1 KORINTHNYI 4
4
Khrista ghena Apostelthu
1Nthu na ikhang pi Khrista maghathu, Anyiza ji kekuthi tsentsathu tsü pi nondichi kethengthu tsüle kemeshen-u. 2Amaghawa wi hati nsathu keyishü tsüna ma pvüwa wi jühtsentsa kesa. 3Khili nthu nyelela anyi yen wina hi ghan-nan keben tsü ituwi pala keti nye; hi ketanla hi ghan-nan nten. 4Hi kemeshen meshonben, isala tsüna hi ntsakhiwa kesami nmile kesa chü meya. Hi ghan-nan ketenwa tsüna Apvüwa. 5Tsalina matsü npi kegho tuwi nthu thola ghan-nanle nsa lalo. Ghan-nan keten sakhenwa tsüna Apvüwa kegho hie nbenthu yishü; ma kejang wi kekuthithu sengho kewegü wi chicüden nu anyi leben wi kekuthi kemeshen tsü sa pi chüya thsüaben. Isanu anyi tsüdila Anyiza wi ma keseng kemu-u wina muyaden.
6Icünyuthu, nthu ghena hi pala hathu tsüdi pi Apollo ishinyi miwi chi nu ishinyi pi tsütsonca sa nu nthu ya khi keben jjügi ha chüya thsüle kesalina, “Zhü ketheng miwi nwala.” Nthu thola anyi kesü ghena kapvü nu kepawa nkhichi nsala. 7Thowa na nthu sa pi kepa miwi mehaiki cü nu? Anyiza na nthu keben tsüdi pi nthu ncü kwe? Isathu, mangkesa na nthu na aju mukeya ti nsala kapvüten nu? 8Nthu na nthu nsenthu keyishü tsüdi benyadha kwe? Nthu na keban sayadha kwe? Ikhang nchila nthu na kadimithu sayadha kwe? Hi nthu yala kadimithu saya thsü mvuben, isanu ikhang la nthu gweghe kadimithu saya mvuben. 9Hi kemeshen tsü Anyiza na ikhang apostelthu ha pi keshü nyi ti asakhen ntsawa wi chi cüle saben, kepaghenanye ikhang hana ayyi nyi nu tangnyilothu maben na ghang keben wi meshensa pi pathiale keben ti sadha. 10Khrista ghena ikhang na kejüphonthu; isala nthu na Khrista wi kemetsathu le! Ikhang na nkhang, isala nthu na khangben! Nyu na ikhang nkhichi, isala nyu na nthu kinyikü ben. 11Ghola khili kecu ikhang na ghama nu digheben; ikhang na athsü kiqae mphi; nyu na ikhang kiccü; nu ikhang na ajjenlli nmila kegoe den; 12#Kek 18.3 ikhang na agüccü ntsa lela apiketsü sala kuliden. Nyu na ikhang kishencüthu, ikhang na sawegü pi cüden; nyu na ikhang meten-meshathu, ikhang na kethankehi yaden; 13nyu na ikhang keminni cüthu, ikhang na ccapeyi luneng den. Ikhang na ayyi nyi tuwi kenenkagha ti sa; ghola nansü kecu ikhang na ayyi wi kenenkagha ti saben!
14Hi nthu yala kejügheya thsüle kesa ghena ha zhü pi nthu cü nben, isala nthu pi itsangathu ti sa nu nthu kecükegwe cüle kesalina. 15Kepaghenanye nthu na Khristanyi kahang wi nthu kehiethu hazar na ben lela nthu ba kesütan ben. Kepaghenanye nthu na Khrista wi kahang wi hi Jühtheü Kemehaiwa sengho nthu kecü ghena hi nthu ba sayadha. 16#1 Kor 11.1; Fil 3.17 Hi nthu wi khieben; hi ti sayalo. 17Ha jjügi ghena hi Khristanyi kahang wi itsa hi kaghaliwa Timothi kesun pi nthu wi chiben. Ma hi Jisu Khrista wi kahang ketheü yenthu nie keten nu hi apen tsüdi wi kemehujjen wi nyu sansi keten tsü pi nthu kizaben.
18Nthu pahan na hi nthu wi ghoneng nbendha le kemeshen ghena kapvüben. 19Isala Apvüwa kemeshen ti lethu, hi wan nthu wi ghoneng den, isanu hi ketanla hi anyi kapvü kebenthu na kekhi ketan nyela mathu kekhang keben tsü chüyaden. 20Kepaghenanye Anyiza kadiyyi tsüna ajüh wi nyela kekhang keben ji. 21Nthu na khawa ya mvu ben nu? Hi kekihhechan sen nu nthu wi ghola, aghamu ketizen nu keccaketssü sengho nu?
Currently Selected:
1 KORINTHNYI 4: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 4
4
Khrista ghena Apostelthu
1Nthu na ikhang pi Khrista maghathu, Anyiza ji kekuthi tsentsathu tsü pi nondichi kethengthu tsüle kemeshen-u. 2Amaghawa wi hati nsathu keyishü tsüna ma pvüwa wi jühtsentsa kesa. 3Khili nthu nyelela anyi yen wina hi ghan-nan keben tsü ituwi pala keti nye; hi ketanla hi ghan-nan nten. 4Hi kemeshen meshonben, isala tsüna hi ntsakhiwa kesami nmile kesa chü meya. Hi ghan-nan ketenwa tsüna Apvüwa. 5Tsalina matsü npi kegho tuwi nthu thola ghan-nanle nsa lalo. Ghan-nan keten sakhenwa tsüna Apvüwa kegho hie nbenthu yishü; ma kejang wi kekuthithu sengho kewegü wi chicüden nu anyi leben wi kekuthi kemeshen tsü sa pi chüya thsüaben. Isanu anyi tsüdila Anyiza wi ma keseng kemu-u wina muyaden.
6Icünyuthu, nthu ghena hi pala hathu tsüdi pi Apollo ishinyi miwi chi nu ishinyi pi tsütsonca sa nu nthu ya khi keben jjügi ha chüya thsüle kesalina, “Zhü ketheng miwi nwala.” Nthu thola anyi kesü ghena kapvü nu kepawa nkhichi nsala. 7Thowa na nthu sa pi kepa miwi mehaiki cü nu? Anyiza na nthu keben tsüdi pi nthu ncü kwe? Isathu, mangkesa na nthu na aju mukeya ti nsala kapvüten nu? 8Nthu na nthu nsenthu keyishü tsüdi benyadha kwe? Nthu na keban sayadha kwe? Ikhang nchila nthu na kadimithu sayadha kwe? Hi nthu yala kadimithu saya thsü mvuben, isanu ikhang la nthu gweghe kadimithu saya mvuben. 9Hi kemeshen tsü Anyiza na ikhang apostelthu ha pi keshü nyi ti asakhen ntsawa wi chi cüle saben, kepaghenanye ikhang hana ayyi nyi nu tangnyilothu maben na ghang keben wi meshensa pi pathiale keben ti sadha. 10Khrista ghena ikhang na kejüphonthu; isala nthu na Khrista wi kemetsathu le! Ikhang na nkhang, isala nthu na khangben! Nyu na ikhang nkhichi, isala nyu na nthu kinyikü ben. 11Ghola khili kecu ikhang na ghama nu digheben; ikhang na athsü kiqae mphi; nyu na ikhang kiccü; nu ikhang na ajjenlli nmila kegoe den; 12#Kek 18.3 ikhang na agüccü ntsa lela apiketsü sala kuliden. Nyu na ikhang kishencüthu, ikhang na sawegü pi cüden; nyu na ikhang meten-meshathu, ikhang na kethankehi yaden; 13nyu na ikhang keminni cüthu, ikhang na ccapeyi luneng den. Ikhang na ayyi nyi tuwi kenenkagha ti sa; ghola nansü kecu ikhang na ayyi wi kenenkagha ti saben!
14Hi nthu yala kejügheya thsüle kesa ghena ha zhü pi nthu cü nben, isala nthu pi itsangathu ti sa nu nthu kecükegwe cüle kesalina. 15Kepaghenanye nthu na Khristanyi kahang wi nthu kehiethu hazar na ben lela nthu ba kesütan ben. Kepaghenanye nthu na Khrista wi kahang wi hi Jühtheü Kemehaiwa sengho nthu kecü ghena hi nthu ba sayadha. 16#1 Kor 11.1; Fil 3.17 Hi nthu wi khieben; hi ti sayalo. 17Ha jjügi ghena hi Khristanyi kahang wi itsa hi kaghaliwa Timothi kesun pi nthu wi chiben. Ma hi Jisu Khrista wi kahang ketheü yenthu nie keten nu hi apen tsüdi wi kemehujjen wi nyu sansi keten tsü pi nthu kizaben.
18Nthu pahan na hi nthu wi ghoneng nbendha le kemeshen ghena kapvüben. 19Isala Apvüwa kemeshen ti lethu, hi wan nthu wi ghoneng den, isanu hi ketanla hi anyi kapvü kebenthu na kekhi ketan nyela mathu kekhang keben tsü chüyaden. 20Kepaghenanye Anyiza kadiyyi tsüna ajüh wi nyela kekhang keben ji. 21Nthu na khawa ya mvu ben nu? Hi kekihhechan sen nu nthu wi ghola, aghamu ketizen nu keccaketssü sengho nu?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.