1 KORINTHNYI 1
1
1Jisu Khrista ghena apostel kesü salo Anyiza na ci keyawa Paul nu ithu cünyuwa Sosthenge wina kesun pi
2Kor rinth wi Anyiza kemehu wi, ci pi Anyiza kemetha nyi saya kesathu tsüdi, Jisu Khrista wina ma ji saya kesathu, kahe wi anyi tsüdila gweghe nu mathu nu ithu Pvüwa, Apvüwa Jisu Khrista kinyi ketenthu wi kechi: 3Ithu Ba Anyiza nu Apvüwa Jisu Khrista ya nanketizen nu kecca pi nthu kecüwa salo.
Khrista wi Kemihhithu
4Anyiza na Jisu Khrista wina nanketizen pi nthu kecü ghena hi keshüthangla keseng pi ma cü benden. 5Kepaghenanye nthu na Khrista gweghe keya wina pala tsüdi wi keban sayadha, tsüna nthu jühkekhi nu palakechü tsüdila saghuben. 6Khrista cüki ketsijüh tsüna nthu wi zükeqhe benya kesalina 7nthu na ithu Pvüwa Jisu Khrista kegho hie keben wi nthu kemihhi kesüla mu meyala nsa. 8Ma nthu noncca sen wa asakhen tsathang cu cüben tsüna ithu Pvüwa Jisu Khrista tsathang wi nthu kesami nben thsüle kesalina. 9Kenondi qowa Anyiza na nthu ci pi ma Tsawa Jisu Khrista ithu Pvüwa wi chiyadha.
Kemehu wi Gishü Kepapakesa
10Icünyuthu, hi ithu Pvüwa Jisu Khrista nyan wina nthu wi khieben: nthu tsüdila ajühjja keyali nu nthu jawi gishü kepapa nsa lalo; isala nthu saghula kemeshen kesütan nu aleben kesütan sabenlo. 11Kepaghenanye icünyuthu, nthu jawi sashü na kitagha benle kesa Khloe theghi wi anyi pahan na hi kiza. 12#Kek 18.24 Hi khi kebenwa na nthu jawi khokho kepapa khiben: Kesü na “Hi Paul nieden” khi; kepawa na “Hi Apollo nieden” khi; kepawa na “Hi Pitor nieden” khi; nu kepa na “Hi Khrista nieden” khiben. 13Khrista tsü gishü pi akhang kepapa saben man! Paul na nthu ghena kross miwi shü kwe? Nthu na Paul nyan wina baptaiz saya kwe?
14 #
Kek 18.8; 19.29; Rom 16.23 Hi Krispa nu Gaiya manyi ketan khe nthu thola pi baptaiz nkesa ghena Anyiza seng ben. 15Tsalina nthu thola inyan wina baptaiz sayale khiya nben. 16#1 Kor 16.15 (Anle, hi Stefana theghi la pi baptaiz sacüle, isala nthu thola pi baptaiz sala nye khe nchüladha.) 17Kepaghenanye Khrista na hi nyu baptaiz salo kesa ghena kesun nchi. Khrista na kross miwi keshü kekhang tsü meyasa thsüle kesalina hi anyi kemetsa jüh tsü nsenla Jühtheü Kemehaiwa tsü pi nyu kizalo kesa ghena hi kesunchi.
Khrista na Anyiza wi kekhangwa nu Kemetsawa
18Kepaghenanye Khrista na kross miwi keshü cüki ketsijüh hana dedi kebenthu tuwi kejüphon jüh, isala ithu hangshaya kebenthu tuwi tsü hana Anyiza kekhang. 19#Isa 29.14 Ntsawajüh na khiben,
“Hi kemetsathu kemetsa tsü yasa cüden,
nu palakechüthu chüshikeya tsü pi
ma men nkemi sa cüden.”
20 #
Job 12.17; Isa 19.12; 33.18; 44.25 Isathu, kemetsawa tsü khie nu? Palakechüwa tsü khie nu? Ayyi he wi ajühkhi kemehaiwa khie nu? Anyiza na ayyi he wi kemetsa tsüna kejüphon le kesa pi ccücadha!
21Kepaghenanye Anyiza na ma kemetsa wina ayyi nyithu na mathu kemetsa sen nu ma chüya nben sadha. Tsüti kesawa nyela, ikhang na pi sansi keten ketsijüh pi “kejüphon jüh” le khi ketenwa ha kenondithu na hangsha yaben kesa Anyiza na südhedha. 22Judah nyithu na chüyale kesa ghena azensuthu tsü bha, nu Grik nyithu na kemetsa tsü ghang. 23Isala ikhang na Khrista kross miwi keshü cüki ketsijüh Judah nyithu ccükemeshüwa nu Grik nyithu ghena kejüphon jüh tsü pi thangchiden; 24isala Judah nyithu nu Judah nyi nkenyethu la Anyiza na ciya kesathu ghena tsü ketsijüh hana Khrista, Anyiza kekhang nu Anyiza kemetsa tsü le! 25Kepaghenanye Anyiza wi kejüphon tsüna ayyi nyi kemetsa miwi metsaki, nu Anyiza wi nkekhang tsüna ayyi nyi kezü miwi züki.
26Icünyuthu, Anyiza na khati kesa wi nthu ciya khe meshen chilo. Ayyi nyi kahang kenie wi tsü nthu keu ketan na kemetsa nyi, kekhang nyi, nu atheghi kemehai nyi. 27Anyiza na ayyi wi kemetsathu kejügheya thsüle kesalina kejüphonthu kessiya, nu ayyi wi kekhangthu kejügheya thsüle kesalina nkekhangthu kessiya. 28Ma ayyi nyi na pi kemechan ntsa meshen keten tsü yasa cüle kesalina ayyi nyi na nkhichi nu n-nyuwa nu pi ma men nkemi sa ketenthu kessiya. 29Ha ma jjügi anyi kesütanla Anyiza tuwi kapvüya nben. 30Isala Anyiza na nthu sa pi Jisu Khrista wi benya thsü, nu Anyiza na Khrista sa pi ithu ghena kemetsawa, ketsatanwa, satekemethawa, nu khushikeyawa sa thsüdha. 31#Jer 9.24 Tsalina Ntsawajüh na kekhi ti,
“Anyi thowa na kapvüten khe Apvüwa ghena kapvü thsülo.”
Currently Selected:
1 KORINTHNYI 1: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 1
1
1Jisu Khrista ghena apostel kesü salo Anyiza na ci keyawa Paul nu ithu cünyuwa Sosthenge wina kesun pi
2Kor rinth wi Anyiza kemehu wi, ci pi Anyiza kemetha nyi saya kesathu tsüdi, Jisu Khrista wina ma ji saya kesathu, kahe wi anyi tsüdila gweghe nu mathu nu ithu Pvüwa, Apvüwa Jisu Khrista kinyi ketenthu wi kechi: 3Ithu Ba Anyiza nu Apvüwa Jisu Khrista ya nanketizen nu kecca pi nthu kecüwa salo.
Khrista wi Kemihhithu
4Anyiza na Jisu Khrista wina nanketizen pi nthu kecü ghena hi keshüthangla keseng pi ma cü benden. 5Kepaghenanye nthu na Khrista gweghe keya wina pala tsüdi wi keban sayadha, tsüna nthu jühkekhi nu palakechü tsüdila saghuben. 6Khrista cüki ketsijüh tsüna nthu wi zükeqhe benya kesalina 7nthu na ithu Pvüwa Jisu Khrista kegho hie keben wi nthu kemihhi kesüla mu meyala nsa. 8Ma nthu noncca sen wa asakhen tsathang cu cüben tsüna ithu Pvüwa Jisu Khrista tsathang wi nthu kesami nben thsüle kesalina. 9Kenondi qowa Anyiza na nthu ci pi ma Tsawa Jisu Khrista ithu Pvüwa wi chiyadha.
Kemehu wi Gishü Kepapakesa
10Icünyuthu, hi ithu Pvüwa Jisu Khrista nyan wina nthu wi khieben: nthu tsüdila ajühjja keyali nu nthu jawi gishü kepapa nsa lalo; isala nthu saghula kemeshen kesütan nu aleben kesütan sabenlo. 11Kepaghenanye icünyuthu, nthu jawi sashü na kitagha benle kesa Khloe theghi wi anyi pahan na hi kiza. 12#Kek 18.24 Hi khi kebenwa na nthu jawi khokho kepapa khiben: Kesü na “Hi Paul nieden” khi; kepawa na “Hi Apollo nieden” khi; kepawa na “Hi Pitor nieden” khi; nu kepa na “Hi Khrista nieden” khiben. 13Khrista tsü gishü pi akhang kepapa saben man! Paul na nthu ghena kross miwi shü kwe? Nthu na Paul nyan wina baptaiz saya kwe?
14 #
Kek 18.8; 19.29; Rom 16.23 Hi Krispa nu Gaiya manyi ketan khe nthu thola pi baptaiz nkesa ghena Anyiza seng ben. 15Tsalina nthu thola inyan wina baptaiz sayale khiya nben. 16#1 Kor 16.15 (Anle, hi Stefana theghi la pi baptaiz sacüle, isala nthu thola pi baptaiz sala nye khe nchüladha.) 17Kepaghenanye Khrista na hi nyu baptaiz salo kesa ghena kesun nchi. Khrista na kross miwi keshü kekhang tsü meyasa thsüle kesalina hi anyi kemetsa jüh tsü nsenla Jühtheü Kemehaiwa tsü pi nyu kizalo kesa ghena hi kesunchi.
Khrista na Anyiza wi kekhangwa nu Kemetsawa
18Kepaghenanye Khrista na kross miwi keshü cüki ketsijüh hana dedi kebenthu tuwi kejüphon jüh, isala ithu hangshaya kebenthu tuwi tsü hana Anyiza kekhang. 19#Isa 29.14 Ntsawajüh na khiben,
“Hi kemetsathu kemetsa tsü yasa cüden,
nu palakechüthu chüshikeya tsü pi
ma men nkemi sa cüden.”
20 #
Job 12.17; Isa 19.12; 33.18; 44.25 Isathu, kemetsawa tsü khie nu? Palakechüwa tsü khie nu? Ayyi he wi ajühkhi kemehaiwa khie nu? Anyiza na ayyi he wi kemetsa tsüna kejüphon le kesa pi ccücadha!
21Kepaghenanye Anyiza na ma kemetsa wina ayyi nyithu na mathu kemetsa sen nu ma chüya nben sadha. Tsüti kesawa nyela, ikhang na pi sansi keten ketsijüh pi “kejüphon jüh” le khi ketenwa ha kenondithu na hangsha yaben kesa Anyiza na südhedha. 22Judah nyithu na chüyale kesa ghena azensuthu tsü bha, nu Grik nyithu na kemetsa tsü ghang. 23Isala ikhang na Khrista kross miwi keshü cüki ketsijüh Judah nyithu ccükemeshüwa nu Grik nyithu ghena kejüphon jüh tsü pi thangchiden; 24isala Judah nyithu nu Judah nyi nkenyethu la Anyiza na ciya kesathu ghena tsü ketsijüh hana Khrista, Anyiza kekhang nu Anyiza kemetsa tsü le! 25Kepaghenanye Anyiza wi kejüphon tsüna ayyi nyi kemetsa miwi metsaki, nu Anyiza wi nkekhang tsüna ayyi nyi kezü miwi züki.
26Icünyuthu, Anyiza na khati kesa wi nthu ciya khe meshen chilo. Ayyi nyi kahang kenie wi tsü nthu keu ketan na kemetsa nyi, kekhang nyi, nu atheghi kemehai nyi. 27Anyiza na ayyi wi kemetsathu kejügheya thsüle kesalina kejüphonthu kessiya, nu ayyi wi kekhangthu kejügheya thsüle kesalina nkekhangthu kessiya. 28Ma ayyi nyi na pi kemechan ntsa meshen keten tsü yasa cüle kesalina ayyi nyi na nkhichi nu n-nyuwa nu pi ma men nkemi sa ketenthu kessiya. 29Ha ma jjügi anyi kesütanla Anyiza tuwi kapvüya nben. 30Isala Anyiza na nthu sa pi Jisu Khrista wi benya thsü, nu Anyiza na Khrista sa pi ithu ghena kemetsawa, ketsatanwa, satekemethawa, nu khushikeyawa sa thsüdha. 31#Jer 9.24 Tsalina Ntsawajüh na kekhi ti,
“Anyi thowa na kapvüten khe Apvüwa ghena kapvü thsülo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.