HOSEA 14
14
Hosea Le Israel Ka Kehi
1Israel temidan, Npugü hagun Sunggigü ki niryülo. Hagun kemu genyu hagun pha nsüo nto laso. 2Npugü ki niryüo kehi kethyü higü lope hagun tha hokeshü thyü pe a-tsülo, “Agun kemu aphu jüshülao agun kehi loshüta, tsonlo agun le joshwi shü kenjü hontse nshwen tile. 3Assiria le thame ka-e agun keni loho, lo teri kerudan-e agun nolo nrün ndi. Agun le agun teromen kezü dan ka anyugun le agun Sunggigü letse zoni mvu lati. O Npugü, shwikenjün pe segü kae gü nrün ndi kehünyu hishü lo.”
Npugü Le Keyhun Keshün Pe Israel Tsütitse Zo
4Npugü le zo,
“Ale atemidan zen-o aki niryüti.
Ale anyun aphu pe anyugun soti;
ale anyugun gen anyunta sin loho.
5Ale Israel nyu temi gen kazü kesin
nyu tsangkenri hontse ti.
Anyugun le nye hontse punti;
anyugun le anyugun me tsen nkoti,
Lebanon nyu senbin hontse.
6Anyugun le a-keshün sen-o rhün loti,
lo zegwape oliv bin hontse ti.
Anyugun le a-rüngwa pe Lebanon nyu
Sedar hontse ti.
7Gwengwa anyugun le ale anyugun kentsen hensin yhunti.
Anyugun le chwi hontse yhun loti
lo vainlow hontse nsha sati.
Anyugun le kedasha yhun
lo vain hontse nshati.
Anyugun le Lebanon ki vainzu hontse a-zen chwiti.
8Israel temi le teromen kezü sen-o thame
kethyüi binsin mvu lati;
Ale anyugun kehi nyüshüo anyugun ntsen loti.
Rügula hükemvu senbin hontseo ale anyugun sun loti;
Ale anyugun jochü aphu khishü kehü gü.”
Jokenkhin
9Kensü nyu no hinyu nyu thu njüyo shakekho lo, anyugun no tsü pe anyugun nyun nyu shülo nda. Npugü tsondan le njü, lo kemitsin nyu le tsükethen genyu rhün loti, ai kemu nyu le ntolahü, anyugun le tsü shanyümvu kela genyu.
Currently Selected:
HOSEA 14: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
