EFESANYU 1
1
Kelukeshü
1Sunggigü kendo genyu Jisu Khrista apostel kethyü nyu nme, Paul le thu pe Efesa nyu kebin kenshün nyu ju, lo Jisu genyu ketsin thyü kehü ju ka keshü.
2Npvü Sunggigü lo Npu Jisu Khrista no hagun shwi njün keshü gü thyülo, lo hagun kegwa gü thyülo.
Khrista Nyu Kapu Jochü
3Khrista genyu tsangge Kapu jochü aphu khipe nketsügü n Npugü Jisu Khrista A-pvü Sunggigü no teshwen pvü kelogü thyülo chi. 4A-le nno nnyun kebwen sen-o a-kehyu ka-e mu mvulo nrün genyu kazü higü thyükelo mhundyü Khrista genyu nkejülo.
5A-npvü a-kenyü yhüdyü kegwa gü thyüo Jisu Khrista genyu ngun leyi pe nno a-nyuketsin nyu hontse thyü ti tseo nchwen nyu ndo to sen hü. 6Kechamvule A-nyu a-kesogü genyu kenrunyu khipe ntsü keshü a-le nshwikenjün zankechwi thyükeshü güshwenlo lotse kethyü genyu le. 7A-keso gü genyu lo a-le nshwinjün ri kehü genyu le a-zipe ngun rhinhilo njüo ngun kezükemu jükelo hyulo. 8Shwikenjün tsüdan tsüle a-le thakesha kerüchün aphu nyu ngun kesükela thyü shü. 9Tson-o a-le a-kerüchün kentsun tsü Khrista genyu tsü titse hü kethyü a-kenyü a-yhüdyü ju tsin pe ngun hishü. 10Tsüle kechamvule jon gü tikelo nyü thyü titseo rhi sen kehü ju tsangge kehü dan, kazü hinyu kehü dan-e Khrista genyu rhükesü kü pe nme thyüla titse kethyü genyu le.
11A-npvü a-kendo nyu rhinlo-o tha aphu thyü pe a-kendo thyüshü kehü gü, a-kendo hontse nchwenyu thyü tolo-o nle Khrista genyu kanyü kenya kegwa-e gwenlo, 12Kechamvule Khrista gü le ryü titseo a-le nduka khwen kehü gü no a-le zankechwi shwenlo nrün genyu.
13A-genyu hagun-e ketsin jo kenikelo jo shalo; a-genyu tenyen-e kelo genyu hagun le zokenjü Kenshün Kapu no hagun ge mohor vü laso. 14Tsügü tsü le gingvü kehü Sunggigü shwenlo nrün genyu a-hon thyükela ju rhinlo nrün genyu nne hyulo nrün hakhin kela nme laso.
Paul Kehi
15Tsügenyu hagun le Npugü Jisu tenyen kehü lo kenshün nyu aphu shwipe hagun kenyü kehü shao, 16ako akehi ka-e hagun rüla pe Sunggigü ka zomvu tse bin hümvu. 17Npugü Jisu Khrista A-pvü zankechwi kethyü gü no a-npvü a-thakesha nyu tha kerüchün lo kesha kapu khipe hagun ketsü gü thyülo. 18A-no hagun nyun yhütyü thyü nben shüo hagun no a-le nyu genyu hagun ko hüyo tsekethyü tsüle kenshün nyu dan nyu gwa pe zankechwi kethyü kenya ju. 19Lo a-npvü a-kekvu no thyülo kehü nle a-ketenyen kipon kekvu tsügü tsü le gon pe ditsülaki thyüyo tsekethyü sha kelo gü thyülo chi. 20Kekvu tsügü tsü sen-o a-le nduka kesinyu dannyu Khrista thyü nrhünlo-o a-khipe tsangge a-njüzin binla. 21Tson-o a-thyü pe keda kethyü lo meso kegon lo meso kekvu kebin lo me kekhe kethyü aphu ka, lo ntso ntsenyü keyhun nyu nti mvule, lugüki yhun nrün nyue sin, zan tsonkethyü le kebin aphu so keda thyüla. 22Tson-o Sunggigü le tha aphu khipe a-pha hensin shüla-o a-no kehun pe gü thyüo tha aphu so binla. 23Kehun tsügü le a-min thyü, tson-o tha aphu ka sü kehü gü Khrista le a-npvü kehun süpvü bin laso.
Currently Selected:
EFESANYU 1: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
EFESANYU 1
1
Kelukeshü
1Sunggigü kendo genyu Jisu Khrista apostel kethyü nyu nme, Paul le thu pe Efesa nyu kebin kenshün nyu ju, lo Jisu genyu ketsin thyü kehü ju ka keshü.
2Npvü Sunggigü lo Npu Jisu Khrista no hagun shwi njün keshü gü thyülo, lo hagun kegwa gü thyülo.
Khrista Nyu Kapu Jochü
3Khrista genyu tsangge Kapu jochü aphu khipe nketsügü n Npugü Jisu Khrista A-pvü Sunggigü no teshwen pvü kelogü thyülo chi. 4A-le nno nnyun kebwen sen-o a-kehyu ka-e mu mvulo nrün genyu kazü higü thyükelo mhundyü Khrista genyu nkejülo.
5A-npvü a-kenyü yhüdyü kegwa gü thyüo Jisu Khrista genyu ngun leyi pe nno a-nyuketsin nyu hontse thyü ti tseo nchwen nyu ndo to sen hü. 6Kechamvule A-nyu a-kesogü genyu kenrunyu khipe ntsü keshü a-le nshwikenjün zankechwi thyükeshü güshwenlo lotse kethyü genyu le. 7A-keso gü genyu lo a-le nshwinjün ri kehü genyu le a-zipe ngun rhinhilo njüo ngun kezükemu jükelo hyulo. 8Shwikenjün tsüdan tsüle a-le thakesha kerüchün aphu nyu ngun kesükela thyü shü. 9Tson-o a-le a-kerüchün kentsun tsü Khrista genyu tsü titse hü kethyü a-kenyü a-yhüdyü ju tsin pe ngun hishü. 10Tsüle kechamvule jon gü tikelo nyü thyü titseo rhi sen kehü ju tsangge kehü dan, kazü hinyu kehü dan-e Khrista genyu rhükesü kü pe nme thyüla titse kethyü genyu le.
11A-npvü a-kendo nyu rhinlo-o tha aphu thyü pe a-kendo thyüshü kehü gü, a-kendo hontse nchwenyu thyü tolo-o nle Khrista genyu kanyü kenya kegwa-e gwenlo, 12Kechamvule Khrista gü le ryü titseo a-le nduka khwen kehü gü no a-le zankechwi shwenlo nrün genyu.
13A-genyu hagun-e ketsin jo kenikelo jo shalo; a-genyu tenyen-e kelo genyu hagun le zokenjü Kenshün Kapu no hagun ge mohor vü laso. 14Tsügü tsü le gingvü kehü Sunggigü shwenlo nrün genyu a-hon thyükela ju rhinlo nrün genyu nne hyulo nrün hakhin kela nme laso.
Paul Kehi
15Tsügenyu hagun le Npugü Jisu tenyen kehü lo kenshün nyu aphu shwipe hagun kenyü kehü shao, 16ako akehi ka-e hagun rüla pe Sunggigü ka zomvu tse bin hümvu. 17Npugü Jisu Khrista A-pvü zankechwi kethyü gü no a-npvü a-thakesha nyu tha kerüchün lo kesha kapu khipe hagun ketsü gü thyülo. 18A-no hagun nyun yhütyü thyü nben shüo hagun no a-le nyu genyu hagun ko hüyo tsekethyü tsüle kenshün nyu dan nyu gwa pe zankechwi kethyü kenya ju. 19Lo a-npvü a-kekvu no thyülo kehü nle a-ketenyen kipon kekvu tsügü tsü le gon pe ditsülaki thyüyo tsekethyü sha kelo gü thyülo chi. 20Kekvu tsügü tsü sen-o a-le nduka kesinyu dannyu Khrista thyü nrhünlo-o a-khipe tsangge a-njüzin binla. 21Tson-o a-thyü pe keda kethyü lo meso kegon lo meso kekvu kebin lo me kekhe kethyü aphu ka, lo ntso ntsenyü keyhun nyu nti mvule, lugüki yhun nrün nyue sin, zan tsonkethyü le kebin aphu so keda thyüla. 22Tson-o Sunggigü le tha aphu khipe a-pha hensin shüla-o a-no kehun pe gü thyüo tha aphu so binla. 23Kehun tsügü le a-min thyü, tson-o tha aphu ka sü kehü gü Khrista le a-npvü kehun süpvü bin laso.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.