkemi nyi saya kemehai na ben lethu, tsüti saya. 22Kepaghenanye Apvüwa na nssümagha kesü cikeya tsüna Apvüwa wi kekhenkeghe nkemi nyi; tsü makesü Khrista na kekhenkeghe nkemi nyi kesü cikeya wi ma Khrista magha sadha. 23Anyiza na nthu shüyadha; tsalina anyithu nssümagha nsala. 24Icünyuthu, anyi tsüdila ma khati keben wi Anyiza na ma ciya khe ma ciwi Anyiza ssinu ashusa bentenlo.
Keshanyi Nkesa nu Denyithu Cüki Kekeü
25Khili keshanyi nkesa nu denyithu cüki khi waden: hi Apvüwa yenkhukechi nmi, isala hi kemeshen pi Apvüwa nanketizen wina kenondi qo sa nu khiben.
26Nansü agükeccü cüki ha meshenchilo, hi kemeshen tsü anyi kesü ma ketan kebenwa mehaiben. 27No awubvü kesü ben kwe? Isathu, no ma teshiale nsala. No awubvü npi ya kwe? Isathu, no awubvü yale nsala. 28Isala keujüla no awubvü yaya lela no kesami nsa; nu keujüla nza kesü na n-nuwa lela ma kesami nsa. Isala hi nthu yala keshanyi sa kewathu na ayyi wi kahang wi gükeccü kebenwa tsü nsa thsü mvu.
29Icünyuthu, hi khi kebenwa na: matsü ssan kethengwa tsüna kesie nyedha, khili nten na anyi shanyi wa kesathu na nkeshanyi ti hang wa; 30qai kebenthu na mathu ahatha nkinaa ti sa; anonghe kebenthu na mathu anonghe nkeben ti sa; pala shei kebenthu na mathu mangla shei nkeya ti sa; 31ayyi tsanqai sensa kebenthu na mathu na tsüthu ghena dhamang nkeben ti salo. Kepaghenanye ayyi hawa ha khili ti saben le kesa matsü na kesie nyedha.
32Hi nthu yala ahathana nsa thsü mvu. Awubvü nkeya nyi na Apvüwa kekuliwa tsü meshen benden, kepaghenanye ma Apvüwa kenen tsü sa benden. 33Isala awubvü keya nyi na ayyi wi kekuliwa tsü sa benden, kepaghenanye ma ma wubvü kenen tsü sa benden; 34tsalina ma alen keni meshen benden. Npi n-nukewa nyelela ghala pvünyimetha kesü na Apvüwa kekuliwa tsü meshen benden, kepaghenanye ma agwo nu aghamu wila satemethaya mvu benden; isala kinyibvü na ayyi wi kekuliwa tsü meshen nu sa benden, kepaghenanye ma ma wuba kenen tsü sa benden.
35Hi nthu kiqa cü mvu kesalina ha khiben. Hi kekhenkeghe pi nthu tuwi chi nben; isala hi nthu ya kemeshonwa nu kesa-u tsü sa, nu nthu kahang tsüdi pi nmishala Apvüwa kekuli saya thsü mvu ben.
36Gweghe benle ajühcen theng nu madhale kesathu: Keujüla npvüzawa na ma nzawa tuwi nkesa-u saben le meshen nu keujüla ma kenmvuwa tsüna khang ntsa nu manyi keben-ule sa lethu, ma nmvu keben tsüti manyi ben wa nsathu yishü. Tsüti kesa wi kesami nmi. 37Isala keujüla npvüza kesü ma leben wi awubvü ya meten kesa meshen ntsa ben, nu keujüla ma kekhenengya mehai nu ma leben wi khati saten khe südheyadha lethu, ma awubvü nkeyawa mehai le! 38Tsalina npvüza awubvü keyawa mehai, isala awubvü nkeyawa na mehai kayi.
39Kenyibvü kesü na ma wuba hang keben chu ma khen senben; isala ma wuba na shü lethu, ma thowa wi n-nuwa mvu ben khe ma kekhenkeghe nmidha, isala tsüna Khristanyi wi ketan saben. 40Isala keujüla nzawa na ma ketan ben lethu, tsüwa ma nonghe kayi ben. Ha hi kemeshen nu Apvüwa Ghamu la hi wi ben kesa nondiben.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.