TSIPWESWÜ 10
10
Rakagi Pe Kethyü Shu
1Npugü le Mosa ka zoshü, 2“Temi ko kequen lo kensenbin kerho ka sen nrün genyu rakagi jon pe shu kenyhun chalo. 3Shu kenyhun nren khun thon shülo, temi apentha ryüo ale kehü Phika gü khenpvü ka nhun pfü loti. 4Ai shu nme nti khun shülo pfüphun sharhinyu nti ryü nhun pfü loti. 5Khun nzü shü lo npho zin nsenkebin kami dan le ketu shü. 6Khun nzü keshü kenyhun gü le tesinzin kebin pfüphun dan le ketu shü. Tson-o kensenbin rho nrün genyu khun nzü shüti, 7ai temi ko kequen nrün genyu khunthon shüti. 8Aaron nyu püshükeda dan no shu khun ti.
“Ryükejü gwenkho aphu ka tejvu higü thenti. 9Hagun shwikerüchün nyu le hagun wheo hagun kazü nyu teri kethyü ka teri le bin laso tse kethyü shu hidan khun shüti. Lo ale Npugü hagun Sunggigü, ale hagun cheti lo shwikerüchün nyu ben nyu hagun keni shüti. 10Hagun shekerhün gwenkho ka-Shye keshün nga lo nga kecha ka-- hagun le rope kerüshvu lo kepvüshe kerüshvu hokeshü ka shu khun shüti. Lo ale hagun cheti. Ale Npugü hagun Sunggigü.”
Israel nyu Le Kensenbin Borhu la
11Temi dan le Ijipt nken kethyü chen hvu ka shye hvu gü jon nki nyü Npugü kehü Phika gü so ge n mhu gü le küla, 12tsügenyu Israel nyu le Sinai kazü kesi nyu tsonchü chwi. N mhu gü le ryüo Paran tehen yhunkemvu nyu sun lola.
13Anyugun le Npugü le Mosa ka johokeshü hontse tsonchü shü, 14lo anyugun le bin ketu kethyü aphu ka a-keme. Juda tsipwe no tsonri kethyü phikeden hensin kebin dan le Amminadab nyugü Nahshon hensin nyu a-dandan thyüo tsonchü shü. 15Zuar nyugü Nethanel le Issachar tsipwe so keda thyü, 16lo Helon nyugü Eliab le Zebulun tsipwe so keda thyü.
17Lo Phika gü rholo-o, tsü kepen Gershon lo Merari pfüphun no tsonchü shü.
18Tsüsika Reuben tsipwe no tsonri kethyü phikeden hensin kebin dan le Shedeur nyugü Elizur hensin nyu a-dandan thyüo tsonchü shü. 19Zurishaddai nyugü Shelumiel le Simeon tsipwe so keda thyü, 20lo Deuel nyugü Eliasaph le Gad tsipwe so keda thyü.
21Lo Levi nyu Kohath pfüphun le Kenshün kanyü pen-o tsonchü shü. Anyugun le kensenbin tilo ntsin Phika gü penso nilo lahü.
22Tsüsika Efraim tsipwe le tsonri kethyü phikeden hensin kebin dan le Ammihud nyugü Elishama hensin a-dan dan thyüo tsonchü shü. 23Pedahur nyugü Gamaliel le Manasseh tsipwe so keda thyü, 24lo Gideoni nyugü Abidan le Benjamin tsipwe so keda thyü.
25Kenkhintsin, Dan tsipwe le tsonri kethyü phikeden hensin kebin dan le a-dan aphu rikhun-o Ammishaddai nyugü Ahizer le anyugun keda thyüo a-dandan thyü tsonchü shü. 26Ochran nyugü Pagiel le Asher tsipwe so keda thyü, 27lo Enan nyugü Ahira le Naftali tsipwe so keda thyü. 28Lihikae Israel nyu le kensenbin rho-o kecha ki chwi kethyü ka hihontse a-dan dan thyü hü.
29Mosa le Midiannyu a-mi Jethro nyugü Hobab ka zoshü, “Agun le Npugü le pe agun tsü titse zokeshü bin ki gü jü laso. A-le Israel nyu no gwakenye loti tse johoshü njü, tsü genyu agun zen gülo gwakenyekelo tsü ngun kenjün loti.”
30Hobab le a-jokenishü, “Kemvui, Ale a kazü ki rani gun lati.”
31Tsontsin Mosa le zoshü, “Ncheno-e a gun khela nyalo.” “Nle agun le tehenyhunkemvu nyu dika nsen lo gwayo shabin nyo, tsügenyu nle agun tsontsin lo. 32Nle agun zen hüyatselo agun le Npugü le jochü pe a-gun ketsü aphu ngun kenjün ti.”
Temi dan Le Tsonchüshü
33Temi dan le kazüthun kenshün gü Sinai nken-o jonshen njwen gunla. Npugü Kejozenkelo Khinpha gü le a-zintse anyugun mhundyü ri gü anyugun kensenbin hyulo hü. 34Anyugun le kensenbin nme ka ketu shülo nhennyu Npugü n mhun gü le anyugun so bin hü.
35Lihi gwenkho kae Kejozenkelo Khinpha gü pen-o tsonchü shülo, Mosa le, “Solo, Npugü, nshwikerüchünnyu no nrenru la lo nkenrhinyu hü lalo!” tsonzo shühü. 36Lo tsüle sun lolo a-le, “Npugü, ranio Israel kami yie yie dan ki ryülo!” tsonshü hü.
Currently Selected:
TSIPWESWÜ 10: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 10
10
Rakagi Pe Kethyü Shu
1Npugü le Mosa ka zoshü, 2“Temi ko kequen lo kensenbin kerho ka sen nrün genyu rakagi jon pe shu kenyhun chalo. 3Shu kenyhun nren khun thon shülo, temi apentha ryüo ale kehü Phika gü khenpvü ka nhun pfü loti. 4Ai shu nme nti khun shülo pfüphun sharhinyu nti ryü nhun pfü loti. 5Khun nzü shü lo npho zin nsenkebin kami dan le ketu shü. 6Khun nzü keshü kenyhun gü le tesinzin kebin pfüphun dan le ketu shü. Tson-o kensenbin rho nrün genyu khun nzü shüti, 7ai temi ko kequen nrün genyu khunthon shüti. 8Aaron nyu püshükeda dan no shu khun ti.
“Ryükejü gwenkho aphu ka tejvu higü thenti. 9Hagun shwikerüchün nyu le hagun wheo hagun kazü nyu teri kethyü ka teri le bin laso tse kethyü shu hidan khun shüti. Lo ale Npugü hagun Sunggigü, ale hagun cheti lo shwikerüchün nyu ben nyu hagun keni shüti. 10Hagun shekerhün gwenkho ka-Shye keshün nga lo nga kecha ka-- hagun le rope kerüshvu lo kepvüshe kerüshvu hokeshü ka shu khun shüti. Lo ale hagun cheti. Ale Npugü hagun Sunggigü.”
Israel nyu Le Kensenbin Borhu la
11Temi dan le Ijipt nken kethyü chen hvu ka shye hvu gü jon nki nyü Npugü kehü Phika gü so ge n mhu gü le küla, 12tsügenyu Israel nyu le Sinai kazü kesi nyu tsonchü chwi. N mhu gü le ryüo Paran tehen yhunkemvu nyu sun lola.
13Anyugun le Npugü le Mosa ka johokeshü hontse tsonchü shü, 14lo anyugun le bin ketu kethyü aphu ka a-keme. Juda tsipwe no tsonri kethyü phikeden hensin kebin dan le Amminadab nyugü Nahshon hensin nyu a-dandan thyüo tsonchü shü. 15Zuar nyugü Nethanel le Issachar tsipwe so keda thyü, 16lo Helon nyugü Eliab le Zebulun tsipwe so keda thyü.
17Lo Phika gü rholo-o, tsü kepen Gershon lo Merari pfüphun no tsonchü shü.
18Tsüsika Reuben tsipwe no tsonri kethyü phikeden hensin kebin dan le Shedeur nyugü Elizur hensin nyu a-dandan thyüo tsonchü shü. 19Zurishaddai nyugü Shelumiel le Simeon tsipwe so keda thyü, 20lo Deuel nyugü Eliasaph le Gad tsipwe so keda thyü.
21Lo Levi nyu Kohath pfüphun le Kenshün kanyü pen-o tsonchü shü. Anyugun le kensenbin tilo ntsin Phika gü penso nilo lahü.
22Tsüsika Efraim tsipwe le tsonri kethyü phikeden hensin kebin dan le Ammihud nyugü Elishama hensin a-dan dan thyüo tsonchü shü. 23Pedahur nyugü Gamaliel le Manasseh tsipwe so keda thyü, 24lo Gideoni nyugü Abidan le Benjamin tsipwe so keda thyü.
25Kenkhintsin, Dan tsipwe le tsonri kethyü phikeden hensin kebin dan le a-dan aphu rikhun-o Ammishaddai nyugü Ahizer le anyugun keda thyüo a-dandan thyü tsonchü shü. 26Ochran nyugü Pagiel le Asher tsipwe so keda thyü, 27lo Enan nyugü Ahira le Naftali tsipwe so keda thyü. 28Lihikae Israel nyu le kensenbin rho-o kecha ki chwi kethyü ka hihontse a-dan dan thyü hü.
29Mosa le Midiannyu a-mi Jethro nyugü Hobab ka zoshü, “Agun le Npugü le pe agun tsü titse zokeshü bin ki gü jü laso. A-le Israel nyu no gwakenye loti tse johoshü njü, tsü genyu agun zen gülo gwakenyekelo tsü ngun kenjün loti.”
30Hobab le a-jokenishü, “Kemvui, Ale a kazü ki rani gun lati.”
31Tsontsin Mosa le zoshü, “Ncheno-e a gun khela nyalo.” “Nle agun le tehenyhunkemvu nyu dika nsen lo gwayo shabin nyo, tsügenyu nle agun tsontsin lo. 32Nle agun zen hüyatselo agun le Npugü le jochü pe a-gun ketsü aphu ngun kenjün ti.”
Temi dan Le Tsonchüshü
33Temi dan le kazüthun kenshün gü Sinai nken-o jonshen njwen gunla. Npugü Kejozenkelo Khinpha gü le a-zintse anyugun mhundyü ri gü anyugun kensenbin hyulo hü. 34Anyugun le kensenbin nme ka ketu shülo nhennyu Npugü n mhun gü le anyugun so bin hü.
35Lihi gwenkho kae Kejozenkelo Khinpha gü pen-o tsonchü shülo, Mosa le, “Solo, Npugü, nshwikerüchünnyu no nrenru la lo nkenrhinyu hü lalo!” tsonzo shühü. 36Lo tsüle sun lolo a-le, “Npugü, ranio Israel kami yie yie dan ki ryülo!” tsonshü hü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.