EFESANYU 4
4
Min Nme Ge Kengü Nme Kethyü
1Tsügenyu ale Npugü genyu dothyü kehügü, hagun no hagun kozen yükeryü hagun keko tsügü nyu yhun kekü thyü binlo tseo hagun ka hi hünyo. 2Hagun npvü hagun rüchün keshen thyülo, ketekho nya, hagun nyunthon lo nnyun kekheni sen-o khinyu khinyu solo. 3Kapugü nyu kengü nme thyü kelo gü zenzin hülo titse kethyü hagun yhenthyülo. 4Min nme, lo Kapue nme, tsühontse hagun keko-e sidyü nme genyu hagun ko kelo le. 5Npu nme, ketenyen nme, baptism nme, 6lo ngun aphu sokebin, lo aphu zen kehü, lo ngun aphu ge kehü ngun aphu Pvügü, tsügü tsüle Sunggigü.
7Ai Khrista le ndo keshü kho, shwikenjün ndo pe ngun aphu tsü laso. 8Tsügenyu,
“A-le tesoki kü kethyü ka,
donyu kechon pe a-sin zen küla;
lo kenrun nyu tha pe temi dan tsü laso,” tsonkethyü zo njü. 9A-le küla tsekethyü jo gü tsüle a-kon le a-le kazü ketsenyo nyu ki yüle tse zo ole? 10A-le aphu ka hülo nrün genyu tsükeryü tsüle tsang aphu so-e kensin gü so. 11Lo a-le khinyu no apostel thyülo tse, khinyu no sidyükesha thyülo tse, khinyu no prosar thyülo tse, khinyu no pastor lo khinyu no senkethyü thyülo tse zoshü. 12Tsüle kenshün nyu ju no gwün ndolo nrün genyu lo KHrista min gü thyü nsolo nrün genyu. 13Tson bin-o ngun aphu ketenyen nyu lo Sunggigü Nyugü rüla kipon kengü nme thyü peshülo-o Khrista yhun kho thyülo nrün genyu. 14Tsüselo tson-o temi do sen-o nthyü nshvu kehü zü kenkhün no nwhün pe likipon hikipon shü nrün senkethyü jo no nkevü kehü ntsenyu hontse loho so. 15Ai keso sen-o jo ketsin zolo, lo tha aphu nyu min kü gü nkehun pe gü Khrista kipon shülo. 16Tson-o a-ge yhun kebin aphu kerhünron no tsüge senküo keren gungü min tsügü thyü kelo genyu kengüo min nme ge zan thokecha kethyü nyu aphu a-kekvu hyu külo njüo yhulo hünyo, tson-o keso genyu chon ketsin soryü hünyo.
Keyhun Whengü Lo Keshüngü
17Npugü nyu ale kezo lo zoshwi keshüle higü hi: Juda kemvunyu le a-kenrun rüchün kehü hontse hagun we tson-o yhunlo shvu. 18Kechamvule anyugun le thasha pe zünla kethyü genyu; lo anyugun nyun kerü genyu shalo mvula-o anyugun le Sunggigü le khi keshü kerhün tsügü nyu anyugun khikho laso. 19Anyugun le kekejo nme shamvu tseo nshün kemvu aphu thyü nyü, keyhun kehio a-npvü a-hope serikemvunyu shü laso.
20Ai hagunle Khrista sha kelo we tsühontse mvu. 21Khrista ge kebin ketsin gü pe hagun senthyü lo hagun le tsü nyülo laso. 22Tsügü tsüle nduka hagun jvü gü, temi whengü, a-npvü a-bokechala kenyü genyu gwamvu ketsin tsin tse kethyü gü tsü rhola. 23Lo Kapu gü nyu hagun nyun no keshün thyünilo. 24Tson-o keyhun keshün gü no hagun thyü pe kentsen kenshün nyu Sunggigü hontse kethyü gü khi benlo chi.
Keyhun Keshüngü Genyu Tejvü
25Tsügenyu hagun lihigüe kenku tsü khela njüo hagun kazon nyu zen-o jo ketsin zo külo chi. Kechamvule ngun le min nme ge zan ketho kechacha genyu. 26Hagun nyun nta-e kezü kemu we thyüla nya. Hagun nyun nta pe tsan yhüko no chela nya. 27Satan bin pha shü nya. 28Nduka rühu kehünyu no rühu ni nya; tsonkethyü gü mvule a-no tha pe rhokedyü nyu tsüzhün lo nrün genyu a-no a-yhen thyüo a-ben lope thakegwa thyülo. 29Kentsü kenchen jo nmeno nmün nyu chwiryü nya, ai hagun jo kenyü nyu no gwalo nrün genyu zokezü ka jo kegwa nti zolo. 30Sunggigü Kapu Kenshün gü kemvu thyü nya; hagun rhinlo nrün jon gü genyu a-le hagun ge mohor vülo laso. 31Hagun me nyun gwünkekhün kethyü jo, shochün shokhü, nyun kenthün, lo me kesü kethyü aphu khipe ketekho kethyü sin-o khela lo. 32Sunggigü le Khrista genyu hagun shwi njün-o hagun kemu jü kela hontse hagun ko khinyu khinyu shwi njün-o nyun kenjü gü sen-o kemu jü pe ketsülo chi.
Currently Selected:
EFESANYU 4: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
EFESANYU 4
4
Min Nme Ge Kengü Nme Kethyü
1Tsügenyu ale Npugü genyu dothyü kehügü, hagun no hagun kozen yükeryü hagun keko tsügü nyu yhun kekü thyü binlo tseo hagun ka hi hünyo. 2Hagun npvü hagun rüchün keshen thyülo, ketekho nya, hagun nyunthon lo nnyun kekheni sen-o khinyu khinyu solo. 3Kapugü nyu kengü nme thyü kelo gü zenzin hülo titse kethyü hagun yhenthyülo. 4Min nme, lo Kapue nme, tsühontse hagun keko-e sidyü nme genyu hagun ko kelo le. 5Npu nme, ketenyen nme, baptism nme, 6lo ngun aphu sokebin, lo aphu zen kehü, lo ngun aphu ge kehü ngun aphu Pvügü, tsügü tsüle Sunggigü.
7Ai Khrista le ndo keshü kho, shwikenjün ndo pe ngun aphu tsü laso. 8Tsügenyu,
“A-le tesoki kü kethyü ka,
donyu kechon pe a-sin zen küla;
lo kenrun nyu tha pe temi dan tsü laso,” tsonkethyü zo njü. 9A-le küla tsekethyü jo gü tsüle a-kon le a-le kazü ketsenyo nyu ki yüle tse zo ole? 10A-le aphu ka hülo nrün genyu tsükeryü tsüle tsang aphu so-e kensin gü so. 11Lo a-le khinyu no apostel thyülo tse, khinyu no sidyükesha thyülo tse, khinyu no prosar thyülo tse, khinyu no pastor lo khinyu no senkethyü thyülo tse zoshü. 12Tsüle kenshün nyu ju no gwün ndolo nrün genyu lo KHrista min gü thyü nsolo nrün genyu. 13Tson bin-o ngun aphu ketenyen nyu lo Sunggigü Nyugü rüla kipon kengü nme thyü peshülo-o Khrista yhun kho thyülo nrün genyu. 14Tsüselo tson-o temi do sen-o nthyü nshvu kehü zü kenkhün no nwhün pe likipon hikipon shü nrün senkethyü jo no nkevü kehü ntsenyu hontse loho so. 15Ai keso sen-o jo ketsin zolo, lo tha aphu nyu min kü gü nkehun pe gü Khrista kipon shülo. 16Tson-o a-ge yhun kebin aphu kerhünron no tsüge senküo keren gungü min tsügü thyü kelo genyu kengüo min nme ge zan thokecha kethyü nyu aphu a-kekvu hyu külo njüo yhulo hünyo, tson-o keso genyu chon ketsin soryü hünyo.
Keyhun Whengü Lo Keshüngü
17Npugü nyu ale kezo lo zoshwi keshüle higü hi: Juda kemvunyu le a-kenrun rüchün kehü hontse hagun we tson-o yhunlo shvu. 18Kechamvule anyugun le thasha pe zünla kethyü genyu; lo anyugun nyun kerü genyu shalo mvula-o anyugun le Sunggigü le khi keshü kerhün tsügü nyu anyugun khikho laso. 19Anyugun le kekejo nme shamvu tseo nshün kemvu aphu thyü nyü, keyhun kehio a-npvü a-hope serikemvunyu shü laso.
20Ai hagunle Khrista sha kelo we tsühontse mvu. 21Khrista ge kebin ketsin gü pe hagun senthyü lo hagun le tsü nyülo laso. 22Tsügü tsüle nduka hagun jvü gü, temi whengü, a-npvü a-bokechala kenyü genyu gwamvu ketsin tsin tse kethyü gü tsü rhola. 23Lo Kapu gü nyu hagun nyun no keshün thyünilo. 24Tson-o keyhun keshün gü no hagun thyü pe kentsen kenshün nyu Sunggigü hontse kethyü gü khi benlo chi.
Keyhun Keshüngü Genyu Tejvü
25Tsügenyu hagun lihigüe kenku tsü khela njüo hagun kazon nyu zen-o jo ketsin zo külo chi. Kechamvule ngun le min nme ge zan ketho kechacha genyu. 26Hagun nyun nta-e kezü kemu we thyüla nya. Hagun nyun nta pe tsan yhüko no chela nya. 27Satan bin pha shü nya. 28Nduka rühu kehünyu no rühu ni nya; tsonkethyü gü mvule a-no tha pe rhokedyü nyu tsüzhün lo nrün genyu a-no a-yhen thyüo a-ben lope thakegwa thyülo. 29Kentsü kenchen jo nmeno nmün nyu chwiryü nya, ai hagun jo kenyü nyu no gwalo nrün genyu zokezü ka jo kegwa nti zolo. 30Sunggigü Kapu Kenshün gü kemvu thyü nya; hagun rhinlo nrün jon gü genyu a-le hagun ge mohor vülo laso. 31Hagun me nyun gwünkekhün kethyü jo, shochün shokhü, nyun kenthün, lo me kesü kethyü aphu khipe ketekho kethyü sin-o khela lo. 32Sunggigü le Khrista genyu hagun shwi njün-o hagun kemu jü kela hontse hagun ko khinyu khinyu shwi njün-o nyun kenjü gü sen-o kemu jü pe ketsülo chi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.