HOSEA 6
6
Temidan Ketsin Nyu Nyunkelu Kemvu
1Temidan le zo, “N gun Npugü ki rani gü tile! A-le n gun jünla, ai a-le n gun thyü n gwashü tsentsüti; a-le tejün shvu thyüpe n gun npvüla, ai a-le n gun kethyüshvu phinshü ti, a-le tson mvu ti ole? 2Jonhvu-jonshen jaka a-le n gun thyü nrhün shüti, lo n gun le a-le kebin ka yhun loti. 3N gun Npugü shakelo ndo tile. A-le tsang le ben ketsin lo kenda tsangkenri le kazü chen ketsin thyüshü kehü hontse n gun ki ryütsentsü le.”
4Ai Npugü le zo, “Israel lo Juda, ale hai zen-o nyu thyü titse bin nla? Hai akeso le lonyü khüzü le ndi whüla kehü tsü hontsele; tsüle nshwen ka nyu ndila kehü khüzü hontsele. 5Tsühontse kethyü genyu ale ajolonyu no kenjün kethyü lo kenke jolo sen-o hai ki ryü lotse nishü. Ale hai ka lonyü kehü gü tsüle shünshvu lo tsentsü le: 6Ale hai no asozin hünyü, kethyü a-me, hai le nyukhu pe rüshvukehü gütsü mvu. Ale tha kero kerüshvue thyüpe aketsü nyeki atemi no ashakethyü le akenyü.
7“Ai anyugun le Adam tsekethyü kazü nyu yülo nyemhun ale anyugun zen-o kejozenkelo gü gwünrho la. 8Gilead tsüle temi gwakemvu lo medukeshvunyu nti sükebin nyida nme. 9Peshükedadan le kerühu logwa le me khwen-o nda kehünyu hontse. Anyugun le kenshünbin, Shechem ki kegütson kie me boshvu hü. Lo anyugun le ronchvu tseo gwakemvu hidan thyü hü! 10Ale Israel nyu kenrin kethyü nme hyu: tsüle a temidan le teromenkezü rüshvuo anyugun bo nrhula.
11“Lo Juda, ngenyu yatselo nle thyükebin gü genyu shaja pe ntsü titseo gwünkho tho laso.
Currently Selected:
HOSEA 6: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
