LEVINYU 14
14
Nyule Ketyü Le Binkela Siki Thyünshün Kethyü
1Npugü le pe Mosa tsüshü 2Nyule ketyü nyu nme le ponlo la lo thyü nshün kelo tejvü dan hi khipe. A-le nshün laso tse zoshwishü nrün jon nyü a-zenryü Püshükeda gü ki shüti, 3lo Püshükeda gü le a-zen-o kagwen ki gü a-shwiti. Lo keho tsüle ponla yatselo, 4Püshükeda gü le tegü kenshün kenyhun, Sedar sen nme, ni kenhon nme lo hissop chwenme tse senryü lotse zo shüti. 5Tsüselo Püshükeda gü le zü kenshün pe shü kebin nnyo la nme soge tegü nme dushvu lolo tse zoshüti. 6Lo a-le tegü kerhün gü, sedar sen nikenhon lo hissop tse kesinpe tegü dushvukela gü zinyu ntsen shüti. 7Tson-o a-le gwen tsenyü ge tezi gü kezen pe nyule ketyü ka thyü nshün la nrün gü gwenshüo a-le nshün laso tse zoshwi shüti. Lo tegü kerhün gü hoshüo no nyetin lati. 8Temi güle a-phinya thula, a-hü aphu thula lo zü lula tson-o a-le nshün lati. A-le kensenbin nyu yüryü logwa ai jon tsenyü a-phika gü tegwen ki bin mvuloshvu. 9Jon tsenyü nyü a-le, a-pe, a-mün, a-yhütyü lo a-mige a-hü kecha aphu thu nila ti; a-le a-phinya thula lo zülu lao nshün lati.
10Jon tetsenyü a-le a-ge tetsin kendi tanyü tse kenyhun lo lü chenme nyu nme, oliv terzü pe tho kerhün kethyü kilogram kenshen lo oliv terzü liter jünshen jünme tse senryüti. 11Püshükeda gü le temi gü le thaho keshü hidan sen-o Npugü kehü Phika gü khenpvü ka güti. 12Tson-o püshükeda gü le tanyü tse nme pe terzü liter jünshen jünme sin-o thonikethyü kerüshvu thyüti. A-le tsü pe Püshükeda gü genyu jwe kerüche thyü pe Npugü tsüti. 13A-le kemu genyu kerüshvu lo rope kerüshvu nyukhu dushvu kehü kenshün bin gü ka tanyü gü dushvu ti. Kechamvule thonikethyü kerüshvu hile kemu genyu kerüshvu hontse püshükeda gü hon lo tsüle nshünsa. 14Püshükeda güle tanyü gü zi peha khilo-o pe thyünshün loti tse kebin gü nyüchwe nzhüzin, a-ben zentsü nzhüzin, a-pha zentsü nzhüzin yün shüti. 15Püshükeda gü le oliv terzü peha jape a-npvü a-benje ngwazin shülo-o, 16a-ben nzhüzin a-zenkero pe tsünyu ntsenlo-o tsüka gwen tsenyü ge Npugü mhundyü nyu kezen shüti. 17A-le a-benje ka terzü peha lo tanyü gü zi peha tse khipe nshün la sele tse zoshwishü nrün gü nyüchwe nzhüzin, a-ben zentsü nzhüzin lo a-pha zentsü nzhüzin tse yün shüti. 18A-le a-ben nyu terzü nsen kebin tsüpe temi gü pe ge shü lati. Hihontse-o a-le thyünshün kelo jvu thyü shüti.
19Tson-o Püshükeda gü le kemu rokethyü pe shüo thyü nshün kelojvu thyüti. Tsüsika a-le rope kerüshvu nyukhu gü dushvu ti 20lo tsüpe shye sin-o kershvubin ge rüshvuti. Hihontseo Püshükeda gü le thyünshün kelojvu thyüo temi gü le nshün loti.
21Temi güle tha ndio thyütiloho yatselo, a-le a-rokethyü a-thyükenshün nrün genyu tanyü tse nme nti senryü püshükeda gü genyu jwe kerüche thyüpe Npugü tsüti. A-le shye pe kerüshvu kethyü kilogram nme lo oliv terzü liter jünshen jünme tse nti senryüti. 22A-le nsu nmvue paro kenyhun pe sin senryüti, nme le kemu genyu kerüshvu lo nmele rope kerüshvu genyu tse. 23A-thyükenshün kethyü jon tetsenyü a-le tsü senryü phika gü khenpvü ka püshükeda gü tsüshüti. 24Püshükeda güle tanyü nyu gü lo oliv terzü tse khipe püshükeda gü genyu kerüshvu kerüche thyü pe Npugü tsüti. 25Tson-o a-le tanyü nyugü dushvuo a-zi peha khipe temi gü nyüchwe nzhüzin, a-ben zentsü nzhüzin, lo a-pha zentsü nzhüzin tse yün shüti. 26Püshükeda gü le terzü peha jape a-benje ngwazin shülo-o 27a-ben nzhüzin a-zenkero pe ntsen-o tsüka Npugü mhundyü nyu gwen tsenyü ge kezen shüti. 28A-le terzü ko peha khipe tezi pe yün keshü bin, temi gü nyüchwe nzhüzin, a-ben zentsü nzhüzin lo a-pha zentsü nzhüzin tse ka shüti. 29A-benje ka terzü nsen kebin tsüpe temi gü pe yünshü, hihontseo thyünshün kelo jvu thyüti. 30Tson-o a-le nsu nmvue paro nme pe rüshvuti 31nme no kemu genyu kerüshvu lo kecha gü pe rope kerüshvu thyüo shyepe kerüshvu sin-o rüshvuti. Hihontseo püshükeda güle thyünshün kelo kerüshvu thyüti. 32Nyule ketyü thyükenshün kethyü jvu thyütilo keho nyu genyu tejvu le hi.
Kakhwün Nyu Nyule Ketyü
33Npugü le pe Mosa lo Aaron au tsüshü 34-35Nyule ketyü le kakhwün nyu bin kela nyu genyu tejvü le hidan hi. (Israel nyu le Npugü le anyugun no gwen lotse pe ketsü Kanan nyu yü kelo siki higü hi thenti.) Temi peha le Npugü le nyule ketyü nipe a-kakhwün nyu shükela hyulo yatselo, a-le gü püshükeda gü ka tsü rüla zoshü mvuloshvu. 36Püshükeda güle yügü nyule ketyü gü shwi kethyü mhundyü kanyu thalihie khishwi la lotse zoshüti; kemvu we kanyu kebin lihie nshünmvu laso tse zoshwi shü lati. Tson-o a-le kanyu güo 37nyu le ketyü gü shwishüti. Tson-o kabon gü tyüpe njvu nmvue nhonro chwiryü bin yatselo, 38a-le ka nyu chwilao jontsenyü kakhin lati. 39A-le jontsenyü ka niryüo tsü shwiniti. Lo nyule ketyü tsüle gon kenye laya tselo, 40a-le nyu le tyü kebin tso dan tsü khipe nyida gü tegwenzin nshünkemvu bin peha ka shwe la lotse zoshüti. 41Tsüsiki kanyuzin kabon kehü lo kakehyu tsü aphu senchwi gü chwida tegwenzin nshün kemvu bin nme ka shü la mvuloshvu. 42Tson-o tso kecha sen gü tso khikela dan bin ka shüla, lo kakehyu keshün pe kabon gü hyu lati. 43Tso dan khila lo ka kehyu khü nne lao hyuni kela siki nyule ketyü tsüle nichwi ryüya tselo, 44Püshükeda gü le gü nriti. Tson-o tsüle chwiryüla yatselo ka tsüle nshünmvu laso. 45Ka tsü rhola, lo tso, tesen lo ka kehyu tsü aphu sen chwigü nyida gü tegwenzin nshünkemvu bin nme ka shüla mvuloshvu. 46Ka tsü khinkebin ka ligü higü tsünyu keyü güle ngwün gü keti nshünmvu binti. 47Ligü higü tsünyu zhü nmvue tyütsü kethyü güle a-phinya thula mvuloshvu.
48Ka tsü hyunikelasiki Püshükeda gü le ryü nrio nyule ketyü tsüle nichwiryü mvula yatselo, ka tsügü le nshün laso tse a-le zoshwishü ti, nyule ketyü tsü khi kela si genyu. 49Ka gü thyükenshün nrün genyu a-le tegü kenyhun, sedar sen peha, ni kenhon nme lo hissop chwe me tse senryüti. 50A-le nnyonla nme nyu zü kenshün pe shü kenjü soge tegü nme dushvu loti. 51Tson-o a-le sedar sen, hissop, ni kenhon, lo tegü kerhün gü tse pe zü kenshün soge dushvu kelo tegü gü zinyu ntsenlo-o gwen tsenyü ge kezen pe ka gü ge shüti. 52Hihontseo a-le tegü zi, zü kenshün, tegü kerhün, sedar sen, hissop lo ni kenhon sen-o ka gü thyü kenshün ti. 53Tson-o a-le nyida tegwenzin kendo nyu tegü kerhün gü hoshüo no nyetin lati. Hihontse kagü thyükenshün jvu thyülao tsü le nshün loti.
54Nyule ketyü keho genyu tejvu dan le hi; 55-56kethyü shvu, kinthyü, nmvue kenkhü; lo phinya nmvue ka ge nyule ketyü genyu. 57Nshünmvu lo nshün tse tsinshü nrün tejvü le hidan hi.
Currently Selected:
LEVINYU 14: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 14
14
Nyule Ketyü Le Binkela Siki Thyünshün Kethyü
1Npugü le pe Mosa tsüshü 2Nyule ketyü nyu nme le ponlo la lo thyü nshün kelo tejvü dan hi khipe. A-le nshün laso tse zoshwishü nrün jon nyü a-zenryü Püshükeda gü ki shüti, 3lo Püshükeda gü le a-zen-o kagwen ki gü a-shwiti. Lo keho tsüle ponla yatselo, 4Püshükeda gü le tegü kenshün kenyhun, Sedar sen nme, ni kenhon nme lo hissop chwenme tse senryü lotse zo shüti. 5Tsüselo Püshükeda gü le zü kenshün pe shü kebin nnyo la nme soge tegü nme dushvu lolo tse zoshüti. 6Lo a-le tegü kerhün gü, sedar sen nikenhon lo hissop tse kesinpe tegü dushvukela gü zinyu ntsen shüti. 7Tson-o a-le gwen tsenyü ge tezi gü kezen pe nyule ketyü ka thyü nshün la nrün gü gwenshüo a-le nshün laso tse zoshwi shüti. Lo tegü kerhün gü hoshüo no nyetin lati. 8Temi güle a-phinya thula, a-hü aphu thula lo zü lula tson-o a-le nshün lati. A-le kensenbin nyu yüryü logwa ai jon tsenyü a-phika gü tegwen ki bin mvuloshvu. 9Jon tsenyü nyü a-le, a-pe, a-mün, a-yhütyü lo a-mige a-hü kecha aphu thu nila ti; a-le a-phinya thula lo zülu lao nshün lati.
10Jon tetsenyü a-le a-ge tetsin kendi tanyü tse kenyhun lo lü chenme nyu nme, oliv terzü pe tho kerhün kethyü kilogram kenshen lo oliv terzü liter jünshen jünme tse senryüti. 11Püshükeda gü le temi gü le thaho keshü hidan sen-o Npugü kehü Phika gü khenpvü ka güti. 12Tson-o püshükeda gü le tanyü tse nme pe terzü liter jünshen jünme sin-o thonikethyü kerüshvu thyüti. A-le tsü pe Püshükeda gü genyu jwe kerüche thyü pe Npugü tsüti. 13A-le kemu genyu kerüshvu lo rope kerüshvu nyukhu dushvu kehü kenshün bin gü ka tanyü gü dushvu ti. Kechamvule thonikethyü kerüshvu hile kemu genyu kerüshvu hontse püshükeda gü hon lo tsüle nshünsa. 14Püshükeda güle tanyü gü zi peha khilo-o pe thyünshün loti tse kebin gü nyüchwe nzhüzin, a-ben zentsü nzhüzin, a-pha zentsü nzhüzin yün shüti. 15Püshükeda gü le oliv terzü peha jape a-npvü a-benje ngwazin shülo-o, 16a-ben nzhüzin a-zenkero pe tsünyu ntsenlo-o tsüka gwen tsenyü ge Npugü mhundyü nyu kezen shüti. 17A-le a-benje ka terzü peha lo tanyü gü zi peha tse khipe nshün la sele tse zoshwishü nrün gü nyüchwe nzhüzin, a-ben zentsü nzhüzin lo a-pha zentsü nzhüzin tse yün shüti. 18A-le a-ben nyu terzü nsen kebin tsüpe temi gü pe ge shü lati. Hihontse-o a-le thyünshün kelo jvu thyü shüti.
19Tson-o Püshükeda gü le kemu rokethyü pe shüo thyü nshün kelojvu thyüti. Tsüsika a-le rope kerüshvu nyukhu gü dushvu ti 20lo tsüpe shye sin-o kershvubin ge rüshvuti. Hihontseo Püshükeda gü le thyünshün kelojvu thyüo temi gü le nshün loti.
21Temi güle tha ndio thyütiloho yatselo, a-le a-rokethyü a-thyükenshün nrün genyu tanyü tse nme nti senryü püshükeda gü genyu jwe kerüche thyüpe Npugü tsüti. A-le shye pe kerüshvu kethyü kilogram nme lo oliv terzü liter jünshen jünme tse nti senryüti. 22A-le nsu nmvue paro kenyhun pe sin senryüti, nme le kemu genyu kerüshvu lo nmele rope kerüshvu genyu tse. 23A-thyükenshün kethyü jon tetsenyü a-le tsü senryü phika gü khenpvü ka püshükeda gü tsüshüti. 24Püshükeda güle tanyü nyu gü lo oliv terzü tse khipe püshükeda gü genyu kerüshvu kerüche thyü pe Npugü tsüti. 25Tson-o a-le tanyü nyugü dushvuo a-zi peha khipe temi gü nyüchwe nzhüzin, a-ben zentsü nzhüzin, lo a-pha zentsü nzhüzin tse yün shüti. 26Püshükeda gü le terzü peha jape a-benje ngwazin shülo-o 27a-ben nzhüzin a-zenkero pe ntsen-o tsüka Npugü mhundyü nyu gwen tsenyü ge kezen shüti. 28A-le terzü ko peha khipe tezi pe yün keshü bin, temi gü nyüchwe nzhüzin, a-ben zentsü nzhüzin lo a-pha zentsü nzhüzin tse ka shüti. 29A-benje ka terzü nsen kebin tsüpe temi gü pe yünshü, hihontseo thyünshün kelo jvu thyüti. 30Tson-o a-le nsu nmvue paro nme pe rüshvuti 31nme no kemu genyu kerüshvu lo kecha gü pe rope kerüshvu thyüo shyepe kerüshvu sin-o rüshvuti. Hihontseo püshükeda güle thyünshün kelo kerüshvu thyüti. 32Nyule ketyü thyükenshün kethyü jvu thyütilo keho nyu genyu tejvu le hi.
Kakhwün Nyu Nyule Ketyü
33Npugü le pe Mosa lo Aaron au tsüshü 34-35Nyule ketyü le kakhwün nyu bin kela nyu genyu tejvü le hidan hi. (Israel nyu le Npugü le anyugun no gwen lotse pe ketsü Kanan nyu yü kelo siki higü hi thenti.) Temi peha le Npugü le nyule ketyü nipe a-kakhwün nyu shükela hyulo yatselo, a-le gü püshükeda gü ka tsü rüla zoshü mvuloshvu. 36Püshükeda güle yügü nyule ketyü gü shwi kethyü mhundyü kanyu thalihie khishwi la lotse zoshüti; kemvu we kanyu kebin lihie nshünmvu laso tse zoshwi shü lati. Tson-o a-le kanyu güo 37nyu le ketyü gü shwishüti. Tson-o kabon gü tyüpe njvu nmvue nhonro chwiryü bin yatselo, 38a-le ka nyu chwilao jontsenyü kakhin lati. 39A-le jontsenyü ka niryüo tsü shwiniti. Lo nyule ketyü tsüle gon kenye laya tselo, 40a-le nyu le tyü kebin tso dan tsü khipe nyida gü tegwenzin nshünkemvu bin peha ka shwe la lotse zoshüti. 41Tsüsiki kanyuzin kabon kehü lo kakehyu tsü aphu senchwi gü chwida tegwenzin nshün kemvu bin nme ka shü la mvuloshvu. 42Tson-o tso kecha sen gü tso khikela dan bin ka shüla, lo kakehyu keshün pe kabon gü hyu lati. 43Tso dan khila lo ka kehyu khü nne lao hyuni kela siki nyule ketyü tsüle nichwi ryüya tselo, 44Püshükeda gü le gü nriti. Tson-o tsüle chwiryüla yatselo ka tsüle nshünmvu laso. 45Ka tsü rhola, lo tso, tesen lo ka kehyu tsü aphu sen chwigü nyida gü tegwenzin nshünkemvu bin nme ka shüla mvuloshvu. 46Ka tsü khinkebin ka ligü higü tsünyu keyü güle ngwün gü keti nshünmvu binti. 47Ligü higü tsünyu zhü nmvue tyütsü kethyü güle a-phinya thula mvuloshvu.
48Ka tsü hyunikelasiki Püshükeda gü le ryü nrio nyule ketyü tsüle nichwiryü mvula yatselo, ka tsügü le nshün laso tse a-le zoshwishü ti, nyule ketyü tsü khi kela si genyu. 49Ka gü thyükenshün nrün genyu a-le tegü kenyhun, sedar sen peha, ni kenhon nme lo hissop chwe me tse senryüti. 50A-le nnyonla nme nyu zü kenshün pe shü kenjü soge tegü nme dushvu loti. 51Tson-o a-le sedar sen, hissop, ni kenhon, lo tegü kerhün gü tse pe zü kenshün soge dushvu kelo tegü gü zinyu ntsenlo-o gwen tsenyü ge kezen pe ka gü ge shüti. 52Hihontseo a-le tegü zi, zü kenshün, tegü kerhün, sedar sen, hissop lo ni kenhon sen-o ka gü thyü kenshün ti. 53Tson-o a-le nyida tegwenzin kendo nyu tegü kerhün gü hoshüo no nyetin lati. Hihontse kagü thyükenshün jvu thyülao tsü le nshün loti.
54Nyule ketyü keho genyu tejvu dan le hi; 55-56kethyü shvu, kinthyü, nmvue kenkhü; lo phinya nmvue ka ge nyule ketyü genyu. 57Nshünmvu lo nshün tse tsinshü nrün tejvü le hidan hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.