EZEKIEL 19
19
Nyugwakemvu Lü
1Sunggigü le ano Israel raja nyu mihvu genyu nyungwakemvu lü thyü shülo tse aka zo:
2Njvü le shünyho gi dihontse kethyü la!
A-le shünyho peche rigwakemvu dan nyu
a-nyu leyi.
3A-le a-nyu leyi lo thyü kehü jvü lope
senthyü;
a-le temi tenketyü nyu thyü la.
4Senye dan le a-rüla nyülo
tson-o chwe nyu a-min lola.
Anyugun le hükhuvü lope a-hüshwi pe
Ijipt ki shüla.
5A-le khwen gun gü a-sidyü aphu ndila.
Tsüselo a-le a-nyu kecha nme leyi ni,
lo tsü gü le shünyho rigwakemvu nme
thyüla.
6A-le kemin kho minkelo ka
a-le shünyho kecha zen-o ho.
A-ko thyü kehü jvü shalo lo temi tenketyü
nyu thyü la.
7A-le chwida kenko dan boren, rünyi dan nke.
A-le nho keshü tsen kazü tsünyu temi aphu
kerü shvula.
8Senye dan le kequen-o a-zen kega titse;
temi le lizin hizin ryü.
Anyugun thyü kehü joh lo anyugun chwa
nyu a-min la.
9Anyugun le a-khin khinla
lo a-zen-o Babilon raja gü ki güla.
Anyugun le a-khwenlo lao a-kenra no
me no nyüni mvula.
Israel rincho dan ki tsü.
10Njvü le vain ro pe rinyu nme khoka sen
kenjü hontse.
Tsünyu zü le kechon kebin genyu
vain tsü le a-nyü lo a-sha le
kesü thyü.
11A-ro dan le nko,
lo min-o rajathün thyü.
Vain gü tsü le min kü gü nmhae tilo
kegwa thyü;
temi aphu tse tsü le a-nyü chon lo thon
pe dihontse yo hyu.
12Ai nyunkenta ben le tsü men phü la
lo tsüshwen pe kazü nyu shüla.
Npho tsangkenbu le a-sha whün
nsin la.
A-ro dan bose la;
tsü dan le silao pe rola.
13Lo tsü lope kazü kesi nyu sen ni,
kesin lo zü kendi kazü nyu.
14Vain bin gü tsü mah le ro lola;
mah le a-ro dan lo a-sha-e rola.
A-ro dan le thame nko loho,
lo rajanyu thün thyü loho.
Hile nyungwakemvu lü, tsü thyü
nini hü.
Currently Selected:
EZEKIEL 19: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
