LEVINYU 15
15
Nmin ge Kerhu Chwiryükehü Nshünkemvu
1Npugü le tejvü hidan pe Mosa lo Aaron au tsüshü, 2Israel temi genyu. Pechenyu nme le a-ge tsunchwiryü lo, tsun chwikeryü tsüle nshünmvu, 3a-ge tsun chwiryü bin nmvue tsüle tsun mvulae. 4A-le lihi ka dun nmvue zhü-e tsüle nshün mvu. 5Ligü higü a-zhü kesü keshü gü 6nmvue temi tsügü kedunbin lihi ka-e dun kethyü güle a-phinya thula lo zülu la mvuloshvu tson-e a-le nshünmvu bin-o ngwün gü titi. 7Ligü higü a-ge tsunchwiryü kebin gü kesü keshü güle a-phinya thula lo zülu la mvuloshvu lo nshünmvu bin-o ngwün gü titi. 8A-ge tsun chwiryü kebin güle nsüpe temi kenshün ligü higü ge shü laya tselo, tsügü no a-phinya thula lo zülu la mvulo shvu, tson-e a-le nshünmvu bin-o ngwün gü titi. 9A-ge tsun chwiryü kebin güle kerusen kedunbin nmvue bin kecha ka dun-e tsü le nshün mvu. 10Ligü higü temi gü kedunbin lihie kesü keshü gü le nshünmvu bin-o ngwün gü titi. Temi güle a-ge dunkela lihie pen kethyü güle a-phinya thula lo zülu la mvuloshvu, tson-e nshünmvu bin-o ngwün gü titi. 11A-ge tsun chwikeryü gü le a-ben tsela mvuo temi peha kesü shü yatselo, tsügü le a-phinya thula lo zülu la mvuloshvu, tson-e nshünmvu bin-o ngwün gü titi. 12Temi gü le kesü kela nnyola lihie jonrenla mvulo shvu lo senkhun lihie kesüla mvuloshvu.
13Temi güle tsun chwiryü kebin ponlo kela siki, jon tsenyü bin tseo a-phinya thula lo zütsun kebin nyu zülu lao nshün loti. 14Jon tetsenyü a-le nsu nmvue paro kenyhun senryü Phika gü khenpvü nyu Npugü mhundyü ka püshükeda gü tsü shü ti. 15Püshükeda gü le tsü nme pe kemu genyu kerüshvu lo kecha gü pe rope kerüshvu thyü shüti. Hihontse a-le temi gü genyu thyükenshün jvu thyüti.
16Temi nme le a-phouzü chwiryü yatselo, a-mipen zülu la mvulo shvu, lo ngwün gü keti a-le nshünmvu binti. 17Phi nmvue thyügi pe kethyü phinya lihie a-phouzü le nyenkela thula mvuloshvu lo tsüle nshünmvu bin-o ngwün gü titi. 18Peche tenujvu thyü kela sika pechegü lo tenugie zülu la mvulo shvu, lo nshünmvu bin-o ngwün gü titi.
19Tenunyu nme le shyekechwi jvu kethyü ka a-le jon tsenyü nshünmvu binti. Ligü higü a-kesü keshü güle nshünmvu bin-o ngwüngü titi. 20Shyekechwi jvu gwenkho ka a-le lihika dun nmvue zhü lo tsüle nshünmvu. 21-23Ligü higü a-zhü kesü nmvue tsügi le lihi ge dun lae tsü süla, a-phi thula, lo zülu la mvulo shvu, lo nshünmvu bin-o ngwün gü titi. 24Lo a-le tson kebin gwenkho ka peche nyu nme le zenzhü yatselo tsügi nshünkemvu le a-ge kü laso, a-le jon tsenyü nshünmvu binti, lo a-le zhü lihika zhü-e jon tsenyü nshünmvu binti, lo a-le zhü lihika zhü-e tsüle nshünmvu.
25Tenunyu nme le shyekechwi jvu mvuo jon kethon tezi tsun binla nmvue shyekechwi jvu tsü le tsun thümvu laya tselo, shyekechwi jvu gwenkho ka hontse tezi tsun kebin then a-le nshünmvu binti. 26Higwenkho ka a-le zhü nmvue lihi ge dun yatse-e tsüle nshünmvu. 27Ligü higü tsüdan kesü kethyü güle nshünmvu laso, a-phinya thula lo zülu la mvuloshvu lo nshün mvu bin-o ngwün gü titi. 28Tezi tsunmvu kela siki jon tsenyü bin tseo a-le nshün loti. 29Jon tetsenyü a-le nsu nmvue paro kenyhun senryü Npugü kehü Phika gü khenpvü ka püshükeda gü tsü shüti. 30Püshükeda gü le tsü nme pe kemu genyu kerüshvu lo kechagü pe rope kerüshvu thyüti, hihontse püshükeda gü le a-rora thyüti.
31Npugü le Israel nyu no a-nyugun nshünkemvu genyu pütsü lo mvulo keshvu rüla pe Mosa ka zoshü, tson-o a-nyugun no a-nyu kensenbin lvu ka kebin a-le kehü Phika gü nrhula mvu nrün genyu. A-nyugun le tsonshü yatselo a-nyugun le silati.
32Tejvü hidan hile temi nme ge chwikela nmvue a-phouzü chwikela, 33tenunyu le shyekechwi jvü nmvue temi nme le tenunyu nshünmvu kebin gwenkho ka zen zhü kethyü genyu tejvü.
Currently Selected:
LEVINYU 15: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 15
15
Nmin ge Kerhu Chwiryükehü Nshünkemvu
1Npugü le tejvü hidan pe Mosa lo Aaron au tsüshü, 2Israel temi genyu. Pechenyu nme le a-ge tsunchwiryü lo, tsun chwikeryü tsüle nshünmvu, 3a-ge tsun chwiryü bin nmvue tsüle tsun mvulae. 4A-le lihi ka dun nmvue zhü-e tsüle nshün mvu. 5Ligü higü a-zhü kesü keshü gü 6nmvue temi tsügü kedunbin lihi ka-e dun kethyü güle a-phinya thula lo zülu la mvuloshvu tson-e a-le nshünmvu bin-o ngwün gü titi. 7Ligü higü a-ge tsunchwiryü kebin gü kesü keshü güle a-phinya thula lo zülu la mvuloshvu lo nshünmvu bin-o ngwün gü titi. 8A-ge tsun chwiryü kebin güle nsüpe temi kenshün ligü higü ge shü laya tselo, tsügü no a-phinya thula lo zülu la mvulo shvu, tson-e a-le nshünmvu bin-o ngwün gü titi. 9A-ge tsun chwiryü kebin güle kerusen kedunbin nmvue bin kecha ka dun-e tsü le nshün mvu. 10Ligü higü temi gü kedunbin lihie kesü keshü gü le nshünmvu bin-o ngwün gü titi. Temi güle a-ge dunkela lihie pen kethyü güle a-phinya thula lo zülu la mvuloshvu, tson-e nshünmvu bin-o ngwün gü titi. 11A-ge tsun chwikeryü gü le a-ben tsela mvuo temi peha kesü shü yatselo, tsügü le a-phinya thula lo zülu la mvuloshvu, tson-e nshünmvu bin-o ngwün gü titi. 12Temi gü le kesü kela nnyola lihie jonrenla mvulo shvu lo senkhun lihie kesüla mvuloshvu.
13Temi güle tsun chwiryü kebin ponlo kela siki, jon tsenyü bin tseo a-phinya thula lo zütsun kebin nyu zülu lao nshün loti. 14Jon tetsenyü a-le nsu nmvue paro kenyhun senryü Phika gü khenpvü nyu Npugü mhundyü ka püshükeda gü tsü shü ti. 15Püshükeda gü le tsü nme pe kemu genyu kerüshvu lo kecha gü pe rope kerüshvu thyü shüti. Hihontse a-le temi gü genyu thyükenshün jvu thyüti.
16Temi nme le a-phouzü chwiryü yatselo, a-mipen zülu la mvulo shvu, lo ngwün gü keti a-le nshünmvu binti. 17Phi nmvue thyügi pe kethyü phinya lihie a-phouzü le nyenkela thula mvuloshvu lo tsüle nshünmvu bin-o ngwün gü titi. 18Peche tenujvu thyü kela sika pechegü lo tenugie zülu la mvulo shvu, lo nshünmvu bin-o ngwün gü titi.
19Tenunyu nme le shyekechwi jvu kethyü ka a-le jon tsenyü nshünmvu binti. Ligü higü a-kesü keshü güle nshünmvu bin-o ngwüngü titi. 20Shyekechwi jvu gwenkho ka a-le lihika dun nmvue zhü lo tsüle nshünmvu. 21-23Ligü higü a-zhü kesü nmvue tsügi le lihi ge dun lae tsü süla, a-phi thula, lo zülu la mvulo shvu, lo nshünmvu bin-o ngwün gü titi. 24Lo a-le tson kebin gwenkho ka peche nyu nme le zenzhü yatselo tsügi nshünkemvu le a-ge kü laso, a-le jon tsenyü nshünmvu binti, lo a-le zhü lihika zhü-e jon tsenyü nshünmvu binti, lo a-le zhü lihika zhü-e tsüle nshünmvu.
25Tenunyu nme le shyekechwi jvu mvuo jon kethon tezi tsun binla nmvue shyekechwi jvu tsü le tsun thümvu laya tselo, shyekechwi jvu gwenkho ka hontse tezi tsun kebin then a-le nshünmvu binti. 26Higwenkho ka a-le zhü nmvue lihi ge dun yatse-e tsüle nshünmvu. 27Ligü higü tsüdan kesü kethyü güle nshünmvu laso, a-phinya thula lo zülu la mvuloshvu lo nshün mvu bin-o ngwün gü titi. 28Tezi tsunmvu kela siki jon tsenyü bin tseo a-le nshün loti. 29Jon tetsenyü a-le nsu nmvue paro kenyhun senryü Npugü kehü Phika gü khenpvü ka püshükeda gü tsü shüti. 30Püshükeda gü le tsü nme pe kemu genyu kerüshvu lo kechagü pe rope kerüshvu thyüti, hihontse püshükeda gü le a-rora thyüti.
31Npugü le Israel nyu no a-nyugun nshünkemvu genyu pütsü lo mvulo keshvu rüla pe Mosa ka zoshü, tson-o a-nyugun no a-nyu kensenbin lvu ka kebin a-le kehü Phika gü nrhula mvu nrün genyu. A-nyugun le tsonshü yatselo a-nyugun le silati.
32Tejvü hidan hile temi nme ge chwikela nmvue a-phouzü chwikela, 33tenunyu le shyekechwi jvü nmvue temi nme le tenunyu nshünmvu kebin gwenkho ka zen zhü kethyü genyu tejvü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.