HOSEA 3
3
Hosea lo Tenunyu Petsükemvugi
1Npugü le aka zo, “Ni güo nkeso lope tenunyu nme a-kesonyu zen-o keyüla kehügi hishülo. Israel temi le ranio tero kechaki gü teromenkezü rüshvukela tensü khilonyü tin kela sikie ale anyugun sokebin hontse, nle a-so mvuloshvu.”
2Tsügenyu ale rakagi tseryüpvün lo barley kilogram 150 pe a-min thyü titse pe tsü. 3Ale a-ka a-no keyülachün ketyü tho thyümvu, nmvue keyüla mvuo gwünkho kethon akhwen mvulo shvu letse zoshü; tsü gwünkho ka ale a-khwenti. 4Hihontseo Israel le gwünkho kethon ki raja nmvue sharhi senmvu, kerüshvu thyümvu nmvue kenshün tso senmvu, teromenkezü nmvue thamen dan sen-o temvutho thyü mvutse gwünkho kethon binti. 5Ai gwüngwa Israel nyu le Npugü anyugun Sunggigü ki niryü, lo anyugun raja David tsipwen ki niryüti. Tson-o anyugun le Npugü nshvu lo a-jochü kegwa dan hyuloti.
Currently Selected:
HOSEA 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
