TSIPWESWÜ 26
26
Temi Keswü Kenyhun Gü
1Kenpen siki Npugü le Mosa lo Aaron nyu gü Eleazar au ka zoshü, 2“Israel nyu dan nyu terinyu gülo kegwa temi chen nki lo tsüsa tsü kami apentha ka zan thu lolo.” 3-4Mosa lo Eleazar au le a-jo zen-o chen tsükho dan aphu ko kequen shü. Tson-o anyugun le Moab nyu kazü ketejon Jordan Züri perie Jeriko nyu kequen lo.
Hidan hile Ijipt nyu chwikeryü Israel nyu dan:
5Reuben tsipwe (Reuben le Jakob nyuri gü:) nyu kami dan Hanoch, Pallu, 6Hezron, lo Karmi. 7Kami hidan le temi 43,730. 8Pallu nyenyu dan le Eliab 9lo anyudan le Nemuel, Dathan, lo Abiram. (Dathan lo Abiram hvu hile süda le kejü keshü hvu. Korah lo a-sikethen dan le Npugü ntsun kethyü ka au ko tsüdan zen kengüo Mosa lo Aaron au ntsun. 10Kazü le peshüo anyugun tüpenyün lola, tson-o au le Korah lo a-sikethen dan zen-o sila, mah le temi 250 nke kela ka; tson-o temi no pütsü lomvulo keshvu tsinshü. 11Ai Korah nyu dan we boshvu lamvu.)
12Simeon tsipwe: Nemuel, Jamin, Jachin, 13Zerah lo Shaul kami dan. 14Kami hidan le temi 22,200.
15Gad tsipwe: Zephon, Haggi, Shuni, 16Ozni, Eri, 17Arod, lo Areli kami dan. 18Kami hidan le temi 40,500.
19-21Juda tsipwe: Shelah, Perez, Zerah, Hezron lo Hamul kami dan. (Juda nyu Er lo Onan au le Kanan kazü nyu sila.) 22Kami hidan le temi 76,500.
23Issachar tsipwe: Tola, Puah, 24Jashub lo Shimron kami dan. 25Kami hidan le temi 64,300.
26Zebulun tsipwe: Sered, Elon, lo Jahleel kami dan. 27Kami hidan le temi 60,500.
28Manasseh lo Efraim au pvü Josef tsipwe:
29Manasseh tsipwe: Manasseh nyugü Machir le Gilead apvü, lo kami hidan le anyugun bon Gilead kami dan: 30Iezer, Helek, 31Asriel, Shechem, 32Shemida lo Hepher kami dan. 33Hepher nyugü Zelophehad le anyu peche ndi tenunyu nti: anyugun zan le Mahlah, Noah, Hoglah, Milkah lo Tirzah. 34Kami hidan le temi 52,700.
35Efraim tsipwe: Shuthelah, Becher, lo Tahan kami dan. 36Eran kami le Shuthelah ka swü tsüryü. 37Kami hidan le temi 32,500. Hidan le Josef ge tsükeryü kami dan.
38Benjamin tsipwe: Bela, Ashbel. Ahiram, 39Shephupham lo Huphum kami dan. 40Ard lo Naaman kami hvu le Bela ge tsüryü. 41Kami hidan le temi 45,600.
42Dan tsipwe: Shuham tsipwe le 43temi 64,400.
44Asher tsipwe: Imnah, Ishvi lo Beriah kami dan 45Heber lo Malchiel kami hvu le Beriah ge tsüryü. 46Asher nyu tenu nyu nme le bin a-zan le Serah. 47Kami hidan le temi 53,400.
48Naftali tsipwe: Jahzeel, Guni, 49Jezer, lo Shillem kami dan. 50Kami hidan le temi 45,400.
51Israel nyu pechenyu aphu kerhün keshü le temi 601,730.
52Npugü le Mosa ka zoshü, 53“Anyugun tsipwe kechon kerho shwio kazü gü kenjün shülo. 54-56Hen kegwa keshvu thyüo kazü gü kenjün shü, lo keda pe tsipwe keda tsü lo keshe pe tsipwe keshe tsü tselo.”
57Levi tsipwe le Gershon, Kohath, lo Merari kami dan. 58Anyugun tsükeryü le Libni, Hebron, Mahli, Mushi lo Korah kami dan-e sin. Kohath le Amram a-pvü, 59a-le Levi nyugi Ijipt ki nnyu kelo gi Jochebed lo. Tsügi le Aaron, Mosa lo au lügi Miriam nnyu pe Amram tsüshü. 60Aaron le a-nyu peche mizi le bin Nadab, Abihu, Eleazar lo Ithamar. 61Nadab lo Abihu au le mah nshün kemvu pe Npugü rüshvuo tsüka sila. 62Levi tsipwe pechenyu shyeme lo tsüsa le temi 23,000. Anyugun swü kecha thyülo, Israel nyu dan nyu thame pe anyugun jün thyü kemvu genyu.
63Mosa lo Eleazar au le Moab nyu kazü ketejon Jordan züri perie Jeriko nyu kami hidan aphu zan thu kequenlo. 64Mosa lo Aaron au le Sinai kazü kesi nyu temi swü kerigü ka zen thu kelodan nme khela mvu. 65Npugü le anyugun aphu no tehen nyu sila titse zoshü, tsü hontse Jephunneh nyu gü Kaleb lo nun nyugü Joshua nti a-me kechanyu aphu ndila.
Currently Selected:
TSIPWESWÜ 26: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
