LEVINYU 27
27
Jwe Pe Npugü Ketsü Tejvü
1Npugü le pe Mosa tsüshü 2Israel nyu genyu tejvü hidan hi. Zoshwikenjü thyüpen nrün genyu temi nme pe Npugü tsü kela ka, pisa pe a-mi thyü lao temi gü hoshü la logwa;
3-7aphu sen kehü ha hontse:
- Pechenyu chen nki kagü hentsero keti:
rakagi henpvün
- tenunyu yatselo: rakagi shenryü
- pechenyu chen pvün kagü nki keti:
rakagi nki
- tenunyu yatselo: rakagi tseryü
- pechenyu nyuhonyu kagü chen pvün keti:
rakagi pvün
- tenunyu yatselo: rakagi kenshen
- pechenyu chen hentsero sa:
rakagi tseryü pvün
- tenunyu yatselo: rakagi tseryü.
8Zoshwikeshü temi güle rhadyü rio mele senkehü kho tsüpe a-mi thyülo hoyatselo, a-le temi tsügü zen püshükeda gü ki ryüo, püshükeda güle temi güle a-mi thyülo kegwa ka tho tsenyu shüti.
9Zoshwi keshü tsüle pe Npugü rüshvu lo kegwa senru nme yatselo jwe lihie pe Npugü ketsü tsüle nshü, 10tsügenyu zoshwi keshü güle senru kecha pe tsü sun thyü mvue gwa. A-le kecha pe tsü kelu yatselo kenyhun nren Npugü hon. 11Ai zoshwi keshü senru gü tsüle pe Npugü rüshvu hükemvu nshün kemvu senru nme yatselo, temi güle senru gü sen püshükeda gü ki ryüti. 12Lo Püshükeda gü le kegwa keshvu shwio, a-mi tho shülo, tsüka thyüti. 13Temi güle heinilo lanyü yatselo, a-le a-mi nyeki jüntsi ka nki pe sin-o a-mi thyü mvu loshvu.
14Temi peha le a-ka khikho pe Npugü tsü yatselo püshükeda güle kegwa keshvu shwio a-mi tho shülo tsüka thyüti. 15A-ka khikeshü güle heinilo nyü yatselo, a-mi nyeki jüntsi ka nki pe sin-o a-mi thyüti.
16Temi nme le a-kazü peha khikho pe Npugü tsü yatselo, ntsi dikho pe shü logwa yo tsü rüchün-o a-mi thoti, thoshe kilogram nki no keshü pe rakagi tseryü ka. 17A-le Jubilee thyüo tsüsi chen kazü gü khikho shü yatselo a-mi a-phu. 18Ai a-le tsüsiki khikho shü yatselo püshükeda güle Jubilee ti nrün chen dikho bin zun yo rüchün-o a-mi sen-o tho shüti. 19A-low khikho keshü güle heinilo lanyü yatselo a-mi nyeki jüntsi ka nki pe sin-o a-mi thyüti. 20A-le Npugü ka low tsügü heinilo lari mvuo pe kecha nyu ka jwe yatselo a-le tsü heinilo kegwa akenjü ndi laso. 21Tsü sigü Jubilee ka low tsügü le kethonthen Npugü hon laso; tsüle püshükeda nyu hon thyü lati.
22Temi nmele a-le hei kelo low nme khikho pe Npugü tsü yatselo, 23Püshükeda gü le ryükejü Jubilee keti rüchün-o a-mi tho shüti, lo temi tsügü le tsünyü a-mi thyüla mvulo shvu; pisa güle Npugü hon. 24Jubilee chen low güle ranio kerika low npugü lo a-tsipwen dan ki nigü lati.
25Thami aphu mele sen kehü ha ka tho küti.
26Senru nyuri gü tsüle Npugü hon, tsügenyu temi nme a-kendo thyüo tsü khikho pe a-tsü mvue gwa. Methu, tanyü nmvue tenyü nyu tsüle Npugü hon, 27ai senru nshün kemvu nyuri dan we mele sen kehü ha ka a-mi tho keshü nyeki jüntsi ka nki pe sin-o nle hei nilo lagwa. Hei nilo mvu yatselo mele sen kehü ha ka temi kechanyu peha ka jwe lo lagwa.
28Lihi thyüe khikho pe Npugü tsü laso tse kethyü dan we, tsüle temi, senru nmvue kazü yatse-e temi nme jwe nmvue hei nilo nrün ndi. Tsüle kethonthen Npugü hon. 29Lihithyüe khikho pe Npugü tsü laso tse kethyü gü tsüle temi yatse-e a-hei nilo nrün ndi, a-no sila mvu loshvu.
30Kazü günyu hyukelo shye nmvue terasha-e aphu jüntseryü ka jünme le Npugü hon. 31Temi nme le tsü hei nilo nyüyatselo mele sen kehü ha ka lo tsünyeki jüntsi ka nki pe sin-o hei logwa 32Senru lihie tseryü ka nme le Npugü hon. Senru lihie swüo tseryü gü tsüle Npugü hon. 33Senru npugü le kegwakeshvu shwio gwakemvu dan kejüshü lo nrün ndi, lo nme-e kelu lo nrün ndi, a-le senru nme pe kecha nme kelu tiyatselo kenyhun nren Npugü hon thyü lati lo hei nilo nrün ndi.
34Hidan hile Israel nyu genyu Npugü le Sinai kazüthun ge pe Mosa ketsü johokeshü dan.
Currently Selected:
LEVINYU 27: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
