1 KORINTHNYI 2
2
Jisu pi Kross miwi Kejen Ketsijüh
1Icünyuthu, hi kemetsa nu ajühkhi kemehai sen nu Anyiza cüki kekuthi tsentsawa tsü khile kesa ghena nthu wi nghole! 2Kepaghenanye hi nthu jawi keben wi Jisu Khrista nu ma pi kross miwi kejen cüki ketan khe kepa wi mangla chüyale nsa. 3#Kek 18.9 Tsalina hi kekhang nmila messi pi kedheggü sen nu nthu jawi gho, 4nu hi kesansijüh nu ketsijühthu tsüna anyi kemetsa jüh wina nye, isala Anyiza Ghamu kekhang keben chüti kesa pi ccüca chi. 5Tsalina nthu kenondi na anyi kemetsa miwi nyela Anyiza kekhang miwi ben.
Anyiza Kemetsa
6Isala hi aghamulen wi kezügüthu wi ketan kemetsa jüh khiden. Kemetsa jüh hana ayyi nyi kemetsa nyelela ayyi ha wi kekhang kesenthu kekhang — mathu kekhang bhatagha keten kekhangwa tsü nye. 7Hi kemetsa jüh pi kekhi tsüna Anyiza wi kekuthi kemetsa pi anyi tuwi kuthi ketheng, isala ayyi npi kesachi wina Anyiza na ithu nyankethang ghena kiden ketheng tsüle. 8Ayyi ha wi kekhang kesenthu kesütanla kemetsa hawa ha nchü. Keujüla mathu ha chü lethu mathu na Apvüwa nyankethangwa tsü pi kross miwi jen nkesa. 9#Isa 64.4 Isala Ntsawajüh na kekhi tsüti,
“Anyi thola mu nu za nketen,
nu anyi thola aleben pi meshenya nketen,
ha Anyiza na ma tizen ketenthu ghena
kiden ketheng tsü.”
10Isala Anyiza na ma Ghamu wina kekuthi tsü sa pi ithu ya chüya thsü. Kepaghenanye Aghamu tsüna pala tsüdila, Anyiza kemeshen kedhu tsü lela bhashiyaden. 11Anyi kesü ghamu ma non wi kebenwa tsü ketan ma cüki tsüdi chüben; tsü makesü Anyiza Ghamu ketan Anyiza cüki tsüdi chüben. 12Ithu na ayyi hawa wi ghamu mu meya, isala Anyiza na pi ithu kecü tsüdila chüya thsüle kesalina Anyiza na kesun kechi Aghamu tsü muyadha.
13Tsalina ikhang na ajüh ha anyi kemetsa pi kesansijüh wina khi nben, isala Aghamu na pi kesansijüh wina khiben, ikhang na aghamulen wi atsentsawa tsü khi pi Aghamu kepvüthu kizaden. 14Anyi thowa na Aghamu npvü khe Anyiza Ghamu ju khukechithu tsü yaya nten. Anyi tsüti kesawa na ntsakhiwa tsüthu chüshiya nben; tsüthu na ma ghena kejüphon jüh, kepaghenanye tsüthu men keben tsüna aghamulen wi ketan ghan-nanya mehai. 15Isala anyi thowa na Aghamu pvüten khe pala tsüdi men keben tsü ghanya mehai, isala anyi thola ma ghanya nben. 16#Isa 40.13 Ntsawajüh na kekhi ti,
“Thowa na Apvüwa kemeshen chüben nu?
Thowa na ma sansiya mehai nu?”
Isala ithu na Khrista kemeshenwa tsü ben.
Currently Selected:
1 KORINTHNYI 2: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 2
2
Jisu pi Kross miwi Kejen Ketsijüh
1Icünyuthu, hi kemetsa nu ajühkhi kemehai sen nu Anyiza cüki kekuthi tsentsawa tsü khile kesa ghena nthu wi nghole! 2Kepaghenanye hi nthu jawi keben wi Jisu Khrista nu ma pi kross miwi kejen cüki ketan khe kepa wi mangla chüyale nsa. 3#Kek 18.9 Tsalina hi kekhang nmila messi pi kedheggü sen nu nthu jawi gho, 4nu hi kesansijüh nu ketsijühthu tsüna anyi kemetsa jüh wina nye, isala Anyiza Ghamu kekhang keben chüti kesa pi ccüca chi. 5Tsalina nthu kenondi na anyi kemetsa miwi nyela Anyiza kekhang miwi ben.
Anyiza Kemetsa
6Isala hi aghamulen wi kezügüthu wi ketan kemetsa jüh khiden. Kemetsa jüh hana ayyi nyi kemetsa nyelela ayyi ha wi kekhang kesenthu kekhang — mathu kekhang bhatagha keten kekhangwa tsü nye. 7Hi kemetsa jüh pi kekhi tsüna Anyiza wi kekuthi kemetsa pi anyi tuwi kuthi ketheng, isala ayyi npi kesachi wina Anyiza na ithu nyankethang ghena kiden ketheng tsüle. 8Ayyi ha wi kekhang kesenthu kesütanla kemetsa hawa ha nchü. Keujüla mathu ha chü lethu mathu na Apvüwa nyankethangwa tsü pi kross miwi jen nkesa. 9#Isa 64.4 Isala Ntsawajüh na kekhi tsüti,
“Anyi thola mu nu za nketen,
nu anyi thola aleben pi meshenya nketen,
ha Anyiza na ma tizen ketenthu ghena
kiden ketheng tsü.”
10Isala Anyiza na ma Ghamu wina kekuthi tsü sa pi ithu ya chüya thsü. Kepaghenanye Aghamu tsüna pala tsüdila, Anyiza kemeshen kedhu tsü lela bhashiyaden. 11Anyi kesü ghamu ma non wi kebenwa tsü ketan ma cüki tsüdi chüben; tsü makesü Anyiza Ghamu ketan Anyiza cüki tsüdi chüben. 12Ithu na ayyi hawa wi ghamu mu meya, isala Anyiza na pi ithu kecü tsüdila chüya thsüle kesalina Anyiza na kesun kechi Aghamu tsü muyadha.
13Tsalina ikhang na ajüh ha anyi kemetsa pi kesansijüh wina khi nben, isala Aghamu na pi kesansijüh wina khiben, ikhang na aghamulen wi atsentsawa tsü khi pi Aghamu kepvüthu kizaden. 14Anyi thowa na Aghamu npvü khe Anyiza Ghamu ju khukechithu tsü yaya nten. Anyi tsüti kesawa na ntsakhiwa tsüthu chüshiya nben; tsüthu na ma ghena kejüphon jüh, kepaghenanye tsüthu men keben tsüna aghamulen wi ketan ghan-nanya mehai. 15Isala anyi thowa na Aghamu pvüten khe pala tsüdi men keben tsü ghanya mehai, isala anyi thola ma ghanya nben. 16#Isa 40.13 Ntsawajüh na kekhi ti,
“Thowa na Apvüwa kemeshen chüben nu?
Thowa na ma sansiya mehai nu?”
Isala ithu na Khrista kemeshenwa tsü ben.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.