TSIPWESWÜ 9
9
Nkenkela Kenyhun Gü
1Israel nyu le Ijipt nkenkela chen hvu gü shye kerigü ka Sinai kazü kesi ki Npugü le Mosa nthon-o a-ka zoshü, 2-3“Hi shye jonryü pezi nyü, yhüko keche ka bin zen lo-o Israel nyu no nkenkelo tejvü dan aphu then ti.” 4Tson-o Mosa le Israel nyu no nkenkelo nga then lotse zoshü, 5tsü genyu anyugun le shye keri gü jonryü pezi je Sinai kazü kesi nyu tsü thyü. Npugü lo Mosa ka johokeshü hontse temi dan le tsü aphu thyülo.
6Ai tsüka temi peha le simi kesü lao nshünmvu kela genyu, tsünyü nkenkelo nga thenlo mvula. Anyugun le Mosa lo Aaron au ka gü 7hihontse zoshü, “Agun le simi kesü kela genyu nshünmvu laso, ai nyuthyüo Israel nyu kecha dan sin-o tha hope Npugü kerüshvu ka agun pe sinmvu la mon?”
8Mosa le a-jokenishü, “Ale Npugü kipon tsonketsin hyulo kemvu then khwe tselo.”
9Npugü le Mosa ka zoshü 10Israel nyu temi dan ka zoshülo tse, “Hagun nmvue hagun bon nyenyu lihigü simi kesüo nshünmvula nmvue njwen tsonthon ki gülae a-le nkenkelo nga then nyü yatselo, 11tsüsi shye gü jonryü pezi je tsü nga logwa. Kebu shükemvu tensü lo henkekhü tyüo tsü nga ti. 12Ketyüketsü lihie nsen bin-o lonyü gü tinya lo senru gü ru nme-e bose nya. Nkenkelo nga jvu aphu thenlo. 13Ai lihigü nshün bin lo njwen tin lamvue nkenkelo nga thenmvu kela güle, atemi letse rüchün sinmvu lati, a-gwenkho tho keshü gü ka a-le tha hope arüshvu mvukela genyu. A-le a-kemu genyu kenjünthyü mvu loshvu.
14“Tesin hagun dan nyu yhunkebin nyu nme le nkenkelo nga then nyü yatselo, a-le nga tejvü aphu then mvuloshvu. Tejvu higü hile phenyü nyue lo tesin metse aphu ge kemeti.”
Nmhuchwe Gü
(Chw 40:34-38)
15-16Npugü le Phika gü Penso kelo nyü nmhuchwe nme le ryü tsühen lola. Kheje ki nmhu gü shwi pe mah hontse. 17Lihi gwenkho kae nmhu gü le kü lalo Israel nyu le kensenbin rholo lao gü nmhu gü le tsenkeryü binka kensenbin thyüni hü. 18Temi dan le Npugü johokeshü then kensenbin rhola, lo a johokeshü then-o kensenbin thyülo hü. N mhu gü le Phika gü so kebin then anyugun le kensenbin tsünyu bin hü. 19N mhu gü le Phika gü so binthon binlo, anyugun le Npugü jozen-o ketu hümvu. 20Khika we n mhu gü le jon keshanyu nti Phika gü soge bin hü; lihi thyü yatse-e anyugun le Npugü le johokeshü then-o kensenbin nyu bin nmvue ketu hü. 21Khika we n mhu gü le ngwün gü bin-o lonyü ti gwenzin lahü, tson-o n mhu gü le küla nyemhun anyugun le ketu lahü. Lihi gwenkho kae n mhu gü le kü lalo anyugun le ketu lahü. 22Tsüle jon hvu, shyeme, chenme, nmvue tsünyethon-e n mhu gü le Phika gü so kebinthen anyugun le ketu hümvu; ai tsüle kü lalo anyugun le ketu lahü. 23Npugü le joho pe Mosa ketsü then-o anyugun le kensenbin thyü lo rho hü.
Currently Selected:
TSIPWESWÜ 9: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 9
9
Nkenkela Kenyhun Gü
1Israel nyu le Ijipt nkenkela chen hvu gü shye kerigü ka Sinai kazü kesi ki Npugü le Mosa nthon-o a-ka zoshü, 2-3“Hi shye jonryü pezi nyü, yhüko keche ka bin zen lo-o Israel nyu no nkenkelo tejvü dan aphu then ti.” 4Tson-o Mosa le Israel nyu no nkenkelo nga then lotse zoshü, 5tsü genyu anyugun le shye keri gü jonryü pezi je Sinai kazü kesi nyu tsü thyü. Npugü lo Mosa ka johokeshü hontse temi dan le tsü aphu thyülo.
6Ai tsüka temi peha le simi kesü lao nshünmvu kela genyu, tsünyü nkenkelo nga thenlo mvula. Anyugun le Mosa lo Aaron au ka gü 7hihontse zoshü, “Agun le simi kesü kela genyu nshünmvu laso, ai nyuthyüo Israel nyu kecha dan sin-o tha hope Npugü kerüshvu ka agun pe sinmvu la mon?”
8Mosa le a-jokenishü, “Ale Npugü kipon tsonketsin hyulo kemvu then khwe tselo.”
9Npugü le Mosa ka zoshü 10Israel nyu temi dan ka zoshülo tse, “Hagun nmvue hagun bon nyenyu lihigü simi kesüo nshünmvula nmvue njwen tsonthon ki gülae a-le nkenkelo nga then nyü yatselo, 11tsüsi shye gü jonryü pezi je tsü nga logwa. Kebu shükemvu tensü lo henkekhü tyüo tsü nga ti. 12Ketyüketsü lihie nsen bin-o lonyü gü tinya lo senru gü ru nme-e bose nya. Nkenkelo nga jvu aphu thenlo. 13Ai lihigü nshün bin lo njwen tin lamvue nkenkelo nga thenmvu kela güle, atemi letse rüchün sinmvu lati, a-gwenkho tho keshü gü ka a-le tha hope arüshvu mvukela genyu. A-le a-kemu genyu kenjünthyü mvu loshvu.
14“Tesin hagun dan nyu yhunkebin nyu nme le nkenkelo nga then nyü yatselo, a-le nga tejvü aphu then mvuloshvu. Tejvu higü hile phenyü nyue lo tesin metse aphu ge kemeti.”
Nmhuchwe Gü
(Chw 40:34-38)
15-16Npugü le Phika gü Penso kelo nyü nmhuchwe nme le ryü tsühen lola. Kheje ki nmhu gü shwi pe mah hontse. 17Lihi gwenkho kae nmhu gü le kü lalo Israel nyu le kensenbin rholo lao gü nmhu gü le tsenkeryü binka kensenbin thyüni hü. 18Temi dan le Npugü johokeshü then kensenbin rhola, lo a johokeshü then-o kensenbin thyülo hü. N mhu gü le Phika gü so kebin then anyugun le kensenbin tsünyu bin hü. 19N mhu gü le Phika gü so binthon binlo, anyugun le Npugü jozen-o ketu hümvu. 20Khika we n mhu gü le jon keshanyu nti Phika gü soge bin hü; lihi thyü yatse-e anyugun le Npugü le johokeshü then-o kensenbin nyu bin nmvue ketu hü. 21Khika we n mhu gü le ngwün gü bin-o lonyü ti gwenzin lahü, tson-o n mhu gü le küla nyemhun anyugun le ketu lahü. Lihi gwenkho kae n mhu gü le kü lalo anyugun le ketu lahü. 22Tsüle jon hvu, shyeme, chenme, nmvue tsünyethon-e n mhu gü le Phika gü so kebinthen anyugun le ketu hümvu; ai tsüle kü lalo anyugun le ketu lahü. 23Npugü le joho pe Mosa ketsü then-o anyugun le kensenbin thyü lo rho hü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.