JEREMIAH 47
47
Npugü le Filistia genyu jolo khikeshü
1Ijipt rajagü le Gaza when nrün mhundyü Npugü le Filistia nyu rüla pe aka zo. 2A-le zoshü:
“Nrishü! Züle tesozin soryü bin,
lo tsüle züri zükeda hontse tsunti.
Tsü le kazü lo tsügen kebin aphu sü lati,
tsü nyu nyida lo tsünyu yhunkebin dan.
Temi dan le kekeche hi soti;
kazü so kebin aphu chü ketsin thyüti.
3Anyugun le keru tson kechü,
terigari ketin,
lo a-pha kekeryü khwen nyüti.
Mepvünyu le rani gü anyugun nyudan nrimvu lati,
anyugun ben-e nnulo mvu lati.
4Filistia nyu nkela nrün gwünkho le ryüla,
Tur lo Sidon hvu nyu kekeche le kebin aphu khinla.
Ale Npugü, Filistianyu nke lati,
Kret seki keryü nyu aphu.
5Nyun kenjünkethyü keda le Gaza temi gen ryüla,
lo Ashkelon temi le ma tsela,
Filistian nsen kelo dan we dithen
nyun gwamvuo chü mon?
6Hagun le nrao, ‘Npugü zhethon gü!
Nle dithen laki dushvu bin mon?
N zhekü nyu yüo,
tsünyu bin-o ryüyülo! tse zolo.’
7Ai tsüle dihontse sunbin lomon,
ale a-tho pe tsükela sile?
Ale a-no Ashkelon lo züzhe ki yhun
kehü nyu when lotse johoshü laso.”
Currently Selected:
JEREMIAH 47: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
