MIKAH 3
3
Mika le Israel Sharhidan Nkhin Keshü
1Israel kekvu kesendan, nyüshülo! Hagun le joketsinkesen kipon hagun nyun shüzü, 2ai hagun le kegwagü nrhio gwa kemvu gü sohü. Hagun le atemi kerhün ka anyugun gi yho lo anyugun ru gen a-tsi tsolahü. 3Hagun le atemi tyü lahü. Hagun le anyugun gi yho, anyugun ru dukhalo-o pe la ka shü nrün hontse hensijün lahü. 4Hagun le chüo Npugü ka hi nrün gwenkho le ryüti, ai a-le hagun kehi nyü loho, hagun le gwa kemvu thyü kela genyu.
5Atemidan le, sidyükeshanyu mele anyugun shün thyü titse zokeshü nyu ka gwaketho zope tsü, lo kemvunyu ka teri zope kedün kehünyu no anyugun salaso. Sidyükesha tsüdan ka Npugü le zo, 6“Sidyükeshaju, hagun jon le ndigüjütsin laso, yhüko le hagun gen che güjü laso. Hagun le atemi tsontsin kecha kehü genyu hagun no sidyükesha tsemin binsin lohoso, lo hagun le sidyüjo nme-e zosin lohoso.” 7Ryükejü rüla thokehünyu le zokenjü thyüpen mvukela genyu kejopvü lati. Sunggigü le anyugun jokeni kemvu genyu anyugun le kemeni lati.
8Ai agenyu we, Npugü le a-kapu lo kekvu pe akesü thyü, lo joketsin zolokegwa kensü lo Israel temi kemu tsin pe hilo kegwa kepeche pe atsü hü. 9A khwenyü shülo. hagun Israel kekvu kesen dan, hagun joketsin kesen shwinyü mvu lo kenjü gü pe njü kemvu thyü kehü ju. 10Hagun le medukeshvu lo joketsin zokemvu pe binzen-o Sunggigü nyida, Jerusalem thyü bin nyo. 11Nyida ketsenkehü nyu le jvujwe genyu kekvu sen, Peshükedanyu le anyugun shün genyu tejvu zokela, sidyükeshanyu le pisa genyu teshakeshü zo-tson-o anyugun aphu Npugü le anyugun senhü letse zohü. Anyugun le zo, “Npugü le agun zenhü, thame kenshvu le agun gen ryü loho.”
12Tsügenyu, hagun genyu Zion le low hontse tsokebunla, Jerusalem le nkeshüla, lo Kershvuka bin rincho gü tsüle tehen thyü lati.
Currently Selected:
MIKAH 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
