TSIPWESWÜ 11
11
Bin Nme A-zan Le Taberah Tse Kethyü
1Temi dan le anyugun kenjün kethyü rüla zo Npugü ki kenya sola. Npugü le tsü nyülo njüo a-nyu ntao mah nipe temi dan geshü. Tson-o tsüle anyu dan nyu ro chwiryüo kensenbin te nmezin nkela. 2Temi dan le Mosa kazoshüo a-le Npugü ka hishü laryü mah gü le nmhüla. 3Npugü mah le anyugun dan nyu ro chwiryü kethyü genyu bin tsügü pe Taberah tse thalo.
Mosa le Sharhi Hentsenyü Kejükelo
4Israel nyu zen-o njwen kehü tesin peha le hü. Anyugun le thyü nnyü rila lo Israel nyu dan-e kenya sola: Tson-o, “Segü le thyü pe ngun tsü tila! 5Ijipt kiwe ngun le kenrunyu thyü tyükenyü tyü hü. Konkü, zü konkü, sunyü, sunmeron lo sunmere le bin kehü rüchün shüta? 6Ai ntsoka we ngun kenkokenkin ndiso. Thame ketyüi ndi, khenyütsen manna nti a-me thame ndi!”
7(Manna le shwipe thatsi keshe hontse, chon nyhün. 8-9Tsüle khejenyu khüze kesin-o kensenbin so nrhi tsüryü hü. Lo lonyü gü temi dan le tsü jünkequen lo-o dunshwe pe tho thyülo njüo bülo tson-o pe tensü kerüpvü thyü lohü. Tsüle oliv terzü pe tensü tsen kethyü ketyü hontse.)
10Temi dan le anyugun Phika khenpvü ka a-dandan thyü so-o kenyo kebin khwe Mosa nyülo. Npugü le anyugun ge a-nyunta kebin genyu Mosa le rünyu mvula, 11tson-o a-le Npugü ka zoshü, “Nle nyuthyüo age gwakemvu thyü, ashwi nkenyümvu, lo ntemi hidan aphu khvüpe age shü hü nla? 12Ale anyugun rhenshü nmvue nnyu shü mvu! Nle nyuthyüo ano ntsenyu keleyi nyu hontse tson then nyuhanyu kepen hontse anyugun pen gü nle zope anyu bonnyü ketsü kazü nyu shülo tse hü nla? 13Temi hidan aphu genyu ale dikipon thyü hyulo tila? Anyugun le aka thyü hio chü bin gwenzin laso. 14Ale a npvü temi hidan aphu khvü pfü loho; tsüle agenyu nsuri tsinle! 15Nle age hon ti yatse kethyü we a njün lo ano n bennyu kenjün thyü sinmvu nrün genyu adushvu lalo.”
16Npugü le Mosa ka zoshü, “Israel nyu sharhi rühvulo kekü temi hentsenyü zenryüo ale kehü Phika nyu kequen shüo anyugun no tsünyu nkho ka sobin lotse zoshülo. 17Ale tsüka ryü n nthon ti, lo ale pe ntsü kela kapu peha khipe anyugun tsü ti. Tson-o anyugun le ncheo temi dan khvü pfü loti, lo nno n npvü pfü loha. 18Temi dan ka zoshülo, ‘Senduki genyu hagun thyükenshünlo; hagun le thyü tyü loti. Hagun le chüo thyü tyünyü hole, Ijipt kile gwa kvule tse kezo Npugü le nyülo laso. Tsügenyu Npugü le thyü pe hagun tsüo hagun no tsü tyü ti. 19Hagun le khenyüme, jonhvu, jon pvün, jonryü nmvue jon nki nti tsü tyü gwenzin loho, 20ai hagun le nyunphü lo tyü nyümvu la kemvuthen a-shye ntün hagun no tyüti. Hagun le hika hagun dan nyu kehü Npugü kenila lo kenyao hagun le Ijipt nken mvulo gwa nrün tson zokethyü genyu.’ ”
21Mosa le Npugü ka zoshü, “Ale temi lakh tsero zen hü nyo lo nle thyü pe anyugun no shyeme anyu kesükela thyü titse la? 22Methu lo tanyü dushvu pe anyugun no kesükela thyü logwa ole? Züda nyu kehü tsehü a-phu-e anyugun kesükela thyülo gwa le?”
23Tsontsin Npugü le a-jokenishü, “A kekvu le a-keni bin ole?” “Ale zokeshü tsü thyülo tile nmvuyo nle hyuti!”
24Tson-o Mosa le chwi gü Npugü le zokeshü pe temi dan ka zoshü. A-le sharhi hentsenyü dan zenryü Phika gü hun lo. 25Lo Npugü le n mhu ge tsenryü a-nthonshü. A-le pe Mosa tsükela kapu peha khipe sharhi hentsenyü dan tsüshü. Kapu gü le anyugun ge ryükelo ka anyu le sidyükeshanyu hontse nra sen so, ai kethon tson mvu.
26Sharhi hentsenyü dan nyu Eldad lo Medad au le Phika ki gümvuo kensenbin ki bin tinla. Tsüki kensenbin ki kapu gü le au ge ryüo au ko sidyükeshanyu hontse nra sen so. 27Tsontsin ponyu nme le tin gü Mosa ka Eldad lo Medad hvu le nyuthyü bin yo pe zoshü.
28Tsüka Nun nyugü Joshua, a-selo kanyu Mosa keche kehü gü le, Mosa ka, “Au khin lalo kedagü,” tson zoshü.
29Mosa le a-jokenishü, “Nle aphin rüchün-o me ge nnyu tegi bin le? Npugü no a-kapu gü pe a-temi aphu ge shüo a-nyugun aphu no sidyükesha nyu hontse nrasen kethyü le akenda le!” 30Tson-o Mosa lo sharhi mi hentsenyü dan le ranio kensenbin ki gun la.
Npugü le Gükhu Nikeshü
31Npugü le whütse tsangkenbu nme nipe züda günyu Gükhu sen-o kazü so tsuhvu khoka nye ryü. Tson-o tsüle kensenbin lo tsü kehun aphu ka kilometer kechon kesü thyüla. 32Tsügenyu tsünyü, tsüje lo tsüsinyü temi dan le gükhu tenlo, temi nme-e kilogram yieme khü kequen lo mvu. Anyugun kensenbin kehun aphu ka tsü pho nkolo. 33Anyugun le thyü tyü bu mvuo kechon le bin ketse ka Npugü le temi dan ge a-nyunta lao chonro nme le anyu dan nyu chwiryüla. 34Bin tsügü zan pe Kibroth Hattaavah tse kola (a-kon le kenrin nyu sika) tsüka anyugun le thyü nrin kethyü nyu sun kela genyu.
35Temi dan le tsünyu ketu-o Hazeroth ka ryü kensenbin thyülo.
Currently Selected:
TSIPWESWÜ 11: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 11
11
Bin Nme A-zan Le Taberah Tse Kethyü
1Temi dan le anyugun kenjün kethyü rüla zo Npugü ki kenya sola. Npugü le tsü nyülo njüo a-nyu ntao mah nipe temi dan geshü. Tson-o tsüle anyu dan nyu ro chwiryüo kensenbin te nmezin nkela. 2Temi dan le Mosa kazoshüo a-le Npugü ka hishü laryü mah gü le nmhüla. 3Npugü mah le anyugun dan nyu ro chwiryü kethyü genyu bin tsügü pe Taberah tse thalo.
Mosa le Sharhi Hentsenyü Kejükelo
4Israel nyu zen-o njwen kehü tesin peha le hü. Anyugun le thyü nnyü rila lo Israel nyu dan-e kenya sola: Tson-o, “Segü le thyü pe ngun tsü tila! 5Ijipt kiwe ngun le kenrunyu thyü tyükenyü tyü hü. Konkü, zü konkü, sunyü, sunmeron lo sunmere le bin kehü rüchün shüta? 6Ai ntsoka we ngun kenkokenkin ndiso. Thame ketyüi ndi, khenyütsen manna nti a-me thame ndi!”
7(Manna le shwipe thatsi keshe hontse, chon nyhün. 8-9Tsüle khejenyu khüze kesin-o kensenbin so nrhi tsüryü hü. Lo lonyü gü temi dan le tsü jünkequen lo-o dunshwe pe tho thyülo njüo bülo tson-o pe tensü kerüpvü thyü lohü. Tsüle oliv terzü pe tensü tsen kethyü ketyü hontse.)
10Temi dan le anyugun Phika khenpvü ka a-dandan thyü so-o kenyo kebin khwe Mosa nyülo. Npugü le anyugun ge a-nyunta kebin genyu Mosa le rünyu mvula, 11tson-o a-le Npugü ka zoshü, “Nle nyuthyüo age gwakemvu thyü, ashwi nkenyümvu, lo ntemi hidan aphu khvüpe age shü hü nla? 12Ale anyugun rhenshü nmvue nnyu shü mvu! Nle nyuthyüo ano ntsenyu keleyi nyu hontse tson then nyuhanyu kepen hontse anyugun pen gü nle zope anyu bonnyü ketsü kazü nyu shülo tse hü nla? 13Temi hidan aphu genyu ale dikipon thyü hyulo tila? Anyugun le aka thyü hio chü bin gwenzin laso. 14Ale a npvü temi hidan aphu khvü pfü loho; tsüle agenyu nsuri tsinle! 15Nle age hon ti yatse kethyü we a njün lo ano n bennyu kenjün thyü sinmvu nrün genyu adushvu lalo.”
16Npugü le Mosa ka zoshü, “Israel nyu sharhi rühvulo kekü temi hentsenyü zenryüo ale kehü Phika nyu kequen shüo anyugun no tsünyu nkho ka sobin lotse zoshülo. 17Ale tsüka ryü n nthon ti, lo ale pe ntsü kela kapu peha khipe anyugun tsü ti. Tson-o anyugun le ncheo temi dan khvü pfü loti, lo nno n npvü pfü loha. 18Temi dan ka zoshülo, ‘Senduki genyu hagun thyükenshünlo; hagun le thyü tyü loti. Hagun le chüo thyü tyünyü hole, Ijipt kile gwa kvule tse kezo Npugü le nyülo laso. Tsügenyu Npugü le thyü pe hagun tsüo hagun no tsü tyü ti. 19Hagun le khenyüme, jonhvu, jon pvün, jonryü nmvue jon nki nti tsü tyü gwenzin loho, 20ai hagun le nyunphü lo tyü nyümvu la kemvuthen a-shye ntün hagun no tyüti. Hagun le hika hagun dan nyu kehü Npugü kenila lo kenyao hagun le Ijipt nken mvulo gwa nrün tson zokethyü genyu.’ ”
21Mosa le Npugü ka zoshü, “Ale temi lakh tsero zen hü nyo lo nle thyü pe anyugun no shyeme anyu kesükela thyü titse la? 22Methu lo tanyü dushvu pe anyugun no kesükela thyü logwa ole? Züda nyu kehü tsehü a-phu-e anyugun kesükela thyülo gwa le?”
23Tsontsin Npugü le a-jokenishü, “A kekvu le a-keni bin ole?” “Ale zokeshü tsü thyülo tile nmvuyo nle hyuti!”
24Tson-o Mosa le chwi gü Npugü le zokeshü pe temi dan ka zoshü. A-le sharhi hentsenyü dan zenryü Phika gü hun lo. 25Lo Npugü le n mhu ge tsenryü a-nthonshü. A-le pe Mosa tsükela kapu peha khipe sharhi hentsenyü dan tsüshü. Kapu gü le anyugun ge ryükelo ka anyu le sidyükeshanyu hontse nra sen so, ai kethon tson mvu.
26Sharhi hentsenyü dan nyu Eldad lo Medad au le Phika ki gümvuo kensenbin ki bin tinla. Tsüki kensenbin ki kapu gü le au ge ryüo au ko sidyükeshanyu hontse nra sen so. 27Tsontsin ponyu nme le tin gü Mosa ka Eldad lo Medad hvu le nyuthyü bin yo pe zoshü.
28Tsüka Nun nyugü Joshua, a-selo kanyu Mosa keche kehü gü le, Mosa ka, “Au khin lalo kedagü,” tson zoshü.
29Mosa le a-jokenishü, “Nle aphin rüchün-o me ge nnyu tegi bin le? Npugü no a-kapu gü pe a-temi aphu ge shüo a-nyugun aphu no sidyükesha nyu hontse nrasen kethyü le akenda le!” 30Tson-o Mosa lo sharhi mi hentsenyü dan le ranio kensenbin ki gun la.
Npugü le Gükhu Nikeshü
31Npugü le whütse tsangkenbu nme nipe züda günyu Gükhu sen-o kazü so tsuhvu khoka nye ryü. Tson-o tsüle kensenbin lo tsü kehun aphu ka kilometer kechon kesü thyüla. 32Tsügenyu tsünyü, tsüje lo tsüsinyü temi dan le gükhu tenlo, temi nme-e kilogram yieme khü kequen lo mvu. Anyugun kensenbin kehun aphu ka tsü pho nkolo. 33Anyugun le thyü tyü bu mvuo kechon le bin ketse ka Npugü le temi dan ge a-nyunta lao chonro nme le anyu dan nyu chwiryüla. 34Bin tsügü zan pe Kibroth Hattaavah tse kola (a-kon le kenrin nyu sika) tsüka anyugun le thyü nrin kethyü nyu sun kela genyu.
35Temi dan le tsünyu ketu-o Hazeroth ka ryü kensenbin thyülo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.