TSIPWESWÜ 1
1
Israel nyu swülo keritsin gü
1Israel nyu le Ijipt nken chwikeryü chen hvu ka shyehvu gü jonkeri nyü Sinai kazü kesi ki Npugü kehü Phika nyu Npugü le Mosa ka zoshü. A-le zoshü, 2“Aaron hai Israel nyu pfüphun lo kami thyüo temi swülo. Pechenyu aphu swülo 3teri thyülo kegwa chen nki lo tsü so swülo. 4Tsipwe nme ka pfüphun nme nyu sharhinyu nme me no hai keche shü lotse hi lo.” 5-16Thatho higü genyu anyu tsipwe ka sharhi kejükeshü le temi hidan:
| Tsipwe | Pfüphun sharhi |
|---|---|
| Reuben | Shedeur nyugü Elizur |
| Simeon | Zurishaddai nyugü Shelumiel |
| Juda | Amminadab nyugü Nahshon |
| Issachar | Zuar nyugü Nethanel |
| Zebulun | Helon nyugü Eliab |
| Efraim | Ammihud nyugü Elishama |
| Manasseh | Pedahzur nyugü Gamaliel |
| Benjamin | Gideoni nyugü Abidan |
| Dan | Ammishaddai nyugü Ahiezer |
| Asher | Ochran nyugü Pagiel |
| Gad | Deuel nyugü Eliasaph |
| Naftali | Enan nyugü Ahira |
17Mosa lo Aaron au le temi mitseryü kenyhun dan hi keche sen 18shyehvu gü jon kerinyü temi dan apentha ko kequen shüo pfüphun lo kami thyüo temi aphu zan thulo. Pechenyu chen nki lo tsü so aphu zan thu-o swüshü, 19Npugü le johokeshü hontse. Sinai kazü kesi ki Mosa le temi zan thulo. 20-46Jakob nyuri gü Reuben tsipwe ka bin zen-o Pechenyu teri thyülo kegwa chen nki lo tsüso tsü a-pfüphun lo kami then zanthu külo. Kerhün keshü le hihontse:
| Tsipwe | Temi |
|---|---|
| Reuben | 46,500 |
| Simeon | 59,300 |
| Gad | 45,650 |
| Juda | 74,600 |
| Issachar | 54,400 |
| Zebulun | 57,400 |
| Efraim | 40,500 |
| Manasseh | 32,200 |
| Benjamin | 35,400 |
| Dan | 62,700 |
| Asher | 41,500 |
| Naftali | 53,400 |
| Kerhün: | 603,550 |
47Levinyu we swü pe tsipwe kecha sinmvu, 48Npugü le Mosa ka zoshü kela genyu, 49“Nle pechenyu teri thyülo kegwa nyu swü kethyü ka Levi tsipwe pe sin nya. 50Ai Levi tsipwe pe ale kehü Phika lo tsünyu kanyü aphu kentsen thyülo. Anyugun le tsü lo tsünyu kanyü dan pfüti, tsünyu lothyü lo anyugun kensenbin thyü pe tsü hunti. 51Lihi gwenkho kae hagun kensenbin keshün ka gülo anyu le tsü thyü niti. Kechanyu ligü higü Phika gü kho nni keryü gü no siti. 52Israel nyu kechanyu le a-npvü a-phikeden hensin logwa gwa a-dan thyüo nsen ti. 53Ai Levinyu we kensenbin thyü pe phika gü hun-o tsü rikhun ti, temi no tsükho nni ryüo ano anyuntao Israel nyu nke lamvu nrün genyu.” 54Hihontse Israel nyu le Npugü le Mosa ka johokeshü aphu thyülo.
Currently Selected:
TSIPWESWÜ 1: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
