EFESANYU 5
5
Kebengü Nyu Yhunlo
1Tsügenyu hagun le a-nyenyu a-kesonyu hontse Sunggigü hontse titseo hagun yhen thyü lo. 2Khrista le n gun so-o n gun genyu a-npvü a-phu hope Sunggigü mhundyü nyu tharün kenyü rokeshü hontse nrora thyü laso, tsühontse hagun ko keso no hagun jvü thyü hülo nye.
3Ai keyüla, nshünkemvu aphu, lo tha ketepen, hidan zan hi hagun dan nyu zo-e zü mvu; kenshün nyu dan nyu le tson zü. 4Kejokemvu nmvue nsükemvu jo, zozü mvu; tsonkethyü gü mvule Sunggigü kipon kerüno sa tse hü zü. 5Lo keyüla kehünyu, nshün kemvu nyu, thamen kezü rüshvu kehünyu, tha tepen kehünyu, le Khrista keda kethyü nyu lo Sunggigü kipon a-jün ndi le tsekethyü hagun le higü hi sha tsentsülo chi.
6Temi nme no jo kenrun jo tsü zope hagun sala nya. Kechamvule ngüka zokeshü dan thyü kehü genyu Sunggigü nyunkekhü le mezo zen hükemvu nyenyu ge gun kehü genyu. 7Tsügenyu hagun le tsüdan zen-o thame thyü nya. 8Hagun le nduka we zün laryü, ntsoka we Npugü genyu benlo kela hontse; keben gü nyenyu hontse yhunlo. 9Kechamvule njvü kegwa, kentsen, lo joketsin kezo aphu nyu keben gü sha le bin kü kethyü genyu. 10Tsügenyu tha lihi ka-e Npugü kenyü gü tsü rüchünlo. 11Kezün gü tha a-sha gwalo hükemvu dan zen kepvüshen nya,tsonkethyü gü mvule tsüdan khishwi shü. 12Kezün ki thyü kehü thodan tsüle zoe zokeja kethyü genyu. 13Ai keben gü no yüryüo gwün nben shülo tha aphu hyu tsentsü tse chwiryü la hünyo. Tha lihi aphu hyu tsentsü tse chwiryüla kehü tsüle keben gü le ben shü kehü genyu gwünzin. 14Tsügenyu a-le,
“Zhü kehü gü,
kesinyu soryülo,
lo Khrista le ngwün nben loti,” tsonshü.
15Tsügenyu hagun le nyu tsethyü hü yole, hagun npvü rüchün ryülo chi, thashakemvu nyu hontse mvule thakeshanyu hontse lo. 16Nje ntsenyü hile serikemvu genyu a-gwünkho kegwa ka nyhen thyülo. 17Hagun pin bin nya, ai Npugü kendo le nyu yo shalo chi.
18Lo zu tsüo nzeü nya, zu le nbo nshvula kehü genyu; tsonkethyü gü mvule Kapu gü no hagun kesü thyülo. 19Ketsin khwen, ketsin lü lo kenshün lü dan thyüo khinyunyu nthonlo, lo hagun nyun ketsin thyüo, lüthyü lo baja khun pe Npugü shwenlo. 20Tha lihika-e Npugü Jisu Khrista zan nyu Sunggigü shwen zinlo.
Peche Tenu Khinyu Ge Thyülo Mvulo Keshvu
21Lo Khrista rühvuo hagun khinyunyu hensin bin nyülo.
22Menunyu hagun Npugü nyu kehü hontse hagun npvü hagun nyepvünyu hensin hülo. 23Kechamvule Khrista le Kehun gü pe kethyü hontse me nyepvünyu ko a-nu pe genyu. Khrista we a-min gü tsüle kehun gü, kenikelo gü. 24Kehun le Khrista jo zen kehü hontse, tsühontse me nunyu ko tha lihi ka-e a-npvü a-nyepvünyu jo zen hülo.
25Me nyepvünyu ju, hagun ko Khrista le kehun so lo tsügenyu a-phu hokeshü hontse hagun nunyu solo chi. 26Kechamvule a-jo nyu zü pe sü kenshün thyüla-o kehun no nshünlo nrün genyu. 27Tson-o tsü no nshün lo zegwalo nrün genyu, kerhu nmvue tesentemvu kethyü nmeno a-ge bin mvu-o a-npvü lolo kenyü genyu. 28Tsühontse me nyepvünyu le a-nunyu so pe a-npvü a-keso hontse lo hüzü. Temi lihigüe a-nunyu so kehü nyu le a-npvü a-so hünyo. 29Temi següe a-npvü a-thyü min shwi ntsü hümvu, tsonkethyü gü mvule Khrista le kehun gin thyü lo shwi so kehü hontse a-ko tsonhü zü. 30Kechamvule nne Khrista ge zan tho kecha kethyü nmeme genyu. 31higenyu temi le a-pvü a-jvünyu khelao a-nunyu zen yhun tin lati, tson-o au kengü nme thyü tin lati. 32Jo higü hile ntsun sa, ale Khrista lo kehun au rüla kezo le. 33Hagun lihigüe hagun nunyu so pe hagun npvü hagun keso hontselo; lo me nunyu ko a-npvü a-nyepvünyu rühvulo.
Currently Selected:
EFESANYU 5: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
EFESANYU 5
5
Kebengü Nyu Yhunlo
1Tsügenyu hagun le a-nyenyu a-kesonyu hontse Sunggigü hontse titseo hagun yhen thyü lo. 2Khrista le n gun so-o n gun genyu a-npvü a-phu hope Sunggigü mhundyü nyu tharün kenyü rokeshü hontse nrora thyü laso, tsühontse hagun ko keso no hagun jvü thyü hülo nye.
3Ai keyüla, nshünkemvu aphu, lo tha ketepen, hidan zan hi hagun dan nyu zo-e zü mvu; kenshün nyu dan nyu le tson zü. 4Kejokemvu nmvue nsükemvu jo, zozü mvu; tsonkethyü gü mvule Sunggigü kipon kerüno sa tse hü zü. 5Lo keyüla kehünyu, nshün kemvu nyu, thamen kezü rüshvu kehünyu, tha tepen kehünyu, le Khrista keda kethyü nyu lo Sunggigü kipon a-jün ndi le tsekethyü hagun le higü hi sha tsentsülo chi.
6Temi nme no jo kenrun jo tsü zope hagun sala nya. Kechamvule ngüka zokeshü dan thyü kehü genyu Sunggigü nyunkekhü le mezo zen hükemvu nyenyu ge gun kehü genyu. 7Tsügenyu hagun le tsüdan zen-o thame thyü nya. 8Hagun le nduka we zün laryü, ntsoka we Npugü genyu benlo kela hontse; keben gü nyenyu hontse yhunlo. 9Kechamvule njvü kegwa, kentsen, lo joketsin kezo aphu nyu keben gü sha le bin kü kethyü genyu. 10Tsügenyu tha lihi ka-e Npugü kenyü gü tsü rüchünlo. 11Kezün gü tha a-sha gwalo hükemvu dan zen kepvüshen nya,tsonkethyü gü mvule tsüdan khishwi shü. 12Kezün ki thyü kehü thodan tsüle zoe zokeja kethyü genyu. 13Ai keben gü no yüryüo gwün nben shülo tha aphu hyu tsentsü tse chwiryü la hünyo. Tha lihi aphu hyu tsentsü tse chwiryüla kehü tsüle keben gü le ben shü kehü genyu gwünzin. 14Tsügenyu a-le,
“Zhü kehü gü,
kesinyu soryülo,
lo Khrista le ngwün nben loti,” tsonshü.
15Tsügenyu hagun le nyu tsethyü hü yole, hagun npvü rüchün ryülo chi, thashakemvu nyu hontse mvule thakeshanyu hontse lo. 16Nje ntsenyü hile serikemvu genyu a-gwünkho kegwa ka nyhen thyülo. 17Hagun pin bin nya, ai Npugü kendo le nyu yo shalo chi.
18Lo zu tsüo nzeü nya, zu le nbo nshvula kehü genyu; tsonkethyü gü mvule Kapu gü no hagun kesü thyülo. 19Ketsin khwen, ketsin lü lo kenshün lü dan thyüo khinyunyu nthonlo, lo hagun nyun ketsin thyüo, lüthyü lo baja khun pe Npugü shwenlo. 20Tha lihika-e Npugü Jisu Khrista zan nyu Sunggigü shwen zinlo.
Peche Tenu Khinyu Ge Thyülo Mvulo Keshvu
21Lo Khrista rühvuo hagun khinyunyu hensin bin nyülo.
22Menunyu hagun Npugü nyu kehü hontse hagun npvü hagun nyepvünyu hensin hülo. 23Kechamvule Khrista le Kehun gü pe kethyü hontse me nyepvünyu ko a-nu pe genyu. Khrista we a-min gü tsüle kehun gü, kenikelo gü. 24Kehun le Khrista jo zen kehü hontse, tsühontse me nunyu ko tha lihi ka-e a-npvü a-nyepvünyu jo zen hülo.
25Me nyepvünyu ju, hagun ko Khrista le kehun so lo tsügenyu a-phu hokeshü hontse hagun nunyu solo chi. 26Kechamvule a-jo nyu zü pe sü kenshün thyüla-o kehun no nshünlo nrün genyu. 27Tson-o tsü no nshün lo zegwalo nrün genyu, kerhu nmvue tesentemvu kethyü nmeno a-ge bin mvu-o a-npvü lolo kenyü genyu. 28Tsühontse me nyepvünyu le a-nunyu so pe a-npvü a-keso hontse lo hüzü. Temi lihigüe a-nunyu so kehü nyu le a-npvü a-so hünyo. 29Temi següe a-npvü a-thyü min shwi ntsü hümvu, tsonkethyü gü mvule Khrista le kehun gin thyü lo shwi so kehü hontse a-ko tsonhü zü. 30Kechamvule nne Khrista ge zan tho kecha kethyü nmeme genyu. 31higenyu temi le a-pvü a-jvünyu khelao a-nunyu zen yhun tin lati, tson-o au kengü nme thyü tin lati. 32Jo higü hile ntsun sa, ale Khrista lo kehun au rüla kezo le. 33Hagun lihigüe hagun nunyu so pe hagun npvü hagun keso hontselo; lo me nunyu ko a-npvü a-nyepvünyu rühvulo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.