EFESANYU 6
6
Menyenyu Lo Mepepvünyu
1Ntsenyu ju, hagun ko Npugü nyu hagun pepvünyu jo zenlo; tsonlo a-zü kethyü genyu. 2Npvü njvü rühvulo chi, tsonlo yatselo hagun le gwa loti. 3Lo hagun rünyi nyue rhünthon loti, jo higü hile thazo kenjü keri gü le.
4Lo mepepvünyu ju, hagun ko hagun nyenyu nyun gwünkekhün nya; tsonkethyü gü mvule Npugü kenyü kethyü tson ketsin lo gwalo mvulo keshvu zope anyugun senthyü lochi.
Gonyu Lo Npunyu
5Tegonyu ju, hagun ko Khrista ge thyü keshü hontse hagun nyun njü-o hagun sokekvu kebin hagun npunyu kenyü kemvu thyü kela nshvu sa tseo tsüdan jo kezen nyu thyülo nye. 6Me kehyu ka me kenyü thyü kehünyu jvü hontse la mvule Khrista gonyu, nyun ketsin thyü Sunggigü kenyüthyü kehünyu dan jvü hontse lo chi. 7Tson-o temi genyu mvule Npugü genyu hontse hagun shekerhün thyüo hagun tho thyülo. 8Hagun le do metse do kemvu metse tha kegwa thyü kehü tsü aphu Npugü ki tha tsü aphu hyunilo ti tsekethyü jo higü hi shalo nye.
9Lo npunyu ju, hagun ko anyugun ge tsü hontse thyülo, lo anyugun kesü kedün shü nyü bin-e hagun kekhenilo, kechamvule anyugun lo hagun Npugü le tsangge bin, lo a-le temi nme so kecha thyü hümvu tsekethyü hagun ai sha bin kela genyu.
Khristianyu Teri Ronye
10Jo kekhin gü le, Npugü lo a-kekvu kedanyu nko bin lo chi. 11Satan tedo nshün kemvu dan zenkenren binlo nrün genyu Sunggigü ka hyu kelo teri ronye aphu khipvülo chi. 12Kechamvule nle zen kega kehü le temi mvule kedanyu, kekvu nyu, lo hizonka kazü nyu kehünyu sokeda thyü kehünyu, lo tsang lo kazü hvu janyu kehü nshün kemvu kapu-e zen kega hünyo. 13Tsügenyu hagun semen keryü nyü kega binlo nrün genyu Sunggigü ka hyu kelo teri ronye sen külo; tson-o sen külo lo sobin lo.
14Ketsin gü pe hagun senphin pvülo, kentsen keseri shüntyü khi lulo. 15Kegwa thyükela jolokegwa gü pe senthyü lo tseo hagun tenyen keshü gü tsü pe hagun phaje thyülo, 16lo aphu nyeki a-jvü gwakemvu gü, mah pe levü tsi kethyü aphu bokemhü lalo gwa nrün genyu ketenyen gida khipvülo. 17Kenikelogü tsü khipe hagun perün thyülo, lo Kapugü ka hyu kelo zhethon gü, tsüle Sunggigü jo gü, tsü khilo. 18Hagun Kapugü nyu lihi gwünkho ka-e hibin lo, tson-o kenshün nyu aphu genyu khela mvu lo hisin hisheo perhin perho binlo chi. 19Tson-o jolokegwa jo kentsun gü pe zo titseo a mün kvu keshü ka ano pecheo zoshülo nrün genyu agenyu-e hibin lo. 20Kechamvule jolokegwa gü kezo ka ano pecheo zokezü nyu tsü zoshülo nrün genyu.
Kelu Keshü Jo Kekhin
21Hagun no ale nyu tsethyü binyo lo nyuthyü bin yo tsekethyü arüla shalo nrün genyu Tukika joketsin zo-o Npugü lothyü kehü gü, asikezen gü asokegwa gü le a-npvü tha aphu zope hagun hishü ti. 22Lo hagun no arüla shalo nrün genyu, lo a-no hagun nyun thukeyhun shülo nrün genyu ale a-nipe hagun ka shüle nye.
23A pvünyu ju, hagun kegwa gü thyü binlo, Npvü Sunggigü lo Npugü Jisu Khrista kanyu ketenyen keri kethyü keso gü no hagun zen binlo. 24Shwikenjün gü no Npu Jisu Khrista so rühvu ketsin thyü kehünyu aphu zen bin kelogü thyülo.
Currently Selected:
EFESANYU 6: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
EFESANYU 6
6
Menyenyu Lo Mepepvünyu
1Ntsenyu ju, hagun ko Npugü nyu hagun pepvünyu jo zenlo; tsonlo a-zü kethyü genyu. 2Npvü njvü rühvulo chi, tsonlo yatselo hagun le gwa loti. 3Lo hagun rünyi nyue rhünthon loti, jo higü hile thazo kenjü keri gü le.
4Lo mepepvünyu ju, hagun ko hagun nyenyu nyun gwünkekhün nya; tsonkethyü gü mvule Npugü kenyü kethyü tson ketsin lo gwalo mvulo keshvu zope anyugun senthyü lochi.
Gonyu Lo Npunyu
5Tegonyu ju, hagun ko Khrista ge thyü keshü hontse hagun nyun njü-o hagun sokekvu kebin hagun npunyu kenyü kemvu thyü kela nshvu sa tseo tsüdan jo kezen nyu thyülo nye. 6Me kehyu ka me kenyü thyü kehünyu jvü hontse la mvule Khrista gonyu, nyun ketsin thyü Sunggigü kenyüthyü kehünyu dan jvü hontse lo chi. 7Tson-o temi genyu mvule Npugü genyu hontse hagun shekerhün thyüo hagun tho thyülo. 8Hagun le do metse do kemvu metse tha kegwa thyü kehü tsü aphu Npugü ki tha tsü aphu hyunilo ti tsekethyü jo higü hi shalo nye.
9Lo npunyu ju, hagun ko anyugun ge tsü hontse thyülo, lo anyugun kesü kedün shü nyü bin-e hagun kekhenilo, kechamvule anyugun lo hagun Npugü le tsangge bin, lo a-le temi nme so kecha thyü hümvu tsekethyü hagun ai sha bin kela genyu.
Khristianyu Teri Ronye
10Jo kekhin gü le, Npugü lo a-kekvu kedanyu nko bin lo chi. 11Satan tedo nshün kemvu dan zenkenren binlo nrün genyu Sunggigü ka hyu kelo teri ronye aphu khipvülo chi. 12Kechamvule nle zen kega kehü le temi mvule kedanyu, kekvu nyu, lo hizonka kazü nyu kehünyu sokeda thyü kehünyu, lo tsang lo kazü hvu janyu kehü nshün kemvu kapu-e zen kega hünyo. 13Tsügenyu hagun semen keryü nyü kega binlo nrün genyu Sunggigü ka hyu kelo teri ronye sen külo; tson-o sen külo lo sobin lo.
14Ketsin gü pe hagun senphin pvülo, kentsen keseri shüntyü khi lulo. 15Kegwa thyükela jolokegwa gü pe senthyü lo tseo hagun tenyen keshü gü tsü pe hagun phaje thyülo, 16lo aphu nyeki a-jvü gwakemvu gü, mah pe levü tsi kethyü aphu bokemhü lalo gwa nrün genyu ketenyen gida khipvülo. 17Kenikelogü tsü khipe hagun perün thyülo, lo Kapugü ka hyu kelo zhethon gü, tsüle Sunggigü jo gü, tsü khilo. 18Hagun Kapugü nyu lihi gwünkho ka-e hibin lo, tson-o kenshün nyu aphu genyu khela mvu lo hisin hisheo perhin perho binlo chi. 19Tson-o jolokegwa jo kentsun gü pe zo titseo a mün kvu keshü ka ano pecheo zoshülo nrün genyu agenyu-e hibin lo. 20Kechamvule jolokegwa gü kezo ka ano pecheo zokezü nyu tsü zoshülo nrün genyu.
Kelu Keshü Jo Kekhin
21Hagun no ale nyu tsethyü binyo lo nyuthyü bin yo tsekethyü arüla shalo nrün genyu Tukika joketsin zo-o Npugü lothyü kehü gü, asikezen gü asokegwa gü le a-npvü tha aphu zope hagun hishü ti. 22Lo hagun no arüla shalo nrün genyu, lo a-no hagun nyun thukeyhun shülo nrün genyu ale a-nipe hagun ka shüle nye.
23A pvünyu ju, hagun kegwa gü thyü binlo, Npvü Sunggigü lo Npugü Jisu Khrista kanyu ketenyen keri kethyü keso gü no hagun zen binlo. 24Shwikenjün gü no Npu Jisu Khrista so rühvu ketsin thyü kehünyu aphu zen bin kelogü thyülo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.