EZEKIEL 25
25
Sidyüjo pe Ammon Ntsunkeshü
1Npugü le a nthon. 2“Silakehü temi gü, Ammon nyunkhin shülo. 3Ale Kekvutsin Npugü, ale zokebin hi lope anyugun ka zolo: Hagun le a Kershvuka bo nrhu kela, Israel kazü nkekela lo Juda temi le me kazü ki tinkela nri nyü hü. 4Hagun le hagun kenyü kela genyu npho kipon kazü kesi ki tsipwen dan no hagun sokvulo lati. Tsü dan le hagun kazü nyu kensenbin thyüo tsü nyu bin ti. Anyugun le hagun hon thyü nrün terasha tyü lo nyüzü tsü ti. 5Ale Rabbah nyida lope Ut kenkin bin thyü, lo Ammon kazü apentha lope tanyü kenkin bin thyüla, tson-o hagun no ale Npugü letse sha loti.
6“Aphu sokekvu Npugü le zobin nyo: Hagun le sherhün-o ben kekhü lo nchwü. Hagun le Israel kazü ntsü la. 7Hagun le tson kethyü genyu ale hagun lope hagun so kekvu senye dan, hagun hon seü nmvue nkela nrün nyu tsü lati. Ale hagun nke shü lao hagun no senye nme thyüsin mvu nmvue hagun npvü hagun kazü ndi lati. Tsüsiki hagun le ale Aphu sokekvu Npugü le tse sha loti.”
Sidyüjo Pe Moab Ntsunkeshü
8Aphu sokekvu Npugü le zo, “Moab le Juda hile senye kecha aphu zen-o kenme letse kezo genyu, 9ale Moab tehun-o no kebin nyida dan, lo nyida kezegwatsin dan Beth Jeshimoth, Baal Meon, lo Kiriathaim hidan sin-o me no when ti. 10Ale npho kazü kesi kipon tsipwen dan no Moab lo Ammon lolo lati, Moab no senye letse kosin mvula nrün genyu. 11Ale shaja pe Moab tsü ti, tson-o anyugun no ale Npugü le tse sha loti.”
Sidyüjo Pe Edom Kentsun
12Aphu sokekvu Npugü ale zo, “Edom temi le Juda ge anyugun khün losa laso, lo khün kelo tsü gü le Edom ge kethonthen thyü zükela nme senryü la. 13Tsügenyu ale shaja pe Ammon tsüo tsü nyu temi lo nyukhu aphu boshvula ti. Ale tsü pe kenke nme thyü lati, Teman nyida ka gü Dedan nyida keti, terinyu temi aphu ga lati. 14A temi Israel le Edom ge akhün loti, lo anyugun le Edom thyü pe anyunkenthün shati. Edom le ale khünkelo tsü le nyu yo tsekethyü sha loti.” Aphu sokekvu Npugü le zo laso.
Sidyüjo Pe Filistian Kentsun
15Aphu sokekvu Npugü le zo, “Filistian nyu le kethon ki anyugun rinyu thyü hü kela gü ge khün losa, lo tsü dan nrhio nkela. 16Tsügenyu ale Filistian when-o anyugun shola titse zobin nyo. Ale Filistian temi a-sen kazü ketejon nyu yhun kebin aphu nke lati. 17Ale shaja pe anyugun tsü sati lo anyugun ge khün aphu loti. Anyugun le anyunkenta shati. Tsüsiki anyugun le ale Npugü letse shati.”
Currently Selected:
EZEKIEL 25: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
