LEVINYU 13
13
Nyule Ketyünyu Genyu Tejvü
1Npugü le tejvü hidan pe Aaron lo Mosa au tsüshü. 2Temi nme le kethyüshvu nmvue a-jepvü nmvue nmen-o nyu le ketyü keho le bin laya tselo a-zen Aaron nmvue a-tsipwen püshükeda nyu ka ryüti. 3Püshükeda gü le kethyüshvu gü shwishüo tsünyu a-hü le chonpwen la lo kethyüshvu güle a-tekehun a-gi kecha nyeki ntsun laya tselo temi tsügü le nshünmvu laso tse zoshüti. 4Ai kethyüshvu güle chon lo a-gi kecha nye ntsun mvulo a-hü le chonla mvu yatselo Püshükeda gü le temi tsügü no jon tsenyü a-npvü binti. 5Tson-o püshükedda güle jon tsenyü nyü a-shwi niti, tson-o kethyüshvu tsüle chonkenye mvulo jon tsenyü no a-npvü bin niti. 6Püshükeda gü le jon tsenyü nyü a-shwinio a-kethyü le chon kenyemvuo ponla lo a-le nshün la sele tse zoshüti, tsüle kethyü nme gwenzin. Tsü güle a-phinya thu lao nshün lati. 7Ai Püshükeda güle a-shwishüo a-le nshünla sele tsezokela siki kethyü güle chon kenyela lo Püshükeda gü no a-shwini mvulo shvu. 8Püshükeda gü le shwinio tsüle chon kenye bin yatselo a-le nshünmvu letse zoshü lati; tsüle nyule ketyü.
9Ligü higü nyu le tyü yatselo a-zen püshükeda gü ki ryüo, 10no a-shwiti. A-kethyüshvu le chonpwen tseo a-hü le chonla lo kepozü le süla yatselo 11tsüle nyu le ketyü when nme laso. Püshükeda gü le a-le nshünmvu letse zoshü lati; a-khin bin mvue gwa a-le nshünmvu tsekethyü shatsentsü kelasi genyu. 12Nyule ketyü tsüle temi gü pe ka tsügü a-pha keti aphu bin laya tselo, 13Püshükeda gü le a-shwini ti. Tson-o tsüle a-mipen henkela hyulo yatselo a-le temi tsügü le nshün laso tsezoshü lati. A-gi aphu chonla yatselo a-le nshün laso. 14Ai a-thyükesen peha le chwiryü yatselo a-le nshünmvu laso. 15Püshükeda gü le a-shwinio a-thyükesen peha hyulo yatselo a-le nshünmvu tse zoshü lati. A-thyükesen le kebin tsüle nyule ketyü lo temi tsügü le nshünmvu laso. 16Ai a-thyü tsü le chonnila yatselo, a-le püshükeda gü ka güo, 17no a-shwi niti. Tson-o kethyüshvu tsüle chon layatselo a-le nshün laso, püshükeda gü le a-le nshün tse zoshü lati.
18Temi nme le kinthyüpfüo pon la 19lo kethyüshvu katsü nmen-o chonpwen tse nmvue nhon chwiryü yatselo a-le püshükeda gü ki güti. 20Lo Püshükeda gü le a-shwio a-shvu le a-gi kehun nyeki ntsunla lo tsünyu kebin a-hü le chon laya tselo a-le nshünmvu sele tse zoshüti. Tsüle nyule ketyü le kinthyü shvunyu chwiryü laso. 21Ai Püshükeda gü le shwio tsünyu kebin a-hü le chonpwen lamvu le a-gi kehun nyeki ntsun mvu ai nhon ben yatselo püshükeda gü le a-no jon tsenyü a-npvü bin ti. 22Tson-o a-shvu le gon kenye layatselo püshükeda gü le a-le nshünmvu la sele tse zoshüti; tsüle kethyü gwakemvu laso. 23Ai tsüle chon kenye mvuo a-gwenzin bin yatselo, tsüle kinthyü shvu gwenzin lo püshükedda gü le a-le nshün laso tse zoshüti.
24Mah le rokela nyu nme le, a-thyü kerhün le chon nmvue chonnhon chwiryü bin yatselo, 25Püshükeda gü le a-shwishüti. Tson-o kethyü shvu günyu a-hüle chon la lo a-gi le a-tekehun nyeki ntsun kvu laya tselo tsüle nyule ketyü le mah le keroshvu nyu chwiryü laso, Püshükeda gü le tsügü le nshünmvu laso tse zoshwi shü lati. 26Ai a-hüle chon lamvu lo a-gie a-te kehun nyeki ntsunkvu mvu ai tsüle nhonben bin yatselo Püshükeda gü le jon tsenyü a-khin tseti. 27Tson-o jontsenyü nyü a-shwiniti, lo tsüle chon kenye bin yatselo nyule ketyü laso, Püshükeda gü le tsügü le nshünmvu letse zoshü lati. 28Ai a-shvu le chonkenye mvu lo nhonben bin yatselo tsüle nyule ketyü kemvu. Tsüle mah le kero kenki shvu genyu Püshükeda gü le tsügü le nshün letse zoshü lati.
29Peche nmvue tenunyu nme le a-pe nmvue a-sakhü ge kethyü le bin yatselo, 30Püshükeda gü le tsü shwiti. Tson-o tsüle a-tekehun a-gi nye ntunkvu lo tsünyu a-hüle nyhün lo nsen yatselo tsüle nyule ketyü, a-le temi tsügü le nshünmvu tse zoshü lati. 31Püshükeda gü le a-shwio kethyü shvu gü le a-gi a-tekehun nye ntsunkvu kemvu hontse ai tsünyu a-hü le gwamvu yatselo jontsenyü a-khin ntse ti. 32Tson-o Püshükeda güle jon tsenyü nyü kethyü shvu gü shwiniti, tsüle chon kenye mvu lo tsünyu a-hü kenyhün ndi lo a-tekehun a-gi kecha nye ntsunkvu kemvu hontselo, 33temi gü no a-pe thu lati ai kethyü shvu te kehun khela, lo püshükeda gü le jon tsenyü a-khin ni tseti. 34Jon tsenyü nyü Püshükeda gü le a-kethyü shvu shwiniti, tson-o tsüle chon kenye mvu lo a-gi a-tekehun nye ntsun kenye mvu yatselo a-le nshün letse zoshü lati. Temi güle a-phinya thu lao nshün lati. 35Ai a-le nshünla sele tse zoshükela siki kethyüshvu gü le chon kenyela lo, 36Püshükeda gü le a-shwiniti. Tson-o kethyüshvu gü le chon kenye la lo, a-hü kenyhün shwinimvue temi tsügü le nshünmvu tsen tsü laso. 37Ai Püshükeda gü le kethyüshvu güle chonkenyemvu, a-hü kemetse tsübin, kethyüshvu le ponla yatselo, a-le nshün tse zoshwi shüti.
38Peche nmvue tenunyu nmele a-gi ge a-shvu kechon le bin lo, 39Püshükeda gü le temi tsügü shwiti. Tson-o a-kechon shvu tsü le sinkin tselo a-gi ge tetsin le chwikeryü gwenzin; temi güle nshün.
40-41Temi nme le a-südo nmvue a-senpfü hü pu layatse-e hi genyu a-le nshünmvu lamvu. 42Ai chon nhon kethyü shvule a-pe kendo ge chwiryü layatselo tsüle nyule ketyü laso. 43Püshükeda gü le a-shwishüo chonnhon kethyü shvu le bin laya tselo, 44Nyule ketyü le a-pe ge bin kela genyu püshükeda gü le tsügü le nshünmvu tse zoshwi shüti.
45Nyule ketyü nyu le phikenrhe ben, a-pe whennya, phi pe a-mün henpfü, lo “Nshünmvu, Nshünmvu” tsonti! 46A-le keho tsügü le a-ge kebinthen nshünmvu, lo a-le chwida tegwen zin a-npfü bin nme ka yhunti.
Nyule Ketyü Genyu Tejvü
47Nyule ketyü kehonyu le phi ge bin yatselo, thyühü nmvue linen-e, 48nmvue linen phi nmvue thyühü phi nmvue thyügi nmvue thyügi pe kethyü lihi ge-e, 49tsüle njvudin nmvue nhon di chwiryü yatselo tsüle nyule ketyü laso, tsügenyu pe püshükeda gü hila mvulo shvu. 50Püshükeda gü le tsü shwishüo pe jon tsenyü bin ntseti. 51A-le jon tsenyü nyü tsü shwiniti, tson-o nyule ketyü tsüle chonkenye bin ya tselo tsüle nshün mvu laso. 52Püshükeda gü le tsü pe ro lati, tsüle chonkenye kebin nyu le ketyü kehonyu kelasi genyu mah pe nkie la mvu loshvu. 53Ai a-te tsü shwikethyü ka, nyule ketyü tsü le chonkenye kemvu hyulo yatselo, 54a-le züpe tsü sü lao jon tsenyü pe bin ntse lo tse ahza hoshüti. 55Tson-o a-le tsü shwiti, lo nyule ketyü tsüle chonkenye mvue a-jvu kelumvu yatselo tsüle nshünmvu; nyule tyü kebin tsüle sizin nmvue mhundyü zin metse pe rola mvulo shvu. 56Ai Püshükeda güle shwini kethyü ka nyule ketyü tsüle ndila lo a-le phi nmvue thyügie a-shvu tsü sürhe lati. 57Tson-o nyule ketyü tsü hyuni chwiryü yatselo tsüle chonkenye kebin nyule ketyü la so, tsügenyu phi npugü no tsüpe ro lati. 58A-le züpe sü lao a-shvu hyumvu layatselo a-le zü pe süni lati, lo tsüle nshün laso.
59Hile nyule ketyü le phi ge kebin genyu tejvu, thyühü, linen, thyühüphi, linenphi, nmvue thyügi pe kethyü lihi ge-e, hihontseo nshün lo nshünmvu tse shalo nrün genyu.
Currently Selected:
LEVINYU 13: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 13
13
Nyule Ketyünyu Genyu Tejvü
1Npugü le tejvü hidan pe Aaron lo Mosa au tsüshü. 2Temi nme le kethyüshvu nmvue a-jepvü nmvue nmen-o nyu le ketyü keho le bin laya tselo a-zen Aaron nmvue a-tsipwen püshükeda nyu ka ryüti. 3Püshükeda gü le kethyüshvu gü shwishüo tsünyu a-hü le chonpwen la lo kethyüshvu güle a-tekehun a-gi kecha nyeki ntsun laya tselo temi tsügü le nshünmvu laso tse zoshüti. 4Ai kethyüshvu güle chon lo a-gi kecha nye ntsun mvulo a-hü le chonla mvu yatselo Püshükeda gü le temi tsügü no jon tsenyü a-npvü binti. 5Tson-o püshükedda güle jon tsenyü nyü a-shwi niti, tson-o kethyüshvu tsüle chonkenye mvulo jon tsenyü no a-npvü bin niti. 6Püshükeda gü le jon tsenyü nyü a-shwinio a-kethyü le chon kenyemvuo ponla lo a-le nshün la sele tse zoshüti, tsüle kethyü nme gwenzin. Tsü güle a-phinya thu lao nshün lati. 7Ai Püshükeda güle a-shwishüo a-le nshünla sele tsezokela siki kethyü güle chon kenyela lo Püshükeda gü no a-shwini mvulo shvu. 8Püshükeda gü le shwinio tsüle chon kenye bin yatselo a-le nshünmvu letse zoshü lati; tsüle nyule ketyü.
9Ligü higü nyu le tyü yatselo a-zen püshükeda gü ki ryüo, 10no a-shwiti. A-kethyüshvu le chonpwen tseo a-hü le chonla lo kepozü le süla yatselo 11tsüle nyu le ketyü when nme laso. Püshükeda gü le a-le nshünmvu letse zoshü lati; a-khin bin mvue gwa a-le nshünmvu tsekethyü shatsentsü kelasi genyu. 12Nyule ketyü tsüle temi gü pe ka tsügü a-pha keti aphu bin laya tselo, 13Püshükeda gü le a-shwini ti. Tson-o tsüle a-mipen henkela hyulo yatselo a-le temi tsügü le nshün laso tsezoshü lati. A-gi aphu chonla yatselo a-le nshün laso. 14Ai a-thyükesen peha le chwiryü yatselo a-le nshünmvu laso. 15Püshükeda gü le a-shwinio a-thyükesen peha hyulo yatselo a-le nshünmvu tse zoshü lati. A-thyükesen le kebin tsüle nyule ketyü lo temi tsügü le nshünmvu laso. 16Ai a-thyü tsü le chonnila yatselo, a-le püshükeda gü ka güo, 17no a-shwi niti. Tson-o kethyüshvu tsüle chon layatselo a-le nshün laso, püshükeda gü le a-le nshün tse zoshü lati.
18Temi nme le kinthyüpfüo pon la 19lo kethyüshvu katsü nmen-o chonpwen tse nmvue nhon chwiryü yatselo a-le püshükeda gü ki güti. 20Lo Püshükeda gü le a-shwio a-shvu le a-gi kehun nyeki ntsunla lo tsünyu kebin a-hü le chon laya tselo a-le nshünmvu sele tse zoshüti. Tsüle nyule ketyü le kinthyü shvunyu chwiryü laso. 21Ai Püshükeda gü le shwio tsünyu kebin a-hü le chonpwen lamvu le a-gi kehun nyeki ntsun mvu ai nhon ben yatselo püshükeda gü le a-no jon tsenyü a-npvü bin ti. 22Tson-o a-shvu le gon kenye layatselo püshükeda gü le a-le nshünmvu la sele tse zoshüti; tsüle kethyü gwakemvu laso. 23Ai tsüle chon kenye mvuo a-gwenzin bin yatselo, tsüle kinthyü shvu gwenzin lo püshükedda gü le a-le nshün laso tse zoshüti.
24Mah le rokela nyu nme le, a-thyü kerhün le chon nmvue chonnhon chwiryü bin yatselo, 25Püshükeda gü le a-shwishüti. Tson-o kethyü shvu günyu a-hüle chon la lo a-gi le a-tekehun nyeki ntsun kvu laya tselo tsüle nyule ketyü le mah le keroshvu nyu chwiryü laso, Püshükeda gü le tsügü le nshünmvu laso tse zoshwi shü lati. 26Ai a-hüle chon lamvu lo a-gie a-te kehun nyeki ntsunkvu mvu ai tsüle nhonben bin yatselo Püshükeda gü le jon tsenyü a-khin tseti. 27Tson-o jontsenyü nyü a-shwiniti, lo tsüle chon kenye bin yatselo nyule ketyü laso, Püshükeda gü le tsügü le nshünmvu letse zoshü lati. 28Ai a-shvu le chonkenye mvu lo nhonben bin yatselo tsüle nyule ketyü kemvu. Tsüle mah le kero kenki shvu genyu Püshükeda gü le tsügü le nshün letse zoshü lati.
29Peche nmvue tenunyu nme le a-pe nmvue a-sakhü ge kethyü le bin yatselo, 30Püshükeda gü le tsü shwiti. Tson-o tsüle a-tekehun a-gi nye ntunkvu lo tsünyu a-hüle nyhün lo nsen yatselo tsüle nyule ketyü, a-le temi tsügü le nshünmvu tse zoshü lati. 31Püshükeda gü le a-shwio kethyü shvu gü le a-gi a-tekehun nye ntsunkvu kemvu hontse ai tsünyu a-hü le gwamvu yatselo jontsenyü a-khin ntse ti. 32Tson-o Püshükeda güle jon tsenyü nyü kethyü shvu gü shwiniti, tsüle chon kenye mvu lo tsünyu a-hü kenyhün ndi lo a-tekehun a-gi kecha nye ntsunkvu kemvu hontselo, 33temi gü no a-pe thu lati ai kethyü shvu te kehun khela, lo püshükeda gü le jon tsenyü a-khin ni tseti. 34Jon tsenyü nyü Püshükeda gü le a-kethyü shvu shwiniti, tson-o tsüle chon kenye mvu lo a-gi a-tekehun nye ntsun kenye mvu yatselo a-le nshün letse zoshü lati. Temi güle a-phinya thu lao nshün lati. 35Ai a-le nshünla sele tse zoshükela siki kethyüshvu gü le chon kenyela lo, 36Püshükeda gü le a-shwiniti. Tson-o kethyüshvu gü le chon kenye la lo, a-hü kenyhün shwinimvue temi tsügü le nshünmvu tsen tsü laso. 37Ai Püshükeda gü le kethyüshvu güle chonkenyemvu, a-hü kemetse tsübin, kethyüshvu le ponla yatselo, a-le nshün tse zoshwi shüti.
38Peche nmvue tenunyu nmele a-gi ge a-shvu kechon le bin lo, 39Püshükeda gü le temi tsügü shwiti. Tson-o a-kechon shvu tsü le sinkin tselo a-gi ge tetsin le chwikeryü gwenzin; temi güle nshün.
40-41Temi nme le a-südo nmvue a-senpfü hü pu layatse-e hi genyu a-le nshünmvu lamvu. 42Ai chon nhon kethyü shvule a-pe kendo ge chwiryü layatselo tsüle nyule ketyü laso. 43Püshükeda gü le a-shwishüo chonnhon kethyü shvu le bin laya tselo, 44Nyule ketyü le a-pe ge bin kela genyu püshükeda gü le tsügü le nshünmvu tse zoshwi shüti.
45Nyule ketyü nyu le phikenrhe ben, a-pe whennya, phi pe a-mün henpfü, lo “Nshünmvu, Nshünmvu” tsonti! 46A-le keho tsügü le a-ge kebinthen nshünmvu, lo a-le chwida tegwen zin a-npfü bin nme ka yhunti.
Nyule Ketyü Genyu Tejvü
47Nyule ketyü kehonyu le phi ge bin yatselo, thyühü nmvue linen-e, 48nmvue linen phi nmvue thyühü phi nmvue thyügi nmvue thyügi pe kethyü lihi ge-e, 49tsüle njvudin nmvue nhon di chwiryü yatselo tsüle nyule ketyü laso, tsügenyu pe püshükeda gü hila mvulo shvu. 50Püshükeda gü le tsü shwishüo pe jon tsenyü bin ntseti. 51A-le jon tsenyü nyü tsü shwiniti, tson-o nyule ketyü tsüle chonkenye bin ya tselo tsüle nshün mvu laso. 52Püshükeda gü le tsü pe ro lati, tsüle chonkenye kebin nyu le ketyü kehonyu kelasi genyu mah pe nkie la mvu loshvu. 53Ai a-te tsü shwikethyü ka, nyule ketyü tsü le chonkenye kemvu hyulo yatselo, 54a-le züpe tsü sü lao jon tsenyü pe bin ntse lo tse ahza hoshüti. 55Tson-o a-le tsü shwiti, lo nyule ketyü tsüle chonkenye mvue a-jvu kelumvu yatselo tsüle nshünmvu; nyule tyü kebin tsüle sizin nmvue mhundyü zin metse pe rola mvulo shvu. 56Ai Püshükeda güle shwini kethyü ka nyule ketyü tsüle ndila lo a-le phi nmvue thyügie a-shvu tsü sürhe lati. 57Tson-o nyule ketyü tsü hyuni chwiryü yatselo tsüle chonkenye kebin nyule ketyü la so, tsügenyu phi npugü no tsüpe ro lati. 58A-le züpe sü lao a-shvu hyumvu layatselo a-le zü pe süni lati, lo tsüle nshün laso.
59Hile nyule ketyü le phi ge kebin genyu tejvu, thyühü, linen, thyühüphi, linenphi, nmvue thyügi pe kethyü lihi ge-e, hihontseo nshün lo nshünmvu tse shalo nrün genyu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.