GALATIANYU 6
6
Khinyu Khinyu Kekhvüno Kelo
1Hire, apvünyu ju, temi lihigüe mula sele tse kethyü shalo yatselo, hagun Kapu temi ju, hagun le hagun jvü gwasa tseo temi tsühontse kethyünyu thyü njü nilo nye, lo nko kesemen tsühontse kethyü nyu yüla mvulo nrün genyu n npvü ntson shwilo. 2Lo hagun kekhvüno lo-o Khrista jvü gü thyü penlo. 3Lo temi lihigüe a-le thakon mvue a-npvü a-le tha nme thyülo kegwa rüchün hü yatselo tsünyu le a-npvü a-thyü nshvu kehü gwünzin. 4Ai temi lihigüe a-npvü a-rüla sha petsü binlo, tsonlo yatselo a-le a-kazonnyu genyu a-npvü a-denzin teshwen pvü loti. 5Kechamvule temi lihigüe a-npvü a-khvügü tsü pvükü nrün genyu.
6Ai temi lihigüe ketsin jo hilo pe a-senthyülo kehünyu aphu thakegwa aphu pe a-senthyü kehü gü zen kenjün lo nye.
7Meno nsa lanya, Sunggigü we pe keyü thyü keloi kemvu genyu, temi lihigüe a-le gwün keshü gü tsü gvüni nrün genyu. 8Tson-o temi lihigüe a-npvü a-thyü a-min genyu ntsi gwünshülo, a-thyü a-min genyu kenke tsü gvüni ti, ai temi lihigüe Kapugü genyu ntsi gwüshülo Kapugü genyu kethonthen kerhün gvünilo ti. 9Lo thakegwa kethyü kipon ntsonrüzila nya. Kechamvule thathyü hola mvu yatselo, a-gwünkho ka nle gvülo nrün genyu. 10Tsügenyu likahika metse nle thyülo kegwa ka temi aphu genyu metse, lo tson-o ketenyennyu kaminyu genyu nchon-o tha kegwa gü tsü thyülo nu.
Jokekhin Lo Kehi
11Hire, ale lesü jvü kedada tseo anpvü arüla thu pe hagun ka shü le nye. 12Temi lihigüe nthyü nmin kendo nyu a-npvü a-thyü ngon nyü kehünyu le hagun no hagun girü pvülo lotse tenge kehü gwünzin; temi tsüdan le Khrista krus genyu tetsin pvülo nrün kerüchün genyu. 13Tsüntimvule a-girü kepvünyu le anyugun npvüe tejvü gü zen hümvu; ai temi tsüdan le nthyü nmin denzin genyu teshwen pvükelo rüchün-o hagun no hagun girülo nyü kehü gwünzin. 14Ai Npugü Jisu Khrista krus genyu a-me ale teshwen pvü loho. Agenyu a mhundyü ka we kazü nyu teshwen lo kazü kenyü aphu pe krus ge hü laso. 15Kechamvule n girü pvü metse lo nmvu metse, tsügenyu we tha lihi mvu,ai thyükenshün kelo tsüle abin gü kethyü genyu. 16Lo temi lihigüe jo hizen kelonyu aphu, lo Sunggigü temi Israelnyu no kegwa gü thyülo, lo shwikenjün güe pvükelo gü thyülo!
17Nthu gerhonyu temi nme-e no aketekhi nya gwünlo. Kechamvule ale a npvü a min ge-e Jisu genyu tejün shvu kechon pvü kehü genyu.
18Hire, apvünyu ju, Npugü Jisu Khrista shwikenjün no hagun Kapu zen bin kelo gü thyülo nye, Amen.
Currently Selected:
GALATIANYU 6: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
GALATIANYU 6
6
Khinyu Khinyu Kekhvüno Kelo
1Hire, apvünyu ju, temi lihigüe mula sele tse kethyü shalo yatselo, hagun Kapu temi ju, hagun le hagun jvü gwasa tseo temi tsühontse kethyünyu thyü njü nilo nye, lo nko kesemen tsühontse kethyü nyu yüla mvulo nrün genyu n npvü ntson shwilo. 2Lo hagun kekhvüno lo-o Khrista jvü gü thyü penlo. 3Lo temi lihigüe a-le thakon mvue a-npvü a-le tha nme thyülo kegwa rüchün hü yatselo tsünyu le a-npvü a-thyü nshvu kehü gwünzin. 4Ai temi lihigüe a-npvü a-rüla sha petsü binlo, tsonlo yatselo a-le a-kazonnyu genyu a-npvü a-denzin teshwen pvü loti. 5Kechamvule temi lihigüe a-npvü a-khvügü tsü pvükü nrün genyu.
6Ai temi lihigüe ketsin jo hilo pe a-senthyülo kehünyu aphu thakegwa aphu pe a-senthyü kehü gü zen kenjün lo nye.
7Meno nsa lanya, Sunggigü we pe keyü thyü keloi kemvu genyu, temi lihigüe a-le gwün keshü gü tsü gvüni nrün genyu. 8Tson-o temi lihigüe a-npvü a-thyü a-min genyu ntsi gwünshülo, a-thyü a-min genyu kenke tsü gvüni ti, ai temi lihigüe Kapugü genyu ntsi gwüshülo Kapugü genyu kethonthen kerhün gvünilo ti. 9Lo thakegwa kethyü kipon ntsonrüzila nya. Kechamvule thathyü hola mvu yatselo, a-gwünkho ka nle gvülo nrün genyu. 10Tsügenyu likahika metse nle thyülo kegwa ka temi aphu genyu metse, lo tson-o ketenyennyu kaminyu genyu nchon-o tha kegwa gü tsü thyülo nu.
Jokekhin Lo Kehi
11Hire, ale lesü jvü kedada tseo anpvü arüla thu pe hagun ka shü le nye. 12Temi lihigüe nthyü nmin kendo nyu a-npvü a-thyü ngon nyü kehünyu le hagun no hagun girü pvülo lotse tenge kehü gwünzin; temi tsüdan le Khrista krus genyu tetsin pvülo nrün kerüchün genyu. 13Tsüntimvule a-girü kepvünyu le anyugun npvüe tejvü gü zen hümvu; ai temi tsüdan le nthyü nmin denzin genyu teshwen pvükelo rüchün-o hagun no hagun girülo nyü kehü gwünzin. 14Ai Npugü Jisu Khrista krus genyu a-me ale teshwen pvü loho. Agenyu a mhundyü ka we kazü nyu teshwen lo kazü kenyü aphu pe krus ge hü laso. 15Kechamvule n girü pvü metse lo nmvu metse, tsügenyu we tha lihi mvu,ai thyükenshün kelo tsüle abin gü kethyü genyu. 16Lo temi lihigüe jo hizen kelonyu aphu, lo Sunggigü temi Israelnyu no kegwa gü thyülo, lo shwikenjün güe pvükelo gü thyülo!
17Nthu gerhonyu temi nme-e no aketekhi nya gwünlo. Kechamvule ale a npvü a min ge-e Jisu genyu tejün shvu kechon pvü kehü genyu.
18Hire, apvünyu ju, Npugü Jisu Khrista shwikenjün no hagun Kapu zen bin kelo gü thyülo nye, Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.