JEREMIAH 43
43
Jeremiah zen-o Ijipt ki tsüla
1Ale Npugü anyugun Sunggigü le ano anyugun ka zolo tse a nikeshü pe temi dan ka zobula. 2Tsüselo Hoshaiah nyugü Azariah lo Kareah nyugü Johanan lo ketekho kehü kecha dan tse aka zo, “Nle nku binnyo. Npugü agun Sunggigü le agun no Ijipt ki gü yhun nyalo tse zolo tseo nnishü mvu. 3Neriah nyugü Baruk le nthu keyhun pe agun ntsun bin. Tson-o Babilon nyu no agun nye kvulo-o agun boshvula nmvue zen-o Babilon ki tsüla nrün genyu.” 4Tsügenyu Johanan nmvue rihü kedanyu nme-e lo temi nme nti-e Npugü jozen-o Juda kazü nyu bin kemvui. 5Tsüselo Johanan lo rihü keda dan aphu Juda nyu khe kela lo kazü kecha ki kezen tinlao rani ryükebin nyu aphu zen-o Ijipt ki tsüla: 6tsüdan le pechenyu tenunyu, lo ntsenyudan, lo raja nyugi dan. Anyugun le shüpahü kedagü Nebuzaradan le khepe Gedaliah no nucha lotse pe tenyen keshüdan, lo Baruk lo ale tse kesin-o zen lola. 7Anyugun le Npugü jo zenmvulao Ijipt nyu Tahpanhes nyida keti güla.
8Tsünyu Npugü le aka zo, 9“Tso keda peha khilo-o pe nyida hinyu Kithan kanyu keyü mhundyü ka tsonkela hensin sunlalo, tson-o Israel temi peha no nle kethyü tsü hyushülo. 10Tson-o anyugun ka zo-o, Kekvutsin Npugü, Israel Sunggigü, ahigü le agogü Babilon raja gü Nebuchadnezzar zenryüo bin hinyu shüti, lo a-le a-rajakhün pe nle tsope sun kenjü hidan gen dunti, lo raja phika sükhun pe tsüdan henti. 11Nebuchadnezzar le ryüo Ijipt so kvulo lati. Lo kethyükenyü ka si nrün nyu le kethyükenyü ka sila, ten zen-o dothyü tinla nrün nyu ten zen-o dothyü tin lati, lo teri nyu gala nrün nyu le teri nyu ga lati. 12Ale Ijipt nyu tero Kershvuka den gen mah hoshüti, lo Babilon raja le tsüdan tero rola nmvu yatselo pvü tin lati. Tanyü kekhwenyu le a-phinya gen tehi nri kenshün lao khilo kehü hontse, Babilon nyu raja le Ijipt kazü thyü nshün lao kvulo-o tinlati. 13A-le Ijipt nyu Heliopolis ka kenshün tso kesen dan tsü nke lati, tson-o Ijipt nyu tero kershvuka dan rolati.”
Currently Selected:
JEREMIAH 43: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
