TSIPWESWÜ 8
8
Makhin Pe Keshü
1Npugü le Mosa ka zoshü, 2“Aaron no makhin tsenyü pe makenben bin ge keshü ka makenben no mhundyüzin benlo nrün genyu pe shülo tse zoshülo.” 3Aaron le a-jozen-o makhin dan pe makenbenbin mhundyü zin ntsun shü. 4Npugü le a-joja tsin pe Mosa hikeshü hontse makenben bin gü le a-binka gü a-ra keti suna jon pe thyü.
Levinyu Thyükenshün Kethyü
5Npugü le Mosa ka zoshü, 6“Israel nyu dan nyu Levinyu khikho lo njüo anyugun thyü kenshün lo, 7hihontse lo: thyükenshün zü kezen pe anyugun ge shüo anyugun no anyugun mi a-pentha ge a-hü thula lo anyugun phinya thula. Tsonlo anyugun le nshün lati. 8Tson-o anyugun no methu tsebwe nme lo oliv ter pe kerhün kethyü shye pe kerüshvu ka sen mvulo keshvu dan, lo kemu genyu kerüshvu methu tse kecha nme tse khilo. 9Tsüselo Israel nyu aphu no kehun lo-o Levinyu no ale kehü Phika gü mhundyü nyu solo. 10Israel nyu dan no anyugun benshwe pe Levinyu pe ge shüti, 11lo Aaron le Israel nyu dan nyu Levinyu thyükenshün pe jwe kerüche hontse pe atsüo anyugun le atho thyüti. 12Lo Levinyu le benshwe pe methu tse hvu pe ge shüti; Levinyu thyükenshün kelo rora thyü nrün genyu, nme pe kemu genyu kerüshvu lo kecha gü pe rope kerüshvu thyüti.
13“Levinyu thyükenshün pe jwe kerüche hontse pe atsü, tson-o Aaron lo anyu dan no anyugun ntsen lo. 14Hihontse Israel nyu dan nyu Levinyu khikho lo-o anyugun le ahon thyüti. 15Nle anyugun khikho pe thyünshün kela siki anyugun le Phika günyu lotha thyü lokekü thyü loti. 16Israel nyu peche nyuri aphu sunka ale anyugun nkhenlo laso, anyugun le a npvü ahon. 17Ale Ijipt nyu nyuri aphu boshvu kela ka Israel nyu kaqvün nyu nyuri gü lo senru lihie nyuri gü thyükenshün pe a npvü ahon thyülo laso. 18Lo ntsoka ale Israel nyu nyuri aphu sunka Levinyu khilo bin nle, 19lo ale Levinyu no Israel nyu genyu Phika günyu lotho thyü, lo anyugun le Kenshünbin gü kho nni ritsin ryüo kenkekenmhü no Israel nyu ge ryümvu nrün genyu khin lo tse pe Aaron lo anyu dan tenyen laso.”
20Npugü le Mosa ka johokeshü hontse, Mosa, Aaron lo Israel nyu aphu Levinyu thyükenshün la. 21Levinyu le anyu npvü anyu thyükenshünla lo anyugun phinya thu la, tson-o Aaron le anyugun thyükenshün pe jwe kerüche hontse pe Npugü tsüshü. A-le anyugun thyünshün kelo jvü thyüla. 22Temi dan le Npugü le Levinyu genyu Mosa ka johokeshü aphu thyüla. Tson-o Levinyu le Aaron lo anyu dan hensin ka Phika günyu lotho thyülo kü lo.
23Npugü le Mosa ka zoshü, 24“Levinyu nmeme tse a-keyhun chen nkipvün so nyu le ale kehü Phika günyu a-tho thyüti, 25lo a-keyhun chen henpvün ka a-thanyu rani lati. 26Tsüsiki a-le Phika günyu thatho ka a-pvünyu Levinyu keche logwa, ai a-no a-npvü lotho nme thyü loshvu. Hihontse nle Levinyu tho ketsen gunti.”
Currently Selected:
TSIPWESWÜ 8: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 8
8
Makhin Pe Keshü
1Npugü le Mosa ka zoshü, 2“Aaron no makhin tsenyü pe makenben bin ge keshü ka makenben no mhundyüzin benlo nrün genyu pe shülo tse zoshülo.” 3Aaron le a-jozen-o makhin dan pe makenbenbin mhundyü zin ntsun shü. 4Npugü le a-joja tsin pe Mosa hikeshü hontse makenben bin gü le a-binka gü a-ra keti suna jon pe thyü.
Levinyu Thyükenshün Kethyü
5Npugü le Mosa ka zoshü, 6“Israel nyu dan nyu Levinyu khikho lo njüo anyugun thyü kenshün lo, 7hihontse lo: thyükenshün zü kezen pe anyugun ge shüo anyugun no anyugun mi a-pentha ge a-hü thula lo anyugun phinya thula. Tsonlo anyugun le nshün lati. 8Tson-o anyugun no methu tsebwe nme lo oliv ter pe kerhün kethyü shye pe kerüshvu ka sen mvulo keshvu dan, lo kemu genyu kerüshvu methu tse kecha nme tse khilo. 9Tsüselo Israel nyu aphu no kehun lo-o Levinyu no ale kehü Phika gü mhundyü nyu solo. 10Israel nyu dan no anyugun benshwe pe Levinyu pe ge shüti, 11lo Aaron le Israel nyu dan nyu Levinyu thyükenshün pe jwe kerüche hontse pe atsüo anyugun le atho thyüti. 12Lo Levinyu le benshwe pe methu tse hvu pe ge shüti; Levinyu thyükenshün kelo rora thyü nrün genyu, nme pe kemu genyu kerüshvu lo kecha gü pe rope kerüshvu thyüti.
13“Levinyu thyükenshün pe jwe kerüche hontse pe atsü, tson-o Aaron lo anyu dan no anyugun ntsen lo. 14Hihontse Israel nyu dan nyu Levinyu khikho lo-o anyugun le ahon thyüti. 15Nle anyugun khikho pe thyünshün kela siki anyugun le Phika günyu lotha thyü lokekü thyü loti. 16Israel nyu peche nyuri aphu sunka ale anyugun nkhenlo laso, anyugun le a npvü ahon. 17Ale Ijipt nyu nyuri aphu boshvu kela ka Israel nyu kaqvün nyu nyuri gü lo senru lihie nyuri gü thyükenshün pe a npvü ahon thyülo laso. 18Lo ntsoka ale Israel nyu nyuri aphu sunka Levinyu khilo bin nle, 19lo ale Levinyu no Israel nyu genyu Phika günyu lotho thyü, lo anyugun le Kenshünbin gü kho nni ritsin ryüo kenkekenmhü no Israel nyu ge ryümvu nrün genyu khin lo tse pe Aaron lo anyu dan tenyen laso.”
20Npugü le Mosa ka johokeshü hontse, Mosa, Aaron lo Israel nyu aphu Levinyu thyükenshün la. 21Levinyu le anyu npvü anyu thyükenshünla lo anyugun phinya thu la, tson-o Aaron le anyugun thyükenshün pe jwe kerüche hontse pe Npugü tsüshü. A-le anyugun thyünshün kelo jvü thyüla. 22Temi dan le Npugü le Levinyu genyu Mosa ka johokeshü aphu thyüla. Tson-o Levinyu le Aaron lo anyu dan hensin ka Phika günyu lotho thyülo kü lo.
23Npugü le Mosa ka zoshü, 24“Levinyu nmeme tse a-keyhun chen nkipvün so nyu le ale kehü Phika günyu a-tho thyüti, 25lo a-keyhun chen henpvün ka a-thanyu rani lati. 26Tsüsiki a-le Phika günyu thatho ka a-pvünyu Levinyu keche logwa, ai a-no a-npvü lotho nme thyü loshvu. Hihontse nle Levinyu tho ketsen gunti.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.