1 KORINTHNYI Ajühtuwa

Ajühtuwa

Paul zhü pi Korinthnyi kecü atuwa hana ma Korinth wi kemehu kepieki wi Khristanyi kahangyen nu kenondi jjügi wi kivvü keshhughothu ghena zhükechi. Tsü tsüwi Korinth na Griknyi nyunuti kesü, Rom yyi Akhaya wi anyunuti ghazenwa saben. Anyunuti tsüna asenkesapen kemehai, kahang yencüki wi kekapvü, kahang nkemetha, nu keccüna kepapa kejon keben hathu ghena anyan kemechan ntsa sa.

Apostelwa ma kemeshen keti ntsa na hathu ghena: kemehu wi akhang kepapa kesa nu kahang nkemetha, kahang wi keshanyi npi kesa wi nza npvüza yen kesa nu keshanyi, kemeshen jjügi, kemehu kesenyen, Kemetha Ghamu juthu, nu hangneng-keshagha cükithu ghena kekeü. Ma Jühtheü Kemehaiwa wi hathu ghena khatila ma jjügi dhuben khe khi pi ccücachi.

Kezhü 13, wi nanketizen tsüna Anyiza ju kemehai ntsawa pi ma nyithu kecü hana lesüshen ha wi tsüdila kechü jüh ntsawa.

Hawi Kebenthu

Ajühtuwa 1.1-9

Kemehu wi akhang kepapa kesa 1.10—4.21

Kahang kemetha nu atheghi kahang 5.1—7.40

Khristanyi nu Anyiza nkechüthu 8.1—11.1

Kemehu nu kekinyiyen 11.12—14.40

Khrista nu kenondithu hangneng-keshagha 15.1-58

Judea wi Khristanyithu na khukechi 16.1-4

Meshu kesüsü ghena nu ajühsakhen 16.5-24

Currently Selected:

1 KORINTHNYI Ajühtuwa: RENGNBSI

Highlight

Copy

Want to have your highlights saved across all your devices? Sign up or sign in

Rengma (N) (Re-editing) Bible - Kemethajüh (N)

Learn More About Kemethajüh (N) (Re-editing) Bible (BSI)